ԱԳ փոխնախարար Ռուբինյանն Ադրբեջանի իշխանությունների կողմից արված հայտարարությունների մասին

Նախօրեին Ադրբեջանի պաշտպանության նախարար Զաքիր Հասանովը եւ Ադրբեջանի ԱԳՆ խոսնակ Հիքմեթ Հաջիեւը հանդես են եկել գրեթե նույնաբովանդակ հայտարարություններով: Երկուսն էլ խոսել են այն մասին, որ Ադրբեջանի զինված ուժերը պատրաստվում են հայերի կողմից «իրենց պատկանող օկուպացված տարածքները հետ բերել»: Հաջիեւը իր խոսքում նշել է, որ, ըստ էության, իրենց նպատակը հայկական տարածքների վրա հարձակումն ու դրանց գրավումն է:

ՀՀ արտաքին գործերի նախարարի տեղակալ Ռուբեն Ռուբինյանից պարզաբանում ստացանք, թե ի՞նչ է ձեռնարկել ԱԳՆ-ն ի պատասխան Ադրբեջանի հայտարարությունների:

- Պարոն Ռուբինյան, Ադրբեջանի պաշտպանության նախարար Զաքիր Հասանովը եւ Ադրբեջանի ԱԳՆ խոսնակ Հիքմեթ Հաջիեւը հայտարարել են Արցախում ռազմական գործողություններ սկսելու իրենց մտադրության մասին, ԱԳՆ-ն ինչ-որ կերպ պատասխանելո՞ւ է այդ հայտարարություններին:

- Ադրբեջանը բազմիցս է նման հայտարարություններ արել: Այսինքն, Ադրբեջանը աչքի է ընկնում ռազմական, ռազմաշունչ հռետորաբանությամբ: Նրանք անընդհատ խոսում են պատերազմի վերսկսման մասին, եւ մեր դիրքորոշումն այն է, որ այսպիսի հռետորաբանությունը չի նպաստում տարածաշրջանում կառուցողական մթնոլորտի ստեղծմանը եւ չի նպաստում ԵԱՀԿ Մինսկի խմբի համանախագահության ներքո հաջող եւ արդյունավետ բանակցությունների վարմանը: Լավ կլիներ, որ ԵԱՀԿ Մինսկի խմբի համանախագահները Ադրբեջանի ղեկավարությանը հայտնեին, որ նման հայտարարությունները ոչ մի կերպ չեն նպաստում խաղաղ բանակցությունների ընթացքին:

- Հայկական կողմը ԵԱՀԿ Մինսկի խմբի համանախագահներին դիմե՞լ է արդեն այս հայտարարությունների հարցով:

- Այս հայտարարությունը դեռ նոր է եղել: Մենք կքննարկենք, թե ինչ ճանապարհով կարձագանքենք սրան, բայց ես ուզում եմ ասել, որ ցանկացած դեպքում ՀՀ ԶՈՒ-ն ցանկացած ոտնձգության շատ կոշտ արձագանք ցույց կտա:

- Կարելի՞ է համարել, որ սա բացահայտ սպառնալիք է Ադրբեջանի կողմից, Հայաստանին եւ Արցախին:

- Ադրբեջանը միշտ էլ աչքի է ընկել ռազմաշունչ հայտարարություններով, ապակառուցողական հայտարարություններով, սակայն մենք վստահ ենք մեր զինված ուժերի կարողությունների վրա: Բայց մենք նաեւ պետք է հաշվի առնենք, որ Ադրբեջանի այս հայտարարությունները բազմիցս արվել են օդում:

 - Հնարավո՞ր է, որ Ադրբեջանի սպառազինությունն արդեն այն մակարդակի է հասել, որ նրանք առանց վախենալու նմանատիպ հայտարարություններ են անում:

- Կրկնում եմ, Ադրբեջանը բազմիցս արել է նման հայտարարություններ, բանակցային գործընթացը խոչընդոտող հայտարարություններ, բայց ՀՀ ԶՈՒ-ն կարող է եւ պատրաստ է դիմակայել ցանկացած գործողության, ցանկացած սադրանքի, որը կլինի Ադրբեջանի կողմից:

- Այս պահին Ռուսաստանի Դաշնության հետ հարաբերությունները ի՞նչ մակարդակի վրա են, արդյո՞ք մեր ռազմավարական գործընկերը պատրաստ է հնարավոր ռազմական գործողությունների դեպքում միջամտել:

- Հայ-ռուսական հարաբերությունները շատ բարձր մակարդակի վրա են, եւ մենք վստահ ենք, որ Ռուսաստանը կկատարի բոլոր դաշնակցային պարտավորությունները, ինչպես եւ մենք ենք պատրաստ կատարել մեր բոլոր դաշնակցային պարտականությունները` անհրաժեշտության դեպքում:

Տպել
2006 դիտում

ԵՊՀ միջազգային հարաբերությունների ֆակուլտետի փոխդեկան Արթուր Իսրայելյանն ընտրվեց ԵՊՀ հոգաբարձուների խորհրդի քարտուղար

Հ. Գրիգորյանն օգտվում է քաղաքապետարանի որոշ աշխատակիցների հանցավոր հովանավորչությունից. բաց նամակ Հայկ Մարությանին

ԵՊՀ հոգաբարձուների խորհրդի առաջին նիստը, երբ գլխավոր մասնաշենքը շրջափակված չէ. Արայիկ Հարությունյան

Վանաձոր-Ալավերդի. կձեռնարկվեն միջոցներ բնակչությանը պատճառվող անհարմարությունները բացառելու ուղղությամբ

ԵՊՀ հոգաբարձուների խորհուրդը նոր նախագահ  եվ նոր քարտուղար ունի

Երեւանի պետական համալսարանը հոգաբարձուների խորհրդի նախագահ ընտրեց․ միաձայն ընտրվեց Գեւորգ Մուրադյանը

Այս տարի ՀՀ-ում կստեղծվի էլեկտրական մեքենաների լիցքավորման կայանների ցանց. կառավարություն (տեսանյութ)

Չլուծվող Կուրիլյան կղզիների խնդիրը. այսօր կհանդիպեն Վլադիմիր Պուտինը եւ Սինձո Աբեն

Գլոբալացման չորրորդ ալիքը պետք է լինի մարդակենտրոն. այսօր բացվում է Դավոսի համաժողովը

Ոստիկանները հայտնաբերել են Երևանի Ազատության պողոտայում կրակողին (տեսանյութ)

Ոստիկանները բացահայտել են «varks.am»-ի մասնաճյուղերում կատարված կողոպուտները. կասկածյալը ձերբակալվել է

«Սուրբ Գրիգոր Լուսավորիչ» ԲԿ-ն զգուշացրել է շտապօգնությանը՝ իրենց մոտ հիվանդ չտանել. տեղ չունեն

Ու՞մ է պետք փոխմարզպետի պաշտոնը, այն էլ՝ միանգամից 3-ը. Մարուքյանն առաջարկում է կրճատել փոխմարզպետների թիվը

Գորիս-Սիսիան ճանապարհին տեղ-տեղ մերկասառույց է, Վարդենյաց լեռնանցքը փակ է բեռնատարերի համար

Մեղրիի մաքսակետում կանխվել է թմրամիջոցների ներկրման հերթական փորձը

Եվրամիությունը Ռուսաստանի և Սիրիայի դեմ նոր պատժամիջոցներ է հաստատել․ «Ամերիկայի ձայն»

3 անգամ դատապարտված անձը փողոցային առեւտրի է դրդել 14-ամյա դեռահասի. Հայկ Մարության

Մոտ 3 ամսից կլինեն նոր դրոշմապիտակներ՝ ավելի ամուր կպչող, պոկվելիս էլ ավելի անվտանգ. նախարար

Մաղթում եմ ձեզ թավշյա հեղափոխություն` ձեր իսկ բարօրության համար. Մարուքյանը` ադրբեջանցիներին (տեսանյութ)

Խոշոր վթար Արմավիր-Սարդարապատ ճանապարհին. կան տուժածներ, 2 զոհ