ՀՀ ԱԻՆ-ը կհամալրվի նոր հրշեջ-փրկարարական գույքով

22/06/2018 schedule21:45

Հունիսի 22-ին ՀՀ արտակարգ իրավիճակների նախարար Հրաչյա Ռոստոմյանն ընդունել է Ճապոնիայի միջազգային համագործակցության գործակալության (JICA) Ուզբեկստանի գրասենյակի ղեկավար Տակասակա Մունեոյին եւ գրասենյակի ներկայացուցիչ Օմորի Շունին: Այդ մասին տեղեկանում ենք ՀՀ ԱԻՆ պաշտոնական կայքից:

Հանդիպման ընթացքում քննարկվել են ՀՀ ԱԻՆ եւ Ճապոնիայի միջազգային համագործակցության գործակալության միջեւ արդեն առկա համատեղ ծրագրերի իրագործման շարունակականության ապահովումը եւ համագործակցության նոր ծրագրերի մշակման հնարավորությունները:

Անդրադառնալով համատեղ ընթացիկ աշխատանքներին՝ ճապոնական կողմը վերահաստատել է, որ արդեն իսկ ձեռք բերված պայմանավորվածության համաձայն՝ 2019թ.-ի մայիս, նոյեմբեր եւ փետրվար ամիսներին ՀՀ արտակարգ իրավիճակների նախարարությունը կհամալրվի նոր հրշեջ-փրկարարական մեքենաներով եւ գույքով: 2018թ.-ի երկրորդ կիսամյակում արդեն կմեկնարկի «Աղետների ռիսկի կառավարման նպատակով ճգնաժամային հաղորդակցության եւ հանրային իրազեկման բարելավման» ծրագիրը: Ծրագրի հիմնական նպատակն է հանրային իրազեկման ճիշտ քաղաքականության եւ մեխանիզմների կիրառմամբ նպաստել երկրում աղետների ռիսկի նվազեցմանը: Նախատեսվում է հիմնել եւ տեխնիկապես հագեցնել ուսումնական կենտրոն, որտեղ աղետների մասին ուսանելու եւ տարատեսակ աղետների ժամանակ անհրաժեշտ վարքականոններին ծանոթանալու հնարավորություն կունենան հանրության բոլոր թիրախային խմբերը: Ծրագրի կարեւոր բաղադրիչներից է նաեւ Հայաստանի ԶԼՄ-ների ներկայացուցիչների՝ աղետներն ու արտակարգ իրավիճակները լուսաբանելու ուղղությամբ վերապատրաստվելու հնարավորությունը:

Շնորհակալություն հայտնելով Ճապոնիայի միջազգային համագործակցության գործակալությանը երկար տարիների արդյունավետ համագործակցության համար՝ նախարար Ռոստոմյանն անդրադարձել է հետագա համագործակցության հնարավոր ձեւաչափին: ԱԻ նախարարը ներկայացրել է արտակարգ իրավիճակների համակարգի զարգացման առաջնային ուղղությունները՝ աղետների ռիսկի նվազեցմանն ու կանխարգելմանն ուղղված ծրագրերի իրականացում եւ ՀՀ արտակարգ իրավիճակների նախարարության ավիացիայի ստեղծում, մասնավորապես՝ ուղղաթիռների ձեռքբերում՝ որոնողափրկարարական, հրդեհաշիջման աշխատանքների իրականացման եւ դժվարամատչելի վայրերից անհրաժեշտության դեպքում մարդկանց բուժհաստատություն տեղափոխելու նպատակով:

Հանդիպման ավարտին կողմերը պատրաստակամություն են հայտնել ապահովել ընթացիկ ծրագրերի իրագործումը, ինչպես նաեւ՝ զարգացման նոր ծրագրեր մշակելու նպատակով իրականացնել արտակարգ իրավիճակների համակարգի կարիքների ուսումնասիրություն:

Տպել
1506 դիտում

Շիրակի մարզի Բավրա և Եղնաջուր գյուղերում բուք է. Լարսը շարունակում է փակ մնալ 286 մեքենայի համար

«Էրեբունի» թանգարանի տնօրենի մրցույթին 5 թեկնածու է մասնակցել, բայց ոչ ոք չի հաղթել

«Բավական ծանոթ եմ մարզի խնդիրներին». Հայկ Չոբանյանը Տավուշի մարզպե՞տ կնշանակվի

Միքայել Մինասյանը կենդանության նշաններ է ցույց տալիս. Սերժ Սարգսյանի փեսայի հետ ԱԺ-ում համաձայն չեն

Ավան հոգեկան առողջության կենտրոնում հետազոտվող զինակոչիկները տակնուվրա են արել հիվանդասենյակը

Ֆրանսիայում հայկական մաֆիայի անդամներ են ձերբակալվել

Արարատի մարզի Ոստան գյուղում հայտնաբերվել է 82 մմ-անոց ականանետի արկ՝ չպայթած վիճակում

Մանկապարտեզի 6 դաստիարակները, թողնելով 103 երեխաներին, եկել են համայնքապետարան. պարզաբանում

Եռալեզու տարբերակով տպագրվել է հոգեբուժարանների խնդիրների վերաբերյալ Պաշտպանի զեկույցը

Սփյուռքի հետ հարաբերությունները պետք է համակարգի վարչապետի աշխատակազմը, 2 նախարարություն մի հարցով չպետք է զբաղվեն

Հունվարի 19-23-ը սպասվում է առանց տեղումների եղանակ

Մհեր Գրիգորյանը նախագահել է ԵԱՏՀ խորհրդի այս տարվա անդրանիկ նիստը

Ռոբերտ Քոչարյանի պաշտպանները մինչ դատարանի որոշումը Վերաքննիչ բողոք են ներկայացրել

Լրատվամիջոցների ներկայացուցիչներն այցելել են ԶՈՒ կենտրոնական պարենային և իրային բազաներ

Սերժ Սարգսյանը ե՞րբ է հեռացել ակտիվ քաղաքականությունից. Էդուարդ Շարմազանով

Freedom House-ը գնահատել է համացանցի ազատությունը. ՀՀ-ն «մասամբ ազատից» դարձել է «ազատ»

Մարզերում ձյան շերտում արգելափակված տասնյակ մեքենաների ու քաղաքացիների է օգնություն ցուցաբերվել

Հայաստանյան և բրիտանական քաղաքները համագործակցության մեծ ներուժ ունեն. հանդիպում դեսպանի հետ

«Նեմրան» հերքում է, որ կիրակիներին նվագում է ինչ-որ կրոնական կազմակերպության համար

Ծառայողական անփութությու՞ն, թե՞ ռազմաքաղաքական հանցագործություն