Անհամբեր սպասում եմ Քոչարյանի ձերբակալությանը. Սարգիս Քլոյան

Արդեն սկսել են Մարտ 1-ի գործով նոր բացահայտումեր ու զարգացումներ տեղի ունենալ: Երեկ՝ հուլիսի 3-ին, որոշում է կայացվել ՀՀ պաշտպանության նախկին նախարար, գեներալ-գնդապետ Միքայել Հարությունյանին ՀՀ քրեական օրենսգրքի 300.1-ին հոդվածի 1-ին մասով ներգրավել որպես մեղադրյալ եւ կալանավորել, իսկ Ռոբերտ Քոչարյանը հրավիրվել է ՀՀ հատուկ քննչական ծառայություն՝ հարցաքննության: Մարտիմեկյան դեպքերի բացահայտման ու տեղի ունեցող իրադարձությունների մասին «Հայկական ժամանակ»-ը զրուցեց Մարտի 1-ի զոհերից Գոռ Քլոյանի հոր՝ Սարգիս Քլոյանի հետ: Վերջինս հույս հայտնեց, որ գործը շուտով ամբողջությամբ կբացահայտվի ու մեղավորները կպատժվեն:

- Պարոն Քլոյան, սպասու՞մ էիք, որ իշխանափոխությունից հետո դեպքերն այսքան արագ կզարգանան ու բացահայտումները կսկսվեն:

- Ճիշտն ասած, չէի սպասում այսքան արագ, բայց սպասում էի, որ կձերբակալեն կամ կկանչեն հարցաքննությունների: Բայց ոչ այսքան արագ:

- Ի՞նչ եք կարծում, լիարժեք քննություն ու բացահայտումներ կլինե՞ն՝ հաշվի առնելով, որ գուցե շատերը զգալով վտանգը՝ գնացել են երկրից:

- Նրանց բերելը իրենից դժվարություն չի ներկայացնում: Հիմա մենք այնպիսի ժամանակներում ենք ապրում, որ մի շաբաթվա ընթացքում կարող են հայտնաբերել: Երկրում չլինելը հիմա նշանակություն չունի: Միգուցե իրենց աշխատանքով են, Ռոբերտ Քոչարյանը ոնց որ թե աշխատում է Մոսկվայում: Բերելը դժվար չէ: Ես վստահ եմ, հավատում եմ, որ բացահայտվելու է Մարտի 1-ը, ամբողջովին: Մեղավորները պատժվելու են, կանգնելու են դատարանի առաջ, մանավանդ մեր երեխաներին սպանողները: Վարչապետը լավ աշխատում է: Վարչապետի հետ, ինչպես գիտեք, տասը տարի մի նավի վրա ենք եղել, միասին ենք պայքարել անօրինական իշխանության դեմ. եւ փառք Աստծո, հիմա ամեն ինչ բարեհաջող է անցնում, սպանությունները բացահայտվում են:

- Պարոն Քլոյան, գործի նոր քննությունից հետո Ձեզ հրավիրե՞լ են հարցաքննության:

- Ոչ, մեր տուն եկել են Ազգային անվտանգությունից, որպեսզի օժանդակեն Հատուկ քննչական ծառայությանը: Մի քանի հարցեր են տվել, սիրով պատասխանել ենք:

- Իսկ ե՞րբ են եկել, Քոչարյանին հարցաքննության կանչելուց եւ Միքայել Հարությունյանին ձերբակալելու որոշում կայացնելուց հետո՞:

- Ավելի շուտ, մոտ տասը օր առաջ: Հետո, երբ մեր փաստաբանը մեզ կասի, միասին կգնանք ՀՔԾ:

- Մյուս զոհերի ծնողներին է՞լ չեն կանչել հարցաքննության, տեղյա՞կ եք:

- Չեն կանչել: Մենք ՀՔԾ-ի հետ ամեն օր կապի մեջ ենք: Վաղը երեւի պետք է հանդիպենք փաստաբան Վահե Գրիգորյանի հետ, կխոսենք հետագա քայլերի մասին:

- Պարոն Քլոյան, Դուք տեղեկություն ունե՞ք՝ Ոստիկանության ներքին զորքերի նախկին հրամանատար Գրիգոր Գրիգորյանը հարցաքննվե՞լ է արդեն:

- Չէ, կարծեմ չի հարցաքննվել: Համացանցում ասում էին՝ հարցաքննել են, հետո այդ տեղեկությունը հերքեցին: Ես տեղեկություն չունեմ, չեմ կարող ճիշտ ասել:

- Ըստ Ձեզ՝ ՀՔԾ-ի հետագա քայլերը որո՞նք պետք է լինեն:

- Դա բաց իրողություն է: Հետագա քայլերը հարցաքննություններն ու ձերբակալություններն են՝ ոստիկանապետ Հայկ Հարությունյան, Սերժ Սարգսյան, Գրիգոր Գրիգորյան, Տիգրան Թորոսյան՝ ԱԺ նախկին նախագահ, նախկին ԱԳՆ Վարդան Օսկանյան, ներքին զորքերի շտաբի պետերը, շտաբի պետերի օգնականները, որոնք անմիջապես հրաման են տվել: Պետք է ձերբակալել ձգան քաշողներին, մարդասպաններին: Այդպես շարունակ: Անհամբեր սպասում եմ Քոչարյանի ձերբակալությանը:

2008 թվականի մարտի մեկի, լույս երկուսի գիշերը մայրաքաղաք Երեւանի կենտրոնում սպանվել է տասը քաղաքացի՝ երկու ոստիկան եւ ութ քաղաքացիական անձ: Մինչ օրս այս սպանությունների համար որեւէ մեկը չի դատապարտվել:

Մարտի մեկի տասը զոհերն են՝

Գոռ Քլոյանը

Դավիթ Պետրոսյանը

Տիգրան Աբգարյանը

Տիգրան Խաչատրյանը

Արմեն Ֆարմանյանը

Հովհաննես Հովհաննիսյանը

Համլետ Թադեւոսյանը

Գրիգոր Գեւորգյանը

Սամվել Հարությունյանը

Զաքար Հովհաննիսյանը

Տպել
9222 դիտում

Ղազախստանի թղթադրամների եւ մետաղադրամների վրա այսուհետ չեն լինի ռուսերեն գրառումներ

Պետական մակարդակով կազմակերպած երթը ոճրագործության բացահայտման քայլերից մեկն է. Մարտի 1-ի զոհերի հարազատներ

Հուլիսի 1-ից կարգելվի պոլիէթիլենային տոպրակների անվճար տրամադրումը, 3 տարի անց՝ վաճառքը

Ջավախքի Հեշտիա գյուղում ԱրՄաթ ինժեներական լաբորատորիա է բացվել

Մուշուրբան, պարկապզուկը, կոխն ու որդան կարմիրը՝ մշակութային ժառանգության նոր արժեքներ

Վարչապետին ճիշտ են ասել. Մարտի 1-ի գործը ջուր է. Յուրի Խաչատուրովի պաշտպան

Լաս Վեգասը մեզ համար լոկ խաղատների աշխարհ չէ. Մխիթար Հայրապետյան

Օրը ցերեկով մեքենա ջարդուխուրդ անող երիտասարդներից մեկը քիչ առաջ 1 միլոն 500 հազար դրամ գրավի դիմաց ազատ է արձակվել

Հայաստանը և Սուրբ Աթոռը հանդես կգան գիտակրթական ու մշակութային համատեղ նոր ծրագրերով

Ըմբիշ Միհրան Հարությունյանը կարծում է, որ իրեն չեն ցանկանում տեսնել ՀՀ հավաքականում

Իմ սպասումն է, որ ժողովրդի կարիքները հանգրվանային կերպով իրագործվեն. Արամ Ա-ն՝ Նիկոլ Փաշինյանին (տեսանյութ)

Դադարեք անհանգստացնել հացադուլն ընդհատելու հորդորներով. Գալստյանը մտահոգներին առաջարկում է աջակցել նշված հաշվեհամարներով

Մեկնարկեց Գաստիկի, Ծըգլի եւ Տլեի գործով վերաքննիչ բողոքների քննությունը. նրանց համար ցմահ ազատազրկում են պահանջում

«Շախմատ» առարկայի դասավանդման կողմնակից եմ. Արայիկ Հարությունյան

Հայտարարություն մրցույթի մասին

Որեւէ վախ չկա, չի էլ կարող լինել եւ տղաները վստահորեն վերահսկում են իրավիճակը. Բաբայանը` Պողոսյանի գրառման մասին

Զինկոմի տեղակալը առանց բուժզննման զինգրքույկ է խոստացել՝ 1000 դոլարի դիմաց. ԱԱԾ բացահայտումը (տեսանյութ)

Արարատ Միրզոյանի գլխավորած պատվիրակությունը կմեկնի Մոսկվա

Անթույլատրելի է այս տարածաշրջանում «յոլա գնալու» տրամաբանությամբ ապրել. Փաշինյանը կարեւորում է ռազմարդյունաբերությունը

Մաքսատուրքերի ժամանակավոր վերացում. Մհեր Գրիգորյանը նախագահում է ԵԱՏՀ խորհրդի հերթական նիստը