Երգչուհի Սյուզան Մարգարյանը ուշագրավ մանրամասներ է պատմում Նադեժդա Սարգսյանի մասին

Երեկ Կոնդի Սուրբ Հովհաննես եկեղեցում տեղի ունեցավ սիրված երգչուհի, ՀՀ վաստակավոր արտիստ Նադեժդա Սարգսյանի հոգեհանգստի արարողությունը:

Նադեժդա Սարգսյանի մահվան բոթը ցավով էին ընդունել բոլոր նրան ճանաչողները, նրա ուսանողները, մտերիմներն ու ընկերները: Հոգեհանգստի արարողությանը ներկա էր Նադեժդա Սարգսյանի ամենամտերիմ ընկերուհիներից՝ երգչուհի, ՀՀ վաստակավոր արտիստ Սյուզան Մարգարյանը: Սյուզան Մարգարյանն ասաց, որ 40 տարվա ընկերություն են ունեցել, բազմաթիվ լավ եւ վատ օրեր են միասին անցկացրել, եւ որ մոռանալ պարզապես անհնար է:

«Կան մարդիկ, որոնց հետ մահը կապ չունի, Նադյան այդ տեսակներից էր, աննկարագրելի պայքարող էր: 8 տարի կրեց իր մեջ այդ սարսափելի հիվանդությունը, բայց մի այսպիսի հատկություն ուներ, չէր ուզում երբևէ որևէ մեկը նկատեր իր թուլությունը կամ տկարությունը, իր վիճակը չէր ուզում, որ նկատեին: Ինչքան հարցնում էինք, ասում էր՝ լավ եմ, ես շատ լավ եմ, ինձ ի՞նչ է եղել, ես հաղթելու եմ այս հիվանդությանը»,- պատմեց Սյուզան Մարգարյանը: Նշեց, որ անգամ պահեր են եղել, որ ուրախությունից ու վախից ինքն է սաստել Նադեժդա Սարգսյանին, որ վերջինս քիչ բարձրաձայնի իր լավ լինելու մասին: «Ասում էի՝ չափավոր ասա, վախենում էի, այդ պահերին մի տեսակ սնահավատություն է մարդուն պատում»:

Վերջինս ապշած էր, թե ինչպես է ծանր հիվանդ պառկած վիճակում էլի փորձել կամքի ուժ դրսևորել: «Իր տեսակը, խառնվածքը ուրիշ էր, ինքը պիտի լիներ ուշադրության կենտրոնում, ինքը պիտի ինչ-որ տրամադրություն ստեղծեր: Բոլորս գիտենիք՝ ինչ է սպասվում, բայց միևնույն է՝ չէինք հավատում: Չէինք կարողանում իր մասին առանց ծիծաղի, առանց արկածները հիշելու խոսել»,- ասաց Սյուզան Մարգարյանը:

Վստահություն հայտնեց, որ երջանկահիշատակ ընկերուհին իր տեսած մարդկանցից ամենաուժեղն էր. «Իրոք, ուժեղ էր, ես չգիտեմ նման ախտորոշմամբ մարդիկ ինչքան են ապրում, համենայնդեպս: Դեռ էն սկզբնական ժամանակ, երբ ես բժշկի հետ խոսեցի, ասաց՝ կներես վատ բան եմ ասելու ու հայտնեց հիվանդությունը: Բայց ժամանակն անցնում էր, ու ես մտածում էի՝ այս ինչ է, հրաշք է կատարվում, բժիշկներն էլ են սխալվում: Փառք աստծո, որ տեսավ իր միակ զավակի ամուսնությունը, երջանկությունը, տեսավ թոռնիկներին, ուրախալի պահեր շատ ունեցավ, ուղղակի շատ լավ կլիներ, որ կարողանար ապրել ու լիաթոք վայելել»:

Սյուզան Մարգարյանն ասում է՝ Նադեժդա Սարգսյանը աշխատանքի մարդ էր՝ հենց սկսում էր գործից խոսել, զարթնում էր, առողջանում էր, առույգանում: Շատ դժվար է եղել վերջին օրերին, երբ թվում էր, թե գիտակցում է, բայց ահռելի հավատ է ունեցել մինչև վերջ: «Մահվանից ընդամենը երեք օր առաջ երգ էր բեմադրում, նայում էր «Եվրատեսիլ»-ի համար ինչ պիտի արվի, ինչպես պիտի արվի: Ձեռքերը չէր բարձրացնում, բայց պարը ցույց տալիս ոնց էր բարձրացրել ու ցույց էր տալիս: Ես գիտեմ, որ կան նման մարդիկ, որ նման մեծ հավատ ունեն: Նադյան էլ չէր կոտրվում, չէր ուզում իր թուլությունը երևար»,-ասաց Սյուզան Մարգարյանը:

Շատ մեծ կորուստ է, ոչ միայն մտերիմների, այլև հայ ազգի համար, որովհետև շատ անելիք ուներ: «Ինձ վերջերս հարցրեցին, թե ինչ կիսատ թողեց Նադյան, ես ասացի, որ եթե անգամ 100 տարի ապրեր, միևնույն է՝ նա այն տեսակն էր, որ կիսատ էր թողնելու: Նա գտնում էր, կարողանում էր իր համար գտնել, ուներ իր թեմաները, իր ասելիքը, անելիքը: Կարողանում էր թե՛ ուսանողների հետ, թե՛ բոլորի:

Պատմում է, որ առօրյա կյանքում պահանջկոտ չէր, բայց գործի մեջ էր պահանջկոտ: Կարող էր բորբոքվել, իրենից դուրս գալ, բայց հետո շուտ փոշմանել: Իրեն չիմացողը կարող էր ասել, որ կռվարար է: «Երևի այդ պահանջկոտությունը նրանից էր, որ շատ էր էներգիա տալիս եւ պահանջում էր, հետաքրքիր տեսակ էր, վառ գույն էր: Մեր կողքին է այսօր մեր վաղամեռիկ ընկերուհու՝ Անժելիկա Թոփալյանի դուստրը, ցավոք սրտի հերթով հեռանում են մեզնից՝ Անժելիկան, Էլվինան Մակարյան, Վարդուհին Վարդանյան, չգիտեմ, շատ դժվար է»,- եզրափակեց Սյուզան Մարգարյանը: 

Տպել
13055 դիտում

2 մեդալով. Հունահռոմեական ոճի ըմբիշները վերադաձան Հայաստան

Հափշտակվել է շուրջ 9.3 մլն դրամ. ՔԿ-ն պաշտոնապես հաստատել է Հրայր Թովմասյանի սանիկի ձերբակալությունը

Հույս ունեմ՝ վերջում չի պարզվի, որ նորից ՇՄԱԳ պետք է անենք, նոր մաքսատունը բացենք. վարչապետը կատակեց

Հայրենակիցներին կոչ եմ անում ակտիվ մասնակցել, քանի որ սա կարեւոր միջոցառում է. վարչապետ

Հայկական ԱԷԿ-ը կարող է հանգիստ աշխատել մինչև 2026 թվականը. Վլադիմիր Բրեդով

Վանաձորում քիչ առաջ կրակոցներ են հնչել. մեկ անձ վիրավորվել է

Համակարգի շնորհիվ կապահովվի երեխայի սահուն անցումը նախադպրոցական համակարգից դպրոցական համակարգ. Արայիկ Հարությունյան

Կառավարությունը 168 մլն դրամ հատկացրեց մարզերում ջրամատակարարման համակարգերի վերակառուցում իրականացնելու համար

Կառավարությունը գումար հատկացրեց Արարատի եւ Արմավիրի մարզերում 97 հորերի կոնսերվացման եւ 8 հորերի լուծարման նպատակով

2019-ի դրությամբ Հայաստանից ոչխարի մսի ու կենդանիների արտահանման ծավալների աճ է գրանցվել. փոխնախարար

Ռեջեփ Թայիբ Էրդողանը հոկտեմբերին կայցելի Ադրբեջան

ԱՄՆ-ի կոնգրեսականները Հայաստան այցի շրջանակներում որոշել են այցելել նաեւ Ղարաբաղ

Քիչ առաջ ձերբակալվել է Հրայր Թովմասյանի սանիկը՝ ԱԺ վարչատնտեսական վարչության բաժնի պետը

Եթովպիայում ամենամոտ ժամկետներում ՀՀ դեսպանություն կբացվի. Զոհրաբ Մնացականյան

Եվրոպայի չեմպիոն Արսեն Հարությունյանը հաղթանակով սկսեց ըմբշամարտի աշխարհի առաջնությունը

Վլադիմիր Գասպարյանի փաստաբանը միջնորդություն է ներկայացրել գլխավոր դատախազին քրեական հետապնդումը դադարեցնելու մասին

Կաշառք ստանալու և պաշտոնեական դիրքը չարաշահելու կասկածանքով ձերբակալվել է «Վանաձոր» ՔԿՀ նախկին պետը. ՀՔԾ

Իսրայելում ՀՀ դեսպանության ստեղծումը կնպաստի երկկողմ հարաբերությունների խորացմանը. ԱԳ նախարար

Հեղինակները դեռ չեն հայտնում՝ երբ Կարին Հովհաննիսյանի «Ես մենակ չեմ» ֆիլմը հասանելի կլինի ՀՀ հանդիսատեսին

Հոկտեմբերի 11-ին նախատեսված է Գյումրու ավտոմաքսատան բացումը. ՊԵԿ