Հյուսիս-Հարավ մայրուղու շինարարության հետ կապված լուրջ խնդիրներ, խախտումներ կան. վարչապետ

ՀՀ վարչապետ Նիկոլ Փաշինյանի սյունիքյան այցի վերջին կանգառը Քաջարան քաղաքն էր: Այնտեղ, ինչպես մյուս քաղաքներում, վարչապետին գրկաբաց դիմավորեցին:

Բնակիչների հետ հարց ու պատասխանի ժամանակ, Նիկոլ Փաշինյանը խնդրեց ներկայացնել, թե արդյունաբերական հսկա համարվող քաղաքում որո՞նք են հիմնական խնդիրները: Նա նաեւ նշեց, որ ճանապարհների անբարեկարգ վիճակը ինքն էլ է տեսել Քաջարան գնալիս, սողանքների մասին տեղյակ է, սակայն նույն պահին պատասխանել չի կարող:

Քաղաքացիներից մեկը, ով խոսեց Քաջարանի թիվ 2 դպրոցի անունից, նշեց, որ ժամանակին եղել են ճամբարներ, որոնք հյուրընկալել են հազարավոր երեխաների ու իրենք խնդրում են միջամտել, միջնորդել՝ երեխաների ճամբարը վերակագնելու համար, քանի որ դպրոցահասակ երեխաները հանգիստը կազմակերպելու հնարավորություն չունեն:

Նիկոլ Փաշինյանը պատասխանեց, որ կարելի է բակային ճամբարներ ստեղծել, մարզական ճամբարներ, արշավային ճամբարներ ստեղծել, քանի որ  քաղաքացիների նշած ճամբարների շինարարությունը, նորից սկսվող աշխատանքը բավական ժամանակատար ու ծախսատար է լինելու, բայց կարելի է այլընտրանքային լուծումներ գտնել. «Ձեր ասածը կընդունենք ի գիտություն, բայց դա չի նշանակում, որ պետք է մինչեւ այս չկազմակերպել երեխաներ հանգիստը»,-ասել է նա:

Քաջարանի գործարանի աշխատակիցներից մեկը խնդիր ուներ աշխատանքի տեղավորման հետ կապված, ի պատասխան՝ Նիկոլ Փաշինյանը նշեց, որ չի պատրաստվում միջնորդել այսինչ մարդուն աշխատանքի ընդունելու կամ այնինչ մարդուն աշխատանքից ազատելու համար:

Վարչապետը խոսեց նաեւ նամակների մասին, որոնք հասցեագրվում են իրեն ու կառավարությանը: Նա խնդրեց համբերատար լինել, ուղարկել նամակը, որը թեեւ ուշ է գտնում պատասխանը, սակայն անպայման գտնում է: Նամակը մակագրվում է, ու կառավարության կայքի միջոցով հնարավոր է հետեւել այդ նամակին: Կառավարության աշխատակազմում նամակների վերահսկման բաժնի աշխատակիցները կրկնապատկվել են: Նամակների թվի մասին պատկերացում կազմելու համար Ն. Փաշինյանը որպես օրինակ նշեց իր ֆեյսբուքյան էջը, որին ամեն վայրկյանը մեկ 1 նամակ է գալիս ու ստիպված են եղել հատուկ աշխատող վարձել՝ այդ նամակները համակարգելու համար:

Հարց հնչեց Հյուսիս-Հարավ մայրուղու շինարարության մասին, որին ի պատասխան, վարչապետը հայտնեց, որ երեքշաբթի օրը խորհրդակցություն է հրավիրված այս թեմայով, քանի որ շինարարական բազմաթիվ խախտումներ կան, անհասկանալի հարցեր՝ շինարարության ընթացքի հետ կապված ու անպայման կքննարկվի հետագա շինարարության որակի խնդիրը: Վարչապետի խոսքերով, այն, որ նշվում է՝ ճանապարհ է կառուցվում կամ կառուցվել, խիստ կասկածելի է:

Հարցերից նախավերջինը գյուղերից մեկի ոռոգման ու խմելու ջրի խնդրի մասին էր: Ըստ հարցատուի՝ խմելու ջուր չունի ամբողջ մի գյուղ, իսկ հաջորդ հարցը Քաջարանի վետերանների համար որեւէ սենյակ չլինելու մասին էր: Վարչապետը խոստացավ, որ խնդիրները մարզի մակարդակով լուծումներ կգտնեն:

Տպել
1681 դիտում

Երևանում 2 երիտասարդի վեճն ավարտվել է դանակահարությամբ ու կրակոցներով. կան տուժածներ

ՌԴ-ում ՀՀ դեսպանությունը մանրամասներ է ներկայացրել Կրասնոդարի երկրամասում հայերի մասնակցությամբ վթարի մասին

ԱՄՆ վարչակազմը որոշել է վերականգնել արտաքին օգնության ծրագրերը, այդ թվում` ՀՀ-ի համար օժանդակությունը

Կառավարությունը շուրջ 11 միլիարդ դրամի հարկային արտոնություն է տրամադրել 3 ընկերությունների

Մենք ի զորու ենք նոր որակ հաղորդել. Փաշինյանը շնորհավորել է Զելիսնկիին՝ Ուկրաինայի Անկախության օրվա առթիվ

Շուտով կառավարության օրակարգում կլինի հանրաքվեի ինստիտուտը, որով հնարավոր կլինի 50+1 քվեարկությամբ ազատել համայնքապետին

Ջրամբարի մոտ մետաղ սղոցելելու ժամանակ արձակված կայծից հրդեհ է բռնկվել. այրվել է 8 հա տարածք

Սառնարանների պահեստում օգոստոսի 19-ին բռնկված հրդեհն այսօր մարվել է (տեսանյութ)

Ժամանակավորապես կդադարեցվի Վանաձորի մի շարք թաղամասերի գազամատակարարումը

Էրդողանի հրամանագրով Սահակ եպիսկոպոս Մաշալյանը սքեմ կրելու արտոնություն է ստացել

Բալահովիտ գյուղի ակումբներից մեկի տնօրենը գարեջրի շշով հարվածել է 36-ամյա երեւանցուն

Թույլ տրված թերությունների պատճառով Երևանի և 3 մարզերի դադարեցված ջրամատակարարումը 4 ժամ ուշ կվերականգնվի

Էկոնոմիկայի նախարարությունը դեղձով բեռնված բեռնատարների հարցով կապի մեջ է Վերին Լարսի անցակետի հետ

Քննչական կոմիտեն արձագանքել է Ամուլսարի մասին 3D հոլովակի պատրաստման վերաբերյալ լուրերին

ԿԳՄՍ-ում քննարկվել է «Կումայրի» արգելոցը ՅՈՒՆԵՍԿՕ-ի հուշարձանների ցանկում ընդգրկելու հարցը

Վրաերթ Վանաձորում. Mersedes-ը վրաերթի է ենթարկել միջին տարիքի կնոջը (լուսանկարներ)

Հրդեհ Շաքի գյուղում. այրվել է կուտակած անասնակեր (տեսանյութ)

Երկրորդ բալիկին սպասող Աննա Թովմասյանը եւ Արամեն ջերմ լուսանկար են հրապարակել

Armtimes.com-ը փնտրում է վեբ կայքի և սոցիալական ցանցերի ղեկավարի

Հայկ Սեխլիյանի բուժման համար անհրաժեշտ գումարի գրեթե կեսը հանգանակվել է. պետությունը եւս փորձելու է աջակցել