Եվրամիությունը երկարաձգում է ՌԴ-ի դեմ պատժամիջոցների ժամկետը

Եվրոպական միության բարձրագույն քաղաքական կառույցը՝ Եվրոպական հանձնաժողովը, հուլիսի 6-ին որոշել է մինչեւ 2019 թվականի հունվարի 31-ը երկարաձգել Ռուսաստանի տնտեսության տարբեր ոլորտների նկատմամբ սահմանված պատժամիջոցները:

Որոշումն ընդունվել է, ինչպես կանոնն է պահանջում, գրավոր եւ միաձայն: Պատժամիջոցներն առնչվում են Ռուսաստանի ֆինանսական համակարգին, էներգետիկային, պաշտպանության բնագավառին, ինչպես նաեւ երկակի նշանակության արտադրանքին:

Այս պատժամիջոցները Եվրոպական միությունն առաջին անգամ սահմանել է 2014 թվականի հուլիսի 31-ին եւ ապա խստացրել նույն տարվա սեպտեմբերին, գրում է Ազատությունը:

Պատժամիջոցների դրդապատճառը Ռուսաստանի կողմից Ղրիմի բռնակցումն է եւ Ուկրաինայի արեւելյան շրջաններում ռուս անջատականներին ցույց տրվող աջակցությունը:

Պատժամիջոցների ենթարկված 5 խոշոր ռուսական ֆինանսական հաստատություն, որոնք ենթարկվում են պետությանը, այդ հաստատությունների քույր-կազմակերպություններն ու մասնաճյուղերը, ռուսական երեք խոշոր էներգետիկ կառույցներ եւ պաշտպանության համակարգի երեք ընկերություն կունենան Եվրոպայի հիմնական եւ երկրորդային ֆինանսական շուկա մուտք գործելու խիստ սահմանափակ հնարավորություն:

Եվրամիությունը սահմանում է Ռուսաստանի հետ զենքի, ինչպես նաեւ երկակի նշանակության արտադրանքի առեւտրի արգելք:

Եվրոպական միությունը Ռուսաստանին զրկում է «զգայուն» տեխնոլոգիաներից եւ ծառայություններից օգտվելու հնարավորությունից: Խոսքը՝ այն տեխնոլոգիաների մասին է, որոնք ռուսները կարող են կիրառել նաեւ նավթի հետախուզման եւ արդյունահանման նպատակով:

Դրանից զատ, Եվրամիությունը երկարաձգում է հասցեական պատժամիջոցները կոնկրետ անձանց նկատմամբ՝ սառեցնելով նրանց բանկային հաշվեհամարները եւ զրկելով վիզաներից:

Այս պահին հասցեական պատժամիջոցների ցանկում 155 անձ է եւ 38 ընկերություն:

Մոսկվան, բնականաբար, դատապարտել է Եվրոպական խորհրդի վճիռը: «Մեր երկրի նկատմամբ պատժամիջոցները եւս կես տարով երկարաձգելու Եվրոպական խորհրդի որոշումը՝ Ռուսաստանի հետ հարաբերությունների կառուցողական վերաիմաստավորման եւս մեկ կորցված հնարավորություն է»,- հայտարարել է Ռուսաստանի արտաքին գործոց նախարարության խոսնակ Մարիա Զախարովան:

Տպել
1214 դիտում

Փրկարարներն արգելափակումից դուրս են բերել 32 ավտոմեքենա՝ օգնելով 54 քաղաքացու

ԿԳՄՍՆ-ն մոտ կես միլիոն դրամ է հատկացրել պաշտոնական կեղծիքով ներկայացված միջոցառման ծրագրին. ռեժիսոր Հովհաննես Գալստյան

Իջևանի ոստիկաններն առանց փաստաթղթերի փայտածուխի արտադրամասեր են հայտնաբերել. (տեսանյութ)

Հայաստան ապօրինի թմրամիջոց ներկրելու հերթական դեպքն է կանխվել, 28-ամյա կինը կալանավորված է․ (տեսանյութ)

Սահմանամերձ Բերդավան գյուղի դպրոցը, մանկապարտեզը եւ բուժկետը պաշտպանական նոր պատեր ունեն. գյուղն ավելի ապահով կլինի

Փարիզում ոստիկանները արգելափակել են ցուցարարների ճանապարհը դեպի խորհրդարան

Աբովյան քաղաքը շուտով կունենա «loft» ոճի հանրային գրադարան

Ինքնասպանություններ-սպանություններ բանակում, կռիվներ դպրոցում. կրթությունը չի կարողանում չեզոքացնել քրեական բարքերը

Նիկոլ Փաշինյանի որոշմամբ քաղպաշտպանության վիճակի գնահատում է իրականացվել Առողջապահական և աշխատանքի տեսչական մարմնում

Ազգային ժողովի պատգամավորների կողմից «ՈՉ» քարոզչության կողմ ձևավորելու վերաբերյալ դիմում չի ներկայացվել. ԿԸՀ

Հալեպն ամբողջությամբ ազատագրված է, կվերագործարկվի օդանավակայանը. երկրում տոն է (լուսանկարներ, տեսանյութ)

Արայիկ Հարությունյանն ընդունել է Բրիտանական խորհրդի ներկայացուցիչներին

Մեծամորի բնակարաններից մեկում 64-ամյա տղամարդու դի է հայտնաբերվել. ԱԻՆ

Ռուստամ Բադասյանն ընդունել է Ֆրանսիայի դեսպան Ժոնաթան Լաքոտին

Մեդալս Կարեն Գիլոյանին եմ տվել, խոստացել էի. Եվրոպայի հնգակի չեմպիոն Արթուր Ալեքսանյան

Առաջ շունչներս պահած սպասում էինք՝ Սերժ Սարգսյանը վտանգավոր մի բան չասի, Փաշինյանի դեպքում ախորժակը մեծացել է. քաղաքագետ

Արդեն շուրջ 10 օր է՝ 160 բեռնատարներ Լարսի անցակետում խցանման մեջ կանգնած են. նրանց խոսքով՝ խնդիրը վրացական կողմում է

Մհեր Գրիգորյանի նախագահությամբ տեղի է ունեցել միջգերատեսչական հանձնաժողովի հերթական նիստը

Փետրվարի 10-16-ը ոստիկանները հայտնաբերել են ոչ սթափ 102 վարորդ (տեսանյութ)

Խոջալուի մասին Մութալիբովի հարցազրույցն իրական է. Դանա Մազալովան վերահաստատում է, Ալիևը՝ ստում