Հակակոռուպցիոն պայքարի շրջանակներում հայտնաբերվել է շուրջ 19.5 մլրդ դրամի վնաս

Վերջին շրջանի հակակոռուպցիոն գործողությունների ընթացքում արված բացահայտումների արդյունքում հայտնաբերվել է շուրջ 19.5 միլիարդ դրամի վնաս: Այս մասին «Հայկական ժամանակ»-ի հետ զրույցում ասաց Կոռուպցիայի դեմ պայքարի գծով վարչապետի օգնական Արեն Մկրտչյանը:

Վերջինս նշում է, որ այս պահի դրությամբ, ընդհանուր առմամբ, բացահայտվել է շուրջ 47 կոռուպցիոն հանցագործության դեպք՝ ավելի քան 50 պետական հիմնարկների եւ մասնավոր կազմակերպությունների մասնակցությամբ.

«Հայտնաբերված վնասը կազմում է 19.5 միլիարդ դրամ, որի երեսուն տոկոսն արդեն իսկ վերականգնման փուլում է»,- ասաց վարչապետի օգնականը:

ՀՀ վարչապետ Նիկոլ Փաշինյանը Սյունիք կատարած իր այցի ժամանակ հայտարարեց, որ կոռուպցիոն բացահայտումների արդյունքում հավաքագրված գումարներից տասը միլիարդ դրամ ուղղվելու է համայնքների զարգացմանը: Մեր հարցին՝ եթե այս պահին հարուցված են քրեական գործեր, եւ այդ գումարները իրեղեն ապացույց է համարվում, որեւէ խնդիր չի՞ առաջանում դրանց տնօրինման հետ կապված, Արեն Մկրտչյանն ասաց.

«Իհարկե, քրեական գործերը քննության փուլում են, գործի ավարտից հետո վերջնականապես պարզ կլինի՝ դրանք ինչ գումարներ են: Բայց այդ, 19.5 միլիարդ դրամի երեսուն տոկոսը, ինչպես նշեցի, մոտ վեց միլիարդ դրամ, արդեն վերականգնման փուլում է, մնացած յոթանասուն տոկոսն արդեն գործերի շրջանակներում նույնպես կվերադարձվի: Այնպես որ՝ խնդիր չի առաջանում»,- նշեց վարչապետի՝ կոռուպցիայի դեմ պայքարի գծով օգնականը՝ հավելելով, որ այս ընթացքում էլի գործեր են հարուցվել եւ տարբեր օղակներում նախաքննություն է ընթանում:

Արեն Մկրտչյանը մեր զրույցում ասաց, որ այն գումարները, որոնք փաստացի կհավաքագրվեն, կանցնեն պետբյուջե, որտեղից էլ կբաշխվեն անհրաժեշտ ուղղություններով:

Վերջինս հավաքագրված գումարների բաշխման հետ կապված այլ տեղեկություն չունի՝ բացի համայնքներին հատկացվելիք գումարից, բայց, Մկրտչյանի խոսքով՝ խնդիրները շատ-շատ են, եւ գումարները հատկացնելու տեղ հաստատ կլինի: Ինչ վերաբերում է մնացած յոթանասուն տոկոսին՝ Մկրտչյանն ասաց, որ աշխատանքները շարունակվում են, նախաքննությունը շարունակվում է: 

Մեր դիտարկմանը՝ դատական գործընթացի արդյունքում հնարավոր է՝ պարզվի, որ մի շարք գործողությունների արդյունքում հավաքած գումարները տվյալ անձանց կամ կազմակերպություններին օրինական ճանապարհով են հասել, վարչապետի օգնականն ասաց, որ նախաքննությունն ու դատական գործընթացը ցույց կտան՝ դրանք ինչ գումարներ են.

«Ես իրավապահների գործողություններին գնահատական չեմ տա, բայց հուսով եմ եւ վստահ, որ ինքնանպատակ որեւէ գործողություն չի արվել եւ արվում: Մնացածը ցույց կտան նախաքննությունն ու դատական գործընթացը»,- «Հայկական ժամանակ»-ի հետ զրույցում ասաց Փաշինյանի օգնական Արեն Մկրտչյանը:

Տպել
6792 դիտում

Ապարան քաղաքում շտապօգնության «ՈՒԱԶ»-ը արգելափակվել էր ձյան մեջ. օգնել են փրկարարները

Երեւանում օրը ցերեկով մեքենան ջարդուխուրդ անող ձերբակալված 5 քաղաքացիները ցուցմունք են տվել. չեն ընդունում կասկածանքը

Երեւանում վնասել են «Իմ քայլը» խմբակցության պատգամավոր Քրիստինե Պողոսյանի ավտոմեքենան

Գյումրիում բնակբաշխան աղմկահարույց շղթա է բացվում. փաստերն ուսումնասիրում է դատախազությունը

Ադրբեջանում այս օրերին անցկացվում են վերջին տարիների ամենամասշտաբային բողոքի ցույցերը

Շատ հագեցած աշխատանքային օր ունեցա Ցյուրիխում. Նիկոլ Փաշինյան (տեսանյութ)

Հայերին որ հարցնես, բոլորը հայ են, իսկ վրացիներին՝ ում չեն հավանում, նա է հայ. Սաակաշվիլի

Ձերբակալվել են Երեւանում օրը ցերեկով մեքենան ջարդուփշուր անող 5 քաղաքացիները (տեսանյութ)

Tiv1.am կայքը ֆինանսավորողն այլեւս ցանկություն չունի աշխատել այդ թիմի հետ, նրանք, փաստացի, մեջքից խփել են․ կայքի տնօրեն

Կրկին թալանել են Varks.am-ը, այսօր արդեն երկրորդ անգամ. տարել են 600 հազար դրամ

Հայկ Մարությանն ակնկալում է քաղաքապետարանի և ոստիկանության արդյունավետ համագործակցություն

Մանկապարտեզի ձերբակալված տնօրենի որդին աշխատում է Երեւանի քաղաքապետարանի աուդիտի բաժնում

Կանխատեսվում է համաշխարհային տնտեսության աճի դանդաղում 2019 և 2020 թվականներին

Հյուրանոցում ժամանակ է անցկացրել տղամարդու հետ եւ գողացել նրա ոսկյա շղթան

Վարդենյաց լեռնանցքը դժվարանցանելի է մարդատարների, փակ՝ բեռնատարների համար

ՀՀ փոխվարչապետ Տիգրան Ավինյանը ներկայացրել է նորանշանակ նախարար Զարուհի Բաթոյանին

Սեդրակ Քոչարյանի ներկայացուցիչը միջնորդեց դատարան հրավիրել ԱԱԾ տնօրենին

Արարատի մարզպետն իրավունք չուներ աշխատավարձը գերազանցող ինքնապարգևատրում անել. Ս. Պապիկյան

Կայք գյուղի տներից մեկում պայթել է գազի բալոնը, կոտրվել են պատուհանները. տանտերը այրվածքներ է ստացել

Բացահայտվել է ՀՀ ՊԵԿ պաշտոնատար անձի օժանդակությամբ կազմակերպված հանցավոր մեխանիզմ. ԱԱԾ (տեսանյութ)