Պատգամավոր Հակոբ Հակոբյանը վերջին շրջանում իր ունեցվածքը գրանցում է տղայի անունով

Մեր տեղեկություններով՝ ՀՀ ԱԺ ՀՀԿ խմբակցության պատգամավոր, ԱԺ սոցիալական հարցերի հանձնաժողովի նախագահ Հակոբ Հակոբյանը (Թունելի Հակոբ) ԱԱԾ վերջին բացահայտումներից հետո որոշել է իր անունով գրանցված ունեցվածքը փոխել որդու` Պարույր Հակոբյանի անունով: «Հայկական Ժամանակ»-ը ուսումնասիրեց Հակոբ Հակոբյանի եւ նրա ընտանիքի անդամների՝ բարձրաստիճան պաշտոնատար անձանց էթիկայի հանձնաժողով ներկայացրած հայտարարագրերը, ինչպես նաեւ զրուցեց Հակոբ Հակոբյանի որդու` Պարույր Հակոբյանի հետ:

Նախ, պաշտոնը ստանձնելուց հետո 2017 թվականի հունիսի 30-ին Հակոբ Հակոբյանը ներկայացրել է իր առկա գույքի եւ եկամուտների հայտարարագիրը:

Որպես անշարժ գույք Հակոբյանը հայտարարագրել է 9 հողամաս, 3 առանձնատուն եւ հողին ամրակայված 3 շինություն: Հակոբյանը շարժական գույք չի հայտարարագրել:

Ըստ հայտարարագրի՝ Հակոբյանը ունի 4 տարբեր բաժնետոմսեր` 28 մլն 215 հազար դրամի չափով, 34 հազար դրամի չափով, 1 մլն 419 հազար դրամի չափով եւ 1500 ռուբլու չափով:

Պաշտոնը ստանձնելու օրվա դրությամբ Հակոբյանը ունեցել է 120 մլն դրամի փոխառություն: Պաշտոնը ստանձնելու օրվա դրությամբ Հակոբյանի դրամական միջոցները կազմել են 15 մլն 760 հազար դրամ, 11 հազար 250 դոլար եւ 25 հազար եվրո:

2017 թվականի հունվարի 1-ից մինչ պաշտոնական պարտականությունները ստանձնելու օրը Հակոբյանն ունեցել է 17 մլն 879 հազար 950 դրամի եկամուտ, որից 2 մլն 766 հազար 950 դրամը գոյացել է աշխատավարձից, իսկ 15 մլն 113 հազար դրամը շահաբաժին է:

2018 թվականի մարտի 19-ին Հակոբյանը ներկայացրել է իր տարեկան հայտարարագիրը: Ըստ սույն հայտարարագրի՝ Հակոբյանն այդ ընթացքում նոր շարժական կամ անշարժ գույք ձեռք չի բերել: Հարկային տարվա սկզբում փոխառության է հանձնել 170 հազար 70 դոլար եւ 120 մլն դրամ, որը հարկային տարվա վերջում անփոփոխ է մնացել:

Հակոբյանի դրամական միջոցները տարեսկզբում կազմել են 15 հազար 150 դոլար, 57 մլն 920 հազար դրամ եւ 20 հազար եվրո: Տարեվերջում Հակոբյանի դրամական միջոցները ունեցել են այսպիսի տեսք` 22 հազար դոլար եւ 3 մլն 500 հազար դրամ:

Հարկային տարում Հակոբ Հակոբյանն ունեցել է 228 մլն 206 հազար 650 դրամի եկամուտ, որից 84 մլն 645 հազար դրամը գոյացել է շահաբաժնից, 136 մլն 17 հազար դրամը գոյացել է մեկ այլ շահաբաժնից, իսկ 7 մլն 544 հազար 650 դրամը գոյացել է աշխատավարձից:

Հակոբ Հակոբյանի ընտանիքի անդամները Հակոբյանի պաշտոնը ստանձնելու ժամանակ հայտարարագիր չեն ներկայացրել, փոխարենը ներկայացրել են Հակոբյանի տարեկան հայտարարագիրը ներկայացնելու օրը:

Հակոբյանի կինը` Անահիտ Ղազարյանը, 2018 թվականի մարտի 19-ին բարձրաստիճան պաշտոնատար անձանց էթիկայի հանձնաժողով է ներկայացրել իր գույքի եւ եկամուտների հայտարարագիրը: Ըստ հայտարարագրի՝ Ղազարյանը չունի անշարժ եւ շարժական գույք, հարկային տարվա սկզբում հանձնել է 2271 դոլարի չափով փոխառություն, որը տարվա վերջում նույնչափ էլ մնացել է:

Ղազարյանի դրամական միջոցները տարեսկզբում կազմել են 727 հազար 200 դրամ, իսկ տարեվերջում դարձել 1 մլն 90 հազար 800 դրամ:

Անահիտ Ղազարյանի տարեկան եկամուտը կազմել է 363 հազար 600 դրամ, ինչն էլ գոյացել է կենսաթոշակից:

Հակոբ Հակոբյանի որդին` Պարույր Հակոբյանը, 2018 թվականի մարտի 19-ին նույնպես բարձրաստիճան պաշտոնատար անձանց էթիկայի հանձնաժողով է ներկայացրել իր գույքի եւ եկամուտների հայտարարագիրը: Ըստ Պարույր Հակոբյանի հայտարարագրի՝ նա տարեսկզբում ձեռք է բերել 44 մլն 159 հազար դրամի արժեթղթեր: Հայտարարագրից պարզ է դառնում, որ նշված արժեթղթերի գինը տարեվերջում անփոփոխ է մնացել:

Հարկային տարվա սկզբում Պարույր Հակոբյանը ունեցել է 306 հազար 835 դոլարի փոխառություն, այդ ընթացքում նա փոխառության է հանձնել եւս 59 հազար 165 դոլարի փոխառություն: Տարեվերջում Հակոբյանի փոխառության գումարը դարձել է 365 հազար դոլար:

Պարույր Հակոբյանը տարեսկզբում ունեցել է նաեւ մեկ այլ փոխառություն 300 հազար դոլարի չափով, այդ ընթացքում վերադարձվել է 150 հազար դոլար եւ արդյունքում Հակոբյանի փոխառության գումարը տարեվերջում կազմել է 150 հազար դոլար:

Պարույր Հակոբյանի տարեկան եկամուտները կազմել են 29 մլն 71 հազար 892 դրամ, որից 13 մլն 41 հազար 892 դրամը գոյացել է մի աշխատավարձից, 6 մլն դրամը գոյացել է մեկ այլ աշխատավարձից, 930 հազար դրամը գոյացել է շահաբաժնից, 9 մլն 100 հազար դրամը գոյացել է գույքի օտարումից: Պարույր Հակոբյանը ունեցել է նաեւ եկամուտ 15 եւ 23 հազար դոլարի չափով, որը գոյացել է տրված փոխառությունների դիմաց ստացված տոկոսներից:

Հակոբ Հակոբյանի հետ համատեղ բնակվող Լիլիթ Եղոյանը 2018 թվականի մարտի 19-ին բարձրաստիճան պաշտոնատար անձանց էթիկայի հանձնաժողով է ներկայացրել իր գույքի եւ եկամուտների հայտարարագիրը: Ըստ Եղոյանի ներկայացրած հայտարարագրի՝ նա չունի անշարժ եւ շարժական գույք, հարկային տարում ունեցել է միայն 7800 դոլարի չափով եկամուտ, ինչը ստացել է նվիրատվության կարգով:

Մեզ հաջողվեց կապ հաստատել Հակոբ Հակոբյանի որդու` Պարույր Հակոբյանի հետ:

- Պարոն Հակոբյան, ճի՞շտ է, որ ձեր հայրը ԱԱԾ վերջին բացահայտումներից հետո իր ունեցվածքը գրանցում է ձեր անունով:

- Ոչ, ես արդեն 10 տարի է՝ իմ բիզնեսով եմ զբաղվում, հորս կողմից որոշակի նվիրատվություններ եղել են:

- Վերջին ամիսներին եղե՞լ են նվիրատվություններ:

- Այո, բայց դրանք գումարի տեսքով չեն եղել, այլ ինչ-որ բաժնետոմսերի:

Տպել
7842 դիտում

Ակցիա ՌԴ 102-րդ ռազմաբազայի դիմաց

Գյումրիում տոնվել է Հայրենիքի պաշտպանի օրը

Իրավիճակը կարգավորելու փոխարեն տնտեսավարողն անհիմն հրապարակումներ է արել սոցիալական ցանցերում. ՊԵԿ

Հայկական պետական մանկավարժական համալսարանի ուսխորհրդի ֆինանսական աղբյուրը՝ անհայտ կամ հույժ գաղտնի․ ՀՊՄՀ Restart

Մեր Կառավարությունը բացարձակապես չի միջամտել ՄԻԵԴ-ում Մարտի 1-ի գործին․ Արտակ Զեյնալյան

Տիգրան Ավինյանն ընդունել է Համաշխարհային բանկի պատվիրակությանը, քննարկել բժշկական ապահովագրության մշակման հարցեր

Երեւանի «Սբ. Աստվածամայր» ԲԿ է տեղափոխվել 9-ամյա տղայի դի․ նշանակվել է դիակի դատաբժշկական փորձաքննություն

Վարչապետը շրջայց է կատարել Վանաձորի տեխնոլոգիական կենտրոնում (լուսանկարներ)

«Իմ քայլը հանուն Լոռու մարզի» բիզնես ֆորումը ցույց տվեց, որ Հայաստանում իսկապես գործարար նոր հնարավորություններ կան

Համոզված եմ, որ հայկական քաղաքական հրաշքին կհաջորդի հայկական տնտեսական հրաշքը. Նիկոլ Փաշինյան (լուսանկարներ)

Արթիկի տարածաշրջանի ավտոճանապարհներին բուք է

Մեկնարկել է Առողջապահության նախարարության խորհրդատուների առաջին երկօրյա խորհրդաժողովը

Շարունակվում է «Իմ քայլը հանուն Լոռու մարզի» բիզնես ֆորումը․ ներկայացուցիչները հարցեր են ուղղում նաեւ ՀՀ վարչապետին

Միայն հիվանդ ուղեղներում կարող էր ծնվել Փաշինյանի՝ իմ քաղաքական հոգեզավակը լինելու ցնորալի գաղափարը․ Լեւոն Տեր-Պետրոսյան

Բժշկական համալսարանի ճաշարանը վարձակալածի հետ պայմանագիրը լուծարել են՝ բուհի պրոռեկտորին բուֆետի «նալոգ» չվճարելու համար

ԿԳ նախարար Արայիկ Հարությունյանը մասնակցել է բուհերի հոգաբարձուների խորհուրդների նախագահների հետ թեյախմությանը

Հայաստանում ԱՄՆ նորանշանակ արտակարգ եւ լիազոր դեսպան Լին Թրեյսին Երեւան կժամանի հաջորդ շաբաթ

Վալերի Օսիպյանն անակնկալ այցելել է ոստիկանության Երեւան քաղաքի վարչության Մալաթիայի բաժին

ԲՀԿ–ն առաջարկում է հարկային արտոնություն տրամադրել բնակլիմայական աղետների հետևանքով 50 %-ի վնաս կրած գյուղատնտեսներին

Անցնող շաբաթ արցախա-ադրբեջանական սահմանին հակառակորդը հրադադարի ռեժիմը խախտել է շուրջ 150 անգամ