Տարոն Մարգարյանից հետո հերթը Վանաձորի քաղաքապետի՞նն է. Ասլանյանը՝ իր հրաժարականի մասին

ԱԺ ԵԼՔ խմբակցության անդամ Էդմոն Մարուքյանը երեկ Տարոն Մարգարյանի հրաժարականից հետո ֆեյսբուքյան իր էջում գրառում է կատարել Վանաձորի քաղաքապետի հրաժարականի մասին, որտեղ, մասնավորապես, ասված է. «Երեւանի քաղաքապետը հրաժարական տվեց…Հերթը Վանաձորի քաղաքապետինն է»:

«Հայկական ժամանակ»-ը Վանաձորի քաղաքապետ Մամիկոն Ասլանյանի հետ զրուցել է վերջինիս հավանական հրաժարականի եւ Էդմոն Մարուքյանի գրառման մասին:

- Պարոն Ասլանյան, Էդմոն Մարուքյանը ֆեյսբուքյան իր էջում գրառում է կատարել Ձեր հրաժարականի մասին, մասնավորապես նշելով, որ Տարոն Մարգարյանի հրաժարականից հետո հերթը Վանաձորի քաղաքապետինն է: Ինչո՞ւ է Մարուքյանը խոսում Ձեր հրաժարականի մասին, նման որոշում կամ ցանկություն կա՞:

- Ճիշտն ասած, Էդմոն Մարուքյանի մոտ դա տենդենց է: Նա մինչեւ ՄԱԿ-ի ամբիոն էլ Վանաձորի քաղաքապետի հրաժարականի մասին խոսել է: Իր մոտ դա խրոնիկ է ուղղակի, դրա համար չեմ ուզում իր ասածին անդրադառնալ, մանավանդ որ ինքը որեւէ իրավունք չունի նման ո՛չ պահանջ ներկայացնելու, ո՛չ էլ ինձ ուղղորդելու:

- Իսկ եղե՞լ է, որ Մարուքյանն անձամբ Ձեզ դիմի կամ հորդորի հրաժարական տալ:

- Իր լիազորությունները թույլ չեն տալիս ինձ նման հարցով դիմելու: Եւ հետո ինքը պիտի պատճառներ նշի:

- Դուք ո՞ր դեպքում, ու՞մ պահանջի դեպքում հրաժարական կտաք:

- Ես հրաժարական կտամ, երբ իմ աշխատանքը չստացվի քաղաքի ղեկավարման գործում, ժողովրդի եւ իշխանությունների հետ անհամապատասխանություն լինի, այդ ժամանակ կմտածեմ այդ մասին: Բայց հիմա հրաժարականի հիմքեր չկան: Ես քաղաքացու քվեով եմ ընտրվել քաղաքապետ: Մանավանդ, ՏԻՄ ընտրությունների ժամանակ չեմ կարող ասել, որ անօրինական ինչ-որ երեւույթ է տեղի ունեցել: Իսկ քաղաքում մենք շարունակում ենք աշխատանքներ կատարել: Չեմ ասի, թե քաղաքում խնդիրներ չկան, բայց, ամեն դեպքում, մենք կատարում ենք մեր ամենօրյա աշխատանքը, քաղաքի խնդիրները լուծելու պատասխանատու գործը:

- Այսինքն, առաջիկայում Ձեր հրաժարականը չի սպասվում:

- Այս պահին գոնե հրաժարականի մասին մտածելու առիթ չունեմ: Ես կատարում եմ օրենքներին, Սահմանադրությանը համապատասխան իմ գործառույթները: Ճիշտն ասած, վերը նշված անձի տարբեր ժամանակաշրջանի, տարբեր որակումներից ու հորդորներից այնքան եմ հոգնել, որ այլեւս չեմ ուզում անդրադառնալ այս հարցին: Մանավանդ էդ մարդու մոտ որոշակի պարբերականությամբ հանդես են գալիս շատ ավելի մեծ ախորժալի երեւույթներ, դրա համար կարիքը չեմ տեսնում իր քաղաքական անպտուղ ամբիցիաները, փոքր հարթակներում ինքնահաստատվելու իր նկրտումները քննարկել:

- Շատ է խոսվում այն մասին, որ ԲՀԿ-ն փորձում է իր դիրքերն ամրապնդել մարզում եւ համայնքում: Ի՞նչ կասեք այս մասին:

- Քաղաքական ներկապնակի մեջ առայժմ չեմ կարող կարծիք հայտնել, բայց այստեղ քաղաքային իշխանությունը որեւէ կերպ որեւէ մեկի դիրքերի ամրապնդման դեմ գործողություն չի կատարում: Մենք կատարում ենք մեր աշխատանքը, առաջնորդվում օրենքներով սահմանված կանոններով, իսկ այդ օրենքները մեզ ուղղորդում են դեպի կառավարության հետ համագործակցություն: ՏԻՄ մարմինները ենթարկվում են կառավարության սահմանած որոշակի օրենքների: Եւ ովքեր այդ օրենքների մեջ կտեղավորվեն, մենք կհամագործակցենք նրանց հետ:

Ի դեպ, Մամիկոն Ասլանյանը քիչ առաջ նաեւ ֆեյսբուքյան գրառում է կատարել իր հրաժարականի մասին:

«Իմ օլիմպիական համբերությունը համառորեն չարաշահող քաղաքական դաշտի՝ իրենց осетрина-ի տեղ դրած շերեփուկներին եւ օժանդակ բանվորուհիներին, որոնք ընտանեկան «սոխակի» դեր են կատարում, ուզում եմ հիշեցնել, որ օդում պտտվող համառ լուրերի համաձայն, ՀՀԿ-ի «յուղալի» սեղանների մոտ երկյուղալի դեմքով թերմածք «փախցնելիս» ձեզ շատ տեսնողներ են եղել... դուք իգնոր վիճակից մի հատ դուրս եկեք, նոր հրաժարական պահանջեք... Հ.Գ. ինչ հիշաչար մարդիկ դուրս էկաք, երկու տարիա չեք մարսում ձեր պարտությունը...»- գրել է Վանաձորի քաղաքապետը:

Տպել
3668 դիտում

Ստեփանավանում 81-ամյա տղամարդը ինքնասպան է եղել շենքի տանիքում

Դեսպան Սամվել Մկրտչյանը հանդիպել է Լեհաստանի ԱԳՆ պետական քարտուղարի հետ

«Զինված խմբի» գործով ամբաստանյալ Արթուր Վարդանյանին հիվանդանոց են տեղափոխել

Արմեն Սարգսյանը հյուրընկալել է Գարեգին Բ եւ Արամ Ա կաթողիկոսներին

«Բժիշկներ առանց սահմանների» միության հայաստանյան առաքելությունը ԱԻՆ-ին ռադիոմետրեր է նվիրել

Արգենտինայում կյանքից հեռացել է Ցեղասպանությունը վերապրած 106-ամյա հայուհին

4 նախկին նախարար ստորագրել են Ամուլսարում հանքի թույլտվությունը. ՀԲՃ-ն անուններ է հրապարակում (լուսանկարներ)

Ուսուցչին որպես բեռնաձի օգտագործելով՝ կրթության որակ չի ապահովվի. մանկավարժները սպառնում են գործադուլով

ԱԱԾ-ն բացահայտել է ՍԱՊԾ մի խումբ աշխատակիցների կողմից կաշառք պահանջելու եւ ստանալու դեպքեր

Վերջին մեկ շաբաթվա ընթացքում 117 ապօրինի հատված ծառ է հայտնաբերվել

Ղազախստանի թղթադրամների եւ մետաղադրամների վրա այսուհետ չեն լինի ռուսերեն գրառումներ

Պետական մակարդակով կազմակերպած երթը ոճրագործության բացահայտման քայլերից մեկն է. Մարտի 1-ի զոհերի հարազատներ

Հուլիսի 1-ից կարգելվի պոլիէթիլենային տոպրակների անվճար տրամադրումը, 3 տարի անց՝ վաճառքը

Ջավախքի Հեշտիա գյուղում ԱրՄաթ ինժեներական լաբորատորիա է բացվել

Մուշուրբան, պարկապզուկը, կոխն ու որդան կարմիրը՝ մշակութային ժառանգության նոր արժեքներ

Վարչապետին ճիշտ են ասել. Մարտի 1-ի գործը ջուր է. Յուրի Խաչատուրովի պաշտպան

Լաս Վեգասը մեզ համար լոկ խաղատների աշխարհ չէ. Մխիթար Հայրապետյան

Օրը ցերեկով մեքենա ջարդուխուրդ անող երիտասարդներից մեկը քիչ առաջ 1 միլոն 500 հազար դրամ գրավի դիմաց ազատ է արձակվել

Հայաստանը և Սուրբ Աթոռը հանդես կգան գիտակրթական ու մշակութային համատեղ նոր ծրագրերով

Ըմբիշ Միհրան Հարությունյանը կարծում է, որ իրեն չեն ցանկանում տեսնել ՀՀ հավաքականում