Երբ է վերականգված 20 միլիարդ 622 մլն դրամի չվճարված հարկը մտնելու բյուջե. պարզաբանում

Կառավարության նիստում վարչապետ Նիկոլ Փաշինյանն անդրադարձավ կոռուպցիայի դեմ պայքարին եւ պետական բյուջե վերադարձվող գումարներին։

«Դուք գիտեք, որ մեր կառավարության ձեւավորումից ի վեր, ակտիվորեն ընթանում է կոռուպցիայի եւ չարաշահումների, նաեւ ստվերային տնտեսության դեմ պայքար։ Երեկ մենք ամփոփել ենք մի տվյալ եւ արձանագրել, որ իրավապահ տարբեր մարմինների հարուցած քրեական գործերի շրջանակում հարկային պարտավորությունների մասով հուլիսի մեկի դրությամբ հաշվարկվել եւ վերականգվել է 20 միլիարդ 622 միլիոն դրամի վնաս կամ չվճարված հարկ, որը պետք է վճարվի»,- ասաց Փաշինյանը։

Վարչապետի խոսքով՝ այն կարեւոր ցուցանիշ է, եւ «իրականում 1,5 ամսվա աշխատանքի արդյունք է»։

«Մամուլում հրապարակումներ կան, որ վերադարձված թիվը չի արտահայտվում բյուջեում, այդտեղ ոչ մի տարօրինակ բան չկա, կխնդրեմ ՊԵԿ նախագահ Դավիթ Անանյանին ներկայացնել թե ինչն է պատճառը, որ բյուջեում ունենք փաստացի վերականգնված 800 միլիոն դրամ»,- ասաց նա։

ՊԵԿ նախագահն արձագանքեց, որ բացահայտումներն իրականացվել ոստիկանության, ԱԱԾ-ի եւ ՊԵԿ-ի տարբեր ստորաբաժանումների իրականացրած աշխատանքի արդյունքում, ուստի այն պետք է դիտարկել որպես «հավաքական աշխատանքի արդյունք»։

Անանյանի խոսքով՝ 20 միլիարդ 622 միլիոնը օր օրի փոփոխվող թիվ է, այն բարձրանալու միտում ունի։

«Այս պահի դրությամբ 73 տնտեսավարողների վարքագծի արդյունք է, օրինակ Նոր Ֆոլկի թեմայով որ ասում ենք վերականգնվել է 2,5 միլիոն դրամ, մենք նկատի ունենք այն, որ իրենց հաշվարկային հաշվին մուտքագրվել է համապատասխան գումարը, որը վերահսկվում է ԱԱԾ-ի ու ՊԵԿ-ի կողմից եւ լուծարային ակտը գրելուն պես հաշվարկային հաշվից գումարները կփոխանցվեն պետական բյուջե»,- ասաց Անանյանը։

ՊԵԿ նախագահի խոսքով՝ մի քիչ վերապահումով պետք է խոսել պետական բյուջե վերականգնված գումարների մասին, որովհետեւ երբ ասում են վերականգնվել է, դա չի նշանակում, որ գումարն անմիջապես փոխանցվել է բյուջե։

«Այսինքն, երբ արձանագրվել է չվճարված հարկը, տվյալ ընկերությունն այն մուտք է արել իր իսկ ընկերության հաշվին, որը կալանքի տակ է, եւ չի կարող որեւէ տեղ կորել։ Հիմա ստուգումների արդյունքում, երբ ակտը կվերջնականանա, գումարը մասնավոր ընկերության հաշվից փաստացի կտեղափոխվի պետական բյուջե»,- հստակեցրեց Նիկոլ Փաշինյանը, ապա շարունակեց․

«Կարող ենք հանգստացնել լրատվամիջոցների հարգելի ներկայացուցիչներին՝ ավելի քան 20 միլիարդ դրամը որեւէ տեղ չի կարող կորել, ամբողջը փաստացի վերականգնված գումարներ են, եւ դե յուրե ընթացակարգերի խնդիր է ընդամենը։ Սա վերաբերում է միայն հարկային պարտավորություններին եւ չի վերաբերում ապօրինի հարստացման հետ կապված գործերին, յուրացումներին եւ այլ կոռուպցիոն գործարքներին»։

Փաշինյանը վստահեցրեց՝ լրջագույն գումարներ են վերադարձվելու բյուջե, պետությանը հասցված վնասները վերականգնվելու են, որպեսզի յուրաքանչյուր համայնքի բնակչի համար հենց իր համայնքում տեսանելի լինի կոռուպցիայի դեմ պայքարի արդյունքը։

Տպել
2796 դիտում

Ռուսաստանում ավտովթար է տեղի ունեցել հայկական պետհամարանիշով միկրոավտոբուսի մասնակցությամբ

ՊԵԿ-ում ամենամեծ պարգեւավճարը 1,5 մլն դրամ է եղել. Դավիթ Անանյան

#թողեք աշխատենք. Օպերայի հարակից սրճարանատերերը չեն պատրաստվում հեշտությամբ զիջել դիրքերը

Հրապարակվել է Հարկային օրենսգրքի փոփոխությունների փաթեթը․ միկրոձեռնարկատիրությունն ազատվելու է հարկերից

Մարկոս Պիզելիի վիրահատությունը հաջող է անցել

Արմեն Գրիգորյանը չի ստանձնելու ԿԸՀ նախագահի պաշտոնը․ պաշտոնական հերքում

Կառավարության հերթական նիստը վարում է փոխվարչապետ Տիգրան Ավինյանը

ՀՀ-ում վերելակներ կարտադրվեն․ չինացի ներդրողներին ընդունել է նախարար Տիգրան Խաչատրյանը

Մացահել է ԱԺ նախկին պատգամավոր Գոհար Ենոքյանը

Ապատեղեկատվություն եւ բացահայտ սուտ․ ՊԵԿ-ն՝ աստղաբաշխական պարգեւատրումների մասին

Հայաստանը «Կալաշնիկով» կոնցեռնից կգնի մոտ 50 նորագույն АК-12 ինքնաձիգ

Արցախյան գոյամարտում անկասկած մեծ է ՀՅԴ ներդրումը. Արայիկ Հարությունյան

Հարկադիր կատարման ծառայությունը տնտեսել և բյուջե է վերադարձրել ավելի քան 26 մլն դրամ. նախարար

Վարդենյաց լեռնանցքը փակ է միայն կցորդիչով ավտոմեքենաների համար, Լարսը բաց է. ճանապարհներն՝ այսօր

Խոշոր հրդեհ Ավանում. դեպքի վայր է մեկնել 3 մարտական հաշվարկ. տանիքն ամբողջությամբ այրվել է

Գրադարաններ, երաժշտական դպրոց, մանկապարտեզ. քաղաքապետարանում տնօրենների մրցույթ է կայացել

Նիկոլ Փաշինյանին շնորհավորական ուղերձ է հղել Նիդեռլանդների վարչապետը

Մեդիան մեզ բլոկադայի էր ենթարկել, մենք կարողացանք ճեղքել այն՝ կիրառելով սոցցանցերը. վարչապետ (տեսանյութ)

Իմ կառավարության ռազմավարությունն է Վրաստանը դարձնել տարածաշրջանի կենտրոն. Բախտաձե

Երևանում բախվել են Mercedes-ն ու Opel-ը. վարորդներից մեկը հայտնվել է հիվանդանոցում