Կառավարությունն ԱԺ-ի հետ ԸՕ-ի շուրջ «բազառ» չի անի. իրենն է առաջ տանելու

Այսօր Ազգային ժողովում տեղի ունեցավ Ընտրական օրենսգրքի փոփոխությունների շուրջ հերթական քննարկումը, որին մասկանցում էր նաեւ վարչապետին կից ԸՕ-ի փոփոխություններով զբաղվող հանձնաժողովի քարտուղար Դանիել Իոաննիսյանը:
Քաղաքական ուժերի ներկայացուցիչները հույս հայտնեցին, որ երկու հանձնաժողովնների քննարկումների արդյունքում ստեղծվելու է փոփոխության մեկ նախագիծ: Մասնավորապես, ՀՅԴ խմբակցության ղեկավար Արմեն Ռուստամյանի խոսքով՝ իրենց նպատակը համաձայնեցված գործելն է, եւ ճիշտ կլիներ մեկտեղել երկու օրինագծերը:

Իոաննիսյանը նշեց, որ հայեցակարգի մշակումից հետո այն կետ առ կետ կքննարկվի հանրության եւ խորհրդարանականների հետ, ինչից հետո կնախապատրաստվի Ընտրական օրենսգրքում փոփոխություններ կատարելու մասին օրինագիծը:

Նկատենք, որ այս պահին խորհրդարանական աշխատանքային խումբը չունի Ընտրական օրենսգրքի փոփոխությունների մասին օրինագիծ: Կան միայն 4 խորհրդարանական խմբակցությունների ներկայացրած գաղափարները: Սրան զուգահեռ էլ, եթե խորհրդարանական հանձնաժողովն արտախորհրդարանական քաղաքական ուժերից ստանում է փոփոխությունների առաջարկներ՝ ընդգրկում են փոփոխությունների փաթեթում: Առաջարկ եղավ համեմատել ԱԺ-ի եւ կառավարության ստացված առաջարկությունները:

Սակայն Իոանիսյանի պատասխանից պարզ դարձավ, որ կառավարությունը խորհրդարանի հետ «բազառ» անելու ցանկություն չունի: Նրա պատասխանից կարելի էր ենթադրել, որ ի վերջո ամեն ինչ լինելու է կառավարության որոշմամբ:

«Հանձնաժողովը հետեւում է խորհրդարանական աշխատանքային նիստերին, մենք նույնիսկ որոշ գաղափարներ ենք փոխառել եւ ընդգրկել դրանք մեր հայեցակարգում: Եվ, այնուամենայնիվ, ես չեմ պատկերացնում, թե ինչպես կարելի է մեկտեղել ձեր քաղաքական խորհրդարանական աշխատանքային խմբի եւ մեր մասնագիտացված հանձնաժողովի աշխատանքը: Մենք չենք պատրաստվում այստեղ գալ եւ, կներեք արտահայտությանս համար, ինչ-որ բազառ տանել, մենք պարզապես ցանկանում ենք առաջարկներ լսել եւ քննարկել դրանք մասնագիտացված ձեւաչափով»:

Սա ինչ-որ առումով կարող է նաեւ մեսիջ լինել վարչապետի կողմից խորհրդարանին: Գործող խորհրդարանը չի վայելում հասարակության վստահությունը, իսկ կառավարությունը լիովին լեգիտիմ է: Այս փաստը թերեւս բավական է, որ կառավարությունը իսկապես զիջումների չգնա ու առաջ տանի հենց իր տեսակետը:

ԲՀԿ-ից Նաիրա Զոհրաբյանն էլ հայտարարեց, որ Վենետիկի հանձնաժողովը նշել է՝ իրենց համար ընդունելի է լինելու այն տարբերակը, որը կընդունվի քաղաքական ուժերի միջեւ կոնսենսուսի արդյունքում:

«Ես հասկանում եմ, որ դուք հարգում եք ՀՀ բոլոր հպարտ քաղաքացիների առաջարկները, բայց ես կարծում եմ՝ Վենետիկը չի ասել, ասենք քաղաքացի Վարդուշի առաջարկը պետք է համահունչ լինի քաղաքական ուժերի առաջարկին:

Երկրորդ, դուք նշում եք, որ դուք մասնագիտական հանձնաժողով եք: Ովքե՞ր են ձեր հանձնաժողովում ընտրական իրավունքի շատ ավելի բարձր մասնագետ, քան այստեղ հավաքված քաղաքական ուժերի ներկայացուցիչները, որոնք տարիներ շարունակ մշակել եւ ներկայացրել են առաջարկներ: Մենք առաջարկում ենք համադրել մեր առաջարկները, որ սիզիփոսյան աշխատանք չարվի»,-հայտարարեց Նաիրա Զոհրաբյանը:

Դանիել Իոաննիսյանն էլ նշեց՝ եթե քաղաքական ուժերն այստեղ այլ բան որոշեն, դա չի նշանակում, որ կառավարության հանձնաժողովը, որպես մասնագիտական հանձնաժողով, դիրքորոշում կփոխի: «Մենք ընդունում ենք բոլոր առաջարկները, լսում ենք փաստերը եւ դրանց հիման վրա ձեւավորում մեր դիրքորոշումը: Եթե խորհրդարանը որեւէ հարցի շուրջ գալիս է կոնսենսուսի, դա խորհրդարանի իրավունքն է: Մեզ համար կարեւոր է բովանդակությունը, կարեւոր չէ, թե ով է առաջարկ անողը, քանի որ մենք քաղաքական գործիչներ չենք, մասնագիտական հանձնաժողով ենք»:

Պաշտպանության նախկին նախարար, ԸՕ փոփոխությունների հանձնաժողովի ՀՀԿ ներկայացուցիչ Վիգեն Սարգսյանն այնքան էլ Իոաննիսյանի դիտարկման հետ համամիտ չէր: Նա հայտարարեց, որ կառավարության հանձնաժողովը պետք է հասկանա, որ մասնագիտական հանձնաժողովները ստեղծվում են ձեւակերպելու համար այն կոնսենսուսը, որը կա քաղաքական ուժերի մեջ:

«Եթե դուք պնդում եք, որ մասնագիտական հանձնաժողով եք, ես հարց ունեմ՝ ո՞վ է ձեզ շարադրել քաղաքական պատվերը ընտրական օրենսգրքի, որը դուք փորձում եք մասնագիտորեն ձեւակերպել: Աշխարհում ընտրական օրենսգրքի 150 մոդել կա, ո՞րն եք դուք վերցնում, ո՞ւմ նախընտրած, ո՞վ է դրա համար քվեարկելու խորհրդարանում: Այսինքն, դուք հանրային կառավարման նոր մոդել եք առաջարկում, որը շատ հիասթափեցնող է»,-հայտարարեց Վիգեն Սարգսյանը:

Ի պատասխան Դանիել Իոաննիսյանը նշեց, որ իրենց մասնագիտական հանձնաժողովը ոչ թե միջգերատեսչական է, այլ վարչապետին առընթեր է. «Մեր հանձնաժողովը որեւէ մարմնի վարչությունը չէ, որ պատվեր իջեցվի, մենք էլ այդ պատվերի վրա ինչ-որ բան գրենք: Հանձնաժողովը, լսելով բոլոր կողմերին, ձեւավորում է դիրքորոշում: Ու դա արվում է շատ ավելի ներառական ձեւով, քան երբ դուք էիք իշխանության, երբ նախագիծը կազմվում էր գաղտնի կերպով:

Հանձնաժողովը ձեւավորում է իր դիրքորոշումը, քննարկում է այն ԱԺ-ի հետ, հետո արդեն անցնում դրա ձեւակերպմանը նախագծի մեջ: Չի բացառվում, որ կոնկրետ նախագծի ձեւակերպումները հանձնաժողովը չանի, այլ հանձնաժողովի պատվերով՝ կառավարության կամ արդարադատության նախարարության կառուցվածքային ստորբաժանումներից մեկը: Մեր հանձնաժողովը ոչ թե ինչ-որ պատվերի կատարողն է, այլ այդ պատվերը ձեւավորողը: Հիմքում վարչապետի կողմից քաղաքացիներին տված խոստումներն են, որոնք ներառված են նաեւ կառավարության ծրագրում»:

Դանիել Իոաննիսյանն ընդգծում է, որ, եթե ՀՀԿ-ի առաջարկներից ընդունելի տարբերակ լինի, կընդգրկեն Ընտրական օրենսգրքի նախագծում: «Մեզ համար տարբերություն չկա, թե ով է առաջարկում։ Մենք մտադիր չենք զիջել օրենսգրքի որակը»,–նշեց նա։

Դիտարկմանը՝ ինչո՞ւ չգնալ փոխզիջումների, վերջիվերջո, ԱԺ–ում մեծամասնությունը ՀՀԿ–ականներն են, նա շեշտեց, որ դա քաղաքական ուժերի որոշելիքն է. «Մենք քաղաքական ուժ չենք։ Մեզ համար կարեւոր է ունենալ որակի առումով հնարավոր ամենալավ օրենսգիրք»։

Հարցին՝ արդյոք կարելի՞ է տարածքային բաց ցուցակների հարցը փակված համարել, Իոաննիսյանը նշեց. «Ըստ էության, այս հարցը կառավարության ծրագրում է ամրագրված, որ պետք է ռեյտինգային համակարգից հրաժարվել եւ անցնել սովորական համամասնական ընտրակարգի»։

Նա հավաստիացրեց՝ նախագծի հարցում «առեւտրի» չեն գնալու. «Մեր հանձնաժողովն էությամբ է մասնագիտական։ Մեր հանձնաժողովը չի գնալու ինչ–որ մեկի հետ «բազառ» անի, որ եկեք դուք համաձայնեք մեր այս կետին, մենք կհամաձայնենք ձեր այս կետին։ Վարչապետին ներկայացվող ընտրական օրենսգրքի որակը առեւտրի ենթակա չէ»։

Նախագծի ժամկետների մասին հարցին վարչապետին առընթեր ընտրական օրենսդրության բարեփոխումների հանձնաժողովի քարտուղարը պատասխանեց. «Նախագծի ինչ–որ տեխնիկական հարցերի շուրջ արդեն աշխատանքներ տարվում են, բայց շատ հարցերի հետ կապված քաղաքական որոշումներ պետք է լինեն»։

Նա հույս հայտնեց, որ արդեն սեպտեմբերին նախագիծը խորհրդարանի քննարկմանը դրված կլինի։

Իոաննիսյանը հստակեցրեց, որ ԱԺ 105 պատգամավորն էլ կարող են նախագիծ ներկայացնել։ «Ինձ համար, որպես վարչապետին առընթեր հանձնաժողովի ներկայացուցիչ, կարեւոր է, որ այն նախագիծը, որ կազմվելու է կառավարությունում, լինի ամենաորակյալը, թե ուրիշ ով ինչ նախագիծ կկազմի, մարդկանց իրավունքն է։ Ոչ մեկին չի սահմանափակել պատգամավորների՝ նախագիծ մշակելու իրավունքը։ Թեկուզ կարող են նախագիծ մշակել, որով կչեղարկեն Նյուտոնի օրենքները»:

Տպել
4487 դիտում

Սև լիճ տեղանքում ադրբեջանական գործողություններն անհանդուրժելի են, դա ոտնձգություն է ՀՀ տարածքի նկատմամբ. Նիկոլ Փաշինյան

Շնորհակալություն, որ անաչառ եք. Շիրակի մարզպետն ամփոփեց աշխատանքային 100 օրը

Արբեջանական զինվորականների ներկայությունը Սև լճի տարածքում կոպտորեն խախտում է ՀՀ սահմանային բնակիչների իրավունքները․ ՄԻՊ

ВАЗ 2107 մակնիշի ավտոմեքենան մխրճվել է ՊՆ-ին պատկանող բեռնատարի մեջ․ կան վիրավորներ․ Shamshyan

Գազայում ավերվել է 16-հարկանի երկնաքերը. պաղեստինա-իսրայելական հրթիռակոծությունները չեն դադարում (տեսանյութ, լուսանկար)

Նիկոլ Փաշինյանի գլխավորությամբ տեղի է ունենում Անվտանգության խորհրդի նիստ

Տավուշում հանգիստ է․ Ստյոպա Սաֆարյանը գտնվել է «թուրքի պոստից» 300-500 մետր հեռավորության վրա

Ոսկեպար-Բաղանիս-Ոսկեվան սահմանային հատվածում կրակահերթեր տեղի չեն ունեցել. Info chechk

Դուք վստա՞հ եք, որ վառելիք չկար. եթե «Երեւանի ավտոբուս» ՓԲԸ-ն պարտքը չտա, «ՍԻՓԻԷՍ ՕԻԼ» ՍՊԸ-ն կդիմի դատարան

Սյունիքի մարզպետարանը հորդորում է մարզպետին չվերագրել խոսքեր, որոնք իրականում նա չի ասել

Հայտնի են Չեմպիոնների լիգայի և Եվրոպայի լիգայի եզրափակիչների մրցավարական կազմերը

Նիկոլ Փաշինյանը դատապարտելի է համարել Ադրբեջանի կողմից եռակողմ հայտարարությունների խախտման փորձերը

Սերգեյ Շոյգուն բանակցություններ է վարել Հայաստանի պաշտպանության նախարարի հետ

Երկրորդ զորամիավորումում մեկնարկել են հրամանատարաշտաբային զորավարժություններ

Աչքերս փակ, թե բաց, միշտ բարի լույս եմ ասելու իմ քաղաքին. Գյումրին հրաժեշտ տվեց Հասմիկ Կիրակոսյանին (լուսանկարներ)

Ադրբեջանցիների կողմից մեր ջուրը թունավորելու մասին լուրերը կեղծ են. Սիսիանի ԲԿ տնօրենը՝ վարակի հարյուրավոր դեպքերի մասին

ՄԻԵԴ Մեծ պալատը կքննի Հայաստանի և Ադրբեջանի փոխադարձ բողոքները

Ծանրամարտի երիտասարդների աշխարհի առաջնությունում Հայաստանի 7 ներկայացուցիչ հանդես կգա

Արարատ Միրզոյանի գլխավորած պատվիրակությունը հանդիպել է Լիտվայի վարչապետ Ինգրիդա Շիմոնիտեին

Կառավարությունը ԱԱԾ-ին Կապանում եւ Գորիսում հողամասեր կհատկացնի պաշտպանության ամրապնդման համար

Քիչ առաջ եմ իջել Սեւ լճից. ադրբեջանցիները մտածված եկել, սահմանը խախտել են, հիմա պիտի գնան իրենց տեղերը. Սյունիքի մարզպետ

«Ձեր ներկայությունը մեզ ուժ է տալիս». քաղաքապետը Աղվան Չատինյանին հանձնել է Երևանի պատվավոր քաղաքացու կոչումը

Հայաստանի և Վրաստանի ԱԳ նախարարներն անդրադարձել են տարածաշրջանային անվտանգության և փոխկապակցվածության հարցերի

«Դոն Պիպոյի» թիկնապահի սպանության գործով խուզարկություն Այգեշատի գյուղապետի տանը, հայտնաբերվել է թմրանյութ.shamshyan.com

Ժողովուրդը պետք է հստակ ասի «ոչ» բոլոր ժամանակներում երկիրը ապականած և ապագան վիժեցրած ուժերին․ Նորայր Նորիկյան

5-րդ զորամիավորումում հայտարարվել է ուսումնական տագնապ․ ՊՆ

Քաղաքական հայտ ներկայացրած բանդան պետության ներսում կազմակերպված մեդիաօպերացիա է իրականացնում ժողովրդի դեմ. Հովհաննիսյան

Առաջարկվում է աշխատողին արձակուրդ տրամադրել նաեւ մինչեւ վեց ամիս լրանալը, արձակուրդ չտրամադրելու դեպքում տուժանք վճարել

Տիգրան Ուրիխանյանը և Արա Աբրահամյանն այսօր հուշագիր կստորագրեն․ Աբրահամյանը «Ալյանս» կուսակցության ցուցակո՞ւմ կլինի

Վրաստանի վարչապետ Իրակլի Ղարիբաշվիլին Տիգրան Ավինյանի հետ այցելել է Ծիծեռնակաբերդ

ԶՈՒ ԳՇ պատվիրակությունը Մոսկվայում մասնակցել է զորավարժության նախապատրաստման բանակցություններին

Կենտրոն վարչական շրջանը ղեկավար չունի. թաղապետին փոխարինողը ձերբակալված է, իսկ թաղապետն արձակուրդից չի վերադառնում

Մեղրաձոր համայնքի նախկին ղեկավարը չարաշահել է պաշտոնեական դիրքը․ քրեական գործն ուղարկվել դատարան

Առկա ամբողջ արտադրանքը կարտահանվի ԱՄՆ. Վահան Քերոբյանն այցելել է չրագործական ընկերություն և պիստակի այգի

Հայաստանի հետ սահմանին ադրբեջանցի է պայթել ականի վրա

Հայ-վրացական գործընկերությունը մեր տարածաշրջանում կայունության ապահովման կարևորագույն երաշխիքներից է. Նիկոլ Փաշինյան

«Իրազեկ քաղաքացիների միավորումը» ներկայացնում է նոր նախագիծ՝ Reforms.am կայքը

Արա Այվազյանն իր ռուս գործընկերոջը տեղեկացրել է Հայաստանի պետական սահմանին տեղի ունեցած վերջին միջադեպի մասին

Պետք է աջակցենք իրար մեր պետությունների զարգացումն ապահովելու գործում. Փաշինյանի և Ղարիբաշվիլիի առանձնազրույցը

«Քաղաքացիական պայմանագիր» կուսակցության Շիրակի մարզային շտաբը կղեկավարի Շիրակի մարզպետը. ի՞նչ պահանջներ են առաջադրված