Սաշիկ Սարգսյանի որդու դեմ ցուցմունք տված անձի վրա առկա վնասվածքները մոծակի կծածի՞ց են եղել

Սերժ Սարգսյանի եղբորորդու՝ Հայկ Սարգսյանի դեմ ցուցմունք տված սույն գործով տուժող Դավիթ Սիմոնյանի մարմնական վնասվածքները մոծակի ու ճանճի կծածի հետեւանք են:

Այս մասին մեր հարցին ի պատասխան ասաց Սիմոնյանի պաշտպան Գիվի Հովհաննիսյանը:

Հիշեցնենք, որ Հայկ Սարգսյանի պաշտպան Երեմ Սարգսյանը մեր զրույցում նշել էր, որ առերեսման ժամանակ Դավիթ Սիմոնյանի վրա արնահոսող մարմնական վնասվածքներ ու կապտուկներ են եղել: Պաշտպանը միջնորդել է դատաբժշկական փորձաքննություն նշանակել, սակայն քննիչը մերժել է:

Դավիթ Սիմոնյանի պաշտպանը պատասխանել է մեր մի քանի հարցերին:

- Պարոն Հովհաննիսյան, նախ ձեր վստահորդը հայտնե՞լ է, թե ինչու որոշեց 11 տարի անց խոսել եւ ցուցմունք տալ Հայկ Սարգսյանի դեմ:

- Կոնկրետ իրավիճակ է փոխվել, հավանաբար դրա հետ կապված է որոշել, որ հիմա հայտնի՝ մտածելով, որ արդար քննություն կկատարվի եւ մեղավորները պատասխանատվության կենթարկվեն, իրավիճակի փոփոխությունն է, որը դրդել է նրան նման քայլի գնալ:

- Բայց նախկին իշխանության օրոք Դավիթ Սիմոնյանն ու Հայկ Սարգսյանը շատ մոտ հարաբերությունների մեջ են չէ՞ եղել:

- Հավանաբար, նորմալ հարաբերություններ են ունեցել:

- Իսկ ինչպե՞ս ստացվեց, որ այս գործով ցուցմունք տալուց հետո ձեր վստահորդը, որը մի քանի ամիս կալանքի տակ է եղել, ազատ արձակվեց:

- Մեկ այլ գործով ինքը 6 ամիս գտնվում էր կալանքի տակ, ազատ արձակումը դրա հետ կապ չուներ, որովհետեւ բողոքարկումներ կատարվեց, Վերաքննիչ դատարանը նոր ազատ արձակեց: Խախտումներ կային, մասնավորապես, բավական երկար ժամանակ իմ պաշտպանյալը անազատության մեջ էր եւ որեւէ հիմք չկար անազատության մեջ պահելու. վերաքննիչ դատարանը արձանագրեց, որ խախտումներ կան եւ վերացրեց կալանավորելու որոշումը:

- Պարոն Հովհաննիսյան, Հայկ Սարգսյանի պաշտպանը մեր զրույցում հայտարարել է, որ առերեսման ժամանակ ձեր վստահորդի վրա մարմնական վնասվածքներ են հայտնաբերվել, մեջքի շրջանում ուժեղ ցավեր: Այս վնասվածքները ինչի՞ հետեւանք են եւ արդյո՞ք միջնորդել եք դատաբժշկական փորձաքննություն նշանակել:

- Միջնորդություն իմ կողմից չի ներկայացվել: Դավիթ Սիմոնյանի հետ խոսել եմ. մեկուսարանում որ նստած է եղել, մոծակի, ճանճի կծած հետքերն է եղել, քորել է, արյուն է եկել, որեւէ առնչություն չունի իր տված ցուցմունքների բովանդակության հետ:

Իսկ կապտուկներն ու մեջքի ցավը՞:

- Կապտուկ չի եղել, իսկ մեջքի հետ կապված ասաց, որ երիկամներն է ցավել, երեւի մեկուսարանում քնելու հետ կապված հարմար չի եղել քնելը: Եթե նկատի ունեք՝ ծեծի է ենթարկվել ու դրա հիման վրա ինչ-որ բան է գրել, ապա նման բան չկա, իր նկատմամբ ճնշում չի գործադրվել:

Նշենք, որ Հայկ Սարգսյանը կալանավորվել է հուլիսի 11-ին. նա մեղադրվում է Դավիթ Սիմոնյանի սպանության փորձի եւ ապօրինի զենք-զինամթերք ձեռք բերելու պահելու մեջ:

Տպել
8773 դիտում

Երեւանում օրը ցերեկով մեքենան ջարդուխուրդ անող ձերբակալված 5 քաղաքացիները ցուցմունք են տվել. չեն ընդունում կասկածանքը

Երեւանում վնասել են «Իմ քայլը» խմբակցության պատգամավոր Քրիստինե Պողոսյանի ավտոմեքենան

Գյումրիում բնակբաշխան աղմկահարույց շղթա է բացվում. փաստերն ուսումնասիրում է դատախազությունը

Ադրբեջանում այս օրերին անցկացվում են վերջին տարիների ամենամասշտաբային բողոքի ցույցերը

Շատ հագեցած աշխատանքային օր ունեցա Ցյուրիխում. Նիկոլ Փաշինյան (տեսանյութ)

Հայերին որ հարցնես, բոլորը հայ են, իսկ վրացիներին՝ ում չեն հավանում, նա է հայ. Սաակաշվիլի

Ձերբակալվել են Երեւանում օրը ցերեկով մեքենան ջարդուփշուր անող 5 քաղաքացիները (տեսանյութ)

Tiv1.am կայքը ֆինանսավորողն այլեւս ցանկություն չունի աշխատել այդ թիմի հետ, նրանք, փաստացի, մեջքից խփել են․ կայքի տնօրեն

Կրկին թալանել են Varks.am-ը, այսօր արդեն երկրորդ անգամ. տարել են 600 հազար դրամ

Հայկ Մարությանն ակնկալում է քաղաքապետարանի և ոստիկանության արդյունավետ համագործակցություն

Մանկապարտեզի ձերբակալված տնօրենի որդին աշխատում է Երեւանի քաղաքապետարանի աուդիտի բաժնում

Կանխատեսվում է համաշխարհային տնտեսության աճի դանդաղում 2019 և 2020 թվականներին

Հյուրանոցում ժամանակ է անցկացրել տղամարդու հետ եւ գողացել նրա ոսկյա շղթան

Վարդենյաց լեռնանցքը դժվարանցանելի է մարդատարների, փակ՝ բեռնատարների համար

ՀՀ փոխվարչապետ Տիգրան Ավինյանը ներկայացրել է նորանշանակ նախարար Զարուհի Բաթոյանին

Սեդրակ Քոչարյանի ներկայացուցիչը միջնորդեց դատարան հրավիրել ԱԱԾ տնօրենին

Արարատի մարզպետն իրավունք չուներ աշխատավարձը գերազանցող ինքնապարգևատրում անել. Ս. Պապիկյան

Կայք գյուղի տներից մեկում պայթել է գազի բալոնը, կոտրվել են պատուհանները. տանտերը այրվածքներ է ստացել

Բացահայտվել է ՀՀ ՊԵԿ պաշտոնատար անձի օժանդակությամբ կազմակերպված հանցավոր մեխանիզմ. ԱԱԾ (տեսանյութ)

Կողքից է տպավորություն, թե հեշտ էր. Գեւորգյանը՝ ՀՀ 2019 թ. կանանց շախմատի չեմպիոն դառնալու մասին