Ինչ էին նշանակում Փաշինյանի եւ Մակրոնի ժեստերը. մեկնաբանում է արտակարգ եւ լիազոր դեսպանը

Հայաստանի վարչապետ Նիկոլ Փաշինյանի եւ Ֆրանսիայի նախագահ Էմանուել Մակրոնի բրյուսելյան հանդիպման ժամանակ նրանց ժեստերը բավական ընդգծված ու արտահայտիչ էին: Հրապարակված տեսանյութում ձեռքսեղմումից առաջ Մակրոնը թեթեւ խփում է Փաշինյանի բազկին: Նույնկերպ պատասխանում է Հայաստանի վարչապետը: Հետո՝ լայն ժպիտներ: Իսկ արդեն հրաժեշտից առաջ ձեռքսեղմումի ժամանակ Ֆրանսիայի նախագահ Էմանուել Մակրոնը մյուս ձեռքը դնում է Հայաստանի վարչապետ Նիկոլ Փաշինանի ուսին: Փաշինյանը արձագանքում է նույն ժեստով:

Այդ շարժումները, որպես կանոն, ունենում են այս կամ այն նշանակությունը եւ հնարավորություն են տալիս պատկերացում կազմել կողմերի գիտակցված կամ ենթագիտակցական մտադրությունների ու տրամադրվածության մասին:

Արտակարգ եւ լիազոր դեսպան Արման Նավասարդյանը, մեր զրույցում մեկնաբանելով նշված երկու գործիչների ժեստերը, ասաց. «Ժեստերի լեզվի մեջ կա մի շատ հետաքրքիր երեւույթ, որը կոչվում է հպման ֆենոմեն, անգլերեն ասում են՝ «թաչինգ»: Ապացուցված է, որ հաղորդակցության ժամանակ աննշան արված ամեն մի հպում ունի դրական նշանակություն եւ դրական հետեւանք՝ հարաբերությունների պահպանման եւ հետագա զարգացման համար: Սա հաճախ կատարվում է ենթագիտակցական մակարդակում, որովհետեւ ժեստերի լեզուն սկզբում ենթագիտակցական մակարդակով է առաջանում, հետո նոր արտահայտվում է խոսքերով: Եվ եթե հարաբերությունները, այսպես ասած, ընթանում են դրական, լավ մթնոլորտում, ինքնաբերաբար նման թեթեւ հպումներ կատարվում են»,- ասաց Արման Նավասարդյանը:  

Նա նշեց, որ ուշադիր հետեւել է Մակրոնի ժեստերին, եւ բացարձակապես որեւէ շինծու բան դրանցում չի տեսել: «Եթե նա դա արել է ենթագիտակցական մակարդակում, նշանակում է համակրանք ունի դեպի Փաշինյանը, ինչը ես մտածում եմ, որ այդպես էլ կա: Եթե արել է գիտակցաբար, դա էլ լավ է: Դա ցույց է տալիս իր տրամադրությունը, իր դրական էմոցիաները, ինչը գրավական է նաեւ հետագա հաջող հարաբերությունների համար: Իսկ այն, որ Նիկոլ Փաշինյանը պատասխանեց, նույնպես շատ լավ արեց: Անպայմանորեն պետք է պատասխանը լինի: Եթե Մակրոնի այդ հպումները ոչ ենթագիտակցորեն էին, եւ նա պատասխան չստանար, չէր հասկանա, դրական էմոցիա չէր առաջանա»,- նկատեց դեսպանը:

Բայց օրինակ, եթե կողմերից մեկը թփթփացնում է մյուսի թիկունքին կամ ձեռքսեղմման ժամանակ մյուս ձեռքով բռնում է դիմացինի արմունկը, դա ընկալվում է որպես սեփական գերակայությունը մյուսի նկատմամբ ընդգծելու փորձ: Արդյո՞ք ձեռքը ուսին դնելը նույնպես գրեթե նույնը չի նշանակում, ինչն արեց Մակրոնը եւ ինչին պատասխանեց Փաշինյանը:

Արման Նավասարդյանն այս առնչությամբ ասաց, որ տվյալ դեպքում որոշիչ են հարակից այլ գործոններ, որոնց առկայությունը նման կերպ մտածելու հիմք չի տալիս:

«Ձեռքը ուսին դնելու ժեստի մեջ հովանավորության մի փոքր տարր կա: Բայց նայած թե դրան ինչ է նախորդել: Եթե դա առաջին հանդիպումն է, եթե կա դրական, այսպես ասած, ինֆորմացիա, այնտեղ չի եղել բանակցային գործընթաց, երբ մեկը չի կարողացել բանակցությունը տանել անհրաժեշտ մակարդակով, դա չի դիտվում որպես տիրական ժեստ: Երբ դա կատարվում է այս մակարդակում, պետք է նայել՝ ինչ ենթատեքստում է արվում եւ ովքեր են դա անողը: Ես կարծում եմ, որ այստեղ լրիվ հավասարության ու բարության մթնոլորտ էր: Հետո՝ Մակրոնի ժպիտը: Ժպիտը շատ անկեղծ էր»,- արձանագրեց արտակարգ եւ լիազոր դեսպան Արման Նավասարդյանը:

Տպել
5853 դիտում

Հրապարակվել է «Լավ երկրների» վարկանշային աղյուսակը. Հայաստանը բարելավել է դիրքերը, հայտնվել 45-րդ տեղում

Քոչարյանի իշխանավարման տարիներին սպառողների համար գազի գինն աճել է մոտ 2.5 անգամ. Հայկ Գեւորգյան

Վարչապետը շարունակում է հանդիպումները Դավոսի տնտեսական համաժողովի շրջանակում (լուսանկարներ)

ՊԵԿ-ը հերքում է. նման պարգևատրումներ գոյություն չունեն

Ինքնախրախուսվել է նաեւ Շիրակի մարզպետը. փոխմարզպետները եւս դրամական պարգեւներ են ստացել

Էլեկտրահարման եղանակով Արփա գետից որսացել են ձկներ, պահել գետի ափին ու բռնվել

Արայիկ Հարությունյանն ԱՄՆ է գնացել հրավիրող կողմի հաշվին

Բակո Սահակյանը ողջունել է Արցախում ՀՅԴ Ընդհանուր ժողովի անցկացումը

Սերժ Սարգսյանն այսօր պարգեւատրել է չեմպիոնների

Վանաձորցիները սպասում են ԱԺ պատգամավորի թեկնածուների «բարի կամքի դրսեւորմանը»

Արտաշատում հատուկ նշանակայինների մասնակցությամբ միջոցառումներ են տեղի ունեցել (տեսանյութ)

Շուկայում փոփոխություններ են տեղի ունեցել, ներմուծող տնտեսվարողների քանակն է ավելացել. Շաբոյանը բենզինի գնի անկման մասին

Չեխիան ստացել է Նարեկ Սարգսյանի արտահանձնման մասին Հայաստանի հայցը

Հայտարարություն մրցույթի մասին

ՀՀԿ-ական քաղաքապետերը նույնպես շարժվել են իրենք իրենց պարգեւատրելու իներցիայով

Ամփոփիչ խորհրդակցություն ոստիկանության Երևան քաղաքի վարչությունում (տեսանյութ)

Սերժ Սարգսյանը այսօր պարգեւատրել է չեմպիոնների

Դարձել եք ազատ, արդար ընտրությունների արդյունքում ձեւավորված խորհրդարանի ղեկավար. Սվիտալսկին՝ Միրզոյանին

Շտապ օգնության կանչերը շուտով կսպասարկվեն նաեւ թեթեւ մարդատար ավտոմեքենաներով

Աշոցքի ավտոճանապարհներին թույլ ձյուն է տեղում