Տաղանդները տնակներում.գյումրեցի Փաշիկը, Հոբն ու Մկրտիչն աշխարհի ուշադրության կենտրոնում են

15/07/2018 schedule00:10

Գյումրու ոչ պատմական, բայց քաղաքի ամբողջ պատմությունն իր մեջ ամփոփող «Շալե» կենտրոնում կայացավ գյումրեցի պատանի նկարիչներ՝ Հոբի, Մկրտիչի եւ Փաշիկի  նկարների ցուցահանդես-վաճառքը: Երեխաներից յուրաքանչյուրն ուսուցչի օգնութամբ մի քանի աշխատանք էր ներկայացրել: Ցուցահանդեսի համար ուրախ էին, բայց նկարներ վաճառել չէին ուզում: Առաջին գնորդը, սակայն չուշացավ: Համլետ Հակոբյանն ընտրեց 14-ամյա Փաշիկի աշխատանքը: Ասաց չի կարող բացատրել ինչու, սակայն գույներն ու շարժումն իրեն միանգամից գրավեցին: Փաշիկն անակնկալի եկավ, հակասական զգացմունքներով նկարը հանձնեց գնորդին:Յուրաքանչյուրից մեկական նկար գնելու հանձնարարություն ուներ «Շալե»-ի տնօրն Վահան Թումասյանը: Բարերար Հերման Հինթիրյանը խնդրել էր իր անունից երեխաների նկարներից մեկական գնել եւ դրանք մշտապես ցուցադրել «Շալե»-ում: Հոբը ՀԺ-ի հետ զրույցում ասաց, այսօր իր համար միեւնույնն է, թե որ նկարն է վաճառվելու: Սա իր պատճառն ուներ, պարզվեց: «Իմ ամենասիրած նկարը՝ «Ցեխոտ փողոց»-ը, մարտին ծախվավ, Համաշխարհային բանկն առավ, ըդորից հետո լրիվ մեկ է, թե երբ ու որ նկարը կծախվի: Ես ուրախ էլ եմ, որ մարդիկ առնին: Ոչինչ, ես ուրիշը կնկարեմ, բայց էդ  «Ցեխոտ փողոց»-ը չբդի ծախեի»,-ասաց Հոբը:Լուսանկարում գյումրեցի նկարիչ, 14-ամյա Հոբ Ղազարյանն է Հոբ Ղազարյանի «Ցեխոտ փողոց» նկարն է, որ մարտ ամսին գնել է Համաշխարհային Բանկը

Մկրտիչի մայրն էլ պատմեց, որ փոքր հասակում, երբ տղան սկսել է քայլել, ոտքի հետ էլ ձեռքն ընկած մատիտով ու գրիչով սկսել է սկզբում տնակի պատերին նկարել, հետո արդեն դասագրքերի ու տետրերի էջերին: «Ըդպես տետրըմ չկա, որ նկարած չեղնի, ինչի վրա պատահի, կնկարե, որ նոր-նոր դասի կերտար դասագրքերի համար շատ կջղայնանայի, կսեի, այ տղա ջան, գոնե ըդոնց վրա մի նկարե, ափսոս է, չի կարելի»,-պատմեց տիկին Զեմֆիրան:Վաճառվող նկարների գումարն ամբողջությամբ երեխաներին է տրվելու: Վահան Թումասյանն ասաց տարածքն անշահախնդիր է տրամադրել, իրեն ոչինչ պետք չէ: Նաեւ «Խազեր»-ին է հրավիրել, որ Կոմիտաս հնչի: Երեխաներին հենց Վահանն է գտել տնակային այցերից մեկի ժամանակ: Բացահայտումը եղել է պատահական: Տեսել է սկզբում Հոբի, հետո Մկրտիչի աշխատանքները, հետաքրքրվել երեխաներով եւ նպատակադվել, որ իրականություն է դարձնելու «Տաղանդները տնակներում» այս եզակի ցուցահանդես-վաճառքը:Հոբն ու Փաշիկը դեռ չգիտեն, թե իրենց նկարների վաճառքից ստացված գումարն ինչի վրա են ծախսելու: Մկրտիչն ասում է, ինքն արդեն որոշել է, թարմացնելու է իր ներկապնակը՝ նոր ջրաներկեր, մատիտներ, թուղթ ու անհրաժեշտ այլ պարագաներ է գնելու, որ եւ վաճառված նկարից կրկին նկարի, եւ ուրիշ աշխատանքներ ունենա:Տղաների նկարներում իրենց աշխարհն է, շրջապատն ու առօրյան: Մի տեղ հոլ են խաղում, նկարներից մեկում 7 քար խաղացողները կռվում եւ հաշտվում են: Ձմեռ, սահնակ ու ձնագնդի, նաեւ հենց ուսուցիչը՝ Սամվել Գալստյանն է պատկերված: Տնակներն ամենուր են նկարներում, բայց դրանք գորշ ու մռայլ չեն: Նկարները կենդանի ու շնչող են, վառ հույսեր արթնացնող: Տնակային կյանքի սահմանափակումներն այս տղաենրի համար չեն: Տնակների փոքրիկ սենյակներում իրենք իրենց մեծ աշխարհն ունեն:Գյումրեցի պատանի նկարիչներով շատերն են հետաքրքրված: Արտերկրում ապրող հայ եւ օտարազգի բարերաներն ու անհատներն, ովքեր Գյումրիում են եղել անցած ամիսներին, արդեն նրանց նկարներից գնել, իրենց հետ տարել են:Երեք տաղանդներն էլ Գյումրու տնակային ավաններում են ապրում: Ոչ առանձին սենյակ ունեն, ոչ առավելեւս արվեստանոց:  Նրանք  հիմնականում աշխատում են իրենց ուսուցչի Սամվել Գալստյանի տանը: Կրկին տնակում, փոքրիկ մի սենյակում, որտեղ 2 -3 մարդ միասին հազիվ կարող են տեղավորվել: Շիրակի մարզպետի տեղակալ Սոֆյա Հովսեփյանը ՀԺ-ի հետ զրույցում ասաց, առաջին իսկ հնարավորության դեպքում կանդրադառնա արվեստանոցի պայմանների բարելավմանը, գուցե հնարավոր լինի Սամվել Գալստյանին մի հարմար տարածք առաջարկել, որտեղ նոր տաղանդներ կբացահայտվեն: Ցուցահանդեսը «Շալե»-ում բաց է եւս մի քանի օր:

 

Տպել
3589 դիտում

Զովունիում մեքենան դուրս է եկել հանդիպակաց երթևեկելի գոտի և մխրճվել դեղատան մեջ. վիրավորներ կան

Այս պահին փակ են Վարդենյաց լեռնանցքը, Արագածոտնի և Գեղարքունիքի գյուղամիջյան ճանապարհներ

«Առնո Բաբաջանյան» համերգասրահի փոխտնօրենի նկատմամբ քրեական հետապնդումը դադարեցվել է

Մաշինի դուռը բացվեց ու Փաշինյանն իջավ․ բոլնիսցիները՝ վարչապետի անակնկալ այցի մասին

Մենք կշարունակենք պայքարը, որպեսզի ԻԳԻԼ-ը չբարձրացնի իր գարշելի գլուխը. ԱՄՆ փոխնախագահ

Երեխան ընդունվել է վերջույթների կաթվածով. «Սուրբ Աստվածամայր» Բ/Կ-ն պարզաբանում է փոքրիկի մահը

Գրիպի դեմ պատվաստվողները շատացել են. «Մուրացանում» պատվաստանյութն արագորեն սպառվել է

Մաղթում եմ Ձեզ հաջողություն Ձեր կարեւոր պարտականությունների կատարման գործում. Յագլանդ

ՎՏԲ-Հայաստան Բանկը հայտարարում է Swift դրամային փոխանցումների վերաբերյալ ակցիա՝ նոր հաճախորդների համար

Արման Թաթոյանը Նիդերլանդների դեսպանի հետ քննարկել է Պաշտպանի զեկույցը

Բելգիայի Թագավորության վարչապետ Շառլ Միշելը շնորհավորական ուղերձ է հղել Նիկոլ Փաշինյանին

Ոստիկանության միայն մեկ ստորաբաժանման ծառայության շնորհիվ պետբյուջե է վերադարձվել ավելի քան 708 մլն դրամ

Փրկարարները դուրս են բերել ավտոմեքենան արգելափակումից

Սևանի թերակղզուց դեպի Դիլիջանի թունել ճանապարհահատվածում բուք է

Գրիպով հոսպիտալացվածների 95 տոկոսը երեխաներ են. խուսափելու լավագույն միջոցը պատվաստումն է

ՀՀ և Ադրբեջանի ԱԳ ղեկավարները անդրադարձել են խաղաղ գործընթացին, նաև՝ ժողովուրդների խաղաղությանը

Երեւանի քաղաքապետարանի թեժ գծի համարը փոխվում է, կլինի նաեւ ձայնային հաղորդագրության հնարավորություն

Գյուղատնտեսական տարին պետք է դարձնել մաքսիմալ կանխատեսելի. Նիկոլ Փաշինյան (լուսանկարներ)

Բարեկամավան գյուղում ականի պայթյունից տուժած կա

Ադրբեջանցիները կրկին փորձել են խեղաթյուրել Իրանի բարձրաստիճան պաշտոնյայի հայտարարությունը. փորձագետ