Քաղաքն աղբի մեջ է. Սանիթեքից հայտնում են, որ Նուբարաշենի աղբավայրի ճանապարհի պատճառով է

Շուրջ երկու շաբաթ է՝ մայրաքաղաքի տարբեր հատվածներում աղբահանություն չի կատարվում: Բնակիչների բողոքներ ենք լսում գրեթե բոլոր թաղամասերի հետ կապված:

Բնակիչների արդարացի բողոքի ականտեսը կարելի է լինել Երևանի կենտրոնից սկսած՝ յուրաքանչյուր քայլափոխի: Քաղաքը արսափելի կեղտոտ վիճակում է, իսկ «Սանիթեք»-ի աշխատակիցներն անհասկանալի պատճառներով աղբահանությամբ չեն զբաղվում: Յուրքանչյուր աղբարկղի կողքին նրա պարունակության եռակի չափով աղբ է լցված, որը մի կողմից փողոցային շներն են քաղաքով մեկ տարածում, իսկ մյուս կողմից քամին է սփռում այս ու այն կողմ:

Խնդիրը տարբեր լրատվամիջոցներով բարձրաձայնելուց ու համապատասխան գերատեսչություններ բողոք հղելուց հետո քաղաքացիները հարցը հասցրեցին ՀՀ վարչապետ Նիկոլ Փաշինյանին: Երեկ, հուլիսի 15-ին վարչապետի ֆեյսբուքյան ուղիղ եթերով հարց ու պատասխանների մեջ բարձրաձայնած խնդիրներից աղբահանության ու ջրամատակարարման հարցերը տվյալ պահի ամենաարդիականներից էին: Խնդրի հետ կապված Նիկոլ Փաշինյանն ասաց. «Ես քաղաքացիների բողոքը համարում եմ արդարացի եւ այս 2 ընկերությունները պետք է իմանան, որ իրենց աշխատանքից այդքան էլ գոհ չեն»:

Աղբահանության համատարած խնդրին այսօր անդրադարձել է նաև ԲՀԿ-ական պատգամավոր Նաիրա Զոհրաբյանը: Վերջինս ֆեյսբուքի իր էջում հրապարակել է լուսանկարներ, մասնավորապես «Ավան-Առինջ»-ի այն հատվածը, որտեղ գտնվում է «Նոր Զովք» սուպերմարկետը՝ իր հարակից տարածքի ողջ «հմայքով»:

«Նոր Զովք սուպերմարկետը իր կենցաղային արտաթորանքն ամեն օր շաղ է տալիս բնակիչների քթի առաջ` բնակելի տարածքում ստեղծելով հակահիգիենիկ իրավիճակ, գարշահոտություն եւ համաճարակի վտանգ։ Չնայած զրուցեցի «Նոր զովքի» պատասխանատուների հետ եւ իրենք նշեցին, որ իրենց «ատխոդը» միայն դատարկ տուփերն են, մինչդեռ` բնակիչները պնդում են միանգամայն հակառակը»,-գրել է Նաիրա Զոհրաբյանը։ 

Պատգամավոր նշել է, որ ինչպես միշտ, արատավոր շրջան է ամռան այս տապին, երբ քաղաքը լի է զբոսաշրջիկներով: Անպարտաճանաչ կառույցների պատճառով Երեւանը վեր է ածվել աղբի թանգարանի` բաց երկնքի տակ։ «Սա այլանդակություն է, եւ մենք հետեւողական ենք լինելու, որ այն կազմակերպությունները, որ գալիս եւ քաղաքային իշխանության հետ անհասկանալի պայմանագրեր են կնքում, հետո բոլոր պատերին փակցնում են` «Մաքուր Երեւան» եւ «Աղբի տեղը աղբամանն է» օրինակելի կարգախոսները, պատասխան տան` թե ինչո՞ւ աղբի տեղը աղբամանը չէ եւ ինչո՞ւ Երեւանը մաքուր քաղաք չէ` իրենց վատ աշխատանքի պատճառով»,-գրել է նա:

Մայրաքաղաքի աղբահանության խնդրի հետ կապված ՀԺ-ն պարզաբանում խնդրեց «Սանիթեք» սահմանափակ պատասխանատվությամբ ընկերությունից: Ընկերությունից մեզ հայտնեցին, որ Նուբարաշենի աղբավայրի խայտառակ ճանապարհների պատճառով իրենց մեքենաները պարբերաբար շարքից դուրս են գալիս եւ հնարավոր չի լինում դրանք շահագործել:

«Սանիթեք»-ի գործադիր տնօրենի օգնական Քրիստինե Հովհաննիսյանի խոսքով՝ աղբատար մեքենաները վերջերս սկսել են ավելի հաճախ փչանալ՝ հիմնականում Նուբարաշենի աղբավայր տանող անբարեկարգ ճանապարհի պատճառով: Նրա վստահեցմամբ՝ երբ աղբատար մեքենաները փչանում են, մինչև սարքելը ժամանակ է անցնում, ինչի պատճառով աղբահանման աշխատանքները հետաձգվում են, գրաֆիկը խախտվում, ըստ այդմ էլ «Սանիթեք»-ի աշխատակիցները չեն հասցնում ժամանակին աղբը տարհանել:

«Տեխնիկական խնդիրներ ունեինք, որի համար իսկապես շատ ենք ցավում եւ մեր բնակիչների, համաքաղաքացիների ներողամտությունն ենք հայցում»,-ասաց Քրիստինե Հովհաննիսյանը:

Քրիստինե Հովհաննիսյանից հետաքրքրվեցինք, թե քանի աղբատար ավտոմեքենա է տրամադրված մայրաքաղաքի աղբահանման համար: «Այս պահին գործող 35 ավտոմեքենա ունենք, իսկ ինչ վերաբերում է խնդրին, ապա ասեմ, որ անկախ ամեն ինչից՝ այն արագ կկարգավորվի, որովհետև տնօրինությունը նոր մեքնենաներ էլ է Հայաստան բերելու, եւ այդ գործընթացն արդեն ընթացքի մեջ է»: Քրիստինե Հովհաննիսյանը դժվարացավ ասել, թե մեքենաները որտեղից են բերվելու, սակայն վստահեցրեց, որ նոր մեքենաներով աշխատանքը շատ ավելի արդյունավետ կլինի:

Ինչ վերաբերում է ՀՀ վարչապետ Նիկոլ Փաշինյանի երեկվա հայտարարությանը՝ Քրիստինե Հովհաննիսյանն ասաց, որ է՛լ ավելի հետևողական են աշխատում, որպեսզի հնարավորինս արագ տեմպերով կարգավորեն ստեղծված իրավիճակը:

Քաղաքացիներից շատերը, որոնք իրենց դժգոհությունն են հայտնել աղբահանության բացակայության հետ կապված, համացանցում հրապարակել են լուսանկարներ՝ յուրաքանչյուրը ներկայացնելով իր թաղամասի վիճակը: Լուսանկարներ կան մասնավորապես՝ Ավան-Առինջից, Նոր Նորքի զանգվածից, Համալիրին կից տարածքներից, Աջափնյակի վարչական շրջանից Շիրակի փողոցից, Մելքումով փողոցից, Դավիթաշեն վարչական շրջանից, Ազատության պողոտայից, Ներքին Շենգավիթի 11 փողոցից, Ռայկոմից, Մաշտոցի պողոտայից եւ այլ հատվածներից:

Լուսանկարներ՝

Ավան-Առինջ

Շիրակի փողոց

Ազատության պողոտա

Ներքին Շենգավիթի 11 փողոցից

Մելքումով փողոց

Տպել
5091 դիտում

Կառավարության կառուցվածքն ակտիվ քննարկվում է, դինամիկ փոփոխությունների է ենթարկվում. նախարար

ՀՀ-ն ու Սինգապուրրը կզարգացնեն համագործակցությունը. Փաշինյանը Սինգապուր այցելելու հրավեր է ստացել

Ստեղծում ենք միկրոձեռնարկատիրություն, ազատում հարկերից, որպեսզի աղքատ մարդիկ ակտիվանան․ Փաշինյան

Ես իրավասություն չունեմ ինձ պարգեւատրելու. Նարեկ Բաբյանը պարգեւատրել է միայն պետգույքի կոմիտեի աշխատակիցներին

ՀՀ վարչապետի աշխատակազմին սպասարկող ավտոմեքենաների թիվը կտրուկ կկրճատվի․ Աղաջանյան

Աստղերին մինչեւ մարտի 15-ը վերջնաժամկետ է տրվել՝ եկամուտի հաշվետվություն ներկայացնելու

Կառավարությունը վեց հոգու պարտադիր զինվորական ծառայությունից տարկետում տվեց

165 մլն դրամ կառավարությունը հատկացրեց «Նաիրիտի» աշխատակիցներին

Երեխայի ծննդյան եւ մարդու մահվան դեպքում կառավարությունը 50 հազար դրամ կվճարի, 37,7 մլրդ դրամ՝ նպաստներին

ՀՀ-ն ու Վրաստանը խորացնում են անվտանգության ծառայությունների միջև համագործակցությունը․ Վանեցյանը Թբիլիսիում է

Չինաստան՝ առանց վիզայի. կառավարությունում նախագիծ է քննարկվում

Ռուսաստանում ավտովթար է տեղի ունեցել հայկական պետհամարանիշով միկրոավտոբուսի մասնակցությամբ

ՊԵԿ-ում ամենամեծ պարգեւավճարը 1,5 մլն դրամ է եղել. Դավիթ Անանյան

#թողեք աշխատենք. Օպերայի հարակից սրճարանատերերը չեն պատրաստվում հեշտությամբ զիջել դիրքերը

Հրապարակվել է Հարկային օրենսգրքի փոփոխությունների փաթեթը․ միկրոձեռնարկատիրությունն ազատվելու է հարկերից

Մարկոս Պիզելիի վիրահատությունը հաջող է անցել

Արմեն Գրիգորյանը չի ստանձնելու ԿԸՀ նախագահի պաշտոնը․ պաշտոնական հերքում

Կառավարության հերթական նիստը վարում է փոխվարչապետ Տիգրան Ավինյանը

ՀՀ-ում վերելակներ կարտադրվեն․ չինացի ներդրողներին ընդունել է նախարար Տիգրան Խաչատրյանը

Մացահել է ԱԺ նախկին պատգամավոր Գոհար Ենոքյանը