Սառույցը շարժվե՞ց. Թրամփն ու Պուտինը հանդիպեցին Հելսինկիում

Հուլիսի 16-ին Ֆինլանդիայի մայրաքաղաք Հելսինկիում կայացավ ԱՄՆ եւ Ռուսաստանի նախագահներ Դոնալդ Թրամփի եւ Վլադիմիր Պուտինի սպասված հանդիպումը: Սա երկու նախագահների առաջին հանդիպումն էր երկկողմ ձեւաչափում: Մինչ այդ նրանք հանդիպել էին 2017 թ. հուլիսին G20-ի եւ նույն թվականի նոյեմբերին Ասիական եւ խաղաղօվկանոսյան տնտեսական խորհրդի շրջանակներում:

Ֆինլանդիայի Նախագահական պալատը, որտեղ տեղի ունեցավ հանդիպումը, չեզոք տարածք կարելի է համարել որոշակի վերապահումներով. ընդամենը մեկ դար առաջ պալատը ռուսական ցարերին էր պատկանում:

Երկու նախագահների նախկին հանդիպումներից այս մեկը տարբերվում էր նրանով, որ մինչ ընդլայնված կազմով բանակցություններին անցնելը, Թրամփն ու Պուտինը բոլորից առանձին զրուցելու հնարավորություն ունեցան: Նախկինում շատ էր խոսվում, որ հենց Թրամփի մերձավորները, մասնավորապես հակառուսական դիրքորոշմամբ հայտնի պետքարտուղար Մայք Պոմպեոն եւ անվտանգության հարցերով խորհրդական Ջոն Բոլթոնն են Ռուսաստանի հետ վատթարացող եւ լարված հարաբերությունների գլխավոր մեղավորները:

Հատկանշական է, որ Թրամփը, որի՝ Պուտինի հետ հանդիպելու նախաձեռնությունն այդուհանդերձ պսակվեց հաջողությամբ, չէր թաքցնում, որ իր նպատակը ՌԴ նախագահի հետ միջանձնային հարաբերություններ կառուցելն է՝ ներկայացնել սեփական մոտեցումները եւ ծանոթանալ ռուսականներին: Հուլիսի 12-ին Թրամփը, ՆԱՏՕ-ի վեհաժողովում պատասխանելով լրագրողների հարցերին, նշել էր, որ Պուտինը ոչ թե թշնամի է, այլ մրցակից, եւ չի բացառվում, որ իրենք կընկերանան:

«Ինչ թվում է մենք իրար լավ ենք հասկանում, բայց նա իմ մրցակիցն է: Նա ներկայացնում է Ռուսաստանը, ես՝ Միացյալ Նահանգները: Դա մրցակցություն է, բարեկամության կամ թշնամանքի հարց այստեղ չկա: Հուսով եմ, որ մի օր նա կդառնա իմ ընկերը՝ դա հնարավոր է», - ասել էր Թրամփը:

Հելսինկյան հանդիպումից առաջ մեծ ուշադրություն էր դարձվում հնարավոր քննարկվելիք հարցերին, որոնք ամբողջ ծավալով, իհարկե, չէին կարող տեղավորվել մեկ հանդիպման օրակարգում: Դրանց թվում էին Ուկրաինայի եւ մասնավորապես Ղրիմի հարցը, սիրիական ճգնաժամը, միջուկային զենքի կրճատման հեռանկարը եւ, իհարկե, կիբերանվտանգության ու ամերիկյան ընտրություններում ռուսաստանցի հաքերների միջամտության հարցերը:

Այդուհանդերձ, ի սկզբանե պարզ էր, որ այն հարցերը, որոնց լուծման համար անհրաժեշտ է ԱՄՆ Կոնգրեսի հավանությունը, լրջորեն չեն քննարկվելու: Դա նախ եւ առաջ վերաբերվում էր Ռուսաստանի նկատմամբ պատժամիջոցներին, իսկ գործնականում օրակարգային էր թողնում միայն ահաբեկչության դեմ պայքարի շրջանակներում համագործակցությունը, որի համար առկա ամենահարմար հարթակը Սիրիան է:  

Երկու նախագահները հանդիպեցին տեսախցիկների առջեւ: Նրանք ողջունեցին միմյանց եւ փոխանակվեցին առաջիկա հանդիպման վերաբերյալ մտքերով: Թրամփը նախ շնորհավորեց Պուտինին ֆուտբոլի աշխարհի առաջնությունը լավագույնս անցկացնելու համար, ապա թվարկեց երկկողմ հարաբերությունների եւ համաշխարհային քաղաքականության իրեն հուզող հարցերը, որոնք պատրաստվում էր քննարկել Պուտինի հետ:

«Մենք ունենք մեծ քանակությամբ քննարկելիք թեմաներ: Դրանցից են ռազմական հարցերը, առեւտուրը, միջուկային սպառազինությունների կրճատումը, ինչպես նաեւ Չինաստանի հետ կապված հարցերը», - ասաց Թրամփը:

Հանդիպման բաց մասն ավարտվեց երկու նախագահների ձեռքսեղմումով, որը, ի հեճուկս սպասումների եւ Թրամփի ագրեսիվ ձեռքսեղման սովորության, անցավ առանց անակնկալների: Թրամփն ու Պուտինը հեռացան փակ քննարկմանը, որը տեւեց նախատեսածից 40 րոպե ավել՝ երկու ժամ 10 րոպե: Դրան հաջորդեց արդեն ընդլայնված կազմով հանդիպումը, որից հետո կայացավ երկու նախագահների համատեղ մամուլի ասուլիսը: Գագաթնաժողովի ավարտին համատեղ հայտարարության բացակայության պարագայում հենց ասուլիսի ընթացքում պետք է ներկայացվեին քննարկումների արդյունքները:

Ինչպես եւ սպասվում էր, նախագահները անդրադարձել են բոլոր հուզող հարցերին, միմյանց ներկայացրել տեսակետները, սակայն հիմնավոր քննարկում չի եղել: Կողմերի հանդիպմանը հաջորդած մամուլի ասուլիսի ընթացքում նախագահներն իրենց գոհունակությունը հայտնեցին հանդիպման արդյունքներից: Պուտինը «հաջողված եւ օգտակար» անվանեց բանակցությունները:

Թրամփը կրկնեց Թվիթերի իր միկրոբլոգում արված հայտարարությունը՝ Ռուսաստանի հետ լարված հարաբերությունների վերաբերյալ, սակայն փոքրիկ հավելումով:

«Մեր հարաբերությունները երբեք ավելի վատ չէին եղել, քան այժմ: Սակայն դա փոխվեց չորս ժամ առաջ: Ես իրոք հավատում եմ դրան»,- ասաց Թրամփը:

Խոսելով հետագա համագործակցության մասին, Թրամփը նշեց, որ դրա համար անհրաժեշտ է գտնել հատման կետեր եւ ավելի հաճախ հանդիպել՝ ակնարկելով, որ հանդիպման իր որոշումը եւ կատարված աշխատանքը այդ ուղղությամբ ճիշտ էր, ի հեճուկս նրա որոշ խորհրդականների ջանքերի:

«Եթե մենք ցանկանում ենք համաշխարհային նշանակության խնդիրներ լուծել, ապա  պետք է փնտրենք համագործակցության ընդհանուր կետեր: Ես հույս ունեմ, որ ապագայում մենք ավելի հաճախ կհանդիպենք», - ասաց Թրամփը:

Այս հանդիպման արդյունքում, թերեւս, չարժեր լուրջ որոշումների սպասել, սակայն արծարծված թեմաները թույլ են տալիս ուրվագծել հետագա հնարավոր համագործակցության սահմանները: Տրամագծորեն տարբեր են շարունակում մնալ դիրքորոշումները Ղրիմի բռնակցման կամ վերամիավորման, Իրանի հետ միջուկային գործարքի վերաբերյալ: Նախագահները համակարծիք են ահաբեկչության դեմ պայքարի հարցում եւ այստեղ, ինչպես նշեց ՌԴ նախագահը, «արդեն իսկ առկա է որոշակի համագործակցություն, որը անհրաժեշտ է խորացնել»: Նրանք նաեւ պատրաստ են քննարկել կիբերանվտանգության, միջուկային սպառազինությունների կրճատման, սիրիական ճգնաժամի եւ փախստականների հարցերը: Սակայն գլխավոր հետաքրքրությունը կողմերը ցուցաբերել էին տնտեսական հարաբերություններին: Պուտինը նշեց, որ դրանք պետք է զարգացնել ոչ միայն եւ այնքան պետական մակարդակով, որքան մասնավոր՝ գործարարների եւ կազմակերպությունների միջեւ շփումները խթանելու միջոցով:

Ընհանուր առմամբ չի կարելի ասել, որ հանդիպումը գերարդյունավետ էր, սակայն հանդիպման միայն փաստը հուսադրող է եւ հիմա ամենակարեւորն այն է, որ երկու երկրների հետագա քաղաքական քայլերը նպաստեն բանավոր հնչած պայմանավորվածություններին:

Տպել
6844 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում