Երեք գյուղերը սպասարկող տրանսպորտը չի աշխատում, բայց կաշխատի. պարզաբանում է փոխնախարարը

Արարատի մարզի Նորամարգ, Հովտաշեն եւ Ռանչպար համայնքներից դեպի Երեւան եւ հակառակ երթուղին սպասարկող հանրային տրանսպորտը չի գործում արդեն երկու շաբաթ: «Հայկական ժամանակին» ահազանգած բնակիչներին հասած պատճառաբանությունը հետեւյալն է՝ ճանապարհները վատն են:

Արդյունքում, ինչպես մեզ ներկայացվեց, այս համայնքում ապրող մարդիկ Երեւան են հասնում ու վերադառնում մեծ դժվարություններով: Եթե հանրային տրանսպորտի ուղեվարձը 250 դրամ էր, ապա տաքսիներով փոխադրումն արժե 3 հազար դրամ: Վերջինիս ուղեվարձը կարող է կրճատվել, եթե մինչեւ չորս ուղեւոր միավորվեն եւ դա վճարեն համատեղ: «Այնպես էլ չէ, որ գյուղում տաքսի գտնելը շատ հեշտ է»,- նաեւ այս դժվարությունն էր ընդգծում «Հայկական ժամանակ»-ին դիմած քաղաքացին: «Երբ երթուղու սպասարկումը ստանձնեցիք, չգիտեի՞ք, որ ճանապարհները վատն են: Ի վերջո, եթե դուք դա չանեիք, գուցե այլ ընկերություն հաղթեր մրցույթում»,- տարակուսում են բնակիչները:

Նորամարգ համայնքի ղեկավար Արման Թադեւոսյանի ունեցած տեղեկություններով էլ՝ Երեւանի ուղղությամբ աշխատող տրանսպորտի գործունեությունը դադարեցվել է ճանապարհների դժվարանցանելիության պատճառով: «Գյուղացին բողոքում է, որ տրանսպորտ չկա, երթուղին սպասարկող ընկերությունը՝ որ ճանապարհը վատն է»,- մեզ հետ զրույցում ասաց նա: Նկատեց, որ վերոնշյալ գյուղերով անցնող ճանապարհը համապետական է, եւ համայնքապետարանները դրանց վերանորոգման գործում անելիք չունեն: Արման Թադեւոսյանի փոխանցմամբ, մոտ 15-20 օր առաջ հանդիպում է եղել տարածքային կառավարման եւ զարգացման նախարարի հետ, գյուղերի ղեկավարներին առաջարկվել է գրավոր ձեւակերպել ու ներկայացնել այն հիմնախնդիրները, որոնք առկա են եւ որոնք լուծման կարիք են զգում: Արման Թադեւոսյանն ասաց, որ փաստաթուղթն արդեն կազմել եւ ներկայացրել են մարզպետարան: Դրանում առաջ է քաշվել նաեւ ճանապարհների բարեկարգման անհրաժեշտությունը:

Տրանսպորտի, կապի եւ տեղեկատվական տեխնոլոգիաների նախարարի տեղակալ Արմեն Փամբուխչյանը, մեզ հետ զրույցում անդրադառնալով խնդրին, նշեց, որ ստեղծված իրավիճակը պայմանավորված է այն հանգամանքով, որ լրացել է երթուղին սպասարկող տնտեսվարողին տրամադրված լիցենզիայի ժամկետը: Այն, սակայն, որոշվել է երկարաձգել, եւ երթուղին վաղվանից դարձյալ կսպասարկվի:  

«Տրված է եղել ժամանակավոր՝ վեց ամսով աշխատելու իրավունք: Այդ ժամկետը սպառվել է, տնտեսվարող սուբյեկտը ուզել է դադարեցնել երթուղու սպասարկումը: Այսօր նրա եւ մեր նախարարության համապատասխան վարչության պետի տեղակալի միջեւ հանդիպում է տեղի ունեցել: Համատեղ պայմանավորվածություն է ձեռք բերվել շարունակել աշխատանքը, քանի որ երթուղին սպասարկելու նոր մրցույթներ առայժմ չենք հայտարարում: Նախատեսվում է ձեւավորել միջմարզային միասնական ցանց: Եվ որպեսզի հիմա այդ հատվածը բաց չմնա, լիցենզավորման հանձնաժողովի կողմից նորից լիցենզիա ենք տվել, եւ տնտեսվարողը խոստացել է, որ վաղվանից կվերսկսի փոխադրումները»,- ասաց փոխնախարարը՝ հավելելով, որ լիցենզիայի գործողության ժամկետը երկարաձգվել է վեց ամսով, իսկ վատ ճանապարհները տվյալ խնդրի հետ կապ չունեն:   

Ինչ վերաբերում է միջմարզային միասնական երթուղային ցանցին, ապա դա, ըստ Արմեն Փամբուխչյանի, կարող է կյանքի կոչվել ամենաշուտը մեկ տարուց: Նա նաեւ տեղեկացրեց, որ նախարարությունը հանդիպումներ է կազմակերպում մարզային երթուղիները սպասարկող ընկերությունների ղեկավարների եւ տվյալ մարզը ներկայացնող քաղաքացիների միջեւ՝ ուղեւորափոխադրումների ոլորտում առկա խնդիրները վերհանելու եւ դրանց լուծման ուղիներ գտնելու նպատակով:

«Մենք մարզերի բոլոր ուղեւորափոխադրողներին, ինչպես նաեւ քաղաքացիներին հրավիրում ենք մեզ մոտ, ու դեմ առ դեմ քաղաքացիները կարողանում են իրենց բողոքները հայտնել տվյալ երթուղային գիծը սպասարկող կազմակերպությունների տնօրեններին կամ ներկայացուցիչներին: Դրանք ոչ միայն քննարկումներ են, այլ հետագայում մենք նախատեսում ենք քաղաքացիների առաջ քաշած հարցերի կոնկրետ լուծումներ: Բացի այդ, նախկինում նախարարությանն ուղղված նամակները նույնպես ներկայացնում ենք ուղեւորափոխադրում իրականացնող կազմակերպությունների ներկայացուցիչներին, թե ինչպիսի մտահոգություններ են եղել կամ ինչպիսի առաջարկներ»,- ասաց փոխնախարար Փամբուխչյանը:

Հարցին, թե ինչ սկզբունքով են ընտրվում քաղաքացիները, նա պատասխանեց, որ այդ մասին հայտարարություն է հրապարակում ֆեյսբուքի իր էջում: Այսօր փոխնախարարի գլխավորությամբ նմանատիպ հանդիպում է եղել Արարատի մարզի երթուղիները սպասարկողների ու քաղաքացիների միջեւ: Վերջիններիս բարձրաձայնած խնդիրներից նա առանձնացրեց երեք հիմնականները:

«Առաջնահերթ պահանջը չվացուցակի վերանայումն է: Երկրորդ պահանջը՝ տրանսպորտային միջոցի ավելացում կամ այնպիսի կարգավորում, որ ժողովուրդը կարողանա ճիշտ ժամանակին տեղ հասնել եւ բոլորը՝ նստած: Երրորդ պահանջը վերաբերում է վարորդների կողմից որոշակի վարքի կանոնների խախտմանը, տրանսպորտային միջոցների կահավորմանը: Մենք մեր մասով խոստացել ենք վերանայել չվացուցակները, նոր չվացուցակ տրամադրել, իսկ մնացածի վերաբերյալ, ընդհանուր առմամբ, բոլորը եկան ընդհանուր հայտարարի: Մենք ակնկալում ենք, որ գոնե մինչեւ սեպտեմբեր՝ մինչեւ ուսանողների դասերը սկսվելը, այդ խնդիրներն ամբողջությամբ կարգավորված կլինեն: Ես հանդիպման ժամանակ նշել եմ, որ մենք չենք կարող ռադիկալ խնդիրներ բարձրացնել եւ ռադիկալ փոփոխությունների գնալ, քանի որ առաջիկայում միասնական երթուղային ցանց ներդնելու աշխատանքներ են տարվում, բայց գոնե տեսանելի, մարդու համար ամեն օր դիսկոմֆորտ ստեղծվող խնդիրները պետք է վերացվեն»,- փաստեց տրասնպորտի, կապի եւ տեղեկատվական տեխնոլոգիաների նախարարի տեղակալը:

Վաղը հանդիպում է նախատեսվում Արմավիր մարզի երթուղիները սպասարկողների ու քաղաքացիների միջեւ: Փամբուխչյանը սոցցանցի իր էջում խնդրել է Արմավիրի բնակիչներին՝ կազմել 4-5 հոգանոց պատվիրակություն եւ ներկա գտնվել հանդիպմանը: Հերթը կհասնի նաեւ մյուս մարզերին, թեպետ առաջին հանդիպումը, որ վերաբերել է Կոտայքում ուղեւորափոխադրումներին, անցել է առանց քաղաքացիների:

Տպել
4747 դիտում

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը փակ է բոլոր տրանսպորտային միջոցների համար

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Մի քանի ժամով կհոսանքազրկվեն Երևանի և 2 մարզի որոշ հասցեներ

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը