Ուռուցքով հիվանդին հերթագրում են, մինչեւ խնդիրը խորանա կամ չեն էլ հերթագրում

Սերգե Գրիգորյանը 62 տարեկան է: Միայնակ: Ապրում է Երեւանի N1 տուն-ինտերնատում: Տարածքային պոլիկլինիկայում վերջերս նրան հետազոտելուց հետո, հայտնաբերված մի շարք հիվանդություններից բացի, կասկածել են, որ միզապարկում գոյացություն ունի:  

Բայց արդեն տեւական ժամանակ է՝ քաղաքացին, պոլիկլինիկայում տրամադրված պետպատվերով բուժօգնության ուղեգիրը ձեռքին, ստացիոնար մի բուժհաստատությունից մյուսն է գնում: Այդ ընթացքում որեւէ մեկը չի հաստատել կամ հերքել ուռուցքի առկայությունը, նրան չի հոսպիտալացրել, չի վիրահատել: Սերգե Գրիգորյանն ասում է՝ եղել է «Էրեբունի» բժշկական կենտրոնում, «Արմենիա» հանրապետական կենտրոնում, Վ. Ֆանարջյանի անվան ուռուցքաբանության ազգային կենտրոնում եւ ամեն տեղ, ըստ նրա, այդ ուղեգիրը ոչինչ չի նշանակել, հայտարարել են, որ անվճար վիրահատության հնարավորություն չկա եւ դա կարող է արվել միայն վճարովի հիմունքներով: Պնդեց, որ անվճար բուժօգնություն ստանալու համար հերթագրվելու մասին խոսք չի եղել, այլ միայն վճարովի տարբերակն է առաջարկվել: «Ասի՝ եթե փող ունենայի, էլ ինչու էի ծերանոցում ապրում կամ գնում ուղեգիր վերցնում: Իմ փողով իմ վիրահատությունը կանեի»,- արձանագրեց տուն-ինտերնատի բնակիչը: Նաեւ տարակուսեց՝ եթե այդ ուղեգիրն անվճար բուժծառայություն ստանալու երաշխիք չէ, ուրեմն ինչու են այն իրեն տրամադրել: «Էնքան էլ կոպիտ են պատասխանում ամեն տեղ»,- առողջապահության նախարարությունում ու բուժհիմնարկներում ստացած անբարյացակամ վերաբերմունքից վիրավորվել է քաղաքացին:

Սերգե Գրիգորյանին 29 հազար 600 դրամ կենսաթոշակ է նշանակված: Ամսական 16 հազար դրամը պահվում է՝ պետության կողմից նրա խնամքը կազմակերպելու համար, եւ միայն մնացած մասը կարող է ազատորեն տնօրինել: Նա նաեւ հաշմանդամություն ունի. ձախ ձեռքը դաստակի հատվածից անդամահատվել է դեռ ութ տարեկան հասակում:

Առողջապահության նախարարության հասարակայնության հետ կապերի վարչությունից, անդրադառնալով Սերգե Գրիգորյանի խնդրին, պատասխանեցին, որ բուժհաստատություններում նրան չեն մերժել, բացատրել են, որ պետք է հերթագրվել:

Բայց եթե նույնիսկ այդպես է, հավանական է գործ ունենք քաղցկեղի հետ: Իսկ բժիշկ-մասնագետներից, առողջապահության ոլորտի պատասխանատուներից հաճախ ենք հորդորներ լսում, որ հարկավոր է պարբերաբար անցնել անհրաժեշտ հետազոտությունները՝ քաղցկեղը վաղ փուլում հայտնաբերելու համար, որպեսզի մեծ լինի նաեւ բուժման հավանականությունը: Ու հիմա ստացվում է մի իրավիճակ, երբ պետությունն ինքն է հերթագրում քաղցկեղով հիվանդ մարդկանց՝ այդ սպասման ամիսները նրանց համար մեծ հավանականությամբ դարձնելով ճակատագրական: Առողջապահության նախարարությունից այս առնչությամբ միայն հույս են հայտնում, որ մի օր պետության ֆինանսական հնարավորությունները կմեծանան եւ խնդիրը կլուծվի:

«Էրեբունի» բժշկական կենտրոնի լրատվական ծառայությունից, անդրադառնալով Սերգե Գրիգորյանին անվճար բուժօգնություն չտրամադրելու ու նաեւ չհերթագրելու խնդրին, պատասխանեցին, որ պետպատվերով ուռուցքաբանական վիրահատություններ այս բուժհաստատությունում չեն իրականացվում եւ դա հնարավոր է միայն վճարովի տարբերակով: «Արմենիա» բժշկական կենտրոնից մեկնաբանություն ստանալ մեզ չհաջողվեց:

Ֆանարջյանի անվան ուռուցքաբանության ազգային կենտրոնի բուժական գծով տեղակալ, օնկոուրոլոգիայի բաժանմունքի վարիչ Վարուժան Շահսուվարյանն անհավանական համարեց, որ այստեղ քաղաքացուն չեն հերթագրել: «Ներկա պահին հերթագրում է իրականացվում: Այն մարդիկ, որոնք սոցիալական խմբերի մեջ են մտնում եւ ենթակա են պետպատվերով սպասարկման, ոչ հրատապ՝ պլանային դեպքերը հերթագրվում են: Առողջապահության նախարարի N308 հրամանից ելնելով, հիվանդը կարող է հրաժարվել լրիվ պետպատվերի իրավունքից, որը հերթագրում է նախատեսում եւ ցանկություն հայտնել օգտվել համավճարով սպասարկումից, որը էլի պետպատվերի մի տարբերակ է, երբ գումարի մի մասը վճարում է հիվանդը, մյուս մասը՝ պետությունը՝ առողջապահության նախարարությունը: Նման պարագայում, եթե հիվանդը հրաժարվում է լրիվ պետպատվերի իրավունքից, հենց այս վայրկյանին կարող ենք իրեն ձեւակերպել եւ հետազոտություններն ու վիրահատությունը կատարել համավճարի սկզբունքով»,- կարգը ներկայացրեց կենտրոնի փոխտնօրենը:

Իսկ թե ինչպես է ստացվել, որ վճարելու հնարավորություն չունեցող Սերգե Գրիգորյանը փաստորեն, հերթագրված չէ, նա պատասխանեց, որ ինչքանով ինքն է տեղյակ՝ քաղաքացին չի ներկայացրել սոնոգրաֆիայի պատասխանը, որ պետք է բերեր պոլիկլինիկայից:

Ինչ վերաբերում է քաղցկեղով հիվանդին հերթագրելով նրա առողջական խնդիրները էլ ավելի խորացնելուն եւ բուժման հավանականությունը փոքրացնելուն, Ուռուցքաբանության ազգային կենտրոնի փոխտնօրենը չհերքեց, որ հերթագրման պարագայում ժամանակը ի վնաս հիվանդի է աշխատում: Բայց եւ նշեց, որ ամբողջ աշխարհում է գործում հերթագրման սկզբունքը: «Եթե նախարարության կողմից մեզ տրվող ֆինանսները բավարարեին, հերթագրում չլիներ, իհարկե դա կլիներ լավագույն տարբերակը: Բայց ամբողջ աշխարհում նույն իրավիճակն է: Ես հիմա երիկամի ուռուցքով հիվանդ ունեմ, որը գնաց ԱՄՆ, հերթագրեցին դեկտեմբերին, հետ եկավ այստեղ, վիրահատվեց: Մեր հայ քաղաքացիներից է, որը ԱՄՆ-ում ունի ապահովագրություն: Անգամ քիմիաթերապիայի համար են արտերկրում հերթագրում, ինչը այստեղ չկա»,- ասաց Վարուժան Շահսուվարյանը:

Հ.Գ. Ավելի ուշ տեղեկացանք, որ տուն-ինտերնատի բնակիչ Սերգե Գրիգորյանին ուռուցքաբանության կենտրոնում հերթագրել են: «Եկել է, հերթագրել ենք, որեւիցե հրատապ իրավիճակ չկա: Իրեն բացատրել ենք, որ եթե ունենա արյունահոսություն, բարձր ջերմություն, ցավեր, որը շտապ պահանջելու է հիվանդանոցային պայմաններ, այդ ժամանակ ինքը կներկայանա արդեն հերթից դուրս: Հեռախոսահամարն էլ մեզ մոտ է, եթե տեղ ազատվի կամ լրացուցիչ ֆինանսավորում լինի, որ հերթը վերանա, միանգամից նույն օրը կզանգենք, կհրավիրենք»,- փոխանցեց բուժկենտրոնի փոխտնօրենը: Սերգե Գրիգորյանի վիրահատության հերթը հասնելու է նոյեմբերի վերջին: Իսկ արդյո՞ք նրա հիվանդությունն այդ ամիսների ընթացքում չի դառնա անբուժելի: «Հավանականությունը շատ բարձր չէ, որ կարող է դառնալ անբուժելի, որովհետեւ միզապարկի նորագոյացությունը այն նորագոյացություններից է, որոնք շատ տորպիդ ընթացք ունեն՝ դանդաղ են զարգանում»,- պատասխանեց բժիշկը:

Տպել
3329 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում