Չինական դպրոցով հետաքրքրվածները շատ են եւ ընդունելության կարգը դժգոհություն է առաջացրել

Սեպտեմբերից Երեւանում իր դռները կբացի «Հայ-չինական բարեկամության դպրոցը», որը մեծ հետաքրքրություն է առաջացրել հանրության շրջանում: Այդտեղ սովորելու ցանկություն հայտնածների քանակը շատ ավելի մեծ է, քան դպրոցի հնարավորություններն են:

Հայ-չինական դպրոց ընդունվելու համար ստացվել է 710 դիմում: Հաստատությանը հատկացված տեղերը 405-410-ն են: Հաշվի առնելով, որ այստեղ են վերադառնալու նաեւ N103 դպրոցի սաները, ստացվում է, որ նոր ընդունվող աշակերտների թիվը կարող է լինել ավելի փոքր: Հիշեցնենք, որ չինական դպրոցը կառուցվել է տարիներ առաջ ապամոնտաժված N103 դպրոցի տեղում: Քանդված ուսումնական հաստատության սովորողների դասապրոցեսը կազմակերպվում էր N85 դպրոցում, մինչեւ նոր շենքի կառուցումը: Այժմ շուրջ 100 բարձրադասարանցիներ պետք է տեղափոխվեն չինական դպրոց:

Հաշվի առնելով հայ-չինական դպրոցով հետաքրքրվածների մեծ թիվը, որոշում է կայացվել ապագա աշակերտներին ընտրել վիճակահանության սկզբունքով: Ծնողների շրջանում դա դժգոհությունների տեղիք է տվել: Կրթության եւ գիտության նախարարությունում համարում են, որ վիճակահանությունն ընտրության ամենաարդար տարբերակն է: Փոխնախարար Հովհաննես Հովհաննիսյանից տեղեկացանք, որ դա վերջնական որոշում է, եւ այդ թեմայով քննարկումներ այլեւս չկան:  

«Ծնողների հետ հանդիպում կազմակերպեցինք՝ քննարկելու բոլոր տարբերակները, բայց միեւնույն է, որ տարբերակն էլ ընտրվեր, լինելու էր մի խումբ, որը բողոքելու էր: Ծնողների հիմնական մասը նախընտրում էր միջինացված գնահատականներով ընդունելությունը, բայց քանի որ նախարարը հայտարարել է, որ էլիտար դպրոցներ, որպես այդպիսին, չպետք է լինեն Հայաստանում, մենք չէինք կարող գնալ նման մի փորձի, եւ այլ դպրոցներից սերուցքը հավաքվեր, կենտրոնացվեր այստեղ: Այդ պատճառով որոշվեց գնալ ամենադեմոկրատական քայլին՝ բոլորին դնել հավասարության սանդղակի մեջ եւ բոլորին բերել մեկ դաշտ: Հնարավոր է երեխան ունենա բարձր գնահատականներ, բայց լեզվի իմացության հարցում չկարողանա դրսեւորել իր իմացությունը: Հետո հոգեբանական խնդիր առաջ քաշվեց, որ երեխաները կունենան: Բայց միեւնույն է, անկախ ելքից, չընդունվողների դեպքում այդ խնդիրները կարող էին ի հայտ գալ՝ հաշվի առնելով տեղերի սակավաթվությունը»,- ասաց Հովհաննես Հովհաննիսյանը:

«Հայ-չինական բարեկամության դպրոցում» ընդունելության մեկնարկի մասին հայտարարության մեջ նշվում էր, որ տեղերը սահմանափակ են: Արդյոք ամենաճիշտ տարերակը չէ՞ր լինի այն, որ դիմումների ընդունումը դադարեցվեր՝ շեմը հատելուն պես եւ մերժվեին հետագա բոլոր դիմումները: «Այդ տարբերակը նույնպես քննարկվել է մեզ մոտ, սակայն բազմաթիվ ծնողներ դիմեցին այսպիսի մի հարցադրմամբ. օրինակ բերեմ. եղել է զինծառայողի ընտանիք, որը գտնվել է սահմանում եւ այդ օրերին պարզապես ի վիճակի չի եղել գործերը բերել եւ հանձնել: Հիմա մենք հայրենիքի սահմանները պաշտպանող զինծառայողի երեխային պետք է զրկե՞նք նման հնարավորությունից, ինչ է՝ այդ օրերին ծառայության բերումով չի գտնվել քաղաքում: Վիճակահանությունը միակ տարբերակն էր, որը պարզապես բոլորին դնում էր մեկ հավասար դաշտի մեջ եւ չէր բաժանում գերազանցիկների, առաջին կամ վերջին դիմողների, այլ բոլորն ունենում են մեկնարկային հավասար հնարավորություն»,- պատասխանեց Կրթության եւ գիտության նախարարի տեղակալը:   

Հայ-չինական դպրոցում սովորելու համար ընդունելությունը եղել է 5-9-րդ դասարանցիների համար: Ապամոնտաժված N103 դպրոցի երեխաները, որոնք նոր ուսումնական տարում վերադառնալու են, 10-12-րդ դասարանցիներ են: Նրանք, փաստորեն, ընդունվել են սովորական հանրակրթական հաստատություն, բայց ուսումը շարունակելու են չինարենի խորացված ուսուցմամբ դպրոցում: Այս խմբի ծնողների շրջանում նույնպես որոշակի դժգոհություններ են առաջացել: «Վերադարձողները, փաստորեն, հայտնվում են նոր պայմանների մեջ: Եվ հիմա մտածում ենք, որ միգուցե իրենց համար ավելի թեթեւացված կուրս լինի, որովհետեւ իրենք այդ պայմանով չէին ընդունվել դպրոց»,- չբացառեց փոխնախարար Հովհաննիսյանը՝ հավելելով, որ դպրոցը գործելու է հանրակրթական դպրոցների ծրագրով: Միակ տարբերությունը լինելու է չինարենի խորացված ուսուցումը՝ ռուսերենի եւ անգլերենի դասաժամերի կրճատման հաշվին:

Հայ-չինական դպրոցում դասարանների առավելագույն խտությունը կլինի 15 երեխա: Չինարեն կդասավանդեն Չինաստանից հրավիրված ուսուցիչները, իսկ ուսումնական այդ հաստատությունը կղեկավարի դրա տեղում նախկինում գործած N103 դպրոցի տնօրեն Արտակ Վարդանյանը:

Ավելի վաղ տեղեկություն էր հրապարակվել, որ դպրոցը կյանքի կոչելու նպատակով Չինաստանի կառավարությունը պատրաստակամություն էր հայտնել Հայաստանի արդեն նախկին կառավարությանն անհատույց տրամադրել 27 միլիոն դոլար: Կրթության եւ գիտության նախարարի գործող տեղակալին այդ մասին ոչինչ հայտնի չէր: «Ինձ ավելի փոքր թիվ է հայտնի, որ ծախսվել է դպրոցի շինարարության վրա. մոտ 10 միլիոն դոլար, որը չինական կողմը տրամադրել է դպրոցի կառուցման համար»,- ասաց Հովհաննես Հովհաննիսյանը:

Նկատենք, որ դպրոցի տարածքը 8 հազար քմ է: Մասնագիտական հաշվումներում՝ շինարարության համար կարող էր պահանջվել առավելագույնը 3 միլիոն 200 հազար դոլար:

Տպել
3641 դիտում

Վանաձոր-Ալավերդի-Բագրատաշեն ճանապարհը բեռնատարների և ավտոբուսների համար փակ է

Ամբողջական ու միացյալ Հայաստանի տեսլականի իրագործումն Արցախի միացումն է Հայաստանին. Արամ Ա

Սյունիքում մեքենան մոտ 50 մետրից ընկել է ձորակը․ կա մեկ զոհ, երկու վիրավոր

Դպրոցի տնօրենի 17-ամյա որդին հոր մեքենայով վթարի է ենթարկվել․ 3 դպրոցականներ հիվանդանոցում են

Ըմբիշ Արթուր Ալեքսանյանը ոսկե մեդալ է նվաճել Ղազախստանի միջազգային մրցաշարում

Ջիվան Աբրահամյանն ազատ է արձակվել

Անակնկալ Հայաստանի համար. եկան, կարդացին, գնացին

Քաղաքական լեզվամարտ. ճշմարտությունը միայն կոնյակն էր

Էս ո՞վ է. նա մի տղա էր՝ միշտ տխուր աչքերով

Պատրաստ ենք խորացնել փոխշահավետ գործակցությունը. Վվարչապետն ընդունել է Չինաստանի ԱԳ նախարարին

Հայաստանի և Չինաստանի ԱԳ նախարարները Երևանում ստորագրել են մի շարք փաստաթղթեր

ՀՀ մի մասում տեղումները կշարունակվեն առաջիկա օրերին. սպասվում է անձրեւ,տեղ-տեղ՝ կարկուտ

Հրդեհ Լուսառատ գյուղի պահեստի տարիքում. այրվել է շինությունը, անասնակեր ու վառելափայտ

Ըստ Թուրքիայի սահմանադրական դատարանի՝ Հայոց պատրիարքի ընտրություններում խախտվել է կրոնի ազատությունը

Ազատության հրապարակի ակցիայի հետ մենք կապ չունենք՝ ոչ ուղղակի, ոչ անուղղակի. «Իմ քայլը» դաշինք

ՌԴ Հարավային ռազմական շրջանը ստեղծել է զինվորների ջերմահարումից պաշտպանելու համար նախատեսված 50 կետ

«Մայր Հայաստան» թանգարանում տարածք կհատկացվի ապրիլյան պատերազմի բոլոր զոհերի հիշատակի անկյուն ստեղծելու համար

Զոհրաբ Մնացականյանը հանդիպել է չինացի գործընկերոջ հետ

Հանրահավաքի ընթացքում սպառնալիքներ հնչեցնելու կասկածանքով բերման է ենթարկվել Ջիվան Աբրահամյանը

Վանաձոր-Դիլիջան ճանապարհին մինչև հիմնանորոգումը սկսելը կատարվում են ժամանակավոր անցանելիության համար աշխատանքներ