Արսեն Թորոսյանի աշխատանքային այցը հագեցած է եղել հանդիպումներով

Աշխատանքային այցով Ամստերդամում գտնվող առողջապահության նախարար Արսեն Թորոսյանը Արևելյան Եվրոպայում և Կենտրոնական Ասիայում ՄԻԱՎ վարակի և դրա հետ համակցված հիվանդությունների հակազդման պայքարի արդյունքների վերաբերյալ նախարարական երկխոսության ժամանակ ներկայացրել է ՄԻԱՎ/ՁԻԱՀ-ի դեմ պայքարում Հայաստանի փորձը, անելիքներն ու ձեռքբերումները: 

Թորոսյանը կարևորել է երկխոսության անցկացումն այնպիսի իրավիճակում, երբ Արևելյան Եվրոպայում և Կենտրոնական Ասիայում արձանագրվել է ՄԻԱՎ վարակի նոր դեպքերի աճ, այնինչ, ըստ նախարարի, Հայաստանում այս տեսանկյունից իրավիճակը վերջին 5 տարվա ընթացքում կայուն է: 

«ՄԻԱՎ/ՁԻԱՀ-ի դեմ պայքարում ՀՀ կառավարության ստանձնած  պարտավորությունները հիմնովին փոխել են կոնցեպտուալ մոտեցումները, ինչը հնարավորություն է տվել հասնելու Հայաստանում մորից երեխային ՄԻԱՎ-ի փոխանցման՝ որպես հանրային առողջապական խնդրի վերացմանը: Օրենսդրական փոփոխությունների հետ մեկտեղ` վարակին հակազդման ֆինանսավորումը նույնպես աճել է՝ թույլ տալով ՄԻԱՎ-ի վերաբերյալ հետազոտություններում հղիների ընդգրկվածությունը հասցնել գրեթե 100%-ի»,-իր ելույթում ընդգծել է Արսեն Թորոսյանը: 

Հայաստանը շարունակում է հավատարիմ մնալ 2016թ. ՄԱԿ-ի գլխավոր ասամբլեայի ժամանակ ստանձնած պարտավորություններին՝ ներառյալ 90-90-90 թիրախներին հասնելու իր որդեգրած քաղաքականությանը: Երկրում ներդրվել են ՄԻԱՎ վարակի հետազոտության և բուժման ուղեցույցներ, իրագործվում է «բուժել բոլորին» ռազմավարությունը, հակառետրովիրուսային և հակատուբերկուլոզային ղեղերի գնման միջազգային մեխանիզմներ: 

Տարածաշրջանի 9 երկրի նախարարներ և փոխնախարարներ ևս ներկայացրել են իրենց երկրների հաջողություններն ու խնդիրները, հստակեցվել են ԱՀԿ-ի եվրոպական տարածաշրջանում ՄԻԱՎ վարակի դեմ պայքարի գործողությունների պլանով նախատեսված հետագա քայլերն ու դրանց ֆինանսավորման մեխանիզմները: 

Այցի ընթացքում Արսեն Թորոսյանն առանձին հանդիպում է ունեցել նաև ԱՀԿ եվրոպական տարածաշրջանային գրասենյակի ղեկավար Ժուժաննա Յակաբի հետ։ Քննարկվել են համատեղ ծրագրերի իրականացման ընթացքը, հայաստանյան առողջապահական համակարգում սպասվող փոփոխություններին ԱՀԿ մասնագետների օժանդակությունը և այլ հարցեր։

Պայմանավորվածություն է ձեռք բերվել քննարկումները շարունակել ԱՀԿ երևանյան գրասենյակի միջոցով, ինչպես նաև հանդիպել Հռոմում կայանալիք ԱՀԿ նախարարական համաժողովում՝ քննարկելու կայուն զարգացման նպատակներին ուղղված մեր տարածաշրջանի երկրների ջանքերը։  Ժուժաննա Յակաբը ուրախությամբ ընդունել է նաև նախարար Թորոսյանի` Հայաստան այցելելու հրավերը: 

Ամստերդամ կատարած աշխատանքային այցի ընթացքում հանդիպում է կայացել նաև Հայկական բժշկական միջազգային կոմիտեի (AMIC) Նիդերլանդների ներկայացուցիչների հետ` քննարկելու նրանց հնարավոր ներգրավվածությունը հայաստանյան առողջապահական համակարգի փոփոխություններին: 

«Կարող եմ փաստել, որ Սփյուռքի մեր հայրենակիցների` փոփոխություններին անմիջականորեն մասնակցելու պատրաստակամությունը շատ մեծ է, և մենք պետք է քայլեր ձեռնարկենք այդ պատրաստակամությունը նյութականացնելու ուղղությամբ»,- ընդգծել է Արսեն Թորոսյանը։

Տպել
1297 դիտում

Էրդողանի հրամանագրով Սահակ եպիսկոպոս Մաշալյանը սքեմ կրելու արտոնություն է ստացել

Բալահովիտ գյուղի ակումբներից մեկի տնօրենը գարեջրի շշով հարվածել է 36-ամյա երեւանցուն

Թույլ տրված թերությունների պատճառով Երևանի և 3 մարզերի դադարեցված ջրամատակարարումը 4 ժամ ուշ կվերականգնվի

Էկոնոմիկայի նախարարությունը դեղձով բեռնված բեռնատարների հարցով կապի մեջ է Վերին Լարսի անցակետի հետ

Քննչական կոմիտեն արձագանքել է Ամուլսարի մասին 3D հոլովակի պատրաստման վերաբերյալ լուրերին

ԿԳՄՍ-ում քննարկվել է «Կումայրի» արգելոցը ՅՈՒՆԵՍԿՕ-ի հուշարձանների ցանկում ընդգրկելու հարցը

Վրաերթ Վանաձորում. Mersedes-ը վրաերթի է ենթարկել միջին տարիքի կնոջը (լուսանկարներ)

Հրդեհ Շաքի գյուղում. այրվել է կուտակած անասնակեր (տեսանյութ)

Երկրորդ բալիկին սպասող Աննա Թովմասյանը եւ Արամեն ջերմ լուսանկար են հրապարակել

Armtimes.com-ը փնտրում է վեբ կայքի և սոցիալական ցանցերի ղեկավարի

Հայկ Սեխլիյանի բուժման համար անհրաժեշտ գումարի գրեթե կեսը հանգանակվել է. պետությունը եւս փորձելու է աջակցել

Ամուլսար այցից հետեւություն արեցի, որ մարդիկ գիտեն՝ ես ոչ մի միլիմետր չեմ շեղվի ճշմարտությունից. վարչապետ

Պարգեւատրվել են Շիրակի մարզի զորացրված զինվորները, նրանց զինղեկներն ու համայնքապետերը

Գյումրու Բուլվարային փողոցից բերման է ենթարկվել 33-ամյա տղամարդ՝ գրպանում թմրանյութով ներարկիչներ

Պատարայի ջրամբարի կառուցումը Ստեփանակերտի խմելու ջրի ապահովման գլխավոր երաշխիքն է լինելու. Ա. Հարությունյան

Զոդի կամրջի ողբերգական ավտովթարի գործով կալանավորված վարորդը ցուցմունք է տվել եւ մանրամասներ հայտնել

Ռազմական ոստիկանության գնդապետը ստացել է մոտ 7 մլն ռուբլի կաշառք. նա կալանավորվել է (տեսանյութ)

Կոխակն գյուղում հրդեհվել են տներից մեկի եւ կից անասնագոմի տանիքները

200 տոննա հայկական դեղձը կարող է փչանալ. բեռնատարները մի քանի օր է՝ Լարսում սպասում են զննման

ՔԿ-ն ամփոփ տեղեկանք է ներկայացրել Ամուլսարի գործի շրջանակներում իրականացված ամբողջ գործընթացի մասին