Ինչպե՞ս է ՀՀ-ԵՄ պայմանագիրը նպաստելու աղետների ռիսկերի նվազեցմանը. քննարկում ԱԻՆ-ում

Հուլիսի 24-ին ՀՀ արտակարգ իրավիճակների նախարար Հրաչյա Ռոստոմյանն ընդունել է Հայաստանում ԵՄ պատվիրակության ղեկավար դեսպան Պյոտր Սվիտալսկուն։ Հանդիպման նպատակն էր քննարկել ԵՄ եւ ԱԻՆ ընթացիկ համագործակցությունը եւ համատեղ ձեռքբերումները աղետների ռիսկի կառավարման ոլորտում, նախանշել հետագա համագործակցության նոր հնարավորությունները։

Ինչպես հայտնում են ԱԻՆ-ի մամուլի ծառայությունից, ողջունելով հյուրերին՝ ԱԻ նախարարը շնորհակալություն է հայտնել դեսպանին սույն թվականի հունիսի 26-ից 27-ը Հայաստանում տեղի ունեցած՝ ԱՌՆ Կենտրոնական Ասիայի եւ Հարավային Կովկասի տարածաշրջանային պլատֆորմին մասնակցության համար։ «Այս հանգամանքը հերթական անգամ ընդգծում է, որ Հայաստանում կայուն զարգացման ամրապնդմանն ուղղված ԵՄ կողմից իրականացվող քաղաքականություններում կարեւորվում է աղետների ռիսկի նվազեցումը, քանի որ առանց աղետների ռիսկի նվազեցման չի կարող լինել կայուն զարգացում»,- իր խոսքում ընդգծել է նախարար Ռոստոմյանը։

Շնորհավորելով Հրաչյա Ռոստոմյանին Արտակարգ իրավիճակների նախարարի պաշտոնի ստանձնման կապակցությամբ՝ ԵՄ պատվիրակության ղեկավար դեսպան Պյոտր Սվիտալսկին հույս է հայտնել, որ ԱԻ նախարարության եւ Հայաստանում ԵՄ պատվիրակության համագործակցության ծրագրերը շարունակական կլինեն:

Հանդիպման ընթացքում կողմերը քննարկել են ՀՀ-ԵՄ համապարփակ եւ ընդլայնված գործընկերության համաձայնագրի ներքո բնական եւ մարդածին աղետների ռիսկի նվազեցման, արտակարգ իրավիճակներում բնակչության պաշտպանության ոլորտում համագործակցության խորացման եւ ընդլայնման ուղղություններով մի շարք հարցեր։ Համաձայնագրի շրջանակներում արդեն սկսվել է համատեղ Թվինինգ ծրագրի իրականացման գործընթաց, աշխատանքներ են տարվում ԵՄ փորձագիտական գնահատման խմբի հետ։ Կողմերը քննարկել են նաեւ ԵՄ ՔԿՌՄ (քիմիական, կենսաբանական, ռադիոլոգիական եւ միջուկային) հարցերով գերազանցության կենտրոնների հետ համագործակցությանը, «Ժողովրդավարություն, արդյունավետ կառավարում եւ կայունություն» պլատֆորմի շրջանակներում գործող Անվտանգության, ընդհանուր անվտանգության եւ պաշտպանության քաղաքականության եւ քաղաքացիական պաշտպանության հարցերով աշխատանքային խմբի ձեւաչափին առնչվող հարցեր։

Հանդիպման ավարտին նախարար Ռոստոմյանը դեսպանին տեղեկացրել է նաեւ Սպիտակի երկրաշարժի 30-ամյա տարելիցին նվիրված միջոցառումների անցկացման մասին, ինչպես նաեւ նշել, որ ԱԻՆ-ը շարունակում է համագործակցել 2018թ. նախատեսվող Ֆրանկոֆոնիայի 17-րդ գագաթնաժողովի կազմակերպչական աշխատանքների շրջանակում։

Տպել
1283 դիտում

Թուրքիայում ահաբեկիչների վնասազերծման ժամանակ նրանցից մեկը պայթեցրել է իրեն (տեսանյութ)

Մեղադրանքներ, բոյկոտ ու վիրավորանք. Ֆրանս-թուրքական հեռակա հակամարտությունը

Սկզբում 5.000, հետո 40․000. Վանաձորում երեխաները էջանշաններ ու օրացույցեր են վաճառում, գումարը փոխանցում հիմնադրամին

Ադրբեջանի սպառնալիքներից չենք վախենում․ Հովհաննիսյանը՝ թուրքական F-16-երը կիրառելու Ալիևի հայտարարության մասին

Հաղթելու ենք նաեւ կրթությամբ ու գիտությամբ․ մեդալակիր հայ երիտասարդները մտադիր են իրենց գիտելիքով հզորացնել հայրենիքը

Հումանիտար ուղեբեռն առաջնահերթության կարգով ուղարկվում է Արցախ. ԱԻ փոխնախարար

Սյունիքի դարպասները հյուսիսից հարավ ամուր փակ են. դուխներդ տեղը, գլուխներդ բարձր. Արայիկ Հարությունյան

Թշնամական երկու ԱԹՍ քիչ առաջ ցած ընկավ. Վահրամ Պողոսյան

Ադրբեջանի կողմից հայկական էջերին ուղարկվող պատերազմական դաժանություններով տեսանյութերը կուղարկվեն միջազգային մարմիններին

Դարբնիկ գյուղում այրվել է մոտ 800 քմ խոտածածկույթ, փայտե շինություն, վառելափայտ և կենցաղային իրեր. ԱԻՆ

Հակառակորդը, այո, մոտեցել է Սյունիքի դարպասներին, բայց իրավիճակը ծայրահեղ չէ․ Արծրուն Հովհաննիսյան

Հայ գեներալի ու ժամկետայինի հակագրոհից փախուստի դիմեցին աշխարհի հզորներից համարվող հատուկջոկատայինները. Հովհաննիսյան

Երեկ երեկոյան հակառակորդին հաջողվեց գրավել Կուբաթլուն և որոշ ուղղություններով առաջանալ․ Արծրուն Հովհաննիսյան

Տեսանյութ է տարածվել, որտեղ ոստիկանության ծառայողը դժգոհում է կացության պայմաններից ու կենցաղային վիճակից. պարզաբանում

Առ այսօր հայտնի է գերեվարված 15 հայ զինծառայողի, 1 բնակչի մասին․ Կառավարությունն ու փաստաբանները դիմել են ՄԻԵԴ

Ամեն տղամարդ պետք է հենց հիմա ոտքի կանգնի ու գնա իր զինկոմիսարիատ, սա իմ հրամանն է. վարչապետ (տեսանյութ)

Աներկբա խոստովանեմ, որ մեր հայրենիքի պաշտպանները մարդու իրավունքների գլխավոր պաշտպաններն են մեզ համար. Արցախի ՄԻՊ

Արցախն ու պատերազմական օրերի պատկերը Դիլաքյան եղբայրների վրձնած նկարներում ու գույներով (լուսանկարներ)

Շարունակվում են հակահամավարակային անվտանգության կանոնների վերահսկման բոլոր գործառույթները. ոստիկանություն

Տիգրան Բարսեղյանը դուբլի հեղինակ դարձավ