Ողբերգական վրաերթի մասին փաստեր կան. Մարտի 1 (տեսանյութ)

30/07/2018 schedule20:00

Տպագրվել է «Հայկական Ժամանակ» օրաթերթի՝ 2008 թվականի ապրիլի 1-ի համարում

Եթե այսօր Հայաստանում հարցում անցկացվի, թե որն է վերջին մեկ ամսում հանրապետության ամենաստախոս եւ կեղծարար կազմակերպությունը, ապա կասկածից վեր է, որ հայրենի իրավապահները, մասնավորապես` ՀՀ գլխավոր դատախազությունը եւ ոստիկանությունն ու նրա որոշ պաշտոնյաները, այդ մրցույթում հաղթող կճանաչվեն:

ՀՀ գլխավոր դատախազության ամենաարտառոց ստերից մեկն այն մասին է, թե մարտի 1-ի` լույս 2-ի ողբերգական իրադարձությունների ժամանակ ոչ մի քաղաքացի ոստիկանական ավտոմեքենայի կողմից վրաերթի չի ենթարկվել: Այնինչ, անհերքելի փաստեր կան` պնդելու համար, որ այդ օրը առնվազն մեկ քաղաքացի` տղամարդ, վրաերթի է ենթարկվել ոստիկանական ավտոմեքենայի կողմից: Ավելին, ըստ ականատեսների, տղամարդու վնասվածքներն այնպիսին են եղել, որ նա դժվար թե ողջ մնացած լինի:

Օրերս ՀՀ գլխավոր դատախազությունը հաղորդագրություն էր տարածել, որով արձանագրվում էին մարտի 1-ի զոհերից յուրաքանչյուրի մահվան կոնկրետ պատճառները: Հիշեցնենք, որ, ըստ պաշտոնական տվյալների, մարտի 1-ին եւ լույս 2-ի գիշերը զոհվել է 8 մարդ` 7 քաղաքացիական անձ եւ մեկ ոստիկան (Տիգրան Աբգարյանը եւ Սամվել Հարությունյանը այդ ժամանակ դեռ կոմայի մեջ էին, բժիշկները պայքարում էին նրանց կյանքի համար: Աբգարյանը մահացավ ապրիլի 10-ին, իսկ Հարությունյանը՝ ապրիլի 11-ին: Այսպիսով, զոհերի թիվը դարձավ տասը. armtimes.com): Վերջինս մահացել է նռնակի պայթյունից, քաղաքացիական անձանցից 4-ը` հրազենային վնասվածքից իսկ, 3-ը` հատուկ միջոցների կիրառումից:

ՀՀ առողջապահության նախարարության մամուլի քարտուղար Ռուսլանա Գեւորգյանից փորձեցինք պարզել, թե արդյո՞ք մարտի 1-ի ողբերգական իրադարձություններից հետո հիվանդանոցներ տեղափոխված քաղաքացիների մեջ եղել է մեկը, ով այնպիսի կոտրվածքներ է ունեցել, ինչպիսիք կստանար մեքենայի անվադողերի տակ ճզմված մարդը: Տիկին Ռուսլանան ասաց, որ մարտի 1-ի իրադարձությունների արդյունքում հիվանդանոցներում բուժօգնություն ստացածների մեջ նման ախտորոշմամբ մարդ չկա: Ավելին, նման վնասվածքների դեպքում մարդու առողջական վիճակը շատ ծանր պետք է լիներ, եւ դժվար թե հաջողվեր նրա կյանքը փրկել:

Բուժօգնություն ստանալու նպատակով` Երեւանի առողջապահական հաստատություններ դիմել են 133 քաղաքացիներ: Նրանցից 5-ը դեռեւս շարունակում են բուժում ստանալ: Իսկ մնացածն անցած օրերին դուրս են գրվել հիվանդանոցներից: Բուժումը շարունակող քաղաքացիներից երկուսի վիճակը ծանր է: Նրանք երկուսն էլ տուժել են գլխի մասում ստացած հրազենային վնասվածքից: Այսինքն` ծանր վիճակում գտնվող անձանց մեջ վրաերթից տուժած մարդ չկա: Ինչպես հայտնի է, դեռեւս մարտի 12-ին ՀՀ գլխավոր դատախազի մամուլի քարտուղար Սոնա Տռուզյանը հայտարարել էր, թե մարտի 1-ի` լույս 2-ի գիշերը տեղի ունեցած իրադարձությունների արդյունքում հիվանդանոց տեղափոխված անձանց մեջ չկա մեկը, ով մարմնական վնասվածքներ է ստացել վրաերթի արդյունքում: Այս պնդումը Տռուզյանը երեկ եւս մեկ անգամ հաստատեց մեզ հետ զրույցում: Մի խոսքով, ոստիկանական ավտոմեքենայի կողմից վրաերթի ենթարկված քաղաքացուն հայտնաբերելու մեր բոլոր փորձերն անցան ապարդյուն: Բայց ինչպես նյութի սկզբում նշեցինք, ըստ ականատեսների, ոստիկանական «ՈւԱԶ» («Վիլիս») մակնիշի ավտոմեքենան մի տղամարդու վրաերթի է ենթարկել: Ավելին, «Վիլիսի» ետեւից ամրացված է եղել փշալարեր տեղափոխելու համար հարմարեցված կցորդ: Ականատեսների պնդմամբ, Պարոնյան փողոցի միջնամասում` «Ութ» սուպերմարկետից շուրջ 30 մետր հեռու, մոտավորապես Սպանդարյանի անվան թիվ 24 դպրոցի դիմացի մասում, մարտի 1-ի երեկոյան փողոցի մեջտեղում կանգնած են եղել երեք ավտոմեքենաներ` զինվորական «Ուրալ» մակնիշի ամենագնաց, փշալարեր տեղափոխող «Վիլիսը» իր կցորդով եւ ոստիկաններին տեղափոխած «ԿՎԶ» մակնիշի ավտոբուսը: Այդ ժամանակ արդեն ոստիկանները ցուցարարների վրա անհաջող գրոհից հետո հետ են նահանջած եղել դեպի Պարոնյան եւ Լեոյի փողոցների խաչմերուկ: Իսկ վերը նշված ավտոմեքենաները մնացել են փողոցի մեջտեղում կանգնած: Ցուցարարները դրանց մոտով անցուդարձ կատարելիս են եղել, երբ «Ուրալը» շարժի է դրվել եւ գնացել դեպի ոստիկանության կողմը: Վերջինս ընթացել է շատ դանդաղ եւ վնասներ չի պատճառել: Մի քանի վայրկյան անց «Վիլիսը» հանկարծակի տեղից շարժվել է եւ սրընթաց սլացել դեպի Լեոյի փողոցի կողմը: Մոտավորապես «Ութ» սուպերմարկետի դիմացի մասում մի տղամարդ, որը չի հասցրել նկատել իր ուղղությամբ ընթացող ավտոմեքենան, ուղղակի ճզմվել է ոստիկանական ավտոմեքենայի կողմից: «Վիլիսի» կցորդի ետեւից դուրս թռած տղամարդուն մարդիկ օգնության են հասել, բայց նրա մարմինը անշարժացած է եղել: Ականատեսները նկատել են, թե ինչպես են մի քանի տղամարդ նրա մարմինը փողոցից վերցրել եւ տարել դեպի «Ութ» սուպերմարկետի կողմի մայթը: Արդյո՞ք վրաերթի ենթարկված տղամարդն այդքանից հետո ողջ է եղել, թե՞ տեղում մահացել է, անհայտ է, քանի որ այս միջադեպը պաշտոնապես «չի եղել»:

Ի դեպ, կասկածից վեր է, որ մարտի 1-ի ողբերգական իրադարձությունների ընթացքում տեղի ունեցած միջադեպերի մեծ մասը իրավապահների կողմից ոչ էլ արձանագրվել է: Բայց վաղ թե ուշ այդ ամենի մասին պատմող բազմաթիվ փաստերն ի հայտ են գալու, եւ այսօրվա մեղադրողները վաղն իրենք են հայտնվելու մեղադրյալի աթոռին` կատարված հանցագործությունները կոծկելու եւ անմեղ մարդկանց նկատմամբ քրեական հետապնդում սկսելու համար:

Վահագն Հովակիմյան

Տպել
11698 դիտում

Փոխվարչապետ Տիգրան Ավինյանը մասնակցել է հայ-վրացական իրավական համագործակցության երրորդ ֆորումին

Հրազդանի բժշկական կենտրոնում հրդեհային անվտանգության կանոնների մի շարք թերություններ և խախտումներ են հայտնաբերվել

Վերահաստատում եմ իմ ակտիվ մասնակցությունն ընտրապայքարին, Արցախում ֆեյքային գզվռտոց չի լինելու. Արցախի ԱԳ նախարար

Գողացված բանկային քարտով կանխիկացման փորձ է արվել (տեսանյութ)

Թուրքիայում ստեղծվել է «1915.gov.tr» կայքը՝ Հայոց ցեղասպանության պնդումների դեմ պայքարելու համար

Սարհատ Պետրոսյանի հայտարարություններից հետո նախապատրաստված նյութերով քրգործի հարուցումը մերժվել է

Ճիշտն ասած՝ ինձ խաբեցին. Թլիկում պարտված միակ թեկնածու

Սահմանապահ գյուղերում 2020-ից ամեն ծնվող երեխայի համար 1000 դոլար կտրվի, ևս 100 հազ. դրամ՝ ամսական

Եթե հանկարծ նկատեք, որ բարեւների առումով ժուժկալ եմ դարձել, չմտածեք, թե մեծամտացել եմ․ Փաշինյան

ՀՀ վարչապետն ու բարձրաստիճան պաշտոնյաները ծաղիկ են խոնարհել Ծիծեռնակաբերդում (լուսանկարներ)

Գյումրի քաղաքում մասնակի փլուզվել է տան պատը. տուժածներ չկան

Արտակարգ դեպք Երևանում. Շենգավիթում որդին կասկածվում է մոր նկատմամբ բենզինով սպանության փորձ կատարելու մեջ

Դեկտեմբերի 10-ին հեռարձակման թվային ցանցում կկատարվեն պրոֆիլակտիկ աշխատանքներ

Ոմանք կոռուպցիայի դեմ պայքարը պատկերացնում են՝ համերգ հեռուստադիտողի հայտով․ վարչապետը՝ Սերժ Սարգսյանի մեղադրանքի մասին

Ռոբերտ Քոչարյանի պաշտպանները բողոքարկել են Աննա Դանիբեկյանի՝ ինքնաբացարկի միջնորդությունը մերժելու որոշումը

ԱԺ-ն ամբողջությամբ ընդունեց վարորդների համար բալային համակարգի ներդրման մասին օրինագիծը

ԱԺ-ն ամբողջությամբ ընդունեց նոր ուղղություններով չվերթով մեկնող անձանց օդի տուրքից ազատելու նախագիծը

Վաղը Երևանի և Արարատի մարզի որոշ հասցեներում ջրամատակարարումը 24 ժամով կդադարեցվի

Ալաշկերտի համայնքապետ է վերընտրվել ՊԵԿ փոխնախագահի հայրը

ԱԺ-ն առաջին ընթերցմամբ ընդունեց զինծառայությունից նաեւ 5 տարի անց հաշմանդամության կարգ տալու մասին օրինագիծը