Մարդու իրավունքների խախտում. Մարտի 1

01/08/2018 schedule20:40

Տպագրվել է «Հայկական Ժամանակ» օրաթերթի՝ 2008 թվականի հուլիսի 1-ի համարում

ՀՀ մարդու իրավունքների պաշտպանի գրասենյակը շաբաթ օրը հաղորդագրություն է տարածել, որը մարտի 1-ի քրեական գործով ոստիկանության բաժին բերման ենթարկված հազարավոր քաղաքացիներից մեկի պատմության մասին է: ՀՀ քաղաքացի Կարեն Հեքիմյանը մայիսի 6-ին դիմել է օմբուդսմենի գրասենյակ եւ տեղեկացրել, որ մայիսի 5-ին իրենց բնակարան են ներխուժել ոստիկանության երեք աշխատակիցներ եւ բռնի ուժով իրեն տարել են Երեւանի ոստիկանության Շենգավիթի բաժին: Նրան ոստիկանությունում պահել են յոթ ժամ, այդ ընթացքում արգելել են օգտվել հեռախոսից, թույլ չեն տվել, որպեսզի տեսակցի իր փաստաբանի հետ, որը ոստիկանության դիմացը սպասելիս է եղել, ինչպես նաեւ արգելել են անգամ հոգալ իր բնական կարիքները: Կատարվածի մանրամասները պարզելու նպատակով օմբուդսմենի աշխատակազմի ուսումնասիրությունները ցույց են տվել, որ Հեքիմյանին բերման ենթարկելու փաստը որեւէ կերպ պաշտոնապես չի արձանագրվել: ՀՀ ՄԻ պաշտպան Արմեն Հարությունյանը դեռեւս մայիսի 22-ին դիմել է նախկին ոստիկանապետ Հայկ Հարությունյանին` պահանջելով ծառայողական քննություն անցկացնել եւ պարզել, թե ովքեր եւ ինչու են քաղաքացուն ապօրինի բերման ենթարկել ոստիկանություն եւ պահել այնտեղ ու այդ ընթացքում ոտնահարել նրա արժանապատվությունը: Մոտ 10 օր առաջ ՀՀ ոստիկանապետի առաջին տեղակալ Արմեն Երիցյանի ստորագրությամբ ստացվել է պատասխան, ըստ որի` Կ. Հեքիմյանը հրավիրվել է ոստիկանության Շենգավիթի բաժին` «հարցազրույցի», քանի որ նա մարտի 1-ի դեպքերի ժամանակ եղել է իր ծանոթի տանը, որը գտնվում է Մաշտոցի պողոտայում` «Ռոբերտո» խանութի շենքի երկրորդ հարկում: Այլ կերպ ասած, ՀՀ ոստիկանապետի տեղակալը գործնականում գրավոր հաստատել է, որ ոստիկանության Շենգավիթի բաժնի աշխատակիցները ապօրինի գործողություններ են կատարել: Իհարկե, փոխոստիկանապետի ներկայացմամբ այդ ամենում իրենք օրինախախտման դեպք չեն հայտնաբերել, այսինքն, Երիցյանի կարծիքով, ամեն ինչ եղել օրինական: Սա այն դեպքում, երբ ոստիկանություն «հրավիրված կամ հրավիրել», «հարցազրույց ոստիկանությունում», ինչպես նաեւ վերը նշված ապօրինությունը բնորոշող այլ հասկացություններ ՀՀ օրենսդրությամբ նախատեսված չեն: Այլ կերպ ասած, տեղի ունեցածն ապօրինություն է, քանի որ որեւէ կերպ հիմնավորված չէ ՀՀ օրենսդրությամբ: Ուստի, օմբուդսմենի որոշմամբ, Կ. Հեքիմյանի հետ տեղի ունեցածը որակվել է որպես մարդու իրավունքների խախտում: Այնուհետեւ հունիսի 25-ին Ա. Հարությունյանը կրկին գրություն է ուղարկել ՀՀ ոստիկանապետ Ալիկ Սարգսյանին` պահանջելով, որպեսզի պարզեն մարդու իրավունքների խախտման փաստի մեղավորներին եւ նրանց պատասխանատվության ենթարկեն: Օմբուդսմենը ՀՀ ոստիկանապետից պահանջել է արդյունքների մասին 20-օրյա ժամկետում տեղյակ պահել իրեն:     

Վահագն Հովակիմյան

Տպել
8150 դիտում

Սյունիքի եւ Գեղարքունիքի մարզերում պատերազմի հետեւանքով անշարժ գույքին հասցված վնասները կփոխհատուցվեն

Պատերազմի ընթացքում զոհված քաղաքացիական անձանց ընտանիքներին եւ վիրավորներին փոխհատուցում կտրվի

Հաստատվել է կորոնավիրուսի 1277 նոր դեպք. գրանցվել է 26 մահ, եւս 11-ն էլ՝ այլ հիվանդության հետեւանքով

Մեկնարկել է ՀՀ Կառավարության հերթական նիստը․ օրակարգում ներառված է 66 հարց

Պաշտոնեական կեղծիքի գործով Ռուբեն Հայրապետյանի նկատմամբ քրհետապնդում չի իրականացվի․ գործն ուղարկվել է դատարան

Սահմանամերձ Այգեձոր գյուղում ժամանակակից բժշկական կենտրոն կկառուցվի. նախագիծը պատրաստ է

Արագածոտնի եւ Շիրակի մարզի մի շարք բնակավայրերում մառախուղ է

ՀՀ ԱԳ նախարար Արա Այվազյանը հեռախոսազրույց է ունեցել Իտալիայի ԱԳ և միջազգային համագործակցության նախարարի հետ

Գիշերը հրդեհ է բռնկվել պոլիէթիլենային տոպրակների հումքի մշակման արտադրամասում

Վթարի պատճառով 24 ժամ ջուր չի լինելու Աջափնյակում

Երևանի և 4 մարզի մի շարք հասցեներում էլեկտրաէներգայի պլանային անջատումներ կլինեն

Աննա Հակոբյանն ու Լենա Նազարյանն այցելել են զոհված կամավորական Վրեժ Պողոսյանի ընտանիքին (լուսանկարներ)

Պատերազմի օրերին վիրավորված պայմանագրային զինծառայողին հարկավոր է հաստ աղիքի փոխպատվաստում․ այն Հայաստանում չեն անում

Ադրբեջանը խոշտանգում, տանջում, նվաստացնում է հայ ռազմագերիներին. Human Rights Watch-ի զեկույցը

Պետությունը կազմալուծված է. ինչպե՞ս է Արցախում եւ Հայաստանում ընդունվել Վիտալի Բալասանյանի նշանակումը

Մայիսյան համայնքի Սարգս թաղամասի գլխավոր փողոցի ասֆալտապատման աշխատանքներն ավարտվել է

ՊՎԾ-ում առանցքային փոփոխություններ են սպասվում, մոտ 10 աշխատակից է ազատվել․ Տիգրան Ուլիխանյան

Աստղաձորում ավարտվել է Զորավար Անդրանիկ փողոցի ասֆալտապատումը

Բարեկարգվել է Բաղրամյան համայնքի մանկապարտեզի բակը

ԱԱՏՄ աշխատակիցները Վանաձորում ստուգայց են իրականացրել պետական մի շարք հիմնարկներում