Սաշիկ Սարգսյանի որդու գործով նախաքննությունն ավարտվել է. գործը կուղարկվի դատարան

ՀՀ քննչական կոմիտեի ԵՔՔՎ Կենտրոն եւ Նորք Մարաշ վարչական շրջանների քննչական բաժնում ավարտվել է 2007 թվականին Դավիթ Սիմոնյանի նկատմամբ սպանության փորձ կատարելու դեպքի առթիվ հարուցված քրեական գործի նախաքննությունը։ Ձեռք բերված ապացույցների համակցությամբ` մեղադրանք է առաջադրվել Հայկ Սարգսյանին։ Այս մասին հայտնում են ՔԿ-ի մամուլի ծառայությունից:

Ավելի վաղ տեղեկացրել ենք, որ Դավիթ Սիմոնյանը, հրազենային վնասվածքով թիվ 3 կլինիկական հիվանդանոց էր տեղափոխվել 2007 թվականի ապրիլի 1-ին՝ Երեւան քաղաքի Թումանյան-Նալբանդյան փողոցների խաչմերուկից: Նույն օրը ոստիկանության Կենտրոնական բաժին էր ներկայացել քաղաքացի Ա.Ղեւոնդյանը, ներկայացրել ատրճանակ եւ հայտնել, թե այն գտել է իրենց շենքին կից մանկապարտեզից դեպի նկուղ տանող աստիճանների մոտ, որի հետ անզգույշ վարվելու հետեւանքով կրակել է՝ մարմնական վնասվածք պատճառելով ընկերոջը՝ Դ.Սիմոնյանին: 

Ոստիկանության Կենտրոնականի քննչական բաժնում 2007 թվականի մայիսի 28-ին որոշում էր կայացվել՝ փաստի առթիվ հարուցված քրեական գործի վարույթը կարճելու եւ Ա.Ղեւոնդյանի նկատմամբ քրեական հետապնդում չիրականացնելու մասին՝ ՀՀ քրեական դատավարության օրենսգրքի 35-րդ հոդվածի 1-ին մասի 4-րդ եւ 5-րդ կետերով նախատեսված՝ կողմերի հաշտության եւ բողոքի բացակայության հիմքով:

Նոր երեւան եկած հանգամանքներով պայմանավորված` 2018 թվականի հուլիսի 3-ին վերացվել է քրեական գործի վարույթը կարճելու որոշումը, հարուցվել է նոր քրեական գործ, որով նախաքննության կատարումը հանձնարարվել է ՀՀ քննչական կոմիտեի Երեւան քաղաքի քննչական վարչության Կենտրոն եւ Նորք-Մարաշ վարչական շրջանների քննչական բաժնին։ Քննիչն այն վարույթ է ընդունել եւ ձեռնարկել անհրաժեշտ քննչական եւ դատավարական այլ գործողություններ՝ դեպքի իրական հանգամանքները պարզելու, բազմակողմանի, օբյեկտիվ եւ լրիվ քննությունն ապահովելու ուղղությամբ։

Արդյունքում՝ փաստական տվյալներ են ձեռք բերվել առ այն, որ Դավիթ Աշոտի Սիմոնյանին մարմնական վնասվածքը պատճառվել է ոչ թե անզգուշությամբ Արթուր Ղեւոնդյանի կողմից, այլեւ նշված օրը նրա նկատմամբ կատարվել է սպանության փորձ, պարզվել առերեւույթ հանցագործություն կատարած անձի ինքնությունը։

Մասնավորապես՝ քննության տվյալներով` Դ.Սիմոնյանն իրականում հրազենային վնասվածքը ստացել է Հայկ Ալեքսանդրի Սարգսյանի՝ Երեւանի կենտրոնում գտնվող բնակության վայրի նկուղային հարկում գտնվող սենյակում՝ 2007 թվականի ապրիլի 1-ին՝ ժամը 16:00-ի սահմաններում՝ վերջինիս կողմից արձակված կրակոցի հետեւանքով։

Կենցաղային հարցերի շուրջ տեղի ունեցած վիճաբանության ժամանակ տուժողի ուղղությամբ կրակոցն արձակվել է «SIG SAUER» տեսակի «P 266» մոդելի ատրճանակից, որովայնի ուղղությամբ՝ պատճառելով կյանքին վտանգ սպառնացող առողջության ծանր վնաս՝ որովայնի խոռոչի հրազենային միջանցիկ վիրավորման ձեւով՝ լյարդի եւ աջ երիկամի վնասումով, աջ երիկամի հեռացմամբ՝ ուղեկցված հետորովայնային հեմատոմայով, ներքին արյունահոսությամբ։

Քրեական գործով ձեռնարկված միջոցառումների արդյունքում հայտնաբերվել եւ առգրավվել է «SIG SAUER» տեսակի «P 266» մոդելի ատրճանակը:

Ձեռք բերված ապացույցների հիման վրա՝ Հայկ Ալեքսանդրի Սարգսյանին մեղադրանք է առաջադրվել՝ սպանության փորձի, ապօրինի կերպով հրազեն ձեռք բերելու եւ պահելու համար՝ ՀՀ քրեական օրենսգրքի 34-104-րդ հոդվածի 1-ին եւ 235-րդ հոդվածի 1-ին մասերով։ 2018թ. օգոստոսի 17-ին հայտարարվել է նախաքննության ավարտի մասին:

Նկատի ունենալով, որ քրեական գործով ձեռք են բերվել տվյալներ սույն դեպքի առթիվ նախկինում քննված քրեական գործով պաշտոնատար անձի կողմից պաշտոնեական լիազորություններն առերեւույթ չարաշահելու վերաբերյալ՝ ՀՀ ՔԿ ԵՔՔՎ Կենտրոն եւ Նորք-Մարաշ վարչական շրջանների քննչական բաժնում հարուցվել է նոր քրեական գործ՝ ՀՀ քրեական օրենսգրքի 308-րդ հոդվածի 1-ին մասով, եւ որոշում կայացվել՝ այն ըստ քննչական ենթակայության ուղարկելու մասին։

Տպել
9356 դիտում

Ապամոնտաժվում են ոչ թե սրճարանները, այլ նախկին սխեմաները

Արարատի մարզպետը հանդիպել է Ավշարի միջնակարգ դպրոցի ուսուցչական անձնակազմին

Գորիս-Կապան ավտոճանապարհին տեղ-տեղ առկա է մերկասառույց և մառախուղ

Անաստասիա Գալուստյանը դուրս մնաց գեղասահքի աշխարհի առաջնությունից

Արմեն Սարգսյանը շնորհավորական ուղերձ է հղել Թունիսի նախագահին

Կոտայքի մարզպետը դատախազություն է դիմել. Աբովյանի համայնքային սեփականության հողերի աճուրդը խախտումներով է եղել

«Հայինկասացիա»-ի պահոցից $20,000 գումար են հափշտակել. հարուցվել է քրգործ

Սկսվում է Եվրո 2020-ի ընտրական փուլը. Հայաստանի համար հույս կա՞

«Լիդիանը» դեմ է Ամուլսարի ոսկու հանքի ազդեցության 3-րդ աուդիտին

Մուրազին հեռախոսազրույցներ է ունեցել Օսիպյանի հետ եւ թախանձագին խնդրել դրա մասին չհայտարարել. ոստիկանություն

Մաթեւոսյանը Լենուղի համայնքի վթարային շենքի բնակիչներին նոր շենքային պայմաններ է առաջարկել, սակայն նրանք հրաժարվել են

Արտաքին քաղաքականության, տնտեսական բարեփոխումներ. Արարատ Միրզոյանի այցը Գերմանիա շարունակվում է

Դեբեդ գետում երեխայի դի է հայտնաբերվել

«Ընդունվել է պատմական որոշում». Ղազախստանի մայրաքաղաքն անվանակոչվել է ի պատիվ Նուրսուլթան Նազարբաեւի

Հայաստանը երջանիկ երկրների ցանկում 13 կետով բարելավել է դիրքերը

2018-ին հրադադարի պահպանման ռեժիմի խախտման դեպքերը նվազել են 28.57 տոկոսով, իսկ կրակոցների քանակը՝ 46.11 տոկոսով

Վթարային շենքը փլուզման եզրին է

10 անշարժ գույք եւ 40 միլիոն դրամ. Հերմինե Նաղդալյանի ունեցվածքը

Ավերածություններ Գյումրու Մուշ 2-ում. Սամվել Բալասանանը չի արձագանքել համատիրության կանչին

Շուտով մենք բոլոր տեղերում կունենանք մեկական փոխմարզպետ. նախարար