Որպեսզի լիակատար հանգստանամ պետք է լինեմ մենակ. Լուլուն՝ իդեալական արձակուրդի մասին

Հաղորդավարուհի Լուսինե Բադալյանը՝ Լուլուն, այս տարի ամառային արձակուրդները անցկացրել է Շվեյցարիայի Ցյուրիխ քաղաքում: Իր երեխաների հետ հյուրընկալվել է ընկերուհուն: Վերջինիս ընտանիքը իրենց համար էքսկուրսիաների ծրագիր է կազմել, ու եղել են տարբեր տեսարժան վայրերում: «Հայկական ժամանակ»-ի հետ զրույցում հաղոդրավարուհին կիսվեց տպավորություններով:

«Հյուրընկավել էի ընկերուհուս: Վերջին տարիներին ավանդույթի պես բան է դարձել, որ անկախ նրանից՝ ինչպես կանցնի ամառային արձակուրդը՝ գոնե մի փոքր ժամանակահատված միասին ենք անցկացնում: Մեզ համար կազմակերպել էին հետաքրքիր հանգիստ. տեսարժան վայրեր, բացահայտեցինք Ցյուրիխի բոլոր լճերը: Երեխաները լողալ շատ են սիրում, բայց այս տարի պետք է հրաժարվեին ծով մեկնելու իրենց երազանքից: Փոխհատուցելու համար ամեն օր ժամանակ էինք անցկացնում լճերից մեկում»,- ասաց նա:

Այցելած մի շարք տեսարժան վայրերից Լուսինե Բադալյանին հատկապես տպավորել են Ալպերը: Ընդգծում է, որ այդ գեղեցկությունը շատ բարդ է փոխանցել բառերով:  

«Հրաշալի է, շատ դժվար է նկարագրել: 1 օր անցկացրեցինք Ալպերում, բարձրացանք: Ամենաբարձր կետերին չենք հասել: Հասել ենք մոտ 2-2.5 հազար մետր բարձրության վրա, այնտեղ էլ լիճ կար (ծիծաղում է)»,- պատմեց նա՝ ավելացրելով, որ երեխաները այդ լճում էլ հասցրել են լողալ:

Լուսինեն սիրում է ճանապարհորդել, սակայն նախընտրում է, որ դա լինի կրթական ինչ-որ ծրագրի շրջանակում կամ գործնական նպատակով: Պարզապես որեւէ տեղ մեկնել, կտրվել ամեն ինչից ու միայն մտածել տեսարժան վայրերի ու արձակուրդի մասին չի սիրում: Այս անգամ էլ փորձել է նոր գիտելիքներ ձեռք բերել: Հայտնի է, որ նա սիրում է հետեւել քաղաքականությանը, ու այս առիթը օգտագործել է հասկանալու համար՝ ինչպես է Շվեյցարիան հաջողությունների հասնում տարբեր ոլորտներում (ներքին, արտաքին քաղաքականություն, ազգ-բանակ եւ այլն):

«Հասկացա, որ անհնարին ոչինչ չկա, որովհետեւ ե՛ւ տարածքային, ե՛ւ բնակչության թվի, ե՛ւ ռեսուրսների առումով մենք առանձնապես շատ մեծ տարբերություններ չունենք: Բաներ կան, որոնք մեզ մոտ նույնիսկ առավելություն են: Բաներ կան, որ նրանց մոտ են առավելություն, բայց ի վերջո շատ մեծ ցանկության ու քրտնաջան աշխատանքի արդյունքում մենք կարող ենք մեր երկրի ընդհանուր տնտեսական եւ քաղաքակրթական մակարդակը գոնե մոտեցնել ամենազարգացած երկրներից մեկին»,- ասաց նա:

Հաղորդավարուհին խոստովանում է, որ արձակուրդում լինել ընդհանրապես չի սիրում, քանի որ մտավախություն ունի, որ այդպես հետ կվարժվի աշխատանքային ռիթմից: Արձակուրդի ընթացքում էլ կարոտում է գործը: Այնուամենայնիվ, եթե իր համար կատարյալ հանգիստ կազմակերպելու հնարավորություն ունենար, միայնակ կմեկներ որեւէ տեղ:

«Ինձ համար իդեալական հանգիստը միայնակ մեկնել որեւէ տեղ, ցանկալի է հնավայր, բայց միայնակ: Որպեսզի լիակատար հանգստանամ, պետք է լինեմ լրիվ մենակ: Պատասխանատվության զգացում չպետք է ունենամ իմ կողքի մարդկանց համար. նրանց հաճելի է, թե՝ տհաճ, այսինչ բանը ուզում են, թե չեն ուզում»,- ասաց նա:

Այսօր օրերին Լուսինեն արդեն վերադարձել է աշխատանքի: Օգոստոսի սկզբին 10 օրով է մեկնել հանգստի: Նշում է, որ այդքանը գուցե երեխաների համար բավական չէ, սակայն իր համար նորմալ է:

Տպել
2806 դիտում

Իրանում արձանագրվել է նոր կորոնավիրուսով վարակվելու 5 դեպք. «Մեղրի» անցակետում հսկողությունը կուժեղացվի

2-րդ զորամիավորման զորամասերը բերվել են մարտական պատրաստականության բարձր աստիճանի. ՊՆ (լուսանկարներ)

IDBank-ի մասնաճյուղերն այսուհետ ավելի երկար կաշխատեն

Բախվել են «BMW 3», «Porsche Cayenne» եւ «Lexus RX 300» մակնիշների ավտոմեքենաները. տուժածներ չկան

JTI ընկերությունը կրկին ճանաչվել է որպես Լավագույն գործատու Հայաստանում

2019թ. տարվա 10 լավագույն մարզիկները 5-ական մլն դրամ պարգեւավճար կստանան (տեսանյութ)

Արմեն Սարգսյանը ցավակցական ուղերձ է հղել Երվանդ Մանարյանի մահվան կապակցությամբ

Դիլիջանում ապօրինի փայտանյութը քողարկել էր թեփի պարկերով (տեսանյութ)

ՀՀ ԶՈՒ գլխավոր շտաբի պետի գլխավորած պատվիրակությունն այցելել է Վրաստան

Ապօրինի ծառահատում «Սևան» ազգային պարկում. հարուցվել է քրեական գործ (տեսանյութ)

Գնդացիր, ինքնաձիգ, ատրճանակ, հրացաններ, նռնակներ ու փամփուշտներ. ոստիկանությունում զենքեր են հանձնել

Իրանի Քոմ քաղաքում փակվել են բոլոր դպրոցներն ու համալսարանները. պատճառը կորոնավիրուսն է

Դրանք այն ենթամշակույթի հետեւանքն են, որոնց դեմ մենք պայքարում ենք. նախարարը՝ դպրոցականների դանակահարությունների մասին

Երեւանում ամբողջությամբ այրվել է վագոն-տնակ. տուժածներ չկան

Հրդեհ Ռուբինյանց հասցեի բնակելի շենքում. առաջին հարկի բնակիչը տանը դույլի մեջ կրակ է արել (լուսանկարներ)

Հանդիպել են Արցախի նախագահ Բակո Սահակյանն ու ՀՀ գլխավոր դատախազ Արթուր Դավթյանը

ԵՊՀ-ում այսօր հրավիրված Հոգաբարձուների խորհրդի նիստը տեղի չի ունեցել

Մայիսի 29-ը ոչ աշխատանքային կլինի. Կառավարությունը որոշում ընդունեց

«Ոչինչ, ես միշտ 1000 դրամի եմ լցնում». վարչապետը հայտնի անեկդոտ հիշեց

Կյանքից հեռացել է ՀՀ ժողովրդական արտիստ, դիրիժոր, պրոֆեսոր Յուրի Դավթյանը