Հայ-չինական դպրոցը բացվեց. հոգաբարձուների խորհուրդը որոշել է ընդունելության կարգը

Երեւանում այսօր բացվեց Հայ-չինական բարեկամության դպրոցը: Կրթական հաստատությունը կառուցելու որոշումն ընդունվել էր տարիներ առաջ՝ Հայաստանի եւ Չինաստանի կառավարությունների միջեւ ստորագրված միջպետական համաձայնագրի շրջանակում:

Հուլիսի վերջին հայտարարված ընդունելությունից հետո պարզ դարձավ, որ դպրոցը մեծ հետաքրքրություն է առաջացրել: Դիմողների թիվը կրկնակի ավելի էր, քան տեղերի քանակը: Իսկ դրան արդեն հետեւեց խնդիրը, թե ինչ սկզբունքով պետք է ընտություն կատարել: Նախ հայտարարվեց, որ վիճակահանություն կկազամակերպվի, ինչը, սակայն, ծնողների շրջանում դժգոհության ալիք բարձրացրեց: Այսօր արդեն մեկ այլ որոշում է ընդունվել: Դպրոցի հանդիսավոր բացման արարողությունից հետո նախատեսված էր հոգաբարձուների խորհրդի նիստ: Դրա ավարտից հետո դպրոցի տնօրեն Սպարտակ Վարդանյանից տեղեկացանք, որ խորհրդի որոշմամբ՝ դիմորդների միջեւ ընտրություն կկատարվի՝ հաշվի առնելով ատեստատի միջին միավորը: Այսինքն՝ Հայ-չինական դպրոցում սովորելու հնարավորություն կստանան գրեթե 700 երեխաներից առավելագույն միավոր ունեցող 330-ը: Իսկ որպեսզի մնացածներն իրենց մերժված չզգան, նրանց համար կիրականացվի պահեստային դպրոցի ծրագիր, կարող են կազմակերպվել չինարենի դասընթացներ, բայց արդեն վճարովի: Տնօրենը նշեց, որ դա կլինի հնարավորինս մատչելի՝ ամսական 10-12 հազար դրամ: Իսկ հետո արդեն, եթե ատեստատի միավորի առավելությամբ ընդունված որեւէ աշակերտ չինարենից ապահովի անբավարար արդյունք եւ դուրս մնա դպրոցից, նրա փոխարեն կընդունվի պահեստային դպրոցի երեխա:

Հիշեցնենք, որ Հայ-չինական դպրոցը նախատեսված է 405 աշակերտի համար: Շենքը կառուցվել է ապամոնտաժված N103 դպրոցի տեղում: Եվ այդ հաստատատության բարձրդասարանցի 70 աշակերտները, որոնք այս ընթացքում սովորել են մեկ այլ դպրոցում, իրավահաջորդության սկզբունքով վերադառնալու հնարավորություն են ստացել: Նոր ընդունելություն իրականացվել է միայն 5-9-րդ դասարաններում: Եվս 5 աշակերտով կարող է համալրվել 10-րդ դասարանը, քանի որ N103 դպրոցի այդ դասարանում սովորող աշակերտների թիվը 11-ն է, իսկ չինական դպրոցում դասարաններում կարող է լինել 15, առավելագույնը 16 սովորող:

ով ուզում է, թող երախտապարտ լինի

Նոր ուսումնական տարվա մեկնարկին ընդամենը հաշված օրեր են մնացել, բայց փաստորեն մինչեւ այսօր Հայ-չինական բարեկամության դպրոց դիմած երեխաները չգիտեն՝ ընդունվե՞լ են, թե՞ չէ: Լրագրողների հետ զրույցում, անդրադառնալով ստեղծված իրավիճակին, Կրթության եւ գիտության նախարար Արայիկ Հարությունյանն ասաց. «Հունիսին, երբ մենք դեսպանի հետ հանդիպեցինք, ըստ էության շատ մեծ էր վտանգը, որ դպրոցը չի բացվի հայտնի հանգամանքների պատճառով: Բայց ամեն օր, ամեն ժամ չինական դեսպանատան հետ աշխատելով, մեզ համար նպատակ դրեցինք, որ դպրոցը պետք է բացվի: Դրա համար ընդունելությունը ձգձգվեց»:

Լրագրողների խնդրանքով նախարարն անդրադարձավ նաեւ այն կարծիք-դիտարկումներին, թե Հայ-չինական բարեկամության դպրոցն այսօր իրականություն է նախորդ իշխանությունների ջանքերի շնորհիվ ու ինչու նրանց ներկայացուցիչները, մասնավորապես՝ Վիգեն Սարգսյանը, չեն հրավիրվել բացման արարությանը: «Դպրոցի կառուցման աշխատանքները նախորդ իշխանությունների ժամանակ են սկսվել, բայց ես չգիտեմ՝ ինչի համար պետք է երախտապարտ լինել: Ով ուզում է, թող գնա, երախտապարտ լինի Վիգեն Սարգսյանին: Մի բան կա, որը նախկինում նկատվել է եւ ես շատ կուզենամ, որ մեր իշխանության օրոք չնկատվի. սա մեր պարտականությունն է՝ խրախուսել նման հաստատությունների բացումը, եւ եթե պաշտոնյաները ցանկանում են դա որպես սխրանք ներկայացնել, ես կարծում եմ դա վատ պրակտիկա է: Սա սխրանք չէ, սա մեր ամենօրյա գործն է: Մեր առաքելությունը եւ աշխատանքն է նպաստել կրթական ոլորտի զարգացմանը: Ու սա նման քայլերից մեկն է»,- փաստեց նախարարը:

Չինական կողմի ֆինանասկան աջակցությամբ կառուցված Հայ-չինական բարեկամության դպրոցում իրականացվելու են Հայաստանի պետական հանրակրթական ծրագրեր, ուսուցման լեզուն կլինի հայերենը եւ կկազմակերպվի չինարենի խորացված ուսուցում՝ շաբաթական երեք դասաժամ: Վարժարանի մոդելով գործող այս հաստատությունում, որը կունենա 5-12-րդ դասարաններ, դասարանների ընդահնուր քանակը կլինի 27-ը: Չինարենեի ուսուցիչները հրավիրվել են Չինաստանից: Այդ առարկայի 450 դասագրքերը վարժարանին տրամադրվելու են չինական կողմի աջակցությամբ:

Հայ-չինական այս կրթական նախագծի ընդհանուր արժեքն ավելի քան 12 մլն ԱՄՆ դոլար է, որը ներառում է շինարարական աշխատանքներն ու կահավորումը: Երեւանի Քանաքեռ-Զեյթուն վարչական շրջանի Սարկավագի 14 հասցեում կառուցված նոր դպրոցը զբաղեցնում է 14 000 քմ տարածք: Կրթական մասնաշենքերի (ուսումնական, հանրակացարանային եւ մարզադահլիճ) ընդհանուր մակերեսը 8 000 քմ է: Դպրոցն ապահովված է լաբորատորիաներով, լեզվի ուսուցման կաբինետներով, գրադարանով, համակարգչային լսարաններով, պարասրահով, մշակութային կենտրոնով, մարզադահլիճով: Հայ-չինական բարեկամության դպրոցում կգործի նաեւ Չինաստանի թանգարան: 

Տպել
4583 դիտում

Պետբյուջեն ծախսային մասով թերակատարվել է 5,3 տոկոսով կամ շուրջ 80 մլրդ դրամով․ Բաբկեն Թունյանը՝ ֆինանսների նախարարին

Մանվել Գրիգորյանի հետ առնչվող սրճարանի տարածքի վարձակալը հրաժարվել է 6 մլն դրամ վարձավճար վճարելուց

Անկախությունից հետո առաջին անգամ Իջևան քաղաքում կվերակառուցվի բարձրահարկ շենք. Սիփան Փաշինյան (լուսանկարներ)

ՀՀ պաշտպանության նախարարը մասնակցել է նորակառույց բազմաբնակարան շենքի բացման արարողությանը

ՀՀ-ում կբացվի ոսկու աֆինաժի գործարան, կարտադրվեն բանկային ձուլակտորներ․ ԿԲ նախագահ Արթուր Ջավադյան

Ռուստամ Բադասյանը նշանակվել է արդարադատության նախարար

Եվրոպայի չեմպիոն Ֆերդինանդ Կարապետյանի անձնագրի խնդիրը լուծվել է. ֆեդերացիայի փոխնախագահ

Քոչարյանի կալանքը փոխելով՝ դատարանը թույլ է տվել դատական սխալ. մեղադրողը խնդրեց բեկանել այդ որոշումը

ԳեոՊրոՄայնինգ ընկերությունը հանդիսացավ Հայաստանի մաս-ռեսլինգի առաջնության գլխավոր հովանավորը

Հայկ Գեւորգյանը ֆինանսների նախարարից հետաքրքրվեց՝ որքա՞ն է գնահատվում չհավաքագրված հարկային պոտենցիալը

Խաղաղություն էլ խաղացին. ինչպես է Ադրբեջանը դուրս մղում խաղաղության օրակարգը

Նույնիսկ եթե վարկ-ՀՆԱ հարաբերակցությունը անցնի 60%-ը, ողբերգական որեւէ բան չկա. Ատոմ Ջանջուղազյան

Դատավորն ունի 58 հազար դոլար, իսկ նրա կինը 91 հազար դոլար

Իրանից հայրենադարձ ընտանիքը, հարեւանին վնասներ հասցնելով, Բաղրամյանում 4 հարկանի բնակարան է կառուցում

Ազգային ժողովը քննարկում է ՀՀ 2018 թվականի պետական բյուջեի տարեկան հաշվետվությունը

Դատարկ-դատարկ խոսում ես, դու քո ցեղով գնա օրենքին ենթարկվի․ Ծառուկյանը վիրավորեց լրագրողին

Սպասում եմ, որ ադրբեջանական բանակը նոր հայտարարություն կանի իր կորուստների մասին․ ՊՆ փոխնախարար

Ռոբերտ Քոչարյանի եւ մյուսների գործով դատավորը կրկին ինքնաբացարկ չհայտնեց

Ուրախ կլինենք քննարկել ցանկացած նախաձեռնության բովանդակություն. ՀՀ Էկոնոմիկայի նախարար

Բեթթին նկարահանվել է HBO հեռուստատեսության նոր՝ «Էյֆորիա» նախագծում