Այլ կերպ չէին կարող. «վերջապես» օրենքը խախտեցին

23/08/2018 schedule15:30

Տպագրվել է «Հայկական Ժամանակ» օրաթերթի՝ 2005 թվականի օգոստոսի 23-ի համարում

Նոր կազմով ԿԸՀ մեկ ամիս անհոգ գործելուց հետո երեկ առաջին անգամ խախտեց ՀՀ օրենսդրությունը, ինչին մասնակցեց նաեւ ՀՀ վճռաբեկ դատարանի դատավոր Էռնա Հայիրյանը, որը նաեւ ԿԸՀ անդամ է: Նիստում ԿԸՀ ընտրական համակարգին առնչվող 4 որոշում ընդունվեց: Առաջին երեքը վիճահարույց պահեր չէին պարունակում, իսկ վերջին որոշումը բավական ուշագրավ է եւ լուրջ մտահոգության տեղիք է տալիս: ԿԸՀ մի շարք անդամների բացասական գնահատականին արժանացած որոշումը, որի նախագիծը ներկայացրեց հանձնաժողովի նախագահի տեղակալ հանրապետական Աբրամ Բախչագուլյանը, սահմանում է միաժամանակ մի քանի ընտրությունների արդյունքների ամփոփման հերթականությունը: Ըստ այդմ, որոշումը նախ սահմանում է մի շարք հերթականություններ, ըստ որոնց, ասենք, ԱԺ ընտրությունների ժամանակ առաջինն ամփոփվում են համամասնական ընտրությունները, այնուհետեւ մեծամասնական:

Նախագահական ընտրությունների հետ այլ ընտրությունների, այդ թվում նաեւ հանրաքվեի անցկացնելու դեպքում առաջինն ամփոփվում են նախագահական ընտրությունները եւ այսպես շարունակ: Սակայն ամենակարեւոր հանգամանքն այն է, որ «առաջինի» կարգավիճակում գտնվող ընտրությունների ամփոփմանը կարող են ներկա գտնվել միայն համապատասխան ընտրության վստահված անձինք: Այսինքն, ԱԺ ընտրությունների ժամանակ մեծամասնական պատգամավորության թեկնածուների վստահված անձինք պետք է միառժամանակ` մինչեւ համամասնական քվեարկության արդյունքների ամփոփումը, լքեն ընտրատեղամասերը եւ վերադառնան այն ժամանակ, երբ կսկսվի մեծամասնական ընտրակարգով ԱԺ ընտրությունների արդյունքների ամփոփումը: Նույնը նաեւ ՏԻՄ ընտրությունների ժամանակ` համայնքի ղեկավարի եւ ավագանու անդամի թեկնածուների վստահված անձանց դեպքում` ավագանու անդամության թեկնածուների վստահված անձինք պիտի լքեն տեղամասը մինչեւ կհասնի իրենց հերթը:

Ընտրական օրենսգրքում հնարավոր չէ գտնել որեւէ հոդված, որը ԿԸՀ-ին նման կարգ սահմանելու լիազորություն է տալիս: Իսկ «Իրավական ակտերի մասին» օրենքի 17 հոդվածը սահմանում է, որ ԿԸՀ-ն որոշումներ է ընդունում միայն ԸՕ-ով ուղղակի նախատեսված դեպքերում: Այսինքն, ԿԸՀ-ն չի կարող իր գլխին եկած ամեն մի միտքը դարձնել որոշում եւ պարտադրել ընտրական համակարգին: Որոշման ՀՀ օրենսդրությանը հակասելու մասին հանձնաժողովի անդամներին տեղեկացրեց ԿԸՀ անդամ Սեւակ Առաքելյանը, որը ներկայացնում է Միավորված աշխատանքային կուսակցությունը: Նա այդպես էլ զեկուցողից չկարողացավ պարզել, թե ԸՕ որ հոդվածով է ԿԸՀ-ին նման որոշում կայացնելու լիազորություն տրված եւ ինչի հիման վրա է զեկուցողը համոզված, որ նման որոշմամբ օրենքի խախտում տեղի չի ունենում:

ԿԸՀ-ն այս որոշումն ընդունեց 5 կողմ, 1 դեմ եւ 1 ձեռնպահ քվեարկությամբ: Հարկ է նշել, որ որոշմանը կողմ քվեարկեցին ԿԸՀ նախագահ Գարեգին Ազարյանը, նրա տեղակալ Ա.Բախչագուլյանը, որը զեկուցողն էր, ՕԵԿ-ը ներկայացնող Արտաշես Ավոյանը, «Ժողպատգամավոր» ԱԺ խումբը ներկայացնող Արմինե Խառատյանը եւ, ինչպես արդեն նշել ենք, վճռաբեկ դատարանի կողմից ԿԸՀ-ում նշանակված դատավոր Էռնա Հայիրյանը:

Հ.Գ. ՕԵԿ համամասնական ցուցակով հերթական համարը ներկայացնող Տիգրան Եգանյանին ԿԸՀ-ն երեկ գրանցեց ԱԺ պատգամավոր: Հիշեցնենք, որ համամասնական ընտրակարգով ՕԵԿ մանդատներից մեկը թափուր էր մնացել ԱԺ պատգամավոր Արտակ Առաքելյանի մահանալուց հետո: Իսկ Տիգրան Եգանյանը Փախստականների եւ միգրացիայի վարչության պետ Գագիկ Եգանյանի եղբոր որդին է, «Օջախ» ռեստորանային համալիրի սեփականատիրոջ որդին: Մինչեւ պատգամավոր դառնալը Եգանյանը ԱԺ նախագահի խորհրդականն էր:

Վահագն Հովակիմյան

Տպել
850 դիտում

Վարչապետը շրջայց է կատարել Վանաձորի տեխնոլոգիական կենտրոնում (լուսանկարներ)

«Իմ քայլը հանուն Լոռու մարզի» բիզնես ֆորումը ցույց տվեց, որ Հայաստանում իսկապես գործարար նոր հնարավորություններ կան

Համոզված եմ, որ հայկական քաղաքական հրաշքին կհաջորդի հայկական տնտեսական հրաշքը. Նիկոլ Փաշինյան (լուսանկարներ)

Արթիկի տարածաշրջանի ավտոճանապարհներին բուք է

Մեկնարկել է Առողջապահության նախարարության խորհրդատուների առաջին երկօրյա խորհրդաժողովը

Շարունակվում է «Իմ քայլը հանուն Լոռու մարզի» բիզնես ֆորումը․ ներկայացուցիչները հարցեր են ուղղում նաեւ ՀՀ վարչապետին

Միայն հիվանդ ուղեղներում կարող էր ծնվել Փաշինյանի՝ իմ քաղաքական հոգեզավակը լինելու ցնորալի գաղափարը․ Լեւոն Տեր-Պետրոսյան

Բժշկական համալսարանի ճաշարանը վարձակալածի հետ պայմանագիրը լուծարել են՝ բուհի պրոռեկտորին բուֆետի «նալոգ» չվճարելու համար

ԿԳ նախարար Արայիկ Հարությունյանը մասնակցել է բուհերի հոգաբարձուների խորհուրդների նախագահների հետ թեյախմությանը

Հայաստանում ԱՄՆ նորանշանակ արտակարգ եւ լիազոր դեսպան Լին Թրեյսին Երեւան կժամանի հաջորդ շաբաթ

Վալերի Օսիպյանն անակնկալ այցելել է ոստիկանության Երեւան քաղաքի վարչության Մալաթիայի բաժին

ԲՀԿ–ն առաջարկում է հարկային արտոնություն տրամադրել բնակլիմայական աղետների հետևանքով 50 %-ի վնաս կրած գյուղատնտեսներին

Անցնող շաբաթ արցախա-ադրբեջանական սահմանին հակառակորդը հրադադարի ռեժիմը խախտել է շուրջ 150 անգամ

Մետրոյի զարգացման ծրագիրը մտել է գործնական փուլ. քաղաքապետարանի առաջարկը գրավել է ներդրողներին

Ջրի գին. ավելի էժան, քան գիտես

Նիկոլ Փաշինյանը ծանոթացել է Վանաձորի թիվ 7 հիմնական դպրոցի կառուցման շինաշխատանքների ընթացքին

Ընդունում եւ հանձնում. նավից պարահանդես

Երկու աթոռ. պայքարը ավելի է թեժանում

«Իմ քայլը հանուն Լոռու մարզի» բիզնես ֆորումի մասնակիցները նոր ներդրողների են սպասում

Լավ չի, երբ սեփական պարտությունը համարում եք պետությանն ու ժողովրդինը, երբ դուք եք զրկվել ամեն ամիս ծրարով փող ստանալուց