Ապօրինի ծառահատումների գործով 17 անձ է մեղադրվում. վնասը կազմում 1.5 մլրդ դրամ

ՀՀ քննչական կոմիտեի հատկապես կարեւոր գործերի քննության գլխավոր վարչությունում  «Դիլիջան ազգային պարկ» ՊՈԱԿ-ի մի շարք պահաբաժիններում կատարված ապօրինի ծառահատումների դեպքի առթիվ քննվող քրեական գործով օգոստոսի 24-ի դրությամբ մեղադրանք է առաջադրվել 17 անձի: Այս մասին հայտնում են ՔԿ-ի մամուլի ծառայությունից:

Ավելի վաղ տեղեկացրել ենք, որ  «Դիլիջան ազգային պարկ» պետական ոչ առեւտրային կազմակերպության տարբեր պահաբաժիններում բացահայտվել են  առերեւույթ  ապօրինի բազմաթիվ ծառահատումների դեպքեր։ ՀՀ ՔԿ ՀԿԳ քննության գլխավոր վարչության վարույթում քննվող քրեական գործով ձեռնարկվում են անհրաժեշտ քննչական եւ դատավարական  այլ մեծածավալ գործողություններ՝ ծառահատումների իրական ծավալները, ենթադրյալ հանցագործություն կատարած անձանց շրջանակը պարզելու համար։

Քննության տվյալներով՝  ապօրինի ծառահատումները տեղի են ունեցել 2014-2017 թթ.` «Դիլիջան ազգային պարկ» ՊՈԱԿ-ի  «Հաղարծին», «Շամախյան» եւ «Դիլիջան տեղամաս» մասնաճյուղերի պահաբաժիններում։ Նախնական տվյալներով՝  ապօրինի հատվել է ընդհանուր առմամբ 9517 տարբեր տեսակի եւ տրամագծերի ծառ, ինչի հետեւանքով պետությանը պատճառվել է առանձնապես խոշոր չափի` 1.597.602.520 ՀՀ դրամի վնաս:

Բազմակողմանի քննության արդյունքում փաստական տվյալներ են ձեռք բերվել, որ առերեւույթ ապօրինի ծառահատումներն իրականացվել են «Դիլիջան ազգային պարկ» ՊՈԱԿ-ի տնօրինության, ինչպես նաեւ առանձին անտառապահների կողմից ծառայության նկատմամբ անբարեխիղճ եւ անփույթ վերաբերմունքի հետեւանքով:

Մասնավորապես՝ վերջիններս ժամանակին միջոցներ չեն ձեռնարկել՝ տարբեր տեսակի ծառերի ապօրինի հատման դեպքերը բացահայտելու, դրանք կատարած անձին կամ անձանց համապատասխանաբար վարչական կամ քրեական պատասխանատվության ենթարկելու, ինչպես նաեւ՝ պետությանը պատճառված առանձնապես խոշոր չափերի գույքային վնասը վերականգնելու ուղղությամբ:

Բացի այդ, հանդիսանալով նյութական պատասխանատու անձինք, պարտավոր լինելով կանխել բոլոր տեսակի օրինազանցություններն իրենց ամրակցված պահաբաժինների տարածքում, առանց համապատասխան ստուգումներ իրականացնելու՝ ստորագրել են իրականությանը չհամապատասխանող ընդունման-հանձնման արձանագրություններ, որոնց համաձայն` պահաբաժիններում անտառախախտման արձանագրություններով չձեւակերպված ապօրինի հատված ծառեր չեն հայտնաբերվել:

Ձեռք բերված ապացույցների համակցությամբ՝ օգոստոսի 24-ի դրությամբ մեղադրանք է առաջադրվել 17 անձի։

«Դիլիջան ազգային պարկ» ՊՈԱԿ «Հաղարծին տեղամաս» մասնաճյուղի նախկին եւ ներկա ղեկավարներին, նույն մասնաճյուղի 1-ին, 2-րդ, 3-րդ, 4-րդ, 5-րդ, 6-րդ, 8-րդ, 9-րդ, 10-րդ, 12-րդ, 13-րդ եւ 14-րդ պահաբաժինների անտառապահներին մեղադրանք է առաջադրվել՝ ՀՀ քրեական օրենսգրքի 308-րդ հոդվածի 2-րդ մասով, 314-րդ հոդվածի 1-ին մասով, 315-րդ հոդվածի 2-րդ մասով եւ 325-րդ հոդվածի 2-րդ մասով:Տավուշի մարզի Թեղուտ եւ Հաղարծին համայնքների եւս երկու բնակչի մեղադրանք է առաջադրվել՝ ՀՀ քրեական օրենսգրքի 296-րդ հոդվածի 3-րդ մասով:

«Դիլիջան ազգային պարկ» ՊՈԱԿ-ի տնօրենի տեղակալը որպես մեղադրյալ է ներգրավվել ՀՀ քրեական օրենսգրքի 308-րդ հոդվածի 1-ին մասով, նրա նկատմամբ որպես խափանման միջոց է ընտրվել կալանավորումը եւ հայտարարվել հետախուզում:

Պետությանը պատճառված վնասի հատուցումն ապահովելու նպատակով կալանք է դրվել մեղադրյալների անշարժ եւ շարժական գույքերի վրա:

Նախաքննությունը շարունակվում է, ձեռնարկվում են անհրաժեշտ քննչական գործողություններ՝ ապօրինի ծառահատումներին հնարավոր առնչություն ունեցած անձանց ամբողջական շրջանակը պարզելու եւ նրանց գործողություններին համարժեք քրեաիրավական գնահատական տալու ուղղությամբ:

Տպել
841 դիտում

Փոխվարչապետ Տիգրան Ավինյանը մասնակցել է հայ-վրացական իրավական համագործակցության երրորդ ֆորումին

Հրազդանի բժշկական կենտրոնում հրդեհային անվտանգության կանոնների մի շարք թերություններ և խախտումներ են հայտնաբերվել

Վերահաստատում եմ իմ ակտիվ մասնակցությունն ընտրապայքարին, Արցախում ֆեյքային գզվռտոց չի լինելու. Արցախի ԱԳ նախարար

Գողացված բանկային քարտով կանխիկացման փորձ է արվել (տեսանյութ)

Թուրքիայում ստեղծվել է «1915.gov.tr» կայքը՝ Հայոց ցեղասպանության պնդումների դեմ պայքարելու համար

Սարհատ Պետրոսյանի հայտարարություններից հետո նախապատրաստված նյութերով քրգործի հարուցումը մերժվել է

Ճիշտն ասած՝ ինձ խաբեցին. Թլիկում պարտված միակ թեկնածու

Սահմանապահ գյուղերում 2020-ից ամեն ծնվող երեխայի համար 1000 դոլար կտրվի, ևս 100 հազ. դրամ՝ ամսական

Եթե հանկարծ նկատեք, որ բարեւների առումով ժուժկալ եմ դարձել, չմտածեք, թե մեծամտացել եմ․ Փաշինյան

ՀՀ վարչապետն ու բարձրաստիճան պաշտոնյաները ծաղիկ են խոնարհել Ծիծեռնակաբերդում (լուսանկարներ)

Գյումրի քաղաքում մասնակի փլուզվել է տան պատը. տուժածներ չկան

Արտակարգ դեպք Երևանում. Շենգավիթում որդին կասկածվում է մոր նկատմամբ բենզինով սպանության փորձ կատարելու մեջ

Դեկտեմբերի 10-ին հեռարձակման թվային ցանցում կկատարվեն պրոֆիլակտիկ աշխատանքներ

Ոմանք կոռուպցիայի դեմ պայքարը պատկերացնում են՝ համերգ հեռուստադիտողի հայտով․ վարչապետը՝ Սերժ Սարգսյանի մեղադրանքի մասին

Ռոբերտ Քոչարյանի պաշտպանները բողոքարկել են Աննա Դանիբեկյանի՝ ինքնաբացարկի միջնորդությունը մերժելու որոշումը

ԱԺ-ն ամբողջությամբ ընդունեց վարորդների համար բալային համակարգի ներդրման մասին օրինագիծը

ԱԺ-ն ամբողջությամբ ընդունեց նոր ուղղություններով չվերթով մեկնող անձանց օդի տուրքից ազատելու նախագիծը

Վաղը Երևանի և Արարատի մարզի որոշ հասցեներում ջրամատակարարումը 24 ժամով կդադարեցվի

Ալաշկերտի համայնքապետ է վերընտրվել ՊԵԿ փոխնախագահի հայրը

ԱԺ-ն առաջին ընթերցմամբ ընդունեց զինծառայությունից նաեւ 5 տարի անց հաշմանդամության կարգ տալու մասին օրինագիծը