«Սուր անկյուն»-ն աղավաղել է Արսեն Թորոսյանի՝ պատվաստման մասին խոսքերը. ԱՆ-ն հերքում է

ՀՀ առողջապահության նախարարությունը, անդրադառնալով «Արմենիա» հեռուստաընկերության «Սուր անկյուն» հաղորդաշարի օգոստոսի 26-ի թողարկմանը, որում ներկայացվում է մեր երկրում երեխաների մահերին առնչվող խեղաթյուրված եւ իրականությունից բացարձակ հեռու պատկեր, հայտարարում է`

Ռեպորտաժում ներկայացվածը սուտ է. ՀՀ առողջապահության նախարար Արսեն Թորոսյանը երբեւէ չի հայտարարել, թե մահերը պատվաստման հետեւանք են: Մոր եւ մանկան մահերի հայաստանյան վիճակագրությունը ներկայացնելիս նախարարը խոսում է առհասարակ մանկական մահերի բոլոր դեպքերի մասին, ոչ թե պատվաստումների հետեւանքով առաջացած: Հարցազրույցը, որից տվյալ հաղորդման մեջ մեջբերումներ են արված, լայն հասանելի է համացանցում, իսկ նախարարի խոսքը հասկանալի է բոլոր գրագետ մարդկանց:

Հաղորդման մեջ փաստի խեղաթյուրումն անընդունելի է ոչ միայն լրագրողական պրոֆեսիոնալիզմի, այլեւ առհասարակ բնակչության համար ամենախոցելի թեմային` երեխաների առողջությանն առնչվող հարցը անառողջ նպատակներով շահարկելու առումով:

Նախարարությունը հայտարարում է` վերջին տասնամյակում Հայաստանում բուն պատվաստումից մահվան դեպք չի գրանցվել: Ավելին, հանրապետությունում 2000թ. համեմատ մանկական մահացությունը կտրուկ նվազել է` մոտ 2 անգամ: 2017թ. գրանցվել է 8.1 պրոմիլե մանկական մահացություն, (այսինքն` մինչեւ մեկ տարեկան հասակը մահացել է ամեն հազարից  8.1 երեխա): Այնինչ նույն այս ցուցանիշը 2000թ. կազմել է 15.6 պրոմիլե:

Մանկական մահացության կրճատումը նաեւ հանրապետությունում պատվաստումների գործընթացի բարելավման արդյունքն է:

Արձանագրվող մանկական մահերի գերակշիռ մասի պատճառը բնածին անոմալիաներն են, որոնց դեպքում, ցավոք, ոչ մի կերպ հնարավոր չէ փրկել երեխաների կյանքը, ինչի մասին եւ հստակ խոսում է նախարարը: Իսկ վարակիչ հիվանդությունների հետեւանքով մահերը մահվան պատճառների ամենափոքր մասն են կազմում` 0.1 տոկոս: Հետպատվաստումային շրջանում գրանցվող մահերը նույն պատճառներով գրանցվում են նաեւ չպատվաստված երեխաների մոտ:

Մայրական եւ մանկական մահացության ամեն առանձին դեպք առողջապահության նախարարի ուշադրության կենտրոնում է եւ հատուկ ուսումնասիրության առարկա է դառնում: Իսկ լրատվամիջոցների կողմից առանձին դեպքերի շահարկումը խոչընդոտում է իրավապահ մարմինների կողմից դրանց նախաքննության ընթացքին:

Հատկանշական է, որ հենց այս օրերին Եվրոպայում մոլեգնում է կարմրուկի համաճարակը` մի քանի տասնյակ մահերի ելքով, իսկ Հայաստանում դեպքեր չկան՝ կրկին շնորհիվ պատվաստումների հաջող գործընթացի:

Աշխարհում ներկայում կապույտ հազի բռնկումներ եւ  դիֆթերիայի վերադարձ կա՝ երեխաների մահվան դեպքերով: Մինչդեռ Հայաստանում դիֆթերիայի դեպքեր չկան դեռ 2000 թվականից, իսկ կապույտ հազի առումով կա միայն աշխուժացում` հենց չպատվաստված երեխաների շրջանում: Այս տարի կապույտ հազի հետեւանքով 2 ամսական երեխայի մահն էլ էր չպատվաստման հետեւանք:

«Մանկական մահացությամբ մտահոգված» մեր գործընկերները, խեղաթյուրելով փաստերը, վտանգում են տարիների ընթացքում մեծ դժվարությամբ ձեռք բերված երկրի կայուն համաճարակային իրավիճակը` դրանով իսկ սպառնալով ամեն երեխայի առողջությանն ու երկրի ազգային անվտանգությանը: Իսկ որ համաճարակային վիճակը մեզ մոտ կայուն է` մեծապես կարեւորելով շեշտում է նաեւ Առողջապահության համաշխարհային կազմակերպությունը:

Հայաստան ներկրվում է  միայն ԱՀԿ նախաորակավորում ստացած պատվաստանյութեր ՄԱԿ-ի մանկական հիմնադրամի միջոցով, ինչը որակի ամենակարեւոր երաշխիքն է:

Նախարարությունը, թանկ գնահատելով ամեն երեխայի առողջությունը, հորդորում է չտրվել անհեթեթ, սադրիչ հայտարարություններին եւ նկատի առնել` պատվաստումները կյանք են փրկում, իսկ դրա գործընթացի պատշաճ իրականացումն ամենօրյա ուշադրության առանցքում է:

Տպել
965 դիտում

«ԼԱՅԹ» վարկատեսակ Հայբիզնեսբանկում ձեր բիզնեսի զարգացման համար

Հայաստանը Ռուսաստանի առանցքային գործընկերն է Անդրկովկասում. Լավրով

Յունիբանկը` VLV Electronics-ի լավագույն գործընկեր

Ռուդոլֆ Ղեւոնդյանին կհուղարկավորեն Բելգիայում. հոգեհանգիստը կլինի տեղի հայկական եկեղեցում

ԱԺ նախագահը քննարկել է Հայաստանին տրամադրվող ԱՄՆ ֆինանսական աջակցության մեծացման հնարավորությունները

ՀՀ-ում մարզչի կողմից ֆուտբոլիստին ծեծելու դեպքով քրեական գործի հարուցումը մերժվել է

ՀՀ արդարադատության փոխնախարար Տիգրան Խաչիկյանը հրաժարական է տվել

Սյունիքում կոռուպցիոն քրգործերով 83%-ով ավելացել են դատի տրված, 30%-ով՝ դատավճռով մեղավոր ճանաչված անձինք

«Women’s Club»-ում Անահիտ Կիրակոսյանին փոխարինող չի լինի

Կառավարությունը ցանկանում է բարձրացնել հանրության ու գործարար համայնքի հետ հաղորդակցման արդյունավետությունը

Վարչապետի որոշմամբ Սրբուհի Գալյանը նշանակվել է Արդարադատության նախարարի տեղակալ

Հայաստանը Ռուսաստանի հետ բանակցում է նոր ատոմակայան կառուցելու ուղղությամբ. Ավինյան

Փաշինյանը բարձր է գնահատում է Գերմանիայի դերը ՀՀ-ում տեղի ունեցող բարեփոխումներին աջակցության տեսանկյունից

ԱԱԾ-ն գործարկում է Facebook-յան իր պաշտոնական էջը

Բակո Սահակյանը Արմեն Գրիգորյանի հետ քննարկել է անվտանգության ոլորտում փոխգործակցությանը վերաբերող հարցեր

Համոզված եմ, որ հացահատիկը 10-20 տոկոս կթանկանա. գյուղատնտես

Տիգրան Ավինյանը հանդիպել է «Հայերը բանկային և ֆինանսական ոլորտներում» ցանցի անդամներին

Դիլիջանի անտառներից ապօրինի հատել է 2 թաց, կանգուն բոխի, ճանապարհին բռնվել է

ԱՄՆ-ն Թուրքիայից լրացուցիչ ապացույցներ է ուզում Գյուլենին արտահանձնելու համար

Փրկարարները բռնել են 1 գյուրզա, 2 սահնօձ, 1 շահմար տեսակի օձ և տեղափոխել անվտանգ տարածք