Հնչեց հայրենիքիս հիմնը, աննկարագրելի պահ էր. Էդգար Ստեփանյանը յուրահատուկ նվաճման մասին

Հեծանվորդ Էդգար Ստեփանյանը արդեն Երեւանում է: Բարձր տրամադրություն ունի Եվրոպայի մինչեւ 23 տարեկանների 2018 թ. առաջնությունից հետո: Իր հետ բերել է օգոստոսի 21-26-ը Շվեյցարիայում կայացած մրցաշարի խմբակային վազք միավորներով մրցում մրցաձեւի (40 կմ, 200 շրջան) ոսկե մեդալը: «Հայկական ժամանակ»-ի հետ զրույցում նա խոսեց մրցակցության մասին ու կիսվեց տպավորություններով:

«Ուրախ եմ, որ կարողանում են հաջողության հասնել մեծահասակների պայքարում: Շատ ուժեղ մրցակիցներ էին, բոլորը պրոֆեսիոնալ ու տիտղոսակիր մարզիկներ: Դժվար պայքար էր ընթանում, կարողացա հաղթել, ու հնչեց հայրենիքիս հիմնը, դա աննկարագրելի պահ էր»,- ասաց նա:

Ստեփանյանը մեդալը նվաճել է վաստակելով 98 միավոր: Առաջ է անցել 2-րդ տեղը զբաղեցրած իտալացի Մատեո Դոնեգայից (92 միավոր) ու բրոնզե մեդալակիր դարձած բելգիացի Բրայան Բուսաերից: Ստեփանյանի նվաճումը յուրահատուկ է. անկախ Հայաստանի պատմության առաջին մեդալն է հեծանվասպորտի մինչեւ 23 տարեկանների Եվրոպայի առաջնությունում:

«Սա հնարավոր դարձավ հետեւողական մարզումների, դժվար պահերին չհանձնվելու ու միշտ հաղթանակի հասնելու հավատի շնորհիվ: Նշանակում է, որ ճիշտ ճանապարհին եմ, ու տանջալից մարզումները տալիս են իրենց արդյունքը: Ամեն հաղթանակ ինձ համար իր տեղը ունի, ու մեծ նշանակություն եմ տալիս ամենքին: Դրանցից ամեն մեկը ունի իր պատմությունը, պարտավորեցնող է ու ուժ է տալիս, որ կարողանամ հաջողության հասնել, որքան էլ դժվար լինի»,- ասաց նա:

Այս տարվա մարտին Էդգարը հրավիրվել էր ամերիկյան Velo Pasadena թիմ: Մասնակցել է մրցաշարերի, զբաղեցրել մրցանակային տեղեր: Ընդգծում է, որ ԱՄՆ-ում ձեռք բերած փորձն էլ նպաստել է Շվեյցարիայում գրանցած հաջողությանը:

«ԱՄՆ-ում հանդես գալը իրոք մեծ նշանակություն ունեցավ այս տարի: Շատ մրցումների մասնակցեցի, փորձ ձեռք բերեցի, ու դա էլ օգնեց այս հաղթանակին»,- ասաց նա:

Եվրոպայի մինչեւ 23 տարեկանների 2018 թ. առաջնությունում Ստեփանյանը պայքարել է նաեւ սկրետչ ու անհատական մրցավազք 4 կմ հետապնդումով մրցաձեւերին: Առաջինում զբաղեցրել է 12-րդ, իսկ 2-րդում՝ 11-րդ տեղը:

2015 թ. Էդգար Ստեփանյանը չեմպիոն էր դարձել Եվրոպայի մինչեւ 20 տարեկանների առաջնությունում: 2017 թ. նա Լեհաստանում տեղի ունեցած աշխարհի գավաթի խաղարկության սկրետչ մրցաձեւում դարձել էր արծաթե մեդալակիր, ինչը նույնպես յուրահատուկ արդյունք էր: Դա հեծանվային սպորտում անկախ Հայաստանի պատմության 1-ին մեդալն էր մեծահասակների պայքարում:

Տպել
1450 դիտում

Ղազախստանի թղթադրամների եւ մետաղադրամների վրա այսուհետ չեն լինի ռուսերեն գրառումներ

Պետական մակարդակով կազմակերպած երթը ոճրագործության բացահայտման քայլերից մեկն է. Մարտի 1-ի զոհերի հարազատներ

Հուլիսի 1-ից կարգելվի պոլիէթիլենային տոպրակների անվճար տրամադրումը, 3 տարի անց՝ վաճառքը

Ջավախքի Հեշտիա գյուղում ԱրՄաթ ինժեներական լաբորատորիա է բացվել

Մուշուրբան, պարկապզուկը, կոխն ու որդան կարմիրը՝ մշակութային ժառանգության նոր արժեքներ

Վարչապետին ճիշտ են ասել. Մարտի 1-ի գործը ջուր է. Յուրի Խաչատուրովի պաշտպան

Լաս Վեգասը մեզ համար լոկ խաղատների աշխարհ չէ. Մխիթար Հայրապետյան

Օրը ցերեկով մեքենա ջարդուխուրդ անող երիտասարդներից մեկը քիչ առաջ 1 միլոն 500 հազար դրամ գրավի դիմաց ազատ է արձակվել

Հայաստանը և Սուրբ Աթոռը հանդես կգան գիտակրթական ու մշակութային համատեղ նոր ծրագրերով

Ըմբիշ Միհրան Հարությունյանը կարծում է, որ իրեն չեն ցանկանում տեսնել ՀՀ հավաքականում

Իմ սպասումն է, որ ժողովրդի կարիքները հանգրվանային կերպով իրագործվեն. Արամ Ա-ն՝ Նիկոլ Փաշինյանին (տեսանյութ)

Դադարեք անհանգստացնել հացադուլն ընդհատելու հորդորներով. Գալստյանը մտահոգներին առաջարկում է աջակցել նշված հաշվեհամարներով

Մեկնարկեց Գաստիկի, Ծըգլի եւ Տլեի գործով վերաքննիչ բողոքների քննությունը. նրանց համար ցմահ ազատազրկում են պահանջում

«Շախմատ» առարկայի դասավանդման կողմնակից եմ. Արայիկ Հարությունյան

Հայտարարություն մրցույթի մասին

Որեւէ վախ չկա, չի էլ կարող լինել եւ տղաները վստահորեն վերահսկում են իրավիճակը. Բաբայանը` Պողոսյանի գրառման մասին

Զինկոմի տեղակալը առանց բուժզննման զինգրքույկ է խոստացել՝ 1000 դոլարի դիմաց. ԱԱԾ բացահայտումը (տեսանյութ)

Արարատ Միրզոյանի գլխավորած պատվիրակությունը կմեկնի Մոսկվա

Անթույլատրելի է այս տարածաշրջանում «յոլա գնալու» տրամաբանությամբ ապրել. Փաշինյանը կարեւորում է ռազմարդյունաբերությունը

Մաքսատուրքերի ժամանակավոր վերացում. Մհեր Գրիգորյանը նախագահում է ԵԱՏՀ խորհրդի հերթական նիստը