ՀԾԿՀ-ից նշում են, որ ի տարբերություն ոստիկանության, իրենք փաստերով են պատասխանել

Մի քանի օր առաջ ՀՀ ոստիկանությունը հայտարարություն տարածեց, որ «Վեոլիա ջուր» ընկերությունը ՀՀ հանրային ծառայությունները կարգավորող հանձնաժողովի նախագահ Ռոբերտ Նազարյանին եւ ևս 7 պաշտոնատար անձի կաշառել է, որպեսզի նրանք հաստատեն ջրի սակագինը բարձրացնելու ընկերության հայտը։

Ոստիկանության տարածած հաղորդագրությունից պարզ է դառնում, որ «Վեոլիա ջուր» ՓԲԸ-ի կողմից մատուցվող ծառայությունների սակագների ճշգրտման 2017-2018 թթ. հայտը հաստատելու նպատակով, այն ՀՀ հանրային ծառայությունները կարգավորող հանձնաժողովին ներկայացնելուց առաջ, նույն ընկերության տնօրեն Կրիստիան Լըֆեն եւ գործառնական տնօրեն Գոռ Գրիգորյանը, կաշառք տալու դիտավորությամբ ՀՀ հանրային ծառայությունները կարգավորող հանձնաժողովի նախագահ Ռոբերտ Նազարյանի եւ ՀԾԿՀ եւս 7 պաշտոնատար անձանց համար «Վեոլիա ջուր» ՓԲԸ ֆինանսական ծախսային միջոցներից 26.08.2017թ. գնել եւ տրամադրել են Երեւան-Փարիզ-Երեւան ուղղությամբ, ընդհանուր 4,239,235,8 դրամ արժողությամբ 8 ավիատոմսեր, իսկ հյուրանոցի ծախսերի համար փոխանցել են եւս 8.359.133 դրամին համարժեք՝ 15.338,18 եվրո, որն ընդհանուր կազմել է 12,598,368 դրամ, ինչից հետո հանձնաժողովի կողմից 22.11.2017 թ. համապատասխան որոշմամբ խմելու ջրի սակագինը բարձրացվել 11,414 դրամով՝ 180 դրամից դառնալով 191,414 դրամ, որը սուբսիդավորման կարգով փոխհատուցվում է ՀՀ կառավարության կողմից:

Ի պատասխան այս հայտարարության՝ ՀԾԿՀ-ն հայտարարություն տարածեց, որ այս մեղադրանքները անհիմն են: «Համոզված ենք, որ փաստերի մասնագիտական եւ օբյեկտիվ վերլուծության արդյունքում հնարավոր էր զերծ պահել հանրությանը հնչեղություն ապահովող, սակայն իրողության հետ աղերս չունեցող «փաստերի» ներկայացումից: Այսպես, «Վեոլիա Ջուր» ՓԲԸ-ի մատուցած ծառայությունների սակագների սահմանման եւ վերանայման գործընթացում Հանձնաժողովի լիազորությունները խիստ սահմանափակ են, կրում են տեխնիկական բնույթ եւ չեն ենթադրում որեւէ հայեցողություն»,- նշված էր ընկերության պատասխանի մեջ:

Այս հարցին երեկ անդրադարձավ նաեւ Վեոլիա ջուր» ընկերության գլխավոր տնօրեն Կրիստիան Լըֆեն, ով նշեց, որ ոստիկանության մեղադրանքները զրպարտող են, շինծու եւ կեղծ:

Ինչ վերաբերում է ՀՀ ՀԾԿՀ անդամներին Ֆրանսիա տանելու մեղադրանքին, Կրիստիան Լըֆեն այդ շրջագայությունն անվանեց գործնական այց՝ ասելով, որ այն կազմակերպվել է թափանցիկ ու բաց. «ՀԾԿՀ նախագահը ժամանակին «Վեոլիա» ընկերության նախագահի կողմից ստացավ պաշտոնական հրավեր, որ այցելի Ֆրանսիա: Այդ այցի ծրագիրը շատ հագեցած էր, որի նպատակն էր բացառապես մասնագիտական փորձի փոխանակում՝ տեխնիկական, իրավաբանական ոլորտին վերաբերող»: Նա վստահեցրեց՝ «սակագնի հարց այդ առաքելության ներքո երբեք չի արծարծվել: Սակագինը ֆիքսված է միջպետական վարձակալության պայմանագրով ու հաշվարկվում է թափանցիկ մեխանիզմներով: ՀԾԿՀ-ն պարզապես ստուգում է հաշվարկները եւ հաշվարկի մեջ օգտագործված բազիսային տվյալները: ՀԾԿՀ-ն չունի իրավասություն անդրադարձ կատարել բազիսային սակագնի վրա, որը ֆիքսված է պայմանագրով»: Կրիստիան Լըֆեն չբացառեց նաեւ, որ հնարավոր է ընկերությունը հեռանա Հայաստանից եւ դիմի միջազգային դատարան՝ բարոյական ու իրավական վնասի փոխհատուցման պահանջով, ինչի արդյունքում հայկական կողմը միջազգային ասպարեզում անվստահելի գործընկերոջ տպավորություն կթողնի:

ՀԺ-ն «Վեոլիա ջուր» ընկերության գլխավոր տնօրենի հայտարարությունից հետո զրուցեց նաեւ ՀԾԿՀ-ի իրավաբանական եւ լիցենզավորման բաժնի պետ Սեդա Շահինյանի հետ:

«Հանձնաժողովը այդ մասով իր պաշտոնական դիրքորոշումը արդեն հայտնել է այդ հարցի կապակցությամբ: Բնականաբար, Վեոլիա ջրի հայտարարությամբ հաստատվել է նաեւ մեր հաղորդագրությամբ ներկայացված փաստարկները: Այսինքն, ակներեւ է, որ այս ամեն ինչը որոշակիորեն աբսուրդի դաշտից է, սպասենք իրադարձությունների հետագա ընթացքին»,- նշեց Շահինյանը:

Հարցին, թե ամեն դեպքում Ֆրանսիա այցելությունը, որպես կաշառք չի՞ եղել, Շահինյանը պատասխանեց. «Մեր հաղորդագրության մեջ հստակ նշված են ամբողջ պատճառները, մոտիվը եւ այլն: Ի տարբերություն ոստիկանության հաղորդագրության, մեր հաղորդագրության մեջ փաստերով ներկայացված է կից փաստաթղթերով»:

Հարցին, թե ո՞րն է ոստիկանության մոտիվացիան՝ բացահայտել մի բան, որը գոյություն չունի ըստ ՀԾԿՀ-ի եւ «Վեոլիա ջուր» ընկերության, Շահինյանը պատասխանեց. «Ես կարծում եմ՝ հարցի հասցեատերը ես չեմ»:

Հիշեցնենք, որ ընկերությունը գործուղման վերաբերյալ նշել էր. «Տեղի է ունեցել, այն հետապնդել է փորձի փոխանակման բացառապես իրավաչափ նպատակ, այդ թվում՝ Ֆրանսիայի կարգավորող մարմնի հետ եւ նախաձեռնվել է «Վեոլիա Օ Կոմպանի Ժեներալ Դեզ Օ» ընկերության Կենտրոնական եւ Արեւելյան Եվրոպայի երկրների գծով գործադիր փոխնախագահ տիկին Մ. Գենդուրիի հրավերով (գործուղման համար անհրաժեշտ համաձայնությունները, հիմնավորող փաստաթղթերը հասանելի են հանձնաժողովում): Ընդ որում, փաստենք, որ նշված գործուղումն, օտարերկրյա աղբյուրների ֆինանսավորմամբ, ընդամենը մեկն է այն տասնյակներից, որոնք ուղղված են կարգավորող մարմնի եւ վերջինիս աշխատակազմի մասնագիտական գիտելիքների հետեւողական կատարելագործմանը»:

Տպել
1913 դիտում

Կառավարությունը բնակարան կնվիրաբերի զոհված զինծառայող Հրանտ Մանգասարյանի ընտանիքին

Դիլիջանում ազատամարտիկների հուշարձանի վրայից ջնջել են բարերարի անունը, ջարդել ցայտաղբյուրները

Հացաշեն համայնքի ղեկավարը հաղորդում է տվել, որ նախկին կինը փորձել է առևանգել իր 9-ամյա որդուն

Հրդեհ՝ Մասիս քաղաքում․ բնակելի տուն է այրվել

Արմեն Սարգսյանը շնորհավորել է Ամենայն Հայոց Կաթողիկոսին՝ ծննդյան տարեդարձի առթիվ

Ամուսինը հրացանը մաքրելիս անզգուշաբար կրակել է կնոջ վրա. վերջինս տեղափոխվել է հիվանդանոց

Սարդարապատ և Նոր Արմավիր համայնքները կապող ճանապարհահատվածում մեկնարկել են ասֆալտապատման աշխատանքներ

ՀՀ բռնցքամարտի հավաքականը չի մասնակցի Երիտասարդների ԵԱ-ին՝ ԿԳՄՍՆ-ի անգործության կամ կոնկրետ հրահանգի պատճառով. Գեւորգյան

ՀՊՏՀ ռեկտորի ժամանակավոր պաշտոնակատար Ռուբեն Հայրապետյանը կթողնի զբաղեցրած պաշտոնը. նախարար

Դավադրությունների մասին խոսակցություններն անհիմն են. Քանանյան

Գերանդիով մարմնական վնասվածքներ է պատճառել 35-ամյա համագյուղացին. վեջինս մահացել է

Հեղափոխությունից հետո ՀՀ-ԵՄ հարաբերությունները նշանակալի օրակարգ ունեն. Նիկոլ Փաշինյան

Փաշինյան Նիկոլ, գալի՞ս ես անարդարությունը վերացնելու, եթե ոչ, ուրեմն շարունակում ես Սերժի մեղադրանքը․ Արմեն Բիլյան

Վանաձորի մի շարք թաղամասեր առավոտից հոսանքազրկված են. էլցանցից կոնկրետ պատճառ չեն նշում

Ucom-ի առաջին կորպորատիվ պարտատոմսերը թույլատրվել են առևտրի AMX ֆոնդային բորսայում

Երգչուհի Գայա Արզումանյանը գրանցված աշխատող է եւ հարկեր է վճարում. պրոդյուսեր

Սամվել Կարապետյանի եղբորորդու հետ կոնֆլիկտ ունեցած գործարարը դատի է տվել մի շարք լրատվամիջոցների

Oպերայի նախկին տնօրեն Կոնստանտին Օրբելյանի ներկայացրած հաղորդման հիման վրա քրեական գործի հարուցումը մերժվել է

Դավիթ Սանասարյանի գործով նախաքննության ավարտ է հայտարարվել. մեղադրանքի ձեւակերպումների մեջ փոփոխություններ են եղել

ՀՀ քաղաքացին դիմել է Դավիթ Անանյանին եւ իր մասնաբաժինը խնդրել զբոսաշրջիկների ծախսած գումարից. Փաշինյան