Անահիտ Ֆարմանյանին դասաժամեր հատկացվել են, բայց նրան ՇՊՀ-ում դեռ չեն տեսել

31/08/2018 schedule19:07

Շիրակի պետական համալսարանում ավարտվել է դասաբաշխման գործընթացը եւ բոլոր դասախոսների նման նաեւ անհրաժեշտ քանակով դասաժամեր են հատկացվել Անահիտ Ֆարմանյանին: «Նա դոցենտ է, աշխատում է համալսարանում եւ այն, որ դասաբաշխման ընթացքից դուրս չի մնացել, նորմալ է»,- ՀԺ-ի հետ զրույցում ասաց ՇՊՀ ռեկտորի պաշտոնակատար Երվանդ Սերոբյանը:

Տեսել եք արդյո՞ք նրան համալսարանում հարցին Երվանդ Սերոբյանը, պատասխանեց. «Ո՛չ, ես՝ ինքս, Ֆարմանյանին չեմ տեսել, իսկ այն, որ նրան դասաժամեր են տրվել, իմացել եմ ամբիոնի վարիչից՝ Վարդան Մանուկյանից»:

Համալսարանի ռեկտորի ժ/պ-ն նաեւ ասաց, որ Անահիտ Ֆարմանյանի արձակուրդը լրացել է օգոստոսի 29-ին, այսինքն՝ 2 օր առաջ:  

Անահիտ Ֆարմանյանից որեւէ տեղեկություն չուներ նաեւ ՇՊՀ հոգաբարձուների խորհրդի նախագահ Լեւոն Բարսեղյանը: «Ինչքան գիտեմ հետախուզման մեջ է»,- ասաց նա: 

Հիշեցնենք, որ Քննչական կոմիտեի Շիրակի մարզային քննչական վարչության Ախուրյանի քննչական բաժնում հարուցվել է քրեական գործ ՀՀ քրեական օրենսգրքի 178-րդ հոդվածի 3-րդ մասի առաջին կետով (առանձնապես խոշոր չափերով խարդախություն), 179-րդ հոդվածի 2-րդ մասի 1-ին, 2-րդ, 3-րդ կետերով (յուրացնելը, կամ վատնելը, որը կատարվել է պաշտոնեական դիրքն օգտագործելով, մի խումբ անձանց կողմից նախնական համաձայնությամբ և խոշոր չափերով) և 179-րդ հոդվածի 3-րդ մասի 1-ին կետով (յուրացնելը կամ վատնելն առանձնապես խոշոր չափերով):

Ըստ ՀՀ քննչական կոմիտեի լրատվական ծառայության տեղեկատվության, Անահիտ Ֆարմանյանի նկատմամբ հայտարարվել է հետախուզում: Քննիչը միջնորդություն է ներկայացրել Շիրակի մարզի ընդհանուր իրավասության դատարան` նրա նկատմամբ որպես խափանման միջոց կալանավորում կիրառելու վերաբերյալ, ինչը բավարարվել է:

Նշենք, որ Անահիտ Ֆարմանյանը ԱԺ ՀՀԿ խմբակցության պատգամավոր Սամվել Ֆարմանյանի քույրն է: Նա վերջին շրջանում միացել էր աշխատանքից ազատված ՇՊՀ դասախոսներ Գագիկ Համբարյանի եւ Հովհաննես Խորիկյանի, ինչպես նաեւ ուսանողների կողմից կազմակերպված բողոքի ակցիաներին, որոնցով պահանջվում էր նախկին ռեկտոր Սահակ Մինասյանի հրաժարականը:

Տպել
748 դիտում

Պետական համակարգն ու տարբեր կառույցներն այլեւս չեն միջամտում գործարար ոլորտին․ Տիգրան Խաչատրյան

Եւս մեկ անգամ հռչակում եմ տնտեսական հեղափոխության կարգախոսը․ հերիք է ինչքան նստեցինք տեղներս, վե՛ր կենանք ու քայլենք

Վարդենյաց լեռնանցքը կցորդիչով բեռնատարների համար փակ է, մարդատար ավտոմեքենաների համար՝ դժվարանցանելի

Տնտեսական հեղափոխության մեր մեթոդը չի տարբերվում քաղաքական հեղափոխության մեր մեթոդաբանությունից․ Նիկոլ Փաշինյան

Չարենցավան-Հրազդան ավտոճանապարհին տեղի է ունեցել ճանապարհատրանսպորտային պատահար․ կան տուժածներ

Վանաձորում մեկնարկել է «Իմ քայլը հանուն Լոռու մարզի» ներդրումային-բիզնես ֆորումը․ ներկա է լինելու վարչապետը

Ստեփանավանում 81-ամյա կինը ինքնասպան է եղել տանիքում

Դեսպան Սամվել Մկրտչյանը հանդիպել է Լեհաստանի ԱԳՆ պետական քարտուղարի հետ

«Զինված խմբի» գործով ամբաստանյալ Արթուր Վարդանյանին հիվանդանոց են տեղափոխել

Արմեն Սարգսյանը հյուրընկալել է Գարեգին Բ եւ Արամ Ա կաթողիկոսներին

«Բժիշկներ առանց սահմանների» միության հայաստանյան առաքելությունը ԱԻՆ-ին ռադիոմետրեր է նվիրել

Արգենտինայում կյանքից հեռացել է Ցեղասպանությունը վերապրած 106-ամյա հայուհին

4 նախկին նախարար ստորագրել են Ամուլսարում հանքի թույլտվությունը. ՀԲՃ-ն անուններ է հրապարակում (լուսանկարներ)

Ուսուցչին որպես բեռնաձի օգտագործելով՝ կրթության որակ չի ապահովվի. մանկավարժները սպառնում են գործադուլով

ԱԱԾ-ն բացահայտել է ՍԱՊԾ մի խումբ աշխատակիցների կողմից կաշառք պահանջելու եւ ստանալու դեպքեր

Վերջին մեկ շաբաթվա ընթացքում 117 ապօրինի հատված ծառ է հայտնաբերվել

Ղազախստանի թղթադրամների եւ մետաղադրամների վրա այսուհետ չեն լինի ռուսերեն գրառումներ

Պետական մակարդակով կազմակերպած երթը ոճրագործության բացահայտման քայլերից մեկն է. Մարտի 1-ի զոհերի հարազատներ

Հուլիսի 1-ից կարգելվի պոլիէթիլենային տոպրակների անվճար տրամադրումը, 3 տարի անց՝ վաճառքը

Ջավախքի Հեշտիա գյուղում ԱրՄաթ ինժեներական լաբորատորիա է բացվել