Համայնքների խոշորացման գործընթացը դադարեցված է, որպեսզի գնահատվեն լավ ու վատ կողմերը

Նախկին իշխանությունների ձեռնարկած համայնքների խոշորացման ծրագիրը դադարեցվել է: Պատճառները տարբեր են եւ դրանցից մեկն էլ այն է, որ մեծ դժգոհությունների ալիք կա: Նոր կառավարությունը ցանկանում է համայնքների խոշորացման գործընթացը այնպես բալանսավորել, որպեսզի դժգոհություններ չլինեն: Սյունիքում եւ Վայոց Ձորում կա նաեւ անհամաչափ բաշխում: Օրինակ, Վայոց ձորի 44 համայնքի միավորումից ձեւավորվել է 8 համայնք, Սյունիքի մարզի 113 համայնքի միավորումից կազմավորվել է դարձյալ 8 համայնք: ՀԺ-ն զրուցեց ՀՀ տարածքային կառավարման եւ զարգացման նախարարության տեղական ինքնակառավարման հարցերի համակարգման բաժնի պետ Կարեն Բակոյանի հետ, պարզելու, թե ինչու է դադարեցվել համայնքների խոշորացման գործընթացը:

- Պարոն Բակոյան, վարչապետը հայտարարեց, որ համայնքների խոշորացման ծրագիրը դադարեցված է: Խոշորացված համայնքներից դժգոհություններ կան, որ հավասարաչափ բաշխվածություն չի եղել: Ի վերջո ինչո՞ւ է դժգոհությունների ալիք առաջացրել այս ամենը: 

- Դժգոհությունները տարբեր պատճառներ ունեն` սուբյեկտիվ եւ օբյեկտիվ: Սուբյեկտիվը այն է, որ մարդկային գործոնն է վերջիվերջո աշխատում եւ չի կարող մի ռեֆորմ բոլորին գոհացնել: Երբեւիցե, որեւէ ռեֆորմ, որ երկրում էլ լինի, ցավոտ կողմեր է ունենում: Ոչ մի ռեֆորմ առանց բացասական հետեւանքների չի անցնում, ժամանակ է պետք՝ ընթացիկ խնդիրները հասկանալու եւ դրանք շտկելու համար: Ծրագիրը ժամանակավոր դադարեցված է, վարչապետը բազմիցս հայտարարել է, որ պետք է որոշ ժամանակ գնահատվի, որոշ ժամանակ քննարկվի եւ ամփոփվի, թե որոնք են թերությունները, որոնք են լավ կողմերը: Այդ պատճառով է կասեցվել, իսկ թե ինչքան ժամանակով, դա արդեն քաղաքական որոշման հարց:

- Հնարավո՞ր է համայնքների խոշորացումը ընդհանուր կասեցվի:

- Կարծում եմ, որ՝ ոչ, դրա մասին ասել է նաեւ վարչապետը: Պրոցեսը լավ պրոցես է, բայց պետք է արվի հավուր պատշաճի:

- Ինչո՞ւ է համայնքների խոշորացման գործընթացը ոչ ճիշտ բալանսավորված: Մի տեղ 100 համայնքը խոշորացման արդյունքում դարձել է 8 համայնք, մեկ այլ տեղ 50 համայնքն է խոշորացման արդյունքում դարձել 8 համայնք:

- Դուք նկատի ունեք Սյունիքը եւ Վայոց Ձորը: Սյունիքը եւ Վայոց Ձորը ամենաշատ վերլուծած եւ ուսումնասիրած մարզերն են: Ամենասկզբում խոշորացման փնջերը ձեւավորելիս առաջին հերթին ընտրվել է Վայոց Ձորը, հետո՝ Սյունիքը: Սյունիքում մեծամասամբ եղավ ըստ շրջանների: Վայոց Ձորում Մալիշկան չի արվել դեռ, Եղեգնաձորը չի արվել: Գորայքը հնարավոր չէր միացնել այլ համայնքի, այն աշխարհագրորեն կտրված է: Ասենք, եթե մի ձոր է, այդ ձորի կողքում գտնվող համայնքները կարող են լինել 6-ը, կարող են լինել 16-ը եւ չենք կարող դրան ավելացնել մյուս ձորից այլ համայնք եւ ասել՝ թող լինի ավելի մեծ:

- Խոշորացված համայնքի ղեկավարի համար հե՞շտ է արդյոք մի քանի համայնք ղեկավարելը:

- Հայաստանում մինչեւ խոշորացումը 915 համայնք էր: Լավ կառավարչից է կախված, լավ անձնավորություն պետք է ընտրվի: Եթե նախկինում ամբողջ շրջանը մի հոգի ղեկավարում էր, դա ի՞նչ խնդիր էր: Այստեղ միայն լավ կառավարման խնդիր է: Եթե վատ կառավարիչ եղավ, մեկ համայնքն էլ է իրեն շատ, ուր մնաց՝ 30-40 համայնքը: Անձից է կախված, ինչը, կարծում եմ, մոտակա ընտրություններին կկարգավորվի:

Տպել
1903 դիտում

Արաբկիրի համայնքային ոստիկաններն ապօրինի թմրաշրջանառության դեպք են բացահայտել (տեսանյութ)

Դավիթի մոտ հիվանդանոց էր եկել առողջապահության նախկին նախարարը, որին Սերժ Սարգսյանն էր ուղարկել. տուժողի հոր ցուցմունքը

20 խոշորացված համայնք փոքր դրամաշնորհ է ստացել. ՏԿԵ նախարարություն

Հունահռոմեական ըմբշամարտի հավաքականի մարզչական խորհուրդը կայացնում է ապօրինի, հակասպորտային որոշում. Արսեն Ջուլֆալակյան

Ատելության քարոզ տանում է ոչ թե իշխանությունն, այլ ատելության քարոզ տարվում է իշխանության նկատմամբ. Նիկոլ Փաշինյան

ՀՀ տարածքում կան փակ և դժվարանցանելի ավտոճանապարհներ

Կասեցվել է «Ագրոպրոդ» ՍՊԸ կաթնամթերքի արտադրամասի գործունեությունը

Վարչապետ Նիկոլ Փաշինյանը ցավակցել է Յուրի Դավթյանի մահվան կապակցությամբ

Կապանի պղնձի հանքավայրի Կենտրոնական տեղամասի ռեկուլտիվացիոն աշխատանքների արժեքը կկազմի 3 մլրդ 277 մլն դրամ. ՇՄՆ

Փրկարարները բացել են բնակարանի դուռը եւ սանհանգույցում հայտնաբերել 1966 թ.-ին ծնված կնոջ դի. ԱԻՆ

Այսօր Կենտրոնական բանկը իրականացրել է 10 միլիոն դոլարի գնում. վարչապետ

20 խոշորացված համայնքի տրամադրվել են փոքր դրամաշնորհներ

Վերանորոգվել է Գուգարքի հրշեջ-փրկարարական ջոկատը, տեղադրվել է հուշաքար՝ նվիրված հրշեջ-փրկարար Սամվել Դևելյանի հիշատակին

Շնչառական վարակներով պայմանավորված բացակայությունների առումով կրթական հաստատություններում դրական շարժընթաց է դիտվում

Նորագավթի ՃՈ հենակետի մոտակայքում բախվել են «Opel Corsa»-ն եւ «Infinti FX35»-ը. տուժածները հոսպիտալացվել են

Արցախի հանրակրթական եւ նախադպրոցական ուսումնական հաստատություններում պարապմունքները դադարեցվել են

Ամբերդ ամրոց և Քարի լիճ տանող ավտոճանապարհները անորոշ ժամանակ փակ կլինեն. ԱԻՆ

Մասնավոր անձի հեռախոսային ձայնագրառումը կարող է որպես ապացույց համարվել. Վճռաբեկ դատարանը նախադեպային որոշում է ընդունել

Արարատ Միրզոյանի գլխավորած պատվիրակությունն այցելել է Դանիայի Արդյունաբերական կոնֆեդերացիա

ՀՀ վարչապետ Նիկոլ Փաշինյանն այսօր հարցազրույց կտա Հանրային հեռուստաընկերությանը