Կըսե քյաֆթառ, կոխեմգը ավտոյի տակը քեզի. Մարալիկում անժամկետ հացադուլ կհայտարարվի (տեսանյութ)

Շիրակի մարզի Անի խոշորացված համայնքում իրավիճակը շարունակում է ծայրահեղ լարված մնալ: 16 օր շարունակ բողոքի ակցիաներ նախաձեռնած մարալիկցիներն այսօր կրկին քայլերթ եւ ավտոերթ են իրականացրել: Պահանջը նույնն է. համայնքի ղեկավար Արտակ Գեւորգյանը պետք է հեռանա համայնքի ղեկավարի պաշտոնից:Քաղաքապետարանի դիմաց բազմաթիվ մեղադրանքներ հնչեցին: Բողոքի ակցիայի մասնակիցներից մեկը պնդեց, որ Արտակ Գեւորգյանի համակիրներն իրեն վնասելու փորձ են արել միայն այն բանի համար, որ իր բողոքի ձայնն է բարձրացրել: «Մեզի սարքել է թուրք ու հայ, հարազատը հարազատի դեմ է լարըմ, ավտոն քշըմ է վրես, մարդ է ուղարկըմ, ըսըմ է՝ ով ես դու, որ կայնիս ըդպես բաներ ըսես: Կսե՝ քյաֆտառ, կոխեմգը ավտոյի տակը քեզի, հենց իրան ուղարկած մարդիկ»:  Բողոքի դուրս եկած մարալիկցիները ՀԺ-ի հետ զրույցում ասացին, որ հարեւան համայնքներից մարդիկ իրենց չեն միանում, քանի որ Արտակ Գեւորգյանը նրանց մի մասին կաշառել, մի մասին էլ ահաբեկել է: Իսկ իրենց հետ հանդիպել չի ցանկանում, չնայած շատ են հրավիրել:

Արտակ Գեւորգյանն ասաց՝ հանդիպման խնդիր չունի, բայց քանի դեռ բողոքողները ի մի չեն եկել, թե ինչ են ուզում եւ ինչի համար, այդ քայլին չի գնա: Կհանդիպի միայն քաղաքակիրթ զրույց ծավալելու եւ առկա խնդիրները քննարկել, հարթելու նպատակով: Պարոն Գեւորգյանին առաջարկեցինք այդ պահին դուրս գալ եւ խոսել ցուցարարների հետ: Ասաց՝ դեռ նպատակահարմար չի համարում: «Բողոքողները մեկ թիմից չեն, մեկ գաղափար չունեն, նրանցից յուրաքանչյուրն իրեն ղեկավար է տեսնում, իսկ ես կողմնակից եմ կառուցողական աշխատանքի: Մարալիկում ուղղակի մի խումբ մարդիկ ուզում են առիթից օգտվել եւ իրենց ցանկություններն ի կատար ածել»,-ասաց նա:  

«Արտակ Գեւորգյանը հայտարարեց, որ մինչեւ արյան վերջին կաթիլը կպայքարի այս աթոռի համար»,-ասաց բողոքի ակցիայի մասնակիցներից մեկը: Գեւորգյանը մեզ հետ զրույցում եւս հայտարարեց՝ հրաժարական չի լինի, քանի որ ես ստացել եմ ժողովրդի վստահության քվեն, այս պաշտոնը ժողովրդինն է, եւ սա ոչ թե Մարալիկի քաղաքապետի, այլ 17 բնակավայր ունեցող Անի խոշորացված համայնքի ղեկավարի պաշտոնն է: «Իսկ ինչ վերաբերում է մնացած համայնքների բնակիչներին կաշառել կամ ահաբեկելուն, սուտ է, դատարկ խոսքեր են: Մենք այսօր ապրում ենք նոր Հայաստանում, որտեղ որեւէ մեկը որեւէ մեկին ոչ վախեցնել կարող է, ոչ առավելեւս կաշառել: Նման բան չկա: Ես բնականոն աշխատանքի մեջ եմ, ամեն օր տարբեր համայնքներում լուսավորության, ճանապարհաշինության, ջրամատակարարման եւ այլ հարցեր ենք կարգավորում»,-ասաց Արտակ Գեւորգյանը:Լուսանկարում Անի համայնքի ղեկավար Արտակ Գեւորգյանն է

Բողոքի դուրս եկած մարալիկցիները համայնքի ղեկավարին մեղադրեցին կոռուպցիայի, մանկապարտեզները սեփականաշնորհելու, քաղաքն անտերության մատնելու մեջ: Ի՞նչ մանկապարտեզներ են, եւ արդյո՞ք դրանք ձեռք բերելիս Արտակ Գեւորգյանը համայնքապետ է եղել, ՀԺ-ի հարցին Գեւորգյանը պատասխանեց՝ չեմ հիշում, կարող է եւ եղել եմ: Բայց դա քաղաքապետարանի հետ որեւէ առանչություն չունի, որքան ձեզ հետ ունի առնչություն, էդքան էլ իմ հետ ունի: Դա իմ գերդաստանը ձեռք է բերել Մարալիկի բամբակամանվածքային ֆաբրիկայից:

Բողոքի ակցիայի մասնակիցները պահանջեցին կառավարության ուշադրությունը: Եթե առաջիկա երկու օրերին մնան անարձագանք, անժամկետ նստացույցը կփոխարինեն անժամկետ հացադուլով: «Հեղափոխություն ենք արել, հեղափոխություն ենք ուզում, այն դեռ Մարալիկ չի հասել»,-ասացին նրանք:

Տպել
3322 դիտում

Բաքուն մտադիր է «սև ցուցակում» ընդգրկել «Известия» թերթի՝ Արցախ այցելած ռուս լրագրողին

Տիգրան Գեւորգյանը նշանակվել է Հորդանանում Հայաստանի դեսպան՝ համատեղության կարգով

Գյումրու շուկայում ՊՆ օճառների հայտնվելու վերաբերյալ կարող է մի քանի տարբերակ լինել. ԶՈւ թիկունքի պետի պարզաբանումը

Իշխանությանը դեղին քարտ է ցույց տալիս այն ուժը, որին ժողովուրդը 5 ամիս առաջ կարմիր քարտ ցույց տվեց և «հեռացրեց դաշտից»

Գառնիկ Բադալյանը նշանակվել է ՀՀ արտակարգ եւ լիազոր դեսպան նաեւ Տաջիկստանում

Համոզված ենք՝ կհաջողվի ձևավորել վստահելի դատական համակարգ. վարչապետը հանդիպել է ՀՀ-ում հավատարմագրված դեսպաններին

Օպերային թատրոնի կոլեկտիվը դեմ է կառավարման խորհրդի նախագահի պաշտոնում Նազենի Ղարիբյանի ընտրությանը

Ուժգին քամին քշել է Զույգաղբյուր գյուղի խանութի տանիքը, վնասել ապրանքն ու ցուցափեղկերը

Եթե Ջուլիետին չտեսնեի, գուցե այս պիեսը չբեմադրեի. Ռուսական թատրոնում պրեմիերա է սպասվում

Առողջապահության նախարար Արսեն Թորոսյանը կմեկնի Ուզբեկստան

Երթեւեկության կազմակերպման փոփոխություն Երեւանի Իտալիայի փողոց−Խորենացու փողոց−Վ.Սարգսյան փողոց խաչմերուկում

ԿԳ նախարար Արայիկ Հարությունյան. «ԴասA»-ն և դպրոցներում կյանքի կոչվող մշակութային այլ ծրագրերը լինելու են շարունակական

Ես Փաշինյանին չեմ դատի տվել, եթե անգամ 1 տոկոս կասկած ունենայի, որ չեմ շահի՝ դատարան չէի դիմի. Օրբելյան

Գայանե Մարկոսյանը նշանակվել է Լոռու փոխմարզպետ

ՃՈ հատուկ տարածքներ են տեղափոխվել 116 ավտոմեքենա. 71-ը վարել են անչափահասներ

ԱՄԷ-ն հումանիտար օգնություն է տրամադրել Շիրակի մարզի 350 կարիքավոր ընտանիքի

Սահմանամերձ համայնքների 280 շրջանավարտների խնջույքը կառավարական առանձնատանը՝ լուսանկարներով

«Փորձում են օգտագործել մեր ազգասիրությունն ու խաբել». Սերժ Սարգսյանի խորհրդականը «գցել» է կանադահայ գործարարին

Ինչպես են գնահատվելու 9-րդ դասարանի հայոց լեզվի ավարտական քննության առաջադրանքները. ԳԹԿ-ն ցուցումներ է հրապարակել

Ես անցումային արդարադատության բաղադրիչ եմ դիտարկում նաեւ մարտի մեկի զոհերի կոմպենսացիայի նախագիծը․ Դանիել Իոաննիսյան