Ինչպե՞ս է ստեղծագործողների եւ հետազոտողների աշխատանքներին տրվում աջակցություն

Մշակույթի նախարարությունը պարզաբանում է՝ ի՞նչ է ստեղծագործողների եւ հետազոտողների աշխատանքներին տրվող աջակցության ծրագիրը: 

Ստեղծագործողների եւ հետազոտողների աշխատանքներին տրվող աջակցության ծրագիրը Հայաստանի ազգային գրադարանում գործող «Գրականության հանրահռչակման բաժնի» միջոցով իրականացվող առաջին դրամաշնորհային ծրագիրն է: Այն ստեղծվել է մշակութաբանական հետազոտությունների, գրականության եւ գրաքննադատության նախագծերին աջակցելու համար։ Ծրագրով մինչեւ մեկ միլիոն դրամ է տրվում տեւական (առավելագույնը՝ մեկամյա) ստեղծագործական կամ հետազոտական աշխատանքի համար, որը կնպաստի գեղարվեստական արձակի ժանրերի եւ գիտամշակութային գրականության զարգացմանն ու տարածմանը։ Նախագծի արդյունքում ստեղծված աշխատանքները կհրապարակվեն առցանց հարթակներում՝ ապահովելու համար լայն հանրային հասանելիություն: Դրամաշնորհային ծրագրի հաղթողները պետք է 2019 թվականի ընթացքում երկու հրապարակում ունենան էլեկտրոնային կամ տպագիր մամուլում, ինչպես նաեւ իրենց աշխատանքները ներկայացնեն մարզային գրադարաններում, ինչը կնպաստի մարզերի գրական-մշակութային կյանքի աշխուժացմանը:

Ո՞րն է ծրագրի նպատակը   

Ստեղծագործողների եւ հետազոտողների աշխատանքներին տրվող աջակցության ծրագիրը լրացնում է անկախ մշակութային դաշտում պետական քաղաքականության բացը՝ տեղափոխելով շեշտադրումը գրքաստեղծման հրատարակչական-տպագրական փուլից ստեղծագործական փուլ։ Ծրագրի հեռանկարային նպատակն է խթանել նշանակալի, մնայուն եւ հանրօգուտ աշխատանքների ստեղծումը, որ կնպաստի գրականության եւ հասարակական գիտությունների զարգացմանը, ինչպես նաեւ քաղաքացիական գիտակցության բարձրացմանը։

Ովքե՞ր կարող են դիմել  

Ստեղծագործողների եւ հետազոտողների աշխատանքներին տրվող աջակցության ծրագրին կարող են անհատապես կամ խմբով դիմել գրողները, գրաքննադատները, հետազոտողները (ֆիզիկական անձինք), որոնք նախկինում չեն ստացել ֆինանսավորում տվյալ ծրագրի իրականացման համար, ՀՀ քաղաքացի են եւ ապրում են ՀՀ-ում։ Չեն դիտարկվի ծրագրով աջակցություն ստանալու համար ներկայացված հայտերը քննող խորհրդի անդամների կամ իրենց մերձավոր հարազատների (ծնող, զավակ, ամուսին), ինչպես նաեւ պետական կառույցներում ներգրավված անձանց դիմումները։

Ո՞ր նախագծերն են դիտարկվում  

Դրամաշնորհը տրվելու է հետեւյալ ուղղություններին համապատասխանող աշխատանքներին.  

ա) գեղարվեստական գրականություն՝  

◆ արկածային արձակ,

◆ դետեկտիվ արձակ,

◆ գիտաֆանտաստիկա,

◆ ֆենթըզի,

◆ սարսափ պատմություն,

◆ գեղարվեստական հուշագրություն,  

բ) հետազոտական աշխատանքներ՝  

◆ հայ գրաքննադատություն,

◆ հայ մշակույթի տեսություն,

◆ հայ արվեստի քննադատություն,

◆ մշակութաբանություն:

Ինչպե՞ս դիմել  

Հայտերն ընդունվում են ՀՀ մշակույթի նախարարության կայքէջում («mincult.am») ստեղծագործողների եւ հետազոտողների աշխատանքներին տրվող աջակցության ծրագրի հայտարարության հրապարակմանը հաջորդող 25 օրվա ընթացքում: Հայտի ամբողջական փաթեթն անհրաժեշտ է ուղարկել «[email protected]» էլեկտրոնային հասցեին:  

Հայտի փաթեթը պետք է պարունակի՝  

◆ հայտի ձեւաթուղթը (կցվում է),

◆ նախատեսվող ուսումնասիրության թեմայով հոդված,

◆ նախատեսվող գեղարվեստական արձակից հատված (նվազագույնը՝ 10 էջ),

◆ հայտատուի ինքնակենսագրությունը (CV),

◆ անձը եւ բնակության վայրը հաստատող փաստաթղթերի պատճենները:  

Թերի կամ կեղծ տվյալներ պարունակող, պահանջվող ժանրերին չհամապատասխանող, նախկինում հրապարակված կամ պատրաստի աշխատությունների համար ներկայացված հայտերը չեն դիտարկվի։ Ստեղծագործողներին եւ հետազոտողներին դրամաշնորհ հատկացնող խորհուրդը կարող է հարկ եղած դեպքում դիմումատուից պահանջել հավելյալ փաստաթղթեր եւ նյութեր:  

Խորհուրդը կիրականացնի ռիսկերի եւ համապատասխանության գնահատում՝ հաշվի առնելով ներկայացված նախագիծը, ֆինանսական հաշվարկները, ժամկետները, արդյունավետությունը եւ այլ բաղադրիչներ։ Դրամաշնորհային ծրագրի հաղթողների անունները կհրապարակվեն նախարարության կայքէջում՝ հայտերի ընդունման ավարտից հետո մեկ ամսվա ընթացքում։  

Հարցերի դեպքում զանգահարել Հայաստանի ազգային գրադարանի «Գրականության հանրահռչակման բաժին»: Հեռախոս՝ 077 91 27 73, 011 52 39 38

Տպել
620 դիտում

Եւս մեկ անգամ հռչակում եմ տնտեսական հեղափոխության կարգախոսը․ հերիք է ինչքան նստեցինք տեղներս, վե՛ր կենանք ու քայլենք

Վարդենյաց լեռնանցքը կցորդիչով բեռնատարների համար փակ է, մարդատար ավտոմեքենաների համար՝ դժվարանցանելի

Տնտեսական հեղափոխության մեր մեթոդը չի տարբերվում քաղաքական հեղափոխության մեր մեթոդաբանությունից․ Նիկոլ Փաշինյան

Չարենցավան-Հրազդան ավտոճանապարհին տեղի է ունեցել ճանապարհատրանսպորտային պատահար․ կան տուժածներ

Վանաձորում մեկնարկել է «Իմ քայլը հանուն Լոռու մարզի» ներդրումային-բիզնես ֆորումը․ ներկա է լինելու վարչապետը

Ստեփանավանում 81-ամյա կինը ինքնասպան է եղել տանիքում

Դեսպան Սամվել Մկրտչյանը հանդիպել է Լեհաստանի ԱԳՆ պետական քարտուղարի հետ

«Զինված խմբի» գործով ամբաստանյալ Արթուր Վարդանյանին հիվանդանոց են տեղափոխել

Արմեն Սարգսյանը հյուրընկալել է Գարեգին Բ եւ Արամ Ա կաթողիկոսներին

«Բժիշկներ առանց սահմանների» միության հայաստանյան առաքելությունը ԱԻՆ-ին ռադիոմետրեր է նվիրել

Արգենտինայում կյանքից հեռացել է Ցեղասպանությունը վերապրած 106-ամյա հայուհին

4 նախկին նախարար ստորագրել են Ամուլսարում հանքի թույլտվությունը. ՀԲՃ-ն անուններ է հրապարակում (լուսանկարներ)

Ուսուցչին որպես բեռնաձի օգտագործելով՝ կրթության որակ չի ապահովվի. մանկավարժները սպառնում են գործադուլով

ԱԱԾ-ն բացահայտել է ՍԱՊԾ մի խումբ աշխատակիցների կողմից կաշառք պահանջելու եւ ստանալու դեպքեր

Վերջին մեկ շաբաթվա ընթացքում 117 ապօրինի հատված ծառ է հայտնաբերվել

Ղազախստանի թղթադրամների եւ մետաղադրամների վրա այսուհետ չեն լինի ռուսերեն գրառումներ

Պետական մակարդակով կազմակերպած երթը ոճրագործության բացահայտման քայլերից մեկն է. Մարտի 1-ի զոհերի հարազատներ

Հուլիսի 1-ից կարգելվի պոլիէթիլենային տոպրակների անվճար տրամադրումը, 3 տարի անց՝ վաճառքը

Ջավախքի Հեշտիա գյուղում ԱրՄաթ ինժեներական լաբորատորիա է բացվել

Մուշուրբան, պարկապզուկը, կոխն ու որդան կարմիրը՝ մշակութային ժառանգության նոր արժեքներ