ՀՀ փոխոստիկանապետի աղմկոտ սպանության գործից փաստաթղթեր են կորել. ով է կանգնած բուրգի գլխին

9 տարի առաջ Երեւանի Կիեւյան փողոցում գտնվող իր բնակարանի շքամուտքում սպանված ՀՀ փոխոստիկանապետ, 34-ամյա Գեւորգ Մհերյանի գործով սայլը տեղից որոշ չափով շարժվում է:

Երեկ մեր զրույցում նման կարծիք հայտնեց սպանված փոխոստիկանապետի հայրը՝ Պետրոս Մհերյանը:

Երկրում տեղի ունեցած թավշյա հեղափոխությունից հետո ՀՀ գլխավոր դատախազությունը հաղորդագրություն էր տարածել այս աղմկհարույց դեպքով՝ նշելով, որ ի թիվս քննարկման առարկա դարձած նման խնդրահարույց այլ գործերի՝ խնդիր է դրվել ակտիվացնել նաեւ ՀՀ նախկին փոխոստիկանապետ Գեւորգ Մհերյանի սպանության դեպքի առթիվ հարուցված քրեական գործի վարույթը: Այդ նպատակով քրեական գործը ՀՀ գլխավոր դատախազի կողմից արդեն վերցվել է ՀՀ ՔԿ վարույթից եւ փոխանցվել ՀՀ ԱԱԾ քննչական վարչության վարույթին, ինչպես նաեւ հանձնարարվել է այս գործի շրջանակներում եւս ստեղծել դատախազների խումբ:

Մհերյանի սպանության գործն անցավ գրեթե բոլոր ուժային կառույցներով. այս տարիների ընթացքում իրավապահները չկարողացան գտնել սպանություն կատարողին (կատարողներին), սպանությունը պատվիրողին եւ պարզել սպանության շարժառիթը: Այս գործով մի շարք բարձրաստիճան պաշտոնյաների անուններ էին շոշափվում, սկսած Ալիկ Սարգսյանից մինչեւ Հունան Պողոսյան, Կարեն Բաբակեխյան:

 Գեւորգ Մհերյանի հայրը ԱԱԾ-ի հետ այժմ հույսեր է կապում:

- Պարոն Մհերյան, ձեր որդու սպանության գործի վարույթը ԱԱԾ փոխանցելուց հետո ի՞նչ տեղեկություն ունեք:

- Գիտեմ, որ գործ են անում, ինչքանով, ինչ, չեմ կարող ասել, որովհետեւ ես չեմ ուզում խորանալ, հույս ունեմ, թե ինչքանով կարդարացնեն՝ չեմ կարող ասել:

- Այսինքն՝ գործով առաջընթաց նկատելի՞ է ձեզ համար:

- Ոնց որ թե ուշադրություն են դարձնում, լուրջ են վերաբերվում:

- Լուրջ են վերաբերում ասելով ի՞նչ նկատի ունեք, այսինքն՝ սայլը տեղից շարժվո՞ւմ է:

- Այո, ոնց որ թե տեսնում եմ, որովհետեւ այլ ձեւի են սկսել աշխատել, այնպես չեն աշխատում, ինչպես նախկինները:

- Մասնավորապե՞ս:

- Ի սկզբանե նախաքննության ընթացքում շատ փաստեր, փաստաթղթեր էին անհետացել: Վերցնենք, օրինակ, Մհերյանի անցած ճանապարհի տեսաերիզները, կա արձանագրություն, որտեղ պարզ գրված է, որ վերցրել ենք տեսաերիզները, ուսումնասիրել ենք, բայց ընդհանրապես գործում մի հատ տեսաերիզ չկա, հիմա ԱԱԾ-ն, իմ կարծիքով, պետք է լուրջ զբաղվի սրանով, սրանք հարցեր են, որոնց պատասխան է պետք տալ:

- Պարոն Մհերյան, գործի վարույթն ԱԱԾ փոխանցելուց հետո, ձեզ ԱԱԾ կանչե՞լ են, լրացուցիչ հարցաքննվել ե՞ք:

- Գնացել եմ, մի թեթեւ հարցրել են, ես իրենց ասել եմ՝ ինձ ինչն է հետաքրքում, ինձ թվում է՝ իրենք պետք է բացահայտեն սպանությունը:

- Ձեզ հայտնի՞ է, թե ինչու հենց ԱԱԾ փոխանցվեց գործի վարույթը:

- Անձամբ ես էի ուզում, որ փոխանեցին ԱԱԾ, իմ կարծիքով, այսպես ավելի ճիշտ է:

- Մոտ երեք տարի առաջ պաշոտնեական լիազորությունները չարշահալու դեպքով ՀՀ քննչական կոմիտեում քրեական գործ հարուցվեց, ձեզ հայտնի՞ է այդ գործով քրեական հետապնդման ենթարկված պաշտոնյաներ կա՞ն:

- Դեռ ոչ... կան մարդիկ, որոնք վերջիվերջո պատասխան պիտի տան, չի կարող գործի փաստաթուղթ ինքնուրույն անհետանա, փաստաթղթեր կան, որոնց հարցերի պատասխանները չկան, հարցում են արել, պատասխան չեն ստացել, կամ ստացել են ու ընդհանրապես վերացրել են էդ պատասխանները, իսկ դրանցից շատ բան է կախված, որովհետեւ մեծ գումարների հետ է կապված: Օրինակ, հարցումներ կան՝ ուղղված ՀՀ ֆինանսների նախարարությանը, բայց պատասխաններ չկան, իսկ դրանցից շատ բան է կախված, այդ թվում եւ ոսկու հանքերը:

- Ի՞նչ մեծ գումարների մասին է խոսքը:

- Լավ, լավ... էդ հարցերի պատասխանները բավական լուրջ պատասխաններ էին:

- Պարոն Մհերյան, ի՞նչ ոսկու հանքի մասին է խոսքը:

- Փաստերի մեջ կա, Ազգային անվտանգությունը դրանով կզբաղվի:

- Լրացուցիչ փաստաթղթեր ձեզնից պահանջե՞լ են

- Կան որոշ բաներ, իրենք կզբաղվեն դրանով:

- Ի՞նչ տեղեկություններ ունեք, իրավապահները նոր հանգամանքներ պարզե՞լ են, թե՝ ոչ:

- Դեռ ոչ մի բան չեն հայտնել, գործ են անում, չեմ էլ ուզում իրենց խանգարեմ: 9 տարի սպասել եմ, էլի կսպասեմ, ամեն դեպքում՝ շատ հարցեր կան, բայց չեմ ուզում խառնվել:

- 9 տարի է անցել, ի վերջո ձեզ հայտնի՞ է՝ ով է կանգնած ձեր որդու սպանության ետեւում, նրանք բարձրաստիճան ոստիկաննե՞ր են:

- Հենց նրանք են կանգնած, բուրգի գլուխը ով է՝ հենց դա էլ սկսել է շեղել գործը, առանց իրա ոչ մի քայլ էլ չեն արել:

- Անուն կհրապարակե՞ք:

- Ոստիկանության բարձրաստիճան պաշտոնյա է, թե ով է՝ ինձնից լավ գիտեք, վերջ, լավ, այսքանով սահմանափակվենք:

ՀՀ գլխավոր դատախազի խորհրդական Գոռ Աբրահամյանից հետաքրքվեցինք, թե ինչ նորություն կա գործով, ձերբակալվածներ կա՞ն, թե՝ ոչ: Ի պատասխան Աբրահամյանն ասաց, որ ձերբակալվածներ չկան. «Գլխավոր դատախազի կողմից տրված հանձնարարությունից հետո ակտիվ քննություն է տարվում, բացի նախկինում առկա վարկածներից, նաեւ նոր առաջ քաշված վարկածների ստուգման ուղղությամբ»:

Նշենք, որ 2009 թվականին ՀՀ ոստիկանապետի պաշտոնը զբաղեցրել է այժմ ՀՀ ԱԺ պատգամավոր Ալիկ Սարգսյանը:

Գեւորգ Մհերյանը սպանվել է 2009 թվականի փետրվարի 3-ի երեկոյան՝ Երեւանի Կիեւյան փողոցում գտնվող իր բնակարանի բակում: ՀՀ փոխոստիկանապետի վրա արձակվել է ութ կրակոց, որոնցից չորսն են նրան դիպել` երեքը գլխին, իսկ մեկը` կրծքավանդակին։ Թե ինչ գումարների մասին էր խոսում Մհերյանի հայրը եւ դա ինչ կապ ունի Մհերյանի կողմից Անձնագրային եւ վիզաների վարչությունում անցկացված ստուգումների հետ, դժվար է ասել: Բանն այն է, որ նրա սպանությունից հետո մամուլը գրել էր, որ Մհերյանը խոշոր չափերի գումարների չարաշահում էր հայտնաբերել: Մհերյանը մինչ փոխոստիկանապետի պաշտոնը զբաղեցնելը 2008 թվականին եղել է Ռոբերտ Քոչարյանի, ապա Սերժ Սարգսյանի օգնականը:

Տպել
8583 դիտում

Զովունիում մեքենան դուրս է եկել հանդիպակաց երթևեկելի գոտի և մխրճվել դեղատան մեջ. վիրավորներ կան

Այս պահին փակ են Վարդենյաց լեռնանցքը, Արագածոտնի և Գեղարքունիքի գյուղամիջյան ճանապարհներ

«Առնո Բաբաջանյան» համերգասրահի փոխտնօրենի նկատմամբ քրեական հետապնդումը դադարեցվել է

Մաշինի դուռը բացվեց ու Փաշինյանն իջավ․ բոլնիսցիները՝ վարչապետի անակնկալ այցի մասին

Մենք կշարունակենք պայքարը, որպեսզի ԻԳԻԼ-ը չբարձրացնի իր գարշելի գլուխը. ԱՄՆ փոխնախագահ

Երեխան ընդունվել է վերջույթների կաթվածով. «Սուրբ Աստվածամայր» Բ/Կ-ն պարզաբանում է փոքրիկի մահը

Գրիպի դեմ պատվաստվողները շատացել են. «Մուրացանում» պատվաստանյութն արագորեն սպառվել է

Մաղթում եմ Ձեզ հաջողություն Ձեր կարեւոր պարտականությունների կատարման գործում. Յագլանդ

ՎՏԲ-Հայաստան Բանկը հայտարարում է Swift դրամային փոխանցումների վերաբերյալ ակցիա՝ նոր հաճախորդների համար

Արման Թաթոյանը Նիդերլանդների դեսպանի հետ քննարկել է Պաշտպանի զեկույցը

Բելգիայի Թագավորության վարչապետ Շառլ Միշելը շնորհավորական ուղերձ է հղել Նիկոլ Փաշինյանին

Ոստիկանության միայն մեկ ստորաբաժանման ծառայության շնորհիվ պետբյուջե է վերադարձվել ավելի քան 708 մլն դրամ

Փրկարարները դուրս են բերել ավտոմեքենան արգելափակումից

Սևանի թերակղզուց դեպի Դիլիջանի թունել ճանապարհահատվածում բուք է

Գրիպով հոսպիտալացվածների 95 տոկոսը երեխաներ են. խուսափելու լավագույն միջոցը պատվաստումն է

ՀՀ և Ադրբեջանի ԱԳ ղեկավարները անդրադարձել են խաղաղ գործընթացին, նաև՝ ժողովուրդների խաղաղությանը

Երեւանի քաղաքապետարանի թեժ գծի համարը փոխվում է, կլինի նաեւ ձայնային հաղորդագրության հնարավորություն

Գյուղատնտեսական տարին պետք է դարձնել մաքսիմալ կանխատեսելի. Նիկոլ Փաշինյան (լուսանկարներ)

Բարեկամավան գյուղում ականի պայթյունից տուժած կա

Ադրբեջանցիները կրկին փորձել են խեղաթյուրել Իրանի բարձրաստիճան պաշտոնյայի հայտարարությունը. փորձագետ