Ամենայն Հայոց Կաթողիկոսն ընդունել է ռումինահայ ուխտավորներին

Սեպտեմբերի 6-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում ընդունեց Ռումինիայի հայոց թեմի Կոստանցա քաղաքի Ս. Աստվածածին եկեղեցու ուխտավորներին՝ առաջնորդությամբ հոգևոր հովիվ Արժանապատիվ Տ. Օշական քահանա Խաչատրյանի:
Տեր Օշականը Նորին Սրբությանը տեղեկացրեց, որ ուխտավոր հայորդիներից շատերն առաջին անգամ են այցելում Հայաստան և Մայր Աթոռ Սուրբ Էջմիածին, ներկայացրեց համայնքի հոգևոր-ազգային կյանքը, հայտնում է Մայր Աթոռ Սուրբ Էջմիածնի տեղեկատվական համակարգը:

Այնուհետև Ամենայն Հայոց Կաթողիկոսն իր օրհնությունը փոխանցեց ուխտավորներին` կարևորելով թեմի կողմից նման ուխտագնացությունների կազմակերպումը դեպի հայրենիք ու Սուրբ Էջմիածին, ինչն ավելի է սերտացնում կապը սեփական արմատների հետ: Վեհափառ Հայրապետը գոհունակությամբ ողջունեց եկեղեցական կառույցների այն ծրագրերը, որոնք համախմբում են հայորդիներին և նպաստում նրանց ազգային ոգու և գիտակցության կերտմանը:

Վերհիշելով տարիներ առաջ Ռումինիա կատարած հովվապետական այցը` Նորին Սրբությունը փաստեց, որ ականատեսն է դարձել ռումինահայության բարեպաշտ ոգուն ու Հայ Եկեղեցու հանդեպ ունեցած անսակարկ սիրուն ու հավատարմությանը: Գարեգին Բ Կաթողիկոսը խոսեց նաև Ռումինիայի կյանքում հայ համայնքի ունեցած պատմական կարևոր դերակատարության մասին: Հայոց Հովվապետը հաստատեց, որ ռումինահայ համայնքը հայ ժողովրդին պարգևել է նշանավոր և փառահեղ դեմքեր, որոնցից մեկն Երջանկահիշատակ Վազգեն Ա Հայրապետն է: Այս կապակցությամբ Նորին Սրբությունը հույս հայտնեց, որ ռումինահայությունը կշարունակի Հայ Եկեղեցուն մատռվակել արժանավոր զավակներ, ովքեր ներշնչված Վազգեն Վեհափառի օրինակով իրենց ծառայությունը կբերեն Մայր Աթոռի շենացման և պայծառության գործին:

Ամենայն Հայոց Կաթողիկոսը հորդորեց ուխտավորներին իրենց զավակներին դաստիարակել աստվածսիրության, հայրենասիրության ոգով և ազգային արժեքներով:
Հանդիպմանը Ռումինիայի հայոց միության Կոստանցայի մասնաճյուղի նախագահ Լիվյու Մերդինյանը, իր խորին շնորհակալությունը հայտնելով Վեհափառ Հայրապետին ջերմ ընդունելության և հայրական օրհնության համար, ընդգծեց, որ Կոստանցայի հայ համայնքը դարեր շարունակ կրել և փոխանցել է սերունդներին ազգային ինքնության պահպանման գիտակցությունը:

Վերջում Նորին Սրբությունն իր աղոթքն ու բարեմաղթանքները բերեց ուխտավոր հայորդիներին՝ հայցելով, որ Աստված նորոգի նրանց ուխտը և Իր առատ շնորհները հեղի նրանց վրա` պարգևելով գործոց հաջողություններ, որպեսզի կարողանան առավել ծաղկեցնել իրենց համայնքն ու տիրախնամ թեմը:

Տպել
551 դիտում

Արտաշատ-Երևան ավտոճանապարհին տեղի ունեցած վթարի հետեւանքով 2 հոգի հոսպիտալացվել է

Կենդանիների կենսաապահովման կետեր կկառուցվեն Հայաստանում

Թուրքիայում հայկական եկեղեցու պատերին արված գրաֆիտիները հեռացվել են (լուսանկարներ)

Վաղարշապատի 5 բնակիչ թունավորվել է գազի կաթսայից շմոլ գազի արտահոսքի հետևանքով

Դոնորների հետ համագործակցության համակարգման հարթակը կենսական պահանջ է․ փոխվարչապետ

Անահիտ Տեր-Մինասյանը ՀՀ ամենահեղինակավոր ուսումնասիրող­ներից է. վարչապետը ցավակցել է պատմաբանի մահվան կապակցությամբ

Շարունակում են փակ մնալ Արագածոտնի մարզի 17 գյուղերի միջհամայնքային ճանապարհները

28-ամյա քաղաքացին սպառնացել է նետվել Երեւանի Հաղթանակի կամրջից

Մանվել Գրիգորյանը լրատվամիջոցից պահանջում է 3 մլն դրամ. նոր հայցադիմում է ներկայացվել

ԵԱՀԿ ՄԽ համանախագահներին հետաքրքրել են Դավոսում ՀՀ վարչապետի և Ադրբեջանի նախագահի հանդիպման մանրամասները

Հանդիպել են Իրաքում ՀՀ դեսպան Հրաչյա Փոլադյանն ու Իրաքի կապի նախարարը

ԳԹԿ կառավարման խորհրդի կազմը հաստատվել է, թեստերի ժողովածուներն էլ վեճի առարկա են

Նիկոլ Փաշինյանը և Աննա Հակոբյանը ներկա են գտնվել Հայ կոմպոզիտորական արվեստի 10-րդ փառատոնի բացմանը

Մենք եկանք անաղմուկ՝ հատուկ ընտրություններին քվեարկելու համար. Նիկոլա Ազնավուրը՝ վարչապետին

Վրաստանի պաշտպանության նախարարը պաշտոնական այցով վաղը կժամանի Երևան

Երեւանում օրը ցերեկով մեքենա ջարդուխուրդ անող երիտասարդների գործով Վերաքննիչն իրարից տարբերվող որոշումներ է կայացրել

Փետրվարի 20-ը հայոց ազգային վերազարթոնքի մի բացառիկ օրինակ էր. ուղերձ՝ Ղարաբաղյան շարժման տարեդարձի առթիվ

Black Box կամ Սեւ տուփ-Փոքր բեմ. Հայաստանում առաջին անգամ ստեղծվել է նոր ձեւաչափով թատրոն

ՀՀ պաշտպանության նախարարն ընդունել է «Պատմության և մշակույթի էջեր» ծրագրի մասնակիցներին

Մրցանակներ՝ միջազգային կառույցներից. Արսեն Թորոսյանը մրցանակակիրներից մեկն է