ԲԲԸ-ն աշխատակցին տված բաժնետոմսերը գնելու պարտավորությունը չի ստանձնում. բաժնետերերը բողոքում են

82-ամյա Վանյա Բաբայանը, ով ապրում է հոգեկան խանգարում ունեցող, առաջին կարգի հաշմանդամ դստեր հետ, տարիներ շարունակ պահանջում է, որ «Երեւանի գեղարվեստական ժամացույցների գործարան» ԲԲԸ-ն գնի իր այն բաժնետոմսերը, որոնք պետությունը հանձնել է իր հանգուցյալ կնոջը՝ դեռեւս 1996-ին: Բաբայանն ու իր դուստրը ապրում են թոշակի հույսով:

Բաբայանի հանգուցյալ կինը՝ Նադյա Պողոսյանը, տարիներ շարունակ աշխատել է «Երեւանի գեղարվեստական ժամացույցների գործարան» ԲԲԸ-ում: 1996-ից, երբ գործարանը դարձել է ԲԲԸ, կառավարությունը որոշել է, որ 20% բաժնեմասն անհատույց պետք է տրվի գործարանի աշխատակիցներին, իսկ մնացած 80%-ը հանվի վաճառքի: 

Վանյա Բաբայանը մի քանի տարի է՝ ցանկանում է օտարել իր բաժնետոմսերը՝ 10.000-ական ՀՀ դրամ սահմանված արժեքով: Այս խնդրով նա 2017 թվականին դիմել է Հանրային պաշտպանի գրասենյակ: Բաբայանի գործով զբաղվում է փաստաբան Տաթեւիկ Շալջյանը: Հանրային պաշտպանի գրասենյակ ներկայացրած փաստաթղթերի համաձայն՝ Վանյա Բաբայանը հանդիսանում է «Երեւանի գեղարվեստական ժամացույցների գործարան» ԲԲԸ բաժնետեր: Վերջինիս բաժնետոմսերի քանակը 37 է, իսկ բաժնետոմսերի անվանական արժեքը՝ 10 հազար ՀՀ դրամ:

Բաբայանի փաստաբանը՝ Տաթեւիկ Շալջյանը, 2017 թվականի նոյեմբերի 14-ին փաստաբանական հարցում է ուղարկել «Երեւանի գեղարվեստական ժամացույցների գործարան» ԲԲԸ՝ դիմելով ընկերության տնօրենին առ այն, որ Վանյա Բաբայանը ցանկանում է վաճառել իր բաժնետոմսերը: Սակայն ընկերության տնօրենը նույն թվականի դեկտեմբերի 22-ին պատասխանել է, որ բաժնետոմսերը գնելու հնարավորություն այդ պահի դրությամբ չունի:

Բաժնետոմսերը չգնելու հետ կապված բողոքներ գործարանի աշխատակիցները դեռ տարիներ առաջ են բարձրացրել: Գործարանի նախկին տնօրեն Հայկ Մելքոնյանը, սակայն, պնդում էր, որ գորածարանը ոչ մի օգուտ չի ստանում: Վանյա Բաբայանի պնդմամբ՝ գործարանի այլ բաժնետերեր էլ մինչ օրս չեն կարողացել ստանալ իրենց հասանելիք գումարը:

Ընկերությունը հիմա էլ է հրաժարվում գնել բաժնետոմսերը՝ պատճառաբանելով, որ ինքն ամենեւին պարտավոր չէ: «Երեւանի գեղարվեստական ժամացույցների գործարան»-ի տնօրենը փոխվել է, սակայն աշխատակիցները որեւէ տվյալ, անգամ տնօրենի անունը չհայտնեցին:

Հայաստանյան տեղեկատու «www.yell.am»-ից տեղեկանում ենք, որ ժամացույցների գործարանն այս պահին չի գործում կամ ժամանակավորապես դադարեցրել է գործունեությունը: Նախկին աշխատակիցների բաժնետոմսերը չգնելու եւ գործունեության դադարեցման պատճառը հավանաբար, ինչպես մեր զրույցում ասաց Վանյա Բաբայանի փաստաբան Տաթեւիկ Շալջյանը, միջոցների բացակայությունն է:

Գործարանը չի աշխատում, բայց մի քանի տարածքներ տրված են վարձակալության: Գործարանի աշխատակիցները չցանակացան նոր տնօրենից կամ վարձակալողից անուն կամ կոնտակտային որեւէ տվյալ տալ:

Տպել
953 դիտում

Փաշինյանն ու Ալիևը պատրաստում են իրենց հասարակությունները հակամարտության կարգավորման. НГ

Փաշինյանի համար ղարաբաղյան հակամարտության հարցն առավել բարդ խնդիր է․ Ռիչարդ Հոգլանդ

«Վորլդ Վիժնի» հետ համագործակցության հիմքում երեխաների համար արժանապատիվ կյանք ապահովելու մղումն է․ նախարար

Ջերմություն, քաշի կորուստ․ Նորքի զինված խմբի գործով անցնող Արթուր Վարդանյանն առողջական խնդիրներ ունի․ ՄԻՊ

«Արսենալը» ԲԱՏԷ-ին թույլ չտվեց սխրանք գործել. Եվրոպա լիգա (տեսանյութ)

Պատրաստվում եմ ՀՀ կառավարությանը հրապարակավ ներկայացնել տնտեսության զարգացման վերաբերյալ իմ առաջարկները. Հարությունյան

Արմեն Սարգսյանը դատավոր է նշանակել

Քննարկում ենք մի հետաքրքիր նախագիծ հայկական սպորտի համար․ Արսեն Թորոսյանը հանդիպել է Յուրա Մովսիսյանի հետ

ՀԱՊԿ-ում համակերպվել են. այս տարի կարող են մնալ առանց գլխավոր քարտուղարի. «Կոմերսանտ»

Էջմիածնի քաղաքապետը կդիմի դատարան՝ ֆեյսբուքյան օգտատերից պահանջելով ներողություն և փոխհատուցում

Ադրբեջանը հայկական անօդաչու չի խոցել, ակնհայտ հին կադրեր են. ՊԲ հայտարարությունը

Թուրքմենստանի ֆինանսների և էկոնոմիկայի նախարարն ու երկրում ՀՀ դեսպանը հանդիպում են ունեցել

Հայաստանը ներառվել է երկշաբաթյա հանգստի համար ամենամատչելի երկրների հնգյակում

Փետրվարի 26-ին Հայաստանի զգալի մասում սպասվում են տեղումներ՝ ձյուն, ձնախառն անձրեւ

Post Classical Ensemble-ի` 2020թ. գարնանը կայանալիք հայկական փառատոնի գալա համերգը ՀՀ դեսպանությունում

Վթար Երևան-Սևան ավտոճանապարհին. 28-ամյա վարորդը տեղում մահացել է

ՀՀ տարածքում կան փակ և դժվարանցանելի ավտոճանապարհներ

UNESCO-ն արևմտահայերենը համարում է Թուրքիայում վերացման վտանգի տակ գտնվող լեզու

Մոսկվայի օդանավակայաններում հետաձգվել կամ չեղարկվել է ավելի քան 100 չվերթ

Երևանում և 6 մարզում այսօր էլեկտրաէներգիայի պլանային անջատումներ կլինեն