Հայաստանում մեծ ուշադրություն են դարձնում դպրոցահասակ երեխաներին. նոր համաձայնագիր է ստորագրվել

ՄԱԿ-ի  Պարենի համաշխարհային ծրագրի եւ ՀՀ կրթության եւ գիտության նախարարության համագործակցությունը «Կայուն դպրոցական սնունդ» ծրագրի շրջանակում ընդլայնվում է նոր հետազոտական բաղադրիչով: Այս մասին հայտնում են ԿԳՆ-ի մամուլի ծառայությունից: 

Այդ նպատակով ՀՀ կրթության եւ գիտության նախարարությունում  նախարարի տեղակալ Արեւիկ Անափիոսյանն ու ՄԱԿ-ի  Պարենի համաշխարհային ծրագրի  հայաստանյան գրասենյակի ղեկավար Ելենա Միլոշեւիչը ստորագրել են համաձայնագիր: Ըստ այդմ` Պարենի համաշխարհային ծրագրի հայաստանյան գրասենյակը կիրականացնի Հայաստանում «Կայուն դպրոցական սնունդ» ծրագրի նախաճաշիկ բաղադրիչի ազդեցության գնահատումը նախադպրոցական տարիքի երեխաների՝ դասարանում ուշադրության կենտրոնացման, ինչպես նաեւ դպրոցին պատրաստվածության վրա: Ազդեցության գնահատման հետազոտությունը կիրականացվի ՀՀ  երեք մարզերի (Շիրակ, Լոռի եւ Գեղարքունիք) 50 դպրոցներում` նախադպրոցական տարիքի երեխաների շրջանում:

Ստորագրման արարողությունից հետո կազմակերպության Պարենի համաշխարհային ծրագրի  հայաստանյան գրասենյակի ղեկավար Ելենա Միլոշեւիչը տեղեկացրել է, որ Հայաստանի դպրոցներ հաճախող ավելի քան 100 հազար երեխա արդեն տարիներ շարունակ «Կայուն դպրոցական սնունդ» ծրագրի  շրջանակում անվճար սնունդ է ստանում  դպրոցում.«Հայաստանում մեծ ուշադրություն են դարձնում դպրոցահասակ երեխաներին եւ նրանց սննդի կազմակերպմանը: Ծրագրում ընդգրկված երեխաները, ինչպես նաեւ նրանց ընտանիքները, դպրոցը, կրթության եւ գիտության նախարարությունը իրենց ներդրումն են ունենում ծրագրի հաջողության համար»,- նշել է Ելենա Միլոշեւիչը: 

Իր հերթին ՀՀ կրթության եւ գիտության նախարարի տեղակալ Արեւիկ Անափիոսյանը շեշտել է, որ սննդակարգի ազդեցության գնահատումը կրթական գործընթացի վրա կարեւոր է կրթության քաղաքականության հետագա մշակման համար. «Որպես կրթության որակի պատասխանատու մարմին` մենք կարեւորում են սովորողի որակական հատկանիշները: ՅՈՒՆԵՍԿՕ-ն կրթության որակի համար 5 բաղադրիչ է առանձնացրել, որտեղ կարեւորվում է նաեւ արդյունավետ սննդակարգի հարցը: Համաձայնագրի մեջ գնահատման բաղադրիչի ներառումը կարեւոր է այս տեսանկյունից եւ կարող է գիտական եւ մասնագիտական հիմք ապահովել հետագա քաղաքականության մշակման համար»,- հայտաարարել է ԿԳ նախարարի տեղակալը: Նրա խոսքով`հետազոտության համար ընտրվել են այն մարզերը, որտեղ աղքատության ցուցանիշը բարձր է եւ հատկապես նման մարզերում մեծ տոկոս են կազմում սոցիալապես անապահով ընտանիքների երախները. «Այս հետազոտության շրջանակում թիրախավորվում են նախադպրոցական տարիքի երեխաները: Մեր նպատակն է հստակ մասնագիտական հիմնավորում ունենալ, թե որքանով է առաջնային  սննդակարգը կրթության որակի բարձրացման համար»,- նշել է ԿԳ նախարարի տեղակալը:   

Գնահատման տեխնիկական առաջադրանքն արդեն համաձայնեցվել է մասնագիտական խմբի հետ: Հետազոտությունը տեւելու է մեկ տարի,  վերջնական զեկույցը կտրամադրվի կրթության եւ գիտության, ինչպես նաեւ առողջապահության նախարարություններին`  մեկնաբանությունների համար: Գնահատման փորձնական հետազոտությունը «Կայուն դպրոցական սնունդ» ծրագրի շրջանակում իրականացվում է առաջին անգամ` Հայաստանում: Հետազոտության ֆինանսավորումը կատարվելու է Պարենի համաշխարհային ծրագրի կողմից: 

Նշենք, որ «Կայուն դպրոցական սնունդ» ծրագիրը Պարենի համաշխարհային ծրագրի աջակցությամբ ՀՀ մարզերի դպրոցներում իրականացվում է 2010 թվականից: Ծրագիրն հնարավորություն է տալիս դպրոցներին կից գործող նախակրթարանների, ինչպես նաեւ առաջինից չորրորդ դասարանների աշակերտներին ստանալ տաք կամ սառը սնունդ: Ներկայումս 10 մարզերից 5-ում ծրագիրը ֆինանսավորվում է ՀՀ պետական բյուջեի, 5-ում ՊՀԾ-ի կողմից: Ծրագրում ընդգրկված երեխաների 40 տոկոսի սնունդն ապահովվում է ՀՀ պետական բյուջեի, 60 տոկոսը` ՊՀԾ-ի ֆինանսովորմամբ:

Տպել
917 դիտում

Համագործակցության ներուժը բավականին մեծ է․ Ճապոնիայում հանդիպել են Էստոնիայի եւ Հայաստանի նախագահները

Քաղաքապետարանն առաջարկում է առգրավել փողոցում չթույլատրված առեւտուր անողների ապրանքը, կիրառել էլեկտրոնային քարտեր

Սփյուռքի գործերի գլխավոր հանձնակատարը հանդիպել է Արևմտյան Ամերիկայի համահայկական խորհրդի ներկայացուցիչների հետ

Վարչապետի որոշմամբ՝ Արտակ Նահապետյանն ազատվել է ՓԾ տնօրենի պաշտոնից

Տավուշ գյուղում ավտոմեքենան դուրս է եկել ճանապարհի երթևեկելի հատվածից և բախվել ծառին

ԱԳ նախարարը հանդիպել է Միացյալ Թագավորության Եվրոպայի և Ամերիկայի հարցերով պետնախարարի հետ

Որպես անհետ կորած որոնվող 77-ամյա տղամարդը հայտնաբերվել է (տեսանյութ)

Արսեն Բաբայանը ձերբակալվել է Արման Բաբաջանյանի հաղորդման հիման վրա

Խորվաթիայի խորհրդարանը վավերացրել է ՀՀ-ԵՄ Համապարփակ և ընդլայնված գործընկերության համաձայնագիրը

Երևանի Սեբաստիայի փողոցում բախվել են ավտոմեքենաներ. կա տուժած

Էլեկտրաէներգիայի մինչեւ 6-ժամյա անջատումներ՝ Երևանում և ևս 7 մարզում

Ապրիլյան պատերազմի քննիչ հանձնաժողովում լսել են Լելե Թեփեի հատվածում մարտական գործողությունների մասնակցած ավագ սերժանտի

Ծանրամարտիկ Հակոբ Մկրտչյանին շնորհվել է սպորտի վաստակավոր վարպետի կոչում

2 տղամարդիկ մտել են բջջային օպերատորներից մեկի սպասարկման սրահ ու բռնվել (տեսանյութ)

Տնտեսական հեղափոխությունը ոչ թե մի քանի ամսվա, այլ մի քանի տարվա գործ է. տնտեսագետ

Երեւանի բազմաբնակարան բնակելի 90 շենքի տանիքնի կտեղադրվի արևային ֆոտովոլտային համակարգ

ՊՆ 5-րդ զորամիավորման ստորաբաժանումներն անցկացրել են կրակային պատրաստության պարապմունքներ

Գորիս-Կապան հատվածի 8-14-րդ կմ-երը բեռնատարների համար դեռ փակ են լինելու

Անասնաշուկայում ուսումնասիրություններ են կատարվել, բրուցելոզ չի հայտնաբերվել

Փրկարարները լողավազանից դուրս են բերել շներին