«Հանրապետությունը» սկսում է նոր էջից. ասում է կուսակցության նախագահ Արամ Զ.Սարգսյանը

08/09/2018 schedule15:35

Տպագրվել է «Հայկական Ժամանակ» օրաթերթի՝ 2005 թվականի սեպտեմբերի 8-ի համարում

Հարցազրույց  «Հանրապետություն» է կուսակցության նախագահ Արամ Զ.Սարգսյանի հետ:

- Պարոն Սարգսյան, եթե վստահենք ձեր այլեւս նախկին կուսակիցներին, ապա «Հանրապետության» տարածքային կառույցների 75 տոկոսն ինքնալուծարվել է: Կարո՞ղ ենք արձանագրել, որ «Հանրապետություն» կուսակցություն այլեւս գոյություն չունի:

- Նշված թվերը խիստ հեռու են իրականությունից: Սակայն, անկախ վերջին շրջանում պարոն Բազեյանի պասիվությունից, կուսակցության շարքերում Բազեյանը լուրջ հեղինակություն ունի, եւ պիտի լինեին մարդիկ, որոնք կարող էին կիսել պարոն Բազեյանի կատարած քայլի պատասխանատվությունը: Այդ մարդկանց ես հասկանում եմ եւ չեմ մեղադրում: Բայց եւ  խոսել կուսակցությունից նման արտահոսքի մասին՝ խիստ չափազանցված է: Նախ սկզբնական կազմակերպության ղեկավարի հեռացումը դեռ չի նշանակում կառույցի լուծարում, երկրորդ՝ մարդիկ քաղաքական կուսակցություններ են մտնում ոչ միայն անձերի հանդեպ ունեցած վերաբերմունքից ելնելով, այլ քաղաքական դիրքորոշմամբ: Եւ որ ամենահետաքրքիրն է, սկզբնական կազմակերպությունների մի քանի նախագահներ, որոնց անունը հնչել է լուծարվածների կազմում, այդ մասին իմացել են միայն հեռուստատեսությունից:

Ի դեպ, կուզենայի շնորհակալություն հայտնել ժողովրդին, ովքեր այս օրերին լուրջ աջակցություն ցույց տվեցին մեզ: Հավանաբար մեր գործընկերների վերջին օրերի հակաքարոզչությունն էր պատճառը, որ մարդիկ մտածեցին, թե «Հանրապետություն» կուսակցությունը կարող է չլինել, եւ այս օրերին կուսակցությանն անդամագրվելու հսկայական ներհոսք է սկսվել, որոնց մեջ մեծ թիվ են կազմում երիտասարդները եւ մարդիկ, ովքեր որեւէ այլ պարագայում կուսակցական չէին դառնա: Ասեմ նաեւ, որ առաջիկայում մենք լինելու ենք կուսակցության բոլոր սկզբնական կառույցներում՝ արտահերթ համագումարի աշխատանքները նախապատրաստելու եւ կառույցների տեսակետները լսելու համար, եւ արդեն իսկ կարող եմ հայտարարել, որ համագումարին «Հանրապետություն» կուսակցությունը կներկայանա որպես շատ ավելի կուռ, գաղափարապես զտված կառույց՝ անդամների թվի նկատելի ավելացումով։ Վստահեցնում եմ, որ մեր համագումարը լուրջ քաղաքական խոսք է լինելու հայաստանյան քաղաքական կյանքում։ 

- Այդուհանդերձ, ձեզ համար գոնե պա՞րզ են այն իրական դրդապատճառները, հանուն որոնց քաղխորհուրդը լքեց հայտնի յոթնյակը:

- Դժբախտաբար, մեր երկրում կուսակցությունների պառակտումն այլեւս դարձել է օրինաչափություն, ուստի ես չեմ կարծում, որ տեղի ունեցածից կարելի է ողբերգություն սարքել։ Դա նրանց որոշումն է եղել, եւ ես չեմ ցանկանում որեւէ մեկի որոշումը մեկնաբանել: Մի բան կարող եմ ասել՝ սեփական անգործությունն արդարացնելու համար փակուղին նախընտրելը դա իմ գործելաոճը չէ:

- Սակայն, ըստ պարոն Բազեյանի, փոխզիջման պատրաստ չեք եղեք դուք: Մինչդեռ, իրենք համաձայն էին կրկին նստել բանակցությունների սեղանի շուրջ: 

- Պարոն Բազեյանը բավականին երկար ճանապարհ է անցել իմ եղբոր հետ եւ բավականին դժվարին ճանապարհ՝ ինձ հետ: Ուստի, ես նրա անձը եւ արած որեւէ հայտարարություն չեմ պատրաստվում մեկնաբանել:

- Մեղադրանքներից մեկն էլ այն է, որ դուք զբաղված եք իշխանափոխության արտաքին ատրիբուտներով։ Գունավոր մայկաներ ու կեպկաներ եք թողարկում եւ իրականում դուք եք ձգձգում Հայաստանում իշխանափոխության գործընթացը՝ այն տանելով արտաքին էֆեկտների կործանարար ճանապարհով:

- Ես միշտ համարել եմ, որ բամբասանքը, որպես ժամանցի սիրված միջոց, բնորոշ է կանանց: Ուստի, լավ կլիներ, որ այդ հարցին պատասխաներ կուսակցության որեւէ կին անդամ:

- Պարոն Սարգսյան, վերջին տարիներին Հայաստանում գրեթե չի եղել ընդդիմադիր կուսակցություն, որը իշխանության ակտիվ միջամտությամբ չպառակտվեր: «Հանրապետության» պառակտման մեջ ե՞ւս կա իշխանության հետքը։ 

- Երկրի իրավիճակի ողջ պատասխանատվությունը կրում է գործող իշխանությունը, եւ «Հանրապետություն» կուսակցության հիմնական սկզբունքը եղել է օր առաջ ազատվել այս իշխանություններից, ինչը մենք անելու ենք։ Բացի այդ, մեր մոտեցումն այն է, որ բոլոր անհատները, քաղաքական եւ ոչ քաղաքական կազմակերպությունները, ինչո՞ւ չէ, նաեւ օտարերկրյա պետությունները, որոնք կողմնակից են երկրում փոփոխությունների եւ ժողովրդավարության հաստատման, նրանք մեր բարեկամներն են, եւ նրանց բոլորի հետ համագործակցելու ենք։ Բոլոր այն երկրները, քաղաքական կառույցներն ու անհատները, որոնք գտնում են, որ այս իշխանությունները լավն են եւ փոփոխությունների կարիք չկա, որոնք ստեղծված իրավիճակից որեւէ ելք չեն առաջարկում, նրանք մեր հակառակորդներն են: 

Ինչ վերաբերում է տեսակետին, որ «Հանրապետության» պառակտումը եւս իշխանության միջամտությամբ է եղել, ապա բոլոր մնացած կուսակցությունների պառակտման մեջ ես տեսնում եմ իշխանությունների մատը: Ինչ վերաբերում է մեր կուսակցությանը, ակնհայտ է, որ իշխանություններն ուրախ են կուսակցության մեջ տեղի ունեցող գործընթացներով եւ կուզենային, որ  այդպես լիներ: Սակայն մեղադրել, թե նրանք են պառակտումը կազմակերպել, ես չեմ կարող: Անգամ պետություններ կան, որոնք ուրախ կլինեն այս իրավիճակի համար, սակայն, ի վերջո, որոշումները կայացնում են անհատները՝ անկախ նրանից, թե ո՞վ է հրահրողը։ Կատարված քայլի պատասխանատուն նա է, ով կատարել է այդ քայլը:

- Ձեր քաղխորհրդի անդամ Գեղամ Հարությունյանը հայտարարեց, որ շատ հարվածներ տեսած «Հանրապետության» համար Ալբերտ Բազեյանի թիմի հեռացումը թիկունքից հասցված ամենածանր հարվածն էր: Այդպե՞ս է:

- Իհարկե, սա մեզ հասցված ամենածանր հարվածն էր: Սակայն բոլորն էլ գիտեն, որ ես շատ դժվարություններ եւ դժբախտություններ եմ տեսել ու կարողացել եմ  դրանք հաղթահարել: Մենք բարձրանում ենք այնքան, ինչքան ընկնում ենք: Եւ մենք դուրս ենք գալու այս վիճակից, ու ես այսօր արդեն կարող եմ հայտարարել, որ «Հանրապետություն» կուսակցության այս էջն այլեւս փակված է, եւ մենք մտածում ենք ապագայի մեր գործողությունների, մեր նպատակների իրականացման մասին: Ես գտնում եմ, որ տխուր պրագմատիզմը գրոշի արժեք չունի, որովհետեւ տխուր պրագմատիզմով սպանում ես մարդկանց ոգին: Հեշտ է ասել՝ ոչինչ չի լինի, իսկ լինելու դեպքում ասել, թե ես ամենաուրախն եմ: Հասարակությանը ոգեւորել եւ ակտիվացնել է պետք, ինչը արել է եւ անում է «Հանրապետություն» կուսակցությունը, ինչը արել եւ անում եմ ես։ 

- Հանրության մեջ որոշակի սպասումներ կան ձեր համագումարից, որ այն պետք է բեկում  մտցնի ներքաղաքական կյանքում։ Այդ սպասումներն արդարանալո՞ւ են։

- «Հանրապետություն» կուսակցությունն իր հստակ դիրքորոշումը Հայաստանի թե՛ ներքին, թե՛  արտաքին քաղաքականության եւ թե՛ ստեղծված իրավիճակից դուրս գալու ճանապարհների վերաբերյալ արդեն հայտարարել է։ Մենք կողմ ենք դեմոկրատական թավշյա հեղափոխությանը եւ գտնում ենք, որ միայն այս ճանապարհով հնարավոր կլինի ժողովրդին վերադարձնել իր իշխանությունը: Իսկ իշխանափոխության գործընթացը կարող է սկսել ամեն ինչից՝ ՏԻՄ ընտրություններից, դոլարի կուրսից, բենզինի գնի թանկացումից, սահմանադրական հանրաքվեից: Ցանկացած կայծ այս երկրում կարող է հեղափոխության ալիք բարձրացնել, եւ մենք ցանկացած կայծից օգտվելու ենք: «Հանրապետություն» կուսակցության համագումարն առաջարկելու է իրավիճակը շտկելու կոնկրետ քայլեր եւ դա է հանրության սպասելիքը մեզանից: 

- Պարոն Սարգսյան, ձեր հասցեին Բազեյանի հնչեցրած, թերեւս, ամենացավոտ մեղադրանքն այն է, որ դուք շեղվել եք Վազգեն Սարգսյանի նախանշած ուղուց:

- Այդ հարցին կարող էր պատասխանել միայն Վազգեն Սարգսյանն, ու որեւէ մեկն իրեն թող իրավունք չվերապահի նման հայտարարություններ անել: Իսկ Վազգեն Սարգսյանը, թող բոլորը համոզված լինեն, այդ հարցին կպատասխանի:

Նաիրա Զոհրաբյան

Տպել
1948 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում