Երևան
16 °C
Երեւանը ղեկավարելիս կարեւորվելու է երեւանցու խոսքը: Նման հայտարարություն արեց «Իմ քայլը» դաշինքի քաղաքապետի թեկնածու Հայկ Մարությանը՝ սեպտեմբերի 9-ին տեղի ունեցած մամուլի ասուլիսի ժամանակ: Դաշինքի նախընտրական ծրագրի առաջին կետում նշված է՝ մայրաքաղաքի հետ կապված մեծ հնչեղություն ունեցող հարցերի լուծումները պետք է որոշվեն հանրաքվեի միջոցով: Մարությանը, մանրամասնելով այս ծրագրային դրույթն, ընդգծեց. «Մենք ինքներս միանձնյա չենք որոշելու, սա անելու ենք Երեւանի բոլոր բնակիչներով: Ամեն մարդ, որն ունի Երեւանում գրանցում, նրա ձայնը որոշիչ է լինելու: Առաջին մասով հանրաքվեները լինելու են դիջիթեք: Քաղաքապետարանի կայքում լինելու է հանրաքվեների բաժին, որտեղ լինելու է քվեարկելու հնարավորություն: Առավել մեծ հարցերի շուրջ բուն իմաստով հանրաքվե է իրականացվելու»:
Տրանսպորտ
Իշխանական թիմը խոստանում է լուծել նաեւ հանրային տրանսպորտի խնդիրը: Նախընտրական ծրագրում նշված է, որ փոխվելու է տրանսպորտի համակարգը, ստեղծվելու է փոխադրման նոր ցանց: Մարությանի խոսքով՝ կանոնավոր ուղեւորափոխադրումներ են լինելու մինչեւ 24:00-ն, իսկ դրանից հետո մինչեւ գիշերվա 03:00-00:04-ն ընկած ժամանակահատվածում տրանսպորտը կաշխատի գիշերային ռեժիմով:
«Լինելու է միասնական տոմսային համակարգ, երբ տոմսը գնվում է մեկ անգամ, որը ոչ թե մեկ անգամ օգտագործման համար է, այլ երկարաժամկետ՝ մեկ օրից մինչեւ մեկ տարվա կտրվածքով: Այն մարդիկ, ովքեր մի քանի տրանսպորտ են օգտագործում, էժան տարբերակ է լինելու, տարբեր խմբերի մարդկանց համար լինելու է զեղչային համակարգ: Միեւնույն ժամանակ կպահպանվի նաեւ 100 դրամով միանգամյա ուղեւորափոխադրումը»,- մանրամասնեց քաղաքապետի թեկնածուն:
Հայկ Մարությանն ասաց, որ նախատեսում են նաեւ առնվազն մեկ մետրոյի կայարան կառուցել: Ըստ նրա՝ մասնագետների հետ եղել է քննարկում եւ նախագծանախահաշվային տվյալներով՝ շինարարության ծախսը կազմել է 50-100 մլն ԱՄՆ դոլար՝ կայարանի 1 կմ-ի աշխատանքները իրականացնելու համար. «Ուզում ենք մետրոյի «Գործարանային» կայարանն օգտագործել, որն այս օրերին գրեթե չի օգտագործվում: Կփորձենք ուսումնասիրել այդ մետրոյի շրջակայքը, այդտեղ նոր բիզնես, ուսումնական կենտրոններ կառուցել, որտեղ կաշխուժացնենք քաղաքային տնտեսությունը եւ բոնուս ստանալ մեկ մետրոյի կայարան»:
Ընդհանուր առմամբ՝ Երեւանի տրանսպորտային խնդրի լուծման համար, Հայկ Մարությանի փոխանցմամբ, անհրաժեշտ է 850 հազար եվրո:
Աղբահանություն
Նախընտրական հաջորդ խոստումը աղբահանությանն էր վերաբերվում: «Առաքելություն» կուսակցության քաղխորհրդի քարտուղար, թեկնածու Հրաչյա Սարգսյանը նշեց, որ անհրաժեշտ է սկսել մրցակցային պայմաններ ստեղծելուց եւ իրականացնել խիստ վերահսկողություն: Քաղաքական ուժը, ընտրվելու դեպքում, խոստանում է գործընթացներում ներգրավել նաեւ աղբահեռացում իրականացնող 2-րդ օպերատորին, ինչպես նաեւ հիմնել աղբի վերամշակման գործարան, տեղադրել տարբեր աղբամաններ, որի դեպքում հնարավոր կլինի տեսակավորել աղբը:
Համատիրություններ
ՔՊ անդամ, ավագանու 2-րդ համարը զբաղեցնող Սրբուհի Ղազարյանը ներկայացրեց համատիրությունների խնդիրը եւ նշեց, որ առաջարկում են սահմանափակել մեկ համատիրության մաս կազմող բազմաբնակարան շենքերի քանակը: Նա ընդգծեց՝ առաջնային է վերելակների վերանորոգումը եւ դրանք նորերով փոխարինելը:
«2002-ից ի վեր օրենքը ընդունվեց, ցավոք, չիրականցրեց այն դերակատարությունը, որն ի սկզբանե ներկայացվում էր: Դա ուներ երկու պատճառ՝ սուբյեկտիվ դրսեւորումներ նախկին իշխանությունների կողմից եւ օբյեկտիվ հիմք: Նախորդ տարիներին այն դարձել էր ըստ ընտրությունների ժամանակացույցի փող բաժանող, կամ փող հավաքող մի մարմին: Խնդիրները լուծելու համար առաջարկում ենք սահմանափակել մեկ համատիրության մեջ ընդգրկվող բազմաբնակարան շենքերի թիվը: Համատիրությունները տեղական ինքնակառավարման առաջնային օղակն են: Դա հիմք է, որի վրա պետք է կառուցվի Երեւանում տեղական ինքնակառավարումը»:
Շրջակա միջավայրի բարեկարգում
Նախընտրական ծրագրում ներառված է նաեւ շրջակա միջավայրի բարեկարգման հարցը: Մասնավորապես, ՔՊ-ն խոստանում է 500 հազար ծառ տնկել մայրաքաղաքի տարբեր հատվածներում, բարեկարգել բոլոր չգործող շատրվանները, կառուցել նորերը: Թափառող շների դեմ էլ պատրաստվում են պայքարել ստերջացման մեթոդով:
«Իմ քայլը» դաշինքի նախընտրական ծրագիրը եզրափակվում է Երեւանը խելացի քաղաք դարձնելու խոստմամբ: Լրագրողների հարցին՝ նշված ծրագրերը ի՞նչ ժամկետներում են իրականացվելու, քաղաքապետի թեկնածուն պատասխանեց.
«Այն ծրագրերը, որոնք ավելի կարճ ժամկետում կարող էր իրականացվել, մենք կարճ ժամանակում կիրականացնենք, որպեսզի երեւանցիները սկսեն մեզ հավատալ: Միեւնույն ժամանակ պարզ է, որ տրանսպորտի ոլորտի շտկումը 1 օրում, 10 օրում կամ 1 ամսում չես կարող անել, բայց աշխատանքները սկսվելու են առաջին օրից: Կարեւորը՝ կա քաղաքական կամք, որը դրդելու ու բրթելու է մեզ, որպեսզի իրականացնենք մեր բոլոր ծրագրերը»:
Հայաստանն ԱՄՆ-ի ու Եվրամիության հետ անվտանգային հարցեր չի քննարկելու. Ստանո
Ինչո՞ւ ադրբեջանական լրատվամիջոցը չի հրապարակել Արայիկ Հարությունյանի հետ հարցազրույցը
Ամերիաբանկը ճանաչվել է 2024 թ-ի լավագույն բանկը Հայաստանում ըստ Global Finance ամսագրի
«Վանաձոր» ՔԿՀ-ի 17 ծառայողի նկատմամբ կիրառվել է կարգապահական տույժ
«Crocus City»-ի գործով Տաջիկստանում ձերբակալվել է 9 մարդ
Տեղի է ունեցել ՀՀ պաշտպանության նախարարին կից կոլեգիայի նիստ (լուսանկարներ)
Շիրակում գործում է պետական ծառայությունների անվան տակ գործող ինքնակոչների խումբ. Կարեն Սարուխանյանը զգուշացնում է
Ալեքսեյ Սանդիկովը կգործուղվի Մոսկվա
Ծանրամարտի աշխարհի առաջնությունը տեղի կունենա Երևանում. Հայաստանի հայտը ճանաչվել է լավագույնը
ԱԺ պատգամավորները կգործուղվեն Բեռլին
5 հայ ծանրորդ կմեկնի Թայլանդ՝ մասնակցելու վարկանիշային աշխարհի գավաթին
Հայաստանում տեղումների դադար է, ջերմաստիճանը կբարձրանա 8-10 աստիճանով
«Հայաստանի հեռուստատեսային և ռադիոհաղորդիչ ցանց»-ի տնօրենը հրաժարականի դիմում է ներկայացրել
200 եվրո՝ 200 հազար դրամի փոխարեն. առցանց անմաքս առևտրի շեմը ենթարկվել է փոփոխության
Սյունիքի մարզում դատավոր է նշանակվել
Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները
Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում
Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում
Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)
Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք
«Երևան ավտոբուս» ընկերության տնօրենն աշխատանքից ազատման դիմում է ներկայացրել
Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում
Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին
Կարեն Գիլոյանը հետևել է հեծանվուղու և մարզադպրոցի կառուցման աշխատանքներին
Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը
Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ
Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել
Երբ է սպասվում դեղձենու մասսայական ծաղկումն Արարատյան դաշտում
«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին
Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է
Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ
Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում
Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է
Լեհաստանը զորքեր կուղարկի Ֆրանսիա
Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները
Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ
Այրվել է վագոն-տնակ՝ ներսում եղած իրերով
Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը
Երևանի և 2 մարզի որոշ հասցեներ մի քանի ժամով կհոսանքազրկվեն
Բախվել են «Նիսսան» և «ՎԱԶ» մակնիշի ավտոմեքենաներ
© 2024 Հայկական ժամանակ