Ինքնահրկիզված քաղաքացու կյանքին վտանգ է սպառնում. վարչապետի այցի ձևից Դավիդյանը զարմացած է

Երեւանի Հանրապետության հրապարակում՝ կառավարության շենքի գլխավոր մուտքի մոտ սեպտեմբերի 9-ին ինքնահրկիզման դիմած քաղաքացու վիճակը շարունակում է մնալ ծայրահեղ ծանր: 49-ամյա Ա. Պ-ն գտնվում է Ճառագայթային բժշկության եւ այրվածքների հանրապետական գիտական կենտրոնում: Տնօրեն Նորայր Դավիդյանը, պատասխանելով մեր հարցին, տեղեկացրեց, որ տուժածի կյանքին վտանգ է սպառնում: Նա շնչում է արհեստական շնչառության սարքի միջոցով եւ գիտակցություն չունի: Բուժհաստատության տնօրենն ասաց, որ ինքնահրկիզման դիմած տղամարդուն այս ընթացքում որեւէ հարազատ չի այցելել: Ըստ որոշ տեղեկությունների՝ նա միայն մեկ քույր ունի:

Ճառագայթային բժշկության եւ այրվածքների հանրապետական գիտական կենտրոնի ղեկավարը նաեւ փոխանցեց, որ սեպտեմբերի 9-ի երեկոյան, երբ ինքն արդեն աշխատավայրից տուն էր գնացել, այրվածքներ ստացած քաղաքացուն է այցելել վարչապետ Նիկոլ Փաշինյանը: Դավիդյանը չթաքցրեց իր զարմանքն ու ոգեւորությունը՝ կապված վարչապետի այցելության ձեւի հետ: «Եկել է, բարձրացել վերեւ, ոչ մեկին նեղություն չի տվել: Հիվանդին նայել է, հերթապահ բժշկի հետ խոսել է, մի հիվանդ երեխա է եղել, նրա հետ խոսել, գնացել է: Մինչեւ ինձ իմաց տվին, եկա, վարչապետն արդեն այդտեղ չէր»,- ասաց Նորայր Դավիդյանը:

Նա նկատեց, որ բավական երկար այս տարիների ընթացքում, ինչ ինքը ղեկավարում է նշված առողջապահական հաստատությունը, այս կամ այն առիթով այստեղ են այցելել թերեւս բոլոր բարձրաստիճան պաշտոնյաները, բայց այդ այցերը երբեք անսպասելի չեն եղել: Բուժկենտրոնի ղեկավարները նախապես տեղյակ են պահվել: Շքախմբով ու, որպես կանոն, տեսախցիկների ուղեկցությամբ ժամանած հյուրին շուքով դիմավորել են մուտքի մոտ եւ ուղեկցել, իսկ դրանից որոշ ժամանակ առաջ էլ պաշտոնյայի անվտանգության ծառայության աշխատակիցներն են այցելել հաստատություն, ուսումնասիրել տարածքը:

«Վարչապետը՝ երկրի առաջին դեմքը, նույնիսկ առանց առողջապահության նախարարի ուղեկցության էր եկել: Իմ կարծիքով՝ դա մարդկային մոտեցում է»,- ընդգծեց Նորայր Դավիդյանը՝ նշելով, որ ինքը դա նկատում ու գնահատում է, չնայած որ քաղաքական այլ ուժի ներկայացուցիչ է: Դավիդյանն, ինչպես հայտնի է, Հայ հեղափոխական դաշնակցություն կուսակցության անդամ է:

Ինչ վերաբերում է հարցին, թե ինչը կարող էր 49-ամյա Ա. Պ.-ին դրդել ինքնահրկիզման, դեռեւս պարզ չէ: ՀՀ ոստիկանության հասարակայնության հետ կապի եւ լրատվության վարչությունից պատասխանեցին, որ քննություն է տարվում, իսկ երեկ քաղաքացին հնարավորություն չի ունեցել որեւէ հաղորդում, հայտարարություն տալու:

Տպել
15780 դիտում

Պետություն-հասարակություն հարաբերությունների հիմնաքարը

Փրկարարները դադարեցրել են արդեն 3 օր կորած համարվող քաղաքացու որոնողական աշխատանքները

Նորմերի խախտման դեպքերով երեկվա դրությամբ կայացվել է 4372 կազմակերպության գործունեության դադարեցման որոշում

Շենգավիթ վարչական շրջանում վերահսկողություն է իրականացվել հանրային տրանսպորտում

Կուրթան համայնքի 5 բնակիչ սնկային թունավորմամբ տեղափոխվել է հիվանդանոց. 2-ի վիճակը ծանր է

Ադրբեջանի ՊՆ-ն հայտնում է 2 սպանվածի ու 5 վիրավորի մասին

Նուբարաշենի աղբավայրում hրդեհաշիջման աշխատանքները վերսկսվել են. աշխատանքներ են տարվում արդեն մի քանի օր

Ինչպես է բերման ենթարկվել «Վստրեչի ապեր»-ը. ոստիկանությունը տեսանյութ է հրապարակել

Շենգավիթ վարչական շրջանում խախտումներ են արձանագրվել միայն մեկ խանութում

Ադրբեջանի ԶՈՒ զինծառայողները ՈՒԱԶ մակնիշի ավտոմեքենայով Տավուշի սահմանը հատելու փորձ են արել. ՊՆ

Ոստիկանությունը հուլիսի 11-ին հայտնաբերել է արտակարգ դրության իրավական ռեժիմի խախտման 3516 դեպք

Հայաստանը ներկայացրել է ՄԱԿ-ի կայուն զարգացման նպատակների իրականացման Ազգային կամավոր գնահատման երկրորդ զեկույցը

Շենգավիթ վարչական շրջանի զբոսաշրջային վայրերում կրկնակի շրջայցի արդյունքում խախտումներ չեն հայտնաբերվել

Արցախում տարբեր զինատեսակների հմտություններն են սովորում ԱԱԾ հատուկ նշանակության վարչության տղաները. հետեւել է նախագահը

UNESCO-ն բազմիցս իր մտահոգություններն է հայտնել Թուրքիայի Սբ. Սոֆիայի կարգավիճակի հարցով

Այսօր ու վաղը սպասվում են ամպրոպային բնույթի ինտենսիվ անձրևներ, տեղ-տեղ՝ կարկուտ, ուժեղ քամի

Հիբրիդային պատերազմ սեփական ժողովրդի դեմ

Նոր մանրամասներ Երևանում ռումբի տեղադրման կեղծ ահազանգից․ ոստիկանություն է հրավիրվել Մանվել Գրիգորյանի փաստաբանը

ՃՈ-ն պարզում է Երևանում դիվանագիտական համարանիշներով վթարի մասնակից Mercedes-ի վարորդի ինքնությունը

Այսօր կիրականացվի 2 չվերթ դեպի Հայաստան՝ Ղազախստանից ու Բելառուսից