Խորհրդարան.  Ռաֆիկ Պետրոսյանը կազակ որդի՞ ունի

12/09/2018 schedule15:50

Տպագրվել է «Հայկական Ժամանակ» օրաթերթի՝ 2005 թվականի սեպտեմբերի 10-ի համարում

Սահմանադրական փոփոխությունների հարցով հրավիրված արտահերթ նստաշրջանը, բացի Արմեն Աշոտյան-ընդդիմություն լեզվամարտից, սկիզբ դրեց մեկ այլ վենդետայի: Ու եթե առաջին հակամարտությունը կարելի է համարել սպառված, ապա ԱԺ պետաիրավական հարցերի մշտական հանձնաժողովի նախագահի եւ «Ազգային միաբանության» անդամ Գագիկ Կոստանդյանի միջեւ արտահերթ նստաշրջանի ընթացքում սկիզբ առած թշնամությունը նորանոր երանգներ է ստանում: Չբավարարվելով խորհրդարանի ամբիոնից փոխադարձաբար հնչած գող, կաշառակեր, անգրագետ, հարամ որակումներից՝ Գագիկ Կոստանդյանն այդ հակամարտությանը նոր ընթացք է տալիս:

Մասնավորապես, երեկ մեզ հետ զրույցում «Ազգային միաբանություն» խմբակցության անդամը խորհուրդ տվեց գնալ Նոր Նորքի թաղապետարան, զրուցել հավաքարարների հետ եւ պարզել, թե ամեն առավոտ թաղապետ Դավիթ Պետրոսյանի աշխատասենյակից թղթերի փոխարեն ի՞նչ է հավաքում հավաքարարը: Եւ եթե վստահենք Կոստանդյանին հասած տեղեկություններին, հավաքարարներն ամեն առավոտ թաղապետի աշխատասենյակից հավաքում են թմրադեղերի օգտագործված ներարկիչներ եւ օղու դատարկ շշեր: Գագիկ Կոստանդյանը, վստահելով Նոր Նորքում տարածված համառ լուրերին եւ հավաքարարների վկայություններին, եզրակացնում է, որ թաղապետ Դավիթ Պետրոսյանը, որը Ռաֆիկ  Պետրոսյանի որդին է, թմրամոլ է: Սա՝ Պետրոսյանի առաջին որդու մասով:

Պարզվում է, բանի պետք չէ նաեւ ԱԺ պետաիրավական հարցերի մշտական հանձնաժողովի նախագահի երկրորդ որդին, որն աշխատում է Էջմիածնի առաջին ատյանի դատարանում: Գագիկ Կոստանդյանը խորհուրդ է տալիս գնալ Էջմիածին եւ հարցնել, թե ո՞վ է իրենց քաղաքում ամենակոռումպացված դատավորը, եւ բոլորը կպատասխանեն՝ Ռաֆիկ Պետրոսյանի որդի Տիգրան Պետրոսյանը: Սա էլ՝ երկրորդ որդու մասով: Եթե վստահենք Գագիկ Կոստանդյանին, ապա Ռաֆիկ Պետրոսյանի  բախտը չի բերել նաեւ երրորդ որդու՝ Մհերի մասով, եւ վերջինս, աշխատելով դատախազությունում, ինչ-ինչ օրինախախտումներ է թույլ տվել: Սակայն Պետրոսյանի նախորդ երեք որդիները ոչինչ են նրա չորրորդ որդու համեմատությամբ:

Նա, ըստ Կոստանդյանին հասած լուրերի, Կրասնոդարի կազակների ատամաններից է եւ անձամբ է մասնակցել հայկական գերեզմանների պղծմանը: Համենայնդեպս, Կոստանդյանը վստահեցնում է, որ Պետրոսյանի ատաման որդու մասին խոսում է ողջ Նոր Նորքը: Այդուհանդերձ, «Ազգային միաբանության» անդամի պրետենզիաները միայն Պետրոսյանի որդիներով չեն սահմանափակվում: Գագիկ Կոստանդյանը հայտարարում է, որ ԲԽՍՍ-ում իր աշխատած տարիներին ինքը զբաղվել է բուհերում կոռուպցիայի դեպքերով եւ ժամանակին օպերատիվ տեղեկություններ է ստացել Համալսարանի դասախոս Ռաֆիկ Պետրոսյանի կողմից կաշառք վերցնելու կոնկրետ դեպքերի վերաբերյալ: Սակայն Պետրոսյանը կոմկուսում ունեցել է հզոր թիկունք, եւ այդ գործերին ընթացք չի տրվել:

Այժմ Կոստանդյանը պատրաստ է պատկան մարմիններին հուշել, թե ո՞ր արխիվներում են պահվում Ռաֆիկ Պետրոսյանի մասով ստացված օպերատիվ տեղեկությունները: Մեզ, իհարկե, չհաջողվեց պարզել, թե ինչպե՞ս է արձագանքել Ռաֆիկ Պետրոսյանի կինը, երբ լսել է, որ իր ամուսինը, բացի համատեղ ունեցած երեք որդիներից, էլի որդի ունի, այն էլ՝ կազակ ատաման, այն էլ՝ հայկական գերեզմաններ պղծող, սակայն Ռաֆիկ Պետրոսյանը մեզ հետ զրույցում վստահեցրեց, որ բացի իր երեք հայտնի որդիներից, ինքը չորրորդ, հինգերորդ կամ վեցերորդ որդի, այն էլ՝ ատաման, չունի: Իսկ Գագիկ Կոստանդյանին հոկտեմբերի 2-ից հետո, երբ կավարտվեն Նոր Նորքի թաղապետական ընտրությունները, Ռաֆիկ Պետրոսյանը դատի է տալու.

«Այդ լկտի տականքի հարձակումները մի նպատակ են հետապնդում, որպեսզի որդիս, թողած թաղապետական ընտրությունները, իր հետ մտնի կռվի մեջ, եւ ընտրությունները տապալվեն: Մեր ընտանիքն առայժմ նրան արհամարհելու է, բայց հենց ընտրությունների հաջորդ օրը դիմելու եմ գլխավոր դատախազություն, որպեսզի այդ տականքի զրպարտությունների առիթով հարուցվի քրեական գործ: Ամեն տեղ հայտարարում է, թե ինձ հետ կապված կաշառակերության փաստեր ունի: Ուրեմն, դատախազությունը գործը կհարուցի, իրեն կկանչեն հարցաքննության, եւ թող ցույց տա այդ արխիվների տեղերը, որոնց մասին ամենուր թմբկահարում է: Ինչ վերաբերում է իմ որդիների՝ Դավիթի եւ մյուսների հասցեին նրա զրպարտանքներին, որոնք նա ամեն տեղ շաղ է տալիս, ապա դրանք լկտի ստեր են:

Զրպարտանքը նրա ձեռագիրն է. անցյալ տարի էլ Համալսարանի հայոց լեզվի ամբիոնի վարիչի մասին էր հայտարարում, թե հայերեն չգիտի, որովհետեւ իր քրոջ աղջկան անբավարար էր նշանակել: Հիմա էլ տղաներին չեն նշանակում՝ կրկին կատաղել է: Այն մարդը, որը 12 տարում մի կերպ ավարտել է իրավաբանական ֆակուլտետը, իրավունք չունի թքելու  այն աղբյուրի մեջ, որից ջուր է խմել: Բայց նա այս օրերին արդեն անցել է բոլոր սահմաններն, ու ես խոստանում եմ, որ չի մարսելու: Այդ ամենի համար նա պատասխան է տալու դատական ատյանների առաջ»,- խոստանում է Ռաֆիկ Պետրոսյանը: Իսկ խորհրդարանական հակամարտությունների գծով հաշտարարի դեր ստանձնած Գալուստ Սահակյանն այն կարծիքին է, որ ողջ այս ռազբորկաները ուղիղ եթերի հետեւանքներն են, երբ պատգամավորները, ընկնելով էքստազի մեջ, մոռացան Սահմանադրությունն ու նիստերը վերածեցին մի կաթիլ մեղրի պատմության: 

Նաիրա Զոհրաբյան

Տպել
1016 դիտում

ՄԻՊ-ը վաղ առավոտից իրականացնում է ՀՀ համայնքներում տեղի ունեցող ընտրությունների դիտարկում

Վրաստանի քաղաքացին Լոռու մարզում վրաերթի է ենթարկել 23-ամյա աղջկա

Արտակարգ դեպք Արմավիրի մարզում. գիշերը փորձել են թալանել Արմավիրի մարզպետարանը

Փակ են Արագածոտնի մարզի 11 համայնքների միջհամայնքային ճանապարհներ, այլ ճանապարհների առկա է մերկասառույց

Հայաստանի 24 համայնքներում այսօր ՏԻՄ ընտրություններ են անցկացվում

Հիմա, ըստ էության, ես ընդհատակում եմ, որովհետեւ ապրում եմ մի տեղում, որն ընդհատակ է․ Նիկոլ Փաշինյան

«Երկրի հակառակ կողմը»-ը գործողության մղող հիմնական շարժառիթը դարձավ». Նիկոլ Փաշինյանը մասնակցել է իր գրքի քննարկմանը

Անգելա Մերկելին ու Լիտվայի նախագահին ես անվանում եմ եվրոմամաներ կամ եվրոքույրիկներ․ Նիկոլ Փաշինյան

Արմեն Սարգսյանը հանդիպել է Կատարի էմիր Շեյխ Թամիմ բին Համադ Ալ Թանիի հետ

ՀՀ ոստիկանությունում օպերատիվ խորհրդակցություն է տեղի ունեցել

2018 թվականի լավագույն պարեկային ոստիկան է ճանաչվել ենթասպա Տիգրան Սարգսյանը

Հանդիպել են Հայաստանի եւ Իրանի արտգործնախարարները

ՀՀ ԱԳ Զոհրաբ Մնացականյանը հանդիպել է Խորվաթիայի ԱԳ նախարար Մարիա Պեյչինովիչ Բուրիչին

Հանդիպել են Զոհրաբ Մնացականյանն ու Լավրովը, անդրադարձ են կատարել ղարաբաղյան հիմնախնդրի խաղաղ կարգավորման գործընթացին

Այս տարի շինարարական աշխատանքների նկատմամբ հսկողությունը լինելու է առավելագույն խիստ․ Երեւանի փոխքաղաքապետ

Զոհրաբ Մնացականյանը հանդիպել է Լիխտենշտայնի արտաքին գործերի, մշակույթի եւ արդարադատության նախարար Աուրելիա Ֆրիքի հետ

Արմեն Սարգսյանը Պարենի համաշխարհային ծրագրի գործադիր տնօրենի հետ խոսել է երկկողմ շահավետ փոխգործակցության մասին

Ակնկալում եմ, որ ՊԵԿ-ը հանրությանը ներկայանա բոլորովին նոր կերպարով եւ այն չլինի ուղղակի փիառ գործիք. Նիկոլ Փաշինյան

Արմեն Սարգսյանը չի համագործակցում որեւէ կուսակցության հետ․ պարզաբանում

Փնտրտուքներ. ընդդիմությունը չի գտնում իր ֆասադը