Դուք ընտրելու եք մարդու, ով սկսել է մինուսից, մի խեղճացեք չունենալուց, ես ավելի վատ վիճակում եմ եղել. վարչապետ

Մեր քաղաքական թիմի առաքելությունն է, որ ձեր աչքերի փայլը չխամրի, այլ ամեն օր ուժեղանա եւ փոխանցվի բոլորին: Այսօր «Իմ քայլը» դաշինքի նախընտրական հանրահավաքի ժամանակ ասաց ՀՀ վարչապետ Նիկոլ Փաշինյանը: Այնուհետ վարչապետը խոսեց այն մասին թե ինչու են քաղաքապետի թեկնածու առաջադրել Հայկ Մարությանին:

«Այս հարթակին կանգնած մարդկանցից ցանկացած մեկը կարող էր լինել քաղաքապետի թեկնածու, բայց այդ ժամանակահատվածում քաղաքապետի թեկնածու անձի մեջ կարեւոր համարեցինք, թե ինչ ուղերձ է դրված լինելու: Հայկ Մարությանը մի մարդ է, որ իր չարչարանքով, քրտինքով, գիշեր-ցերեկ աշխատելով ստեղծել է իր ապագան: Իր անունը իր հորեղբայրը, քեռին, կաշառքը, ծանոթը չի ստեղծել, իր անունը ստեղծել է իր ամենօրյա աշխատանքը: Ինչու՞ է սա կարեւոր, որովհետեւ, եթե Հայկը սպասեր, թե երբ է որեւէ նախարար, վարչապետ իրեն ձեռք մեկնելու, որ ինքը ոտքի կանգնի, ապա հնարավոր է, որ նա մինչեւ հիմա սպասեր: Ինձ համար ամենակարեւոր սիմվոլը սա է: Ես ասել եմ, որ նոր Հայաստանում պետք է աշխատանքը կարեւորվի, խրախուսվի: Այն ժամանակ, երբ ինքը որոշեց անել եւ արեց. նա ստեղծեց Հայաստանի ամենահայտնի բրենդներից մեկը՝ «Կարգին հաղորդումը»: Սա ունենալու համար պետք է ունենալ տաղանդ, հմտություններ: Հայկի թեկնածությունը պաշտպանելով՝ ես ուզում եմ ասել, որ ձեզանից յուրաքանչյուրը կարող է իր ոլորտում անել նույնը: Ես հավատում եմ ձեր ուժերին»,- ասաց ՀՀ վարչապետը:

Այնուհետ Նիկոլ Փաշինյանը նշեց, որ վարչապետի պաշտոնում ինքը զգում է՝ հարյուր հազարավոր մարդիկ սպասում են կառավարության հարց լուծելուն: «Իշխանափոխություններից հետո տեղի են ունենում տնտեսական ցնցումներ, բայց ՀՀ-ում նման բան չի եղել, սակայն մենք ասում ենք, որ առկա աճը մեզ չի բավարարում: Ինձ համար ծանր է, որ մարդիկ սպասում են, որ կառավարությունը իրենց խնդիրները լուծի, բայց կառավարությունն այն արագությամբ չի լուծում իրենց խնդիրները, որին դուք սպասում եք: Ի՞նչ կապ ունի այստեղ Հայկ Մարությանը: Ես երբ ասում եմ, հավատում եմ ձեզ... կառավարությունն այսօր ստեղծել է հավասարություն: Բոլորը հավասար են օրենքի, հարկայինի, մաքսայինի առաջ: Ուզում եմ, որ Հայկի օրինակը շատերին ոգեշնչի, որ չսպասեն կառավարությունը իրենց խնդիրները լուծի, իրենք ուղղեն իրենց մեջքը, լուծեն իրենք խնդիրները եւ առաջ գնան: Պարտադիր չէ, որ բոլորը խանութ բացեն եւ ինչ-որ բան վաճառեն»,- ասաց նա:

Անդրադառնալով այն կարծիքներին, որ պաշտոնյաները չունեն կառավարման փորձ՝ վարչապետը նշեց, որ Հայկ Մարությանին պետք չէ նախկինի փորձը, քանի որ դա վնասելու է: «Հայկ Մարությանը ձեր առաջ կարող է սխալներ գործել, բայց ձեզ երբեք չի խաբի»:

«Դուք ընտրելու եք մի մարդու, ով սկսել է մինուսից, բացարձակ մինուսից: Ես ձեզ հորդորում եմ, մի խեղճացեք չունենալուց, աղքատությունից, որովհետեւ ձեր վարաչապետն է դարձել մի մարդ, ով շատ ավելի վատ վիճակում է եղել, ուղղեք ձեր մեջքը ու մի վհատվեք, որովհետեւ դուք ՀՀ հպարտ քաղաքացիներն եք ու ձեր դեմ խաղ չկա:

Շատ ասեցին, որ Հայաստանում նոր բռնապետ է ծնվում՝ նկատի ունենալով ինձ: Ես գիտեմ, որ ՀՀ-ում այլեւս երբեք չի կարող լինել բռնակալ կամ բռնապետ ոչ թե նրա համար,  որ ավելի վատն են, քան նախորդները, այլ որովհետեւ կարող են ասֆալտին պառկեցնել ցանկացած բռնակալի ու բռնապետի:

ՀՀ-ում չի կարող լինել բռնակալ, որովհետեւ կա նրա դեմն առնող քաղաքացի ու այդ քաղաքացու դեմ խաղ չունի անգամ վարչապետ Նիկոլ Փաշինյանը, չունի Հայկ Մարությանն ու չունի առհասարակ ոչ ոք:

Ես ձեզ խնդրում եմ, սեպտեմբերի 23-ին գնացեք ընտրական տեղամասեր եւ երբեք մի մտածեք, թե ինչպես է քվեարկելու ձեր հարեւանը կամ բարեկամը կամ ընտանիքի անդամը, մեզ համար կարեւոր է միայն ու միայն 1 ձայն եւ այդ ձայնը ձեզնից յուրաքանչյուրինն է ու մեզ համար կարեւոր է այդ ամեն մեկ ձայնը:

Հիշու՞մ եք, երբ Հանրապետության հրապարակում ինձ սկսել էին անվանել հեղափոխության առաջնորդ, ես ասում էի, որ այս հեղափոխությունն ու երկիրն ունի 1 առաջնորդ եւ այդ առաջնորդը դու՛ ես»,-մի քանի անգամ ասաց Նիկոլ Փաշինյանն ու մատնացույց արեց ժողովրդին:

Այնուհետ շարունակեց. «Եվ ուրեմն, սեպտեմբերի 23-ին գնա՛ ընտրական տեղամաս եւ հաստատի՛ր քո առաջնորդությունը Հայաստանի Հանրապետությունում, քո առաջնորդությունը Երեւան մայրաքաղաքում: Եվ ուրեմն, կեցցե՛ Հայաստանի Հանրապետությունը, կեցցե՛ Հայաստանի Հանրապետության մայրաքաղաքը եւ կեցցե՛ ձեզնից յուրաքանչյուրը, որ ապրելու է ազատ ու անկախ հայրենիքում:

Հայաստա՛ն:

Սիրում եմ բոլորիդ, հպարտանում եմ բոլորովդ, համբուրում եմ բոլորիդ»:

Վարչապետի ելույթից հետո ժողովուրդը միաձայն վանկարկում էր «Հայկո՛», «Հայկո՛»: Վարչապետը հեռացավ՝ գրկախառնվելով, ձեռքով բարեւելով, գրկելով, ողջունելով հավաքված մարդկանց մեծ բազմությանը, մարդիկ մոտենում ու համբուրում էին նրան, գրկախառնվում, իսկ Հայկ Մարությանը նշեց, որ կհանդիպեն սեպտեմբերի 23-ին՝ ընտրատեղամասերում:

Տպել
2976 դիտում

ԵՊՀ հոգաբարձուների նոր խորհուրդը օրակարգային հարց կդարձնի՞ ռեկտորի հետագա պաշտոնավարման նպատակահարմարությունը

Շիրակի մարզպետի տեղակալը պաշտոնից ազատվելու դիմում է գրել

Դատավոր Արսեն Նիկողոսյանի տրամադրվածությունն ակնհայտ էր. Մանվել Գրիգորյանի պաշտպանները ստացել են դատարանի որոշումը

Ալիևը մեկնաբանել է Ադրբեջանի՝ ՀԱՊԿ անդամակցության հավանականության հարցը

Նիկոլ Փաշինյանն ու Իլհամ Ալիեւը հանդիպել են, մտքեր փոխանակել շուրջ 1,5 ժամ

Հանդիպել են Ղազախստանում ՀՀ դեսպանն ու երկրի պետական քարտուղարը

Այս պարագայում ես կարծիք չունեմ. դպրոցի տնօրենը՝ նախարարի ֆեյսբուքյան գրառման մասին

Նիկոլ Փաշինյանը հանդիպել է Բրազիլիայի նախագահի, Լյուքսեմբուրգի և Եգիպտոսի վարչապետների հետ

Ռոբերտ Քոչարյանի պաշտպանները երեկ ստացել են դատարանի որոշումը

Արարատ Միրզոյանն ընդունել է ՀՀ-ում Շվեդիայի Թագավորության դեսպանին

Վաղարշյան 1 հասցեի վիճաբանությունը կրակոցներով չի սահմանափակվել. բնակիչներն ահազանգում են՝ իրենց ահաբեկում են

Նիկոլ Փաշինյանը Դավոսում հանդիպելու է Իլհամ Ալիևի հետ

Հայտարարություն մրցույթի մասին

Նիկոլ Փաշինյանը հարցազրույցներ է տվել միջազգային առաջատար մի շարք լրատվամիջոցների

Մի երկու տարի կնստես, կհելնես, գողական աղջիկ կդառնաս. հետաքննիչները հերքել են Հասմիկ Սարգսյանի ցուցմունքները

Մեղադրանք է առաջադրվել 20-ամյա երիտասարդին՝ ատրճանակով ու պայթուցիկով սպառնալու, ավազակության համար

Կապված Լարսի ճանապարհների փակ լինելու հետ՝ հեղուկ գազի որոշակի դեֆիցիտ է առաջացել. Շաբոյան

ՀՀ ֆուտբոլի ֆեդերացիան կանանց 3 ազգային ընտրանի կունենա

Նվազել են գրիպով պայմանավորված շտապօգնության կանչերը և հոսպիտալացման դեպքերը

Կրակոցներ Արարատի մարզում. կան վիրավորներ ու վնասված ավտոմեքենաներ