Միասին հանուն զարգացող, բարեկարգ ու համահայկական Երեւանի. ՀՅԴ նախընտրական ծրագիրը

Հայ հեղափոխական դաշնակցություն կուսակցությունը, որը Երեւանի ավագանու արտահերթ ընտրություններին հանդես է գալիս «Միասին հանուն Երեւանի» կարգախոսով, երեւանցիներից ակնկալում է վստահության քվե՝ նշելով, որ իրենց թիմը լավ գիտի Երեւանի ու երեւանցիների խնդիրներն ու դրանց լուծման ճանապարհները:

Իսկ որո՞նք են այդ խնդիրներն ու դրանց լուծումները՝ ըստ ՀՅԴ-ի:

Դաշնակցությունն իր նախընտրական ծրագրում նշում է, որ նպատակ ունի միասնական տրանսպորտային համակարգ ստեղծել ու կիրառել անվտանգ երթեւեկության ժամանակակից մեխանիզմներ, բեռնաթափել երթեւեկությունը: Նախընտրական քարոզարշավի երրորդ օրը՝ երեկ, ՀՅԴ քաղաքապետի թեկնածու Միքայել Մանուկյանը քաղաքացիների հետ զրույցում ասաց, որ հնարավորություն կա այնպես անել, որ մարդը մեկ անգամ երթուղայինի տոմս գնի եւ դրանով կարողանա մի քանի անգամ երթեւեկել: Սակայն ինչպես է դա իրականացվելու՝ Մանուկյանը չմեկնաբանեց:

ՀՅԴ-ն իր ծրագրում խոսում է նաեւ մետրոյի կայարանների թիվն ավելացնելու մասին: Խոսքը, մասնավորապես, Աջափնյակի նոր կայարանի մասին է: Ի դեպ, նման խոստում տալիս են նաեւ արտահերթ ընտրություններին մասնակցող այլ քաղաքական թիմեր:

Հաջորդ խնդիրը, որի մասին նշում են դաշնակցականները, վթարային շենքերի հիմնահարցն է: Վերջիններս նպատակ ունեն կարգավորել այդ շենքերն ու ամրապնդել սեյսմիկ անվտանգության մեխանիզմները: Նախատեսվում է նաեւ վերազինել վերելակներն ու կարգավորել դրանց անվտանգ շահագործման հետ կապված խնդիրները:

Հանուն կանաչ եւ գեղեցիկ Երեւանի՝ ՀՅԴ-ականները պատրաստվում են պահպանել եւ ավելացնել այգիները, կանաչ գոտիները, ջրավազաններն ու շատրվանները, Երեւանյան լիճն ու նրան հարող տարածքը վերածել հանրային հանգստի գոտու:

ՀՅԴ կուսակցության նախընտրական ծրագրում նշված է, որ իրենք պատրաստվում են խիստ վերահսկողություն սահմանել ճարտարապետաշինարարական գործունեության նկատմամբ: Դաշնակցականները պլանավորում են կառուցել կենտրոնացված բազմահարկ ավտոկայանատեղիներ, կասեցնել հողօգտագործումն ու կարգավորել ապօրինի շինությունների հիմնախնդիրը:

Հայ հեղափոխական դաշնակցություն կուսակցության անդամները հատուկ ուշադրություն են դարձնելու, մասնավորապես աղբահանության խնդրին: Վերջիններս նախատեսում են ստեղծել աղբի տեսակավորման ու էկոլոգիական վերամշակման տնտեսություն: Ի դեպ՝ ՀՅԴ-ական երիտթեւն իր նախընտրական քարոզարշավի ընթացքում արդեն սկսել է զբաղվել այս գործով:

Այս կուսակցության նախընտրական ծրագրում նշված է նաեւ մանկապարտեզների ցանցի ընդլայնման, կրթօջախների շենքային բարելավման, ՏՏ կրթության կենտրոնների ստեղծման խթանման ու շնորհալի երիտասարդներին տարբեր ծրագրերի իրականացման աջակցության մասին:

Հանուն մշակութային Երեւանի՝ ՀՅԴ-ի ավագանու թեկնածուները խոստանում են պահպանել Երեւանի պատմամշակութային արժեք ներկայացնող կառույցներն ու հատուկ ուշադրություն դարձնել արվեստի դպրոցներին եւ մշակութային հաստատություններին: Նախատեսում են նաեւ ընդլայնել մարմնակրթական եւ գեղագիտական կենտրոնների ցանցը:

Դաշնակցության անդամները պատրաստվում են մշակել եւ ներդնել սոցիալական բնակֆոնդի հայեցակարգ, երիտասարդ եւ բազմազավակ ընտանիքներին անհատույց կամ ցածր վարձավճարով տրամադրել բնակարաններ, ստեղծել տարեցների խնամքի եւ ժամանցի կենտրոններ: Տեղաշարժվելու սահմանափակ հնարավորություն ունեցողների համար ՀՅԴ-ն խոստանում է ապահովել լիարժեք միջավայր:

ՀՅԴ-ն նպատակ ունի Երեւանը դարձնել համահայկական մայրաքաղաք, որի համար, ինչպես նշված է կուսակցության նախընտրական ծրագրում, պատրաստվում են ապահովել Երեւանի յուրաքանչյուր վարչական շրջանի ուղղակի կապը սփյուռքի խոշոր բնակավայր քաղաքներից մեկի հետ՝ գործնական, տնտեսական ու մշակութային առումներով, հանդես գալ համահայկական նշանակության միջոցառումների անցկացման նոր նախաձեռնություններով:

Տպել
1885 դիտում

Մարտի մեկը պետք է քննություն անցնի, ես կարծեմ 2009-ին ցուցմունք չեմ տվել. Խաչատուր Սուքիասյան

Ամուլսարի շահագործմանը փայլուն եմ վերաբերվում. Խաչատուր Սուքիասյան

Պետք է զարգացնենք հայոց պետականության նվիրական արժեքը. Արման Թաթոյան

100 փաստերը չեն տալիս ելակետային տվյալներ, որպեսզի համեմատություններ անցկացվեն. Վարդանյան

Փոխվարչապետ Ավինյանն Ուրբասեր ընկերության պատվիրակության հետ քննարկել է բիզնես և ներդրումային միջավայրի հարցեր

ՀՀ պաշտպանության նախարարն ընդունել է Բելառուսի զինված ուժերի գլխավոր շտաբի պետին

Հայաստանի ազատ ոճի ըմբիշները ձեռնունայն կվերադառնան Աշխարհի առաջնությունից

Ադրբեջանում գտնվող Ղազարյանները պետք է վերադարձվեն Հայաստանին. Զոհրաբ Մնացականյան

Ծանրամարտի Աշխարհի առաջնություն. Իզաբելա Յայլյանը 6-րդն է B խմբում

Վարչապետը շնորհավորական ուղերձ է հղել Մալթայի վարչապետին Անկախության օրվա կապակցությամբ

Գյումրիում տոնը շարունակվում է (լուսանկարներ)

ՀՀ վարչապետի գլխավորած պատվիրակությունը Գյումրիից մեկնել է ԱՄՆ

Ամենօրյա պայքար հանուն անկախության

Իմ դեմ կեղծ ցուցմունք են տվել. Վայոց ձորի մարզպետը՝ իր օգնականի մասնակցությամբ միջադեպի մասին

Քաջարան-Մեղրի ավտոճանապարհին մառախուղ է՝ տեսանելիությունը 1-2 մետր

Միայն հարգանքից ելնելով է առաջարկվել Վանեցյանի եւ Օսիպյանի ազատումը ձևակերպել հրաժարականի դիմումներով. ԱԺ նախագահ

«Մուլտի Գրուպ» կոնցեռնի տնօրենին մեղադրանք է առաջադրվել նաև առանձնապես խոշոր չափի փողերի լվացման համար. ՔԿ

Մենք ունենք 2 պետություն, բայց 1 հայրենիք եւ մեր նպատակը 1 պետություն, 1 հայրենիք ունենալն է. Դավիթ Բաբայան

Հայաստան է ժամանել Բելառուսի Զինված ուժերի գլխավոր շտաբի պետը

Ես Արցախ եմ հրավիրելու այս բոլոր մրցանակակիրներին և նորից մեծարելու եմ նրանց. Բակո Սահակյան