«Գալակտիկա տրանս սերվիս» ՍՊԸ-ի համար նոր խոչընդոտ ե՞ն ստեղծում

ՀԺ-ն մի քանի անգամ անդրադարձել է Երեւան-Արմավիր երթուղային գծի հետ կապված խնդրին: Այսօր գիծը սպասարկող «Գալակտիկա տրանս սերվիս» ՍՊԸ-ի տնօրեն Շուշանիկ Խաչատրյանը ահազանգեց մեզ՝ նշելով, որ հերթական անգամ նոր խոչընդրոտներ են ի հայտ եկել երթուղու համար: Խնդրին ծանոթանալու համար այցելեցինք Երեւանի Հյուսիսային ավտոկայան, որտեղ «Գալակտիկա տրանս սերվիս» ՍՊԸ-ին պատկանող բոլորովին նոր «Մերսեդես սպրինտեր» միկրոավտոբուսները տրանսպորտի կապի եւ տեղեկատվական տեխնոլոգիաների նախարարության կողմից ստուգման էին ենթարկվում:

Խաչատրյանի խոսքով՝ նախարարության փոխադրումների քաղաքականության բաժնի պետ Դավիթ Մելքոնյանը ինչ-ինչ պայմաններով, որոշ ժամանակ առաջ, մի շարք տրանսպորտային գծեր է դասավորել որոշ մարդկանց համար, եւ հիմա փորձում է թերություններ գտնել բոլորովին նոր մեքենաների վրա, որպեսզի դրանց շահագործումը ձգձգվի:

Մելքոնյանը մեր զրույցում հերքեց այդ տեղեկությունները՝ նշելով, որ սովորական ստուգման ընթացակարգ է տեղի ունենում: 

«Մեր կողմից արհեստական խոչընդոտներ չեն լինելու այսուհետ»,- այս մասին մեր զրույցում ասաց տրանսպորտի, կապի եւ տեղեկատվական տեխնոլոգիաների փոխնախարար Արմեն Փամբուխչյանը, որը նույնպես եկել էր միկրոավտոբուսները տեսնելու:

«Չենք ուզում անձերի հարթության վրա տեղափոխել: Մենք ամեն ինչ փորձում ենք անել օրենքի սահմաններում: Իսկ օրենքի սահմաններում դիմումի համաձայն՝ «Գալակտիկա տրանս սերվիս»-ի ավտոբուսներն առանց ձգձգման, ընթացակարգով ստուգեցինք: Այնտեղ ստուգելու բան էլ չկար, մեքենաները ամբողջությամբ նոր են, այնտեղ չի կարող որեւիցե խնդիր առաջանալ: Վարորդների վարորդական իրավունքները ստուգեցինք, որը նույնպես օրենքի շրջանակներում է: Հիմա պետք է գնանք եւ նախապատրաստենք թույլտվության հրամանը: Այսինքն, ոչ մի խոչընդոտ չի կարող լինել»,- ասաց Փամբուխչյանը:

Հարցին, թե ինչ ժամկետներում է լինում այդ հրամանը, Փամբուխչյանը պատասխանեց. «Մեկ շաբաթվա ընթացքում: Մենք հիմա տեղեկանք ենք տալու, նա պետք է գնա ՃՈ-ից դեղին համարանիշներ վերցնի եւ վերջ: Ամեն ինչ կլինի առանց արհեստական խոչընդոտների»:

Մեր հարցին, թե այս ընթացքում նախարարությունը դիմե՞լ է ինչ-որ կառույցների՝ ընկերության աշխատանքը խոչընդոտող ապօրինի ուղեւորափոխադրումներ իրականացնող անհատ վարորդների հետ կապված, Փամբուխչյանը պատասխանեց. «Իհարկե, բոլոր կառույցներին` ոստիկանություն, ԱԱԾ, ՊԵԿ դիմել ենք եւ նրանք զբաղվում են: Ինչպես նաեւ տրանսպորտի տեսչությունը, որն արդեն գրեթե կազմավորվել է, նրանք նույնպես զբաղվելու են այդ խնդրով: Տեսչությանը դիմել ենք ոչ միայն այս խնդրի, այլ նաեւ ընդհանուր միջմարզային տրանսպորտային խնդիրների հետ կապված եւ նշել ենք, որ իրենց օգնությունը շատ անհրաժեշտ է»:

Հիշեցնենք, որ Արմավիր-Երեւան երթուղին սպասարկող «Գալակտիկա տրանս սերվիս» ՍՊԸ-ն արդեն տեւական ժամանակ բողոքում է, որ անհատ վարորդներն անօրինական կերպով ազդում են իրենց ուղեւորահոսքի վրա:

Տպել
2672 դիտում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը

Խախտումներ են արձանագրվել Սպիտակի բենզալցակայաններում ու շինանյութի առևտրի կետերում. ՇՎՏՄ մշտադիտարկումներ

Վ. Սարգսյանի անվան ռազմական համալսարանում հանդիսավորությամբ բացվեց Սբ. Մեսրոպ Մաշտոց եկեղեցին (լուսանկարներ)

«Մեգա Տեխնիկս»-ի պահեստում խոշոր հրդեհ է բռնկվել. հայտարարվել է «1-ԲԻՍ» կանչ, տեղում է եղել նախարարը (լուսանկարներ)

Արկը դեռ երկնքում էր, բայց տեղի բնակիչների տրամադրությունները բարձր էր, հումորներ էին անում․ Ղուկասյան

Հետազոտության մտնել լողացած եւ մաքուր շորերով. կրել դիմակներ՝ ինչպես օրինակում (լուսանկարներ)

Արդեն երկրորդ օրն անընդմեջ դիտարկվում են ՀՀ Կոտայքի մարզի զբոսաշրջային վայրերն ու բացօթյա հանգստի գոտիները

Վրաստան մուտքն արգելող որոշումը շարունակվում է ուժի մեջ մնալ. Ստեփանծմինդա-Լարսը բաց է միայն բեռնատարների համար

Իջևան-Բերդ ավտոճանապարհին մեքենան բախվել է էլեկտրասյանը․ տուժածներ չկան

ԵՊՀ հայ բանասիրության ֆակուլտետն իր անվստահությունն է հայտնել ծրագրերի և չափորոշիչների աշխատանքային խմբին

Հրշեջ-փրկարարները մարել են 7 հա տարածքում բռնկված հրդեհները

Վանաձորի բժշկական կենտրոն է դիմել 5 քաղաքացի՝ «սնկից թունավորում» նախնական ախտորոշմամբ

Երևանի Աղբյուր Սերոբի թիվ 1 շենքի բնակարաններից մեկում հայտնաբերվել է բնակչի դին