Անահիտ Ֆարմանյանը չի կալանավորվի. երաշխավորները ԱԺ պատգամավորներ Նաիրա Զոհրաբյանն ու Էդմոն Մարուքյանն են

14/09/2018 schedule19:20

Շիրակի պետական համալսարանի նախկին պրոռեկտոր Անահիտ Ֆարմանյանը դեռ հետախուզման մեջ է: Քննչական կոմիտեի Շիրակի մարզային քննչական վարչության Ախուրյանի քննչական բաժնում նրա նկատմամբ հարուցված է քրեական գործ ՀՀ քրեական օրենսգրքի 178-րդ հոդվածի 3-րդ մասի առաջին կետով (առանձնապես խոշոր չափերով խարդախություն), 179-րդ հոդվածի 2-րդ մասի 1-ին, 2-րդ, 3-րդ կետերով (յուրացնելը, կամ վատնելը, որը կատարվել է պաշտոնեական դիրքն օգտագործելով, մի խումբ անձանց կողմից նախնական համաձայնությամբ և խոշոր չափերով) և 179-րդ հոդվածի 3-րդ մասի 1-ին կետով (յուրացնելը կամ վատնելն առանձնապես խոշոր չափերով): Քրեական գործի հարուցման պահին նրա նկատմամբ որպես խափանման միջոց ընտրվել էր կալանավորումը:

Երկու օր առաջ, սեպտեմբերի 11-ին, ՇՄ դատախազությունը փոխել է ՇՊՀ նախկին պրոռեկտոր Անահիտ Ֆարմանյանի նկատմամբ ընտրված խափանման միջոց կալանավորումը: Նոր խափանման միջոց է ընտրվել անձնական երաշխավորությունը։ ԱԺ պատգամավոր Սամվել Ֆարմանյանի քրոջ՝ Անահիտ Ֆարմանյանի համար երաշխավորներ են հանդիսացել Ազգային ժողովի պատգամավորներ Էդմոն Մարուքյանն ու Նաիրա Զոհրաբյանը:

Հիմա, երբ կալանավորման վտանգ չկա արդեն, արդյո՞ք Անահիտ Ֆարմանյանը վերադարձել է Հայաստան, եթե չի վերադարձել, ապա երբ է գալու: ՀԺ-ի հարցին Ֆարմանյանի փաստաբան Տիգրան Ղազարյանն ասաց՝ տեղեկատվություն տալ չեմ կարող:

Ղազարյանը միաժամանակ տեղեկացրեց, որ այսօր ՇՄ առաջին ատյանի դատարանում կայացել է Անահիտ Ֆարմանյանի կողմից ներկայացված հայցի քննությունը՝ «Շիրակի Մ.Նալբանդյանի անվան պետական համալսարան» հիմնադրամի թիվ 96 հրամանը անվավեր ճանաչելու, նախկին աշխատանքին վերականգնելու և հարկադիր պարապուրդի ամբողջ ժամանակահատվածի համար միջին աշխատավարձը վճարելու պահանջների մասին:

Անահիտ Ֆարմանյանի փաստաբան Տիգրան Ղազարյանը ՀԺ-ի հետ զրույցում ասաց, որ դատարանը հեռացել է վճիռ կայացնելու: Այն կհրապարակվի սեպտեմբերի 24-ին: «Սա քաղաքացիական գործի մասով, իսկ քրեականը դեռ չենք քննարկում: Դրանք իրար հետ կապ չունեն»,-ասաց նա:

Այսինքն, սեպտեմբերի 24-ին պարզ կդառնա՝ արդյո՞ք Անահիտ Ֆարմանյանը կվերադառնա ՇՊՀ, թե՝ ոչ: Նշենք, որ չսպասելով աշխատանքից ազատված Ֆարմանյանի վերադարձին եւ դատարանի որոշմանը, ՇՊՀ-ում նրան բավարար չափով դասաժամեր հատկացվել են: Այս մասին օգոստոսի 31-ին մեզ հետ զրույցում ասել էր համալսարանի տնօրենի ժպ Երվանդ Սերոբյանը: Անահիտ Ֆարմանյանը մեղադրվում է առանձնապես խոշոր չափերով խարդախության, պաշտոնեական դիրքի օգտագործմամբ յուրացման ու վատնման մեջ:   

Հիշեցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Տպել
2879 դիտում

Արա Վարդանյանը կմնա կալանավորված. դատարանը հրապարակեց որոշումը

ԿԳՄՍ-ն վերահաստատում է բոլոր առկա հարցերը քննարկելու պատրաստակամությունը, հանդիպման օրակարգ կսահմանվի

Վազգեն Մանուկյանը՝ Դավիթ Շահնազարյանի, Ռուբիկ Հակոբյանի կողքին. Հանրային խորհրդի նախկին նախագահը համաժողով է հրավիրել

Նիկոլ Փաշինյանի որոշմամբ պաշտոնանկություն՝ առողջապահության նախարարությունում

«ԳեոՊրոՄայնինգ» ընկերությունը միանում է ՀՀ Կառավարության ՝ տնկել 10 միլիոն ծառ նախաձեռնությանը

Երկրաշարժի պատճառով անօթևան մնացած ընտանիքների բնակարանաշինության ծրագրին 6.5 անգամ ավելի գումար է հատկացվել․ Կարապետյան

Նիկոլ Փաշինյանը նոր ազատում-նշանակում է արել

Ֆուտբոլի եւս 4 հավաքական արդեն Եվրո 2020-ում է

Շիրակի մարզի դպրոցներում աշխատանքի չհաճախող աշխատակիցներ պահելու մի քանի դեպքերով հարուցվել են քրգործեր

Լուծվել է տան խնդիր՝ 25 տարվա սպասումից հետո

Ռոբերտ Քոչարյանի խափանման միջոցի հարցը քննած դատավորներից երկուսը հրաժարվել են թիկնապահներից

Արարատ Միրզոյանն ընդունել է պաշտոնական այցով Հայաստան ժամանած Ղազախստանի խորհրդարանի Սենատի նախագահ Դարիգա Նազարբաեւային

Ալեքսանդր Գրիգորյանը խիստ նեղացած է Հայաստանի ֆուտբոլի ֆեդերացիայից

Անհետ կորած 77-ամյա կնոջը դեռ փնտրում են

Թուրքիան դատապարտել է Սիրիայում հայ քահանայի սպանությունը

Խորենացի փողոցի տաղավարներից մեկում կասեցվել է թարմ մսի վաճառքը

Աններդաշնակ դաշնակիցները. ջնջել, անցնել հնին

20 միլիոնանոց բլեֆ. «ստորագրել են», որ չեն խոսի

Ապարանի ոստիկանները պետական-հասարակական ունեցվածքի գողություն են բացահայտել (տեսանյութ)

Զորամասերից մեկում անցկացվել է կրակային պատրաստության գործնական պարապմունք