Ես հպարտ եմ յուրաքանչյուրիդ աչքերի մեջ նայելով ասելու՝ մեր ու ձեր հացը հարամ չէ. վարչապետ (տեսանյութ)

Իմ Քայլը դաշինքը քարոզարշավի շրջանակներում այսօր Ավան վարչկան շրջանում էր: Ցերեկը Ավանում շրջելուց, բնակիչների հետ զրուցելուց հետո երեկոյան այստեղ մեկնարկեց հանրհավաքը: Դաշինքի քաղաքապետի թեկնածուն կետ առ կետ ներկայացրեց իրենց ծրագրային դրույթները, որին հաջորդեց վարչապետ Նիկոլ Փաշինյանի ելույթը:

«Գարնան այդ օրերին հացի ամեն պատառը կուլ տալիս ինձ համակում էր այն միտքը, որ ես ուխտ եմ կնքում ժողովրդի հետ»: Այսպես սկսեց իր ելույթը Ավանում ՀՀ վարչապետ Նիկոլ Փաշինյանը:

«Մենք հավատավոր ժողովուրդ ենք ու հացը մեզ համար առանձնահատուկ նշանակություն ունի: Ես, այստեղ կանգնած, ուրախ եմ ասել, որ այդ հացի ուխտը կատարվել է, պայմանը պահվել է եւ այդ հացը հարամ չի արված ու հայ ժողովու՛րդ, դու հաղթել ես:

Այդ ուխտը այսօր նոր փուլ է մտնում, այն գոյություն է ունենալու հավիտյան, որովհետեւ ՀՀ-ում այլեւս լինելու է միայն ժողովրդին սիրող, ժողովրդի առաջ խոնարհվող իշխանություն եւ սա այլընտրանք չունի: Այդ ուխտը այսօր նորոգվում է եւ նոր թափ է ստանում: Խնդրում եմ՝ նայեք ձեր շուրջը, տեսեք՝ ովքեր են այս հավաքի առնվազն կեսը՝ երեխաներ, որոնք ընդհանրապես ընտրող չեն, ձայներ չունեն այս ընտրություններում, բայց այս երեխաները ՀՀ-ում արել են հեղափոխություն եւ եկել են, որ իրենք ասեն, որ իրենք հայտարարեն, որ իրենք որոշումներ ունեն, այսօր մենք չենք խոսում այսօրվա մասին, այսօր մենք չենք որոշում այսօրը, եւ այսօր այս երեխաներինն է ընտրությունը եւ այս երեխաներինն է ապագան:

Չի կարող որեւէ մեկը աշխարհի որեւէ ծայրում կասկածի տակ դնել այս երեխաների ապագան, փորձել այն գողանալ: Բոլոր այդ կասկածողներին մենք ոչ թե ասֆալտներին կպառկեցնենք, այլ նրանց պատերով կտանք, պատերո՛վ:

Երեւի թե ամեն օր Հայաստանում քաղաքական օրակարգն այնքան լեցուն է ասելիքով եւ այսօր էլ ես մտածում էի, որ բազմաթիվ ասելիքներ կունենամ, բայց չեմ ուզում ասել ավելին, որովհետեւ ցանկացած ասելիք կքողարկի նախորդ ասածիս իմաստը:

Ես ուզում եմ այսօր ուղիղ նայել հեղափոխության գարնանային այդ օրերին մեզ հաց հյուրասիրած բազմաթիվ հայրենակիցների աչքերի մեջ, ոչ միայն Ավանում, այլեւ հանրապետության ողջ տարածքում, որովհետեւ մենք երկրի ամեն անկյունում հացով, պայքարով ու համերաշխությամբ ուխտ ենք կնքել ՀՀ ամեն քաղաքացու հետ, սրբազան ուխտ, ես այսօր հպարտ եմ յուրաքանչյուրիդ աչքերի մեջ նայելով ասելու, որ ձեր ուխտը դրժված չէ, մեր ու ձեր հացը հարամ չէ ու հարամ արված չէ: Եվ ձեր հացի սրբությունը պահպանվելու է, քանի դեռ իմ սիրտը բաբախում է, եւ ես ձեզ դա չեմ երդվում, ես դա ձեզ խոստանում եմ, մենք ապացուցեցինք, որ մեր այո-ն այո է, իսկ ոչ-ը՝ ոչ: Թող լսեն բոլորը, մենք ո՛չ ենք ասել կոռուպցիային, թալանին, կեղծիքին, ստին, շողոքորթությանը, ու այո ենք ասել այս սերնդին ու նրանց ապագային, Հայաստանի քաղաքացուն:

Մենք մեր զոհերի գերեզմաններին ենք խոստացել, որ Հայաստանը լինելու է ազատ, հզոր, երջանիկ եւ այս երեխաների հաղթանակը որեւէ մեկը չի համարձակվի հարամ անել, Հայաստանը, այո, լինելու է ազատ, հզոր, երջանիկ:

Եվ ուրեմն, կեցցե՛ Հայաստանը, կեցցե Հայաստանի Հանրապետությունը, կեցցե՛ Երեւանն ու Արցախի Հանրապետությունը եւ կեցցե՛ն մեր երեխաները, որ ապրելու են ազատ եւ անկախ հայրենիքում:

Ես համոզված եմ, որ սեպտեմբերի 23-ին ՀՀ քաղաքացին վերակնքելու է մեր ուխտը եւ իր ձեռքով նշան է դնելու այս քաղաքական ուժի դիմաց, քվեարկելու է 7-րդ համարի օգտին՝ Իմ Քայլը դաշինքի»,-ասաց վարչապետը:

Ելույթի ավարտին, հեռանալիս, ամեն անգամվա նման նրան ուղեկցեցին հարյուրավոր երեխաներ, նրա հետ ողջագուրվեցին ու լուսանկարվեցին հարյուրավոր մարդիկ, այնուհետ եզրափակիչ ելույթով կրկին հանդես եկավ քաղաքապետի թեկնածու Հայկ Մարությանը:

Տպել
2986 դիտում

1 օրում գրանցվել է խոտածածկ տարածքներում բռնկված 34 հրդեհ

Խաչիկ գյուղում բռնկված հրդեհը մարվել է. այրվել է մոտ 52.2 հա խոտածածկ տարածք

Վարչապետը Լոս Անջելեսում հանդիպել է Կալիֆորնիայի հայ համայնքի կառույցների ղեկավարներին

Մեր ընթացիկ խնդիրը հայեցկարգային եւ գաղափարական առումով Հայաստան-Սփյուռք սահմանները վերացնելն է․ վարչապետ

Թող 98թ․-ից առաջ միլիոններ կուտակեին, առյուծներ քշեին. Փաշինյանը՝ Քոչարյանի եւ Սարգսյանի շնորհավորական ուղերձների մասին

Լինելով ԱԱԾ տնօրեն՝ նա հայտարարություն է անում գերագույն հրամանատարի դեմ․ սպայի պատվին դրանից մեծ անարգանք չկա․ վարչապետ

Աղմկոտ միջադեպի գործով Վայոց Ձորի մարզպետի օգնականը կալանավորվել է

«Հյուսիս-Հարավ»-ի գործով մեղադրյալ, «Մուլտի Գրուպ» կոնցեռնի տնօրենը 20 մլն դրամ գրավի դիմաց ազատ է արձակվել

Կդադարեցվի Ծաղկաձորի մի շարք օբյեկտների եւ Արագածոտնի մի շարք գյուղերի գազամատակարարումը

Արարատի մարզում աղջկա համար վիճաբանությունն ավարտվել է դանակահարությամբ. 2 անձ տեղափոխվել է հիվանդանոց. Shamshyan.com

Կրակել են կարմիրգրքյան Սեւ արագիլի վրա, որից Հայաստանում ընդամենը վեց զույգ կա. Նաիրա Զոհրաբյան

Մանվել Գրիգորյանը պաշտոնը դադարեցնելիս 6 անշարժ գույք եւ 9 ավտոմեքենա ավելի է ներկայացրել, քան պաշտոնը ստանձնելիս

Վարչապետ Նիկոլ Փաշինյանն արդեն Լոս Անջելեսում է

Կապանում 3 կգ-անոց գազի բալոնից տեղի է ունեցել գազի արտահոսք՝ հրդեհի բռնկմամբ․ մի քաղաքացի այրվածքներ է ստացել

Այսօր ցրտել է, սակայն առաջիկա օրերին զգալի տաքանալու է․ Գագիկ Սուրենյան

Հրշեջ-փրկարարները մարել են մոտ 59.5 հա խոտածածկ տարածք ընդգրկող 47 հրդեհ

Մեղադրանք է առաջադրվել «Վերածնունդ» միջազգային մրցույթ-փառատոն» ՀԿ նախագահին

Մարտի մեկը պետք է քննություն անցնի, ես կարծեմ 2009-ին ցուցմունք չեմ տվել. Խաչատուր Սուքիասյան

«Ամուլսարի հանքի շահագործմանը փայլուն եմ վերաբերում». Խաչատուր Սուքիասյան

Պետք է զարգացնենք հայոց պետականության նվիրական արժեքը. Արման Թաթոյան