Մեկը գնում է ԿԳԲ, մեկը՝ միլիցիա, երրորդը՝ Արմենտել. Շիրազը կարմիր ասֆալտի երես չի տեսնի

Տեւական դադարից հետո Գյումրու Շիրազի փողոցում շինարարական աշխատանքները վերսկսվել են: Դրանք կանգ էին առել Թավշա հեղափոխությանը հաջորդած ամիսներին եւ գրեթե 100 տոկոսանոց վստահություն կար, որ երբեւէ չէին էլ վերսկսվելու: Միայն թե նախկին իշխանությունների օրոք մեկնարկած այս լայնածավալ աշխատանքը կրիայի քայլերով է առաջ գնում:Շիրազի փողոցը Կումայրի պատմական միջուկի առանցքային հատվածներից է եւ ի սկզբանե որոշված էր կառուցել Ռուսթավելիի նման կամ ավելի լավը: Այդ որոշումն ընդունվել էր նախկին իշխանությունների օրոք եւ հենց այդ փողոցի վրա էր, որ սեփականություն ձեռք բերեց նախկին վարչապետ Կարեն Կարապետյանը: Կարապետյանի առանձնատունն արդեն պատրաստ է, փողոցը, սակայն, ավերակ եւ դեռ երկար ժամանակ կմնա այդպիսին:

Ամբողջ ամառ քանդված մնալուց հետո Շիրազի փողոց շինարարը միայն սեպտեմբերին մտավ: Մերձմոսկովյան ԲԲԸ-ն ներկա պահին գրունտային աշխատանք է իրականացնում: 25 0մ առաջ են գնացել, 7 մետր լայնքով եւ 54 սմ խորությամբ փորման աշխատանքներն արել, կանգ են առել: Շինկազմակերպության աշխղեկ Ռուդիկ Հովհաննիսյանն ասում է՝ մեղավորն իրենք չեն: Ինժեներական ցանցերի հետ կապված անլուծելի հարց կա:«էնտեղ կաբելային հարցեր կան, գրունտի իջեցում կա, հանգույցներում կաբելները խանգարում են: Դրանք ոչ թե սովորական, այլ ստրատեգիական նշանակություն ունեցող կաբելներ են: Դրանք գնում են վայեննի չաստեր, գնում է ԿԳԲ, գնում է միլիցիա, ինտերնետ, Արմենտել, ո՞ր մեկն ասեմ, հսկա կաբելային համակարգ է, դիտահորը բացում ենք, գնա՝ գալիս եմ, որը ուր է գնում չես հասկանում: 10-12 հատ կաբել կա: Եթե կպանք ու մի հատ թեթեւակի կաբելի անջատում եղավ, հանրապետությունով մեկ լուրջ խնդիր կլինի»,-ՀԺ-ի հետ զրույցում ասաց աշխղեկը:Բայց այդ դիտահորերն արագ իջեցման կարիք ունեն, քանի որ առանց այդ աշխատանքն անելու շինարարը չի կարող շարունակել իր աշխատանքը: Դրանք հին դիտահորեր են եւ շատ բարձր են կառուցված, մնում են շարվելիք եզրաքարերից վերեւ,-ասաց աշխղեկը:Ընկերությունը շտապում է, քանի որ սեպտեմբերը Գյումրու համար շինաշխատանք սկսելու ամիս չէ: Այստեղ ցուրտն արագ եւ կտրուկ է վրա հասնում: Աշխատանքների վերջնաժամկետ է սահմանված դեկտեմբերը, բայց որ անձրեւները սկսվեցին, ոչինչ անել չեն կարողանա շինարարները:Ինժեներական ընկերություններից բացի իր աշխատանքը չի կատարում նաեւ «Վեոլիա ջուր»-ը: Փողոցին հարակից սեփական տների հին կոյուղագծերը չի միացնում նոր կառուցված համակարգին, ինչի հետեւանքով էլ ճանապարհաշինարարական աշխատանքներն այդ հատվածներում եւս անհնար է շարունակելը: «Ջրմուղը պետք է անի, ինքն է կուրսի մեջ: Պետք է վաղուց անեին, քանի դեռ ճանապարհաշինարարը չէր մտել փողոց: Հիմա մտել է, էդ լյուկերը պետք է հեռացվի, որովհետեւ դրանք հատում են եզրաքարը: Դրանք պետք  է հանվեն, որ կարողանանք հավասարաչափ կառուցել փողոցը: Բայց ոչ գալիս են, ոչ էլ գործ են անում»:Իր աշխատանքն այստեղ ամբողջությամբ ավարտել է էլցանցը: Հենասյուներն ու կախված բոլոր լարերը հանված, հեռացված են: Այս աշխատանքներն իրականացվում են Համաշխարհային բանկի ֆինանսավորմամբ: Երբ այս փողոցը որոշվել էր կառուցել, հստակ պահանջ էր դրվել՝ ունենալ կարմիր ասֆալտ: Դրան ի սկզբանե դեմ էր քաղաքապետ Սամվել Բալասանյանը, ով պնդում էր, որ կարճ ժամանակ անց կարմիրը կեղտոտվելու, մոխրագույն է դառնալու, ուստի կարիք չկա մեծ ծախս անել, մի քանի ամիս կարմիր ասֆալտ ունենալու համար: Այսօր արդեն հստակ է՝ Շիրազը կարմիր ասֆալտի երես չի տեսնի: Ճանապարհաշինարարն այն կասֆալտի դասական սեւով:Շիրազի փողոցի հակառակ ծայրում, որը քանդված է, սակայն դեռ ճանապարհաշինարարի ուշադրությանը չի արժանացել, այլ խնդիր է ծագել: Պատմական փողոցը երկարությամբ աղբանոցի է վերածվել: Դեռ անցյալ տարվանից քարուքանդ եղած փողոցի փոսերում հայտնված  եւ կուտակված աղբից ե՛ւ գարշահոտություն է տարածվում ՛եւ պոմիդոր է աճում:

 

Տպել
5011 դիտում

Վարչապետը Մասիսում ներկա է գտնվել Ֆրանկոֆոնիայի զբոսայգու և ընտանեկան մարզահամալիրի բացման արարողությանը

Հանուն ձեր մայրերի և քույրերի, եղե՛ք միմյանց նկատմամբ խնամքով, պատասխանատու և զգոն. Աննա Հակոբյանը՝ զինծառայողներին

Ավարտվեց Կոպա Ամերիկա 2019-ի խմբային փուլը

Իտալիան կընդունի 2026 թ. ձմեռային օլիմպիական խաղերը. ՄՕԿ-ը 925 մլն դոլար կտրամադրի

ՀՀ-ն Վրաստան-Ռուսաստան լարվածությունը հանելու համար պատրաստ է երկկողմ օդային ուղեւորափոխադրում իրականացնել. Ճաղարյան

Ստորագրվել է 35 որոշում՝ մաքսային գործի տարբեր բնագավառների վերաբերյալ. ՊԵԿ

Էլմար Մամեդյարովի պնդումները չեն համապատասխանում իրականությանը. ԱԳՆ-ի արձագանքը

Առաջիկա օրերին շրջանների զգալի մասում սպասվում է անձրեւ եւ ամպրոպ

Ռուսաստանը վերադարձավ ԵԽԽՎ, դեմ հանդես եկող երկրները չեն պատրաստվում հանձնվել․ Ն. Զոհրաբյան

23-ամյա աղջիկը վիճաբանության ժամանակ իր մոտ եղած դանակով հարվածել է ընկերոջը

Զոհրաբ Մնացականյանը հանդիպել է Կարմիր խաչի միջազգային կոմիտեի նախագահ Պետեր Մաուրերի հետ

Նիկոլ Փաշինյանն ընտանիքի հետ հանգստացել է Լաստիվերում. վարչապետը զիփլայն է նստել

Մինսկ-2019. բադմինտոնի խաղում միակ ներկայացուցիչ Լիլիթ Պողոսյանը մեկնարկեց պարտությամբ

Ռուսթավելիի պողոտայում ՆԳ նախարար Գախարիայի կիսանդրին են տեղադրել՝ աչքին վիրակապով

«Հրազդան» ՀԷԿ-ի թիվ 3 ջրանցքում հայտնաբերվել է ջուրն ընկած 9-ամյա երեխայի դին (տեսանյութ)

Նորքի 9-րդ զանգվածի մոտակա ձորակում տնակներ են հրդեհվել

Թուրքիան շարունակում է բացահայտ արհամարել միջազգային կարծիքը և պատմական իրականությունը

Թբիլիսիի իրադարձությունների ժամանակ ձերբակալված ՀՀ քաղաքացի Մինաս Մինասյանն ազատ է արձակվել. ՄԻՊ

Վերին Լարսում գտնվող ՀՀ քաղաքացիները նշում են ուղևորներից մեկի ծնունդը (տեսանյութ)

Նախկիններն իրականում շատ կեղտոտ ծուղակ հյուսեցին Սահմանադրության մեջ, հանգուցալուծումն ԱԺ տիրույթում է․ Ս․ Սաֆարյան