Մենք գլուխներս կախ չենք ստորագրի ամեն մի փաստաթուղթ եւ չենք սեղմի ամեն մի կոճակ. Արման Աբովյան

«Մենք գլուխներս կախ չենք ստորագրի ամեն մի փաստաթուղթ, եւ չենք սեղմի ամեն մի կոճակ` դա միանշանակ»,- այս մասին ՀԺ-ի հետ զրույցում ասաց ԲՀԿ ավագանու ցուցակի 3-րդ հորիզոնականը զբաղեցնող Արման Աբովյանը:

- Պարոն Աբովյան, ինչպե՞ս եք գնահատում Երեւանի ավագանու արտահերթ ընտրությունների արդյունքները:

- Տրամաբանական:

- Այսինքն՝ սպասելի՞ էր այս արդյունքը:

- Նայած՝ ինչ ենք մենք անվանում արդյունքի տակ: Եթե մենք անվանում ենք արդյունքը հանրաքվեն, որովհետեւ Երեւանի քաղաքապետի ընտրությունը փաստացի վերածվեց վստահության հանրաքվեի`իշխանություններին, ապա՝ այո: Եթե մենք վերցնում ենք, որպես դասական քաղաքապետի ընտրություն, դասական չեղավ, այլ եղավ որոշակի վստահության հանրաքվե:

-  Ի՞նչ եք կարծում, ո՞րն էր պատճառը, որ երեւանցին իր քվեն չվստահեց ձեր ուժին:

- Իսկ ո՞վ ասեց, որ չվստահեց: Ես եւս մեկ անգամ կրկնում եմ՝ այստեղ պայքարը չէր գնում ուժերի միջեւ՝ ավագանու ընտրությունների հետ կապված: Փաստացի, հանրաքվե էր անցկացվում այն ուժին, որը այսօր իշխում է Հայաստանում: Մենք միշտ էլ հայտարարել ենք, որ միշտ եղել ենք ժողովրդի կողքին:

- Ավագանու շրջանակներում պատրաստվո՞ւմ եք իշխանությունների հետ համագործակցել:

- Ես ձեզ հիշեցնեմ մի պարզ բան, մենք մինչ ընտրությունները հայտարարել ենք, որ չենք պայքարում իշխանության համար: Մարդիկ գալիս են իշխանության` մենք գալիս ենք աշխատելու: Համագործակցության կամ չհամագործակցության հարց կանգնած չէ: Մենք անելու ենք ամեն ինչ, ինչը բխում է երեւանցիների շահերից: Մենք գլուխներս կախ չենք ստորագրի ամեն մի փաստաթուղթ, եւ չենք սեղմի ամեն մի կոճակ` դա միանշանակ:

Դրա հետ մեկտեղ՝ քննադատել միայն քննադատելու համար եւս չի լինելու: Լինելու է նորմալ աշխատանքային ընթացք: Ես կարծում եմ՝ դա է ամենակարեւորը: Երեւանցուն բնավ հետաքրքիր չեն հեռանկարային քաղաքական ուժերի նկատառումները: Երեւանցուն հետաքրքրում է՝ երբ են այս աղբակույտերը վերանալու, երբ են վերելակները վերանորոգվելու եւ այլն:

- Նաիրա Զոհրաբյանը գալո՞ւ է ավագանի, թե ԱԺ-ում է մնալու:

- Ճիշտն ասած՝ առայժմ դժվարանում եմ պատասխանել: Համենայնդեպս, հստակ կարող եմ ասել, որ մենք ներկայացված ենք լինելու ավագանու կազմում:

Հիշեցնենք, սեպտեմբերի 23-ին կայացած Երեւանի ավագանու արտահերթ ընտրություններում ձայների ճնշող մեծամասնությամբ` 81.06 տոկոս, հաղթող ճանաչվեց «Իմ Քայլը» դաշինքը: Երկրորդը «Բարգավաճ Հայաստան» կուսակցությունն է՝ 25 219 կամ 6.95 տոկոս ձայնով, իսկ երրորդը՝ «Լույս» դաշինքը՝ 18 122 ձայն կամ 4.99 տոկոս ձայնով։ Այս երեք ուժերն ընդգրկվում են Երեւանի ավագանու նոր կազմում: Չնայած «Լույս» դաշինքը չի հաղթահարել 8% անցողիկ շեմը, սակայն օրենքի ուժով Երեւանի ավագանու կազմում պետք է ընդգրկված լինի նվազագույնը 3 քաղաքական ուժ:

Տպել
4795 դիտում

Փրկարարներն արգելափակումից դուրս են բերել ավտոմեքենաները

Անցնող շաբաթ հակառակորդը արցախա-ադրբեջանական հակամարտ զորքերի շփման գոտում հրադադարի ռեժիմը խախտել է շուրջ 220 անգամ

ՊԵԿ նախկին նախագահ Գագիկ Խաչատրյանին կանչել են Ազգային անվտանգության ծառայություն

ՀՀ ԱԳՆ Զոհրաբ Մնացականյանը հանդիպել է Միացյալ Թագավորության Եվրոպայի եւ Ամերիկայի հարցերով պետնախարար Ալեն Դանքնի հետ

Երեւանի Նոր Նորք վարչական շրջանում շղթայական ավտովթար է տեղի ունեցել

Երկրապահը պետք է լուծարվի․ Ժիրայր Սեֆիլյան

Զոհրաբ Մնացականյանը հանդիպել է Եգիպտոսի արտաքին գործերի նախարար Սամեհ Հասան Շուքրիին

ՀՀ տարածքում կան դժվարանցանելի ավտոճանապարհներ․ Վարդենյաց լեռնանցքում մառախուղ է

ՀՀ ՊՆ Դավիթ Տոնոյանն աշխատանքային այցով ժամանել է Արաբական Միացյալ Էմիրություններ

Յուրացման խոշոր դեպք է բացահայտվել Գեղարքունիքի Ջիլ համայնքում (տեսանյութ)

Խորհրդակցություն ԱԻՆ-ում. Շիրակի մարզում կկառուցվեն նոր հրշեջ-փրկարարական ջոկատներ

Արմեն Սարգսյանը հանդիպել է Ալբանիայի նախագահի հետ

«Հումորի լիգայի» լավագույն թիմերը հանդես կգան ներկայացմամբ

Դիմակները պատռելու ժամանակը. խմբագրական

Մանվել Գրիգորյանի պաշտպանը դադարեցնում է պաշտպանությունը զինվորի հացը յուրացնելու մասով

«Բոհեմ» թատրոնը նորամուծություն ունի, որով, ըստ Դուրյանի, առաջինն է ՀՀ-ում

Հրշեջները մարել են Երևանի Սեբաստիայի փողոցում բռնկված հրդեհը

Ավետիք Իսահակյանի անվան գրադարանը կընդլայնվի. ամեն օր մինչեւ 1500 այցելու է ունենում

Ռուսաստանաբնակ բժիշկ Գեւորգ Ստեփանյանի խափանման միջոցը փոխվել է

Ստաս Միխայլովը երեւանյան համերգի ընթացքում խոստանում է անակնկալներ